韓國36歲女神全智賢同老公崔俊赫結婚多年都好恩愛，去年2月全智賢為老公誕下慈姑椗後，今年6月就宣佈再度懷孕，預產期喺下個月。
現時懷有約8個月身孕嘅全智賢早前同老公嚟咗香港旅行，日前已返回韓國養胎，不過二人繼續恩愛，日前喺韓國又被拍得拍拖撐枱腳，當日有網民就上載全智賢同老公食西餐照片，而近日網民就再上咗兩張二人約會照，而照片嘅拍攝日同二人撐枱腳屬同一日，只見全智賢過馬路時全程蹺實老公，認真sweet到爆。
(Apple Daily / ON.CC)
梁詠琪（GiGi）經常與囡囡Sofia在家玩小勞作或廚飯仔，GiGi今日在社交平台上載照片，她帶Sofia走出戶外，一齊賞雪景之餘，更讓囡囡與身邊人玩掟雪球，只見Sofia玩得相當興奮，唔怕手仔凍凍，手搓好雪球就掟出去，而GiGi就在身後睇住，享受這次親子樂趣。
GiGi開心用英文留言：「I have a snowball !! #snowballfights #snow #doyouwanttobuildasnowman #mylittlesofia」
梁詠琪帶囡囡Sofia出街玩掟雪球。(網上圖片)
梁詠琪與囡囡Sofia曾在家玩廚飯仔。(網上圖片)
亦有網民大讚Sofia「长得越来越像妈妈！」
(明報 / Instagram)
去年為老公誕下一女的名媛邢嘉倩現身慈善午宴，現場所見她肚凸凸，疑懷有第二胎。
她受訪時承認懷孕三個月，問到是男仔還是女仔，她說：「我唔想知住。（想驚喜？）係。（想仔定女？）冇特別想。（老公呢？）佢都冇所謂。（係咪都咁興奮？）會，攰啲。（有冇睇定BB用品？）冇乜，用番囡囡嗰啲。」
恭喜哂！
(on.cc東網)
藝人羅敏莊（Mimi）到沙田出席亮燈晚會，老公陳國邦及女兒陳禛到場支持。陳國邦謂不論自己或是Mimi出席活動，全家人都會到場支持。
Mimi透露囡囡下周五開始放聖誕假，問到會否到外地旅行，她透露將到曼谷兩星期，早前於當地置業的Mimi笑說：「我當返鄉下，同埋我怕凍，依家香港嘅天氣都覺得凍。（過埋今個月30號生日先返香港？）唔係，因為31號係搵錢嘅日子。」
問到陳國邦會如何為太太慶祝生日，他笑說：「我哋兩個連結婚周年紀念都唔記得。」Mimi亦說：「所以平時都冇乜慶祝，都係啲朋友係社交網站提我。」至於陳國邦會否親自下廚煮生日飯，Mimi笑言：「如果係佢煮我會驚，哈哈！」
藝人吳綺莉（Elaine）出席慈善步行活動，她表示近年都習慣早起，雖然主持工作較多在下午，但平日都會早起身。談到她心情甚佳，她說：「ok，係要適應嘅，依家喺屋企露台種菜，啲生菜都種得成功，仲有茄子、辣椒仔咁！」
問到可有與女兒卓林聯絡？她表示最近沒有，但大家都知道對方安全，至於可有擔心對方？她表示：「要適應嘅，件事都差唔多成年，依家都慣咗喇！（搬走一年？）搬走嘅話，都差唔多半年！」
唔敢諗聖誕一齊過
至於聖誕節可會約卓林一齊慶祝，她表示隨緣，一切順其自然，亦沒有去想會否一齊過聖誕，因為不想失望，並謂現在的生活，似是未生小朋友的生活而開心，至於可有以自己18歲時的心態與卓林溝通？她說：「年代唔同啦，小朋友都唔一樣，諗嘅嘢都唔同！」
講到早前卓林從家中拿走物品，她報警求助，卓林後來向她承諾會歸還，問到物品是否已歸還？她未有正面回答：「朋友好好，叫我買過晒，唔好成日着嗰幾件！（卓林上次send message畀你話會還？）唔去諗啦，諗一啲決定唔到嘅嘢，都無謂！」至於可有到警局銷案？她則表示不回應。
(on.cc東網)
韓國男星宋仲基於10月31日與宋慧喬結婚，於亞洲受到極大關注，宋仲基於月初再度來港，為《MAMA音樂頒獎禮》擔任主持，當時有傳老婆宋慧喬將一同來港，但最後未見其蹤影。
而一向十分喜歡女歌手IU的「雙宋」，今日便一同拍拖去睇IU的首爾場演唱會，據目擊他們的粉絲表示兩人一直展現燦爛笑容，看來十分享受演唱會，宋仲基亦有戴着婚戒。此外，今晚IU首場首爾騷有G-Dragon做嘉賓，他表示患上感冒，聲音狀態不好，望觀眾見諒。
From:微博/lcemelody
(ON.CC / SINA)
鄭萃雯（Karen）日前帶同快將2歲嘅孖仔、哥哥卓言及弟弟卓喬接受《蘋果》訪問，一對孖B超似樣，但性格各有不同，弟弟性格明顯較活躍，Karen話轉工後最開心係多咗親子時間，小朋友亦比以前乖。
然而，Karen承認，決定辭去主播一職確有不捨，但為咗家庭及小朋友都要作出選擇，「以前公司都好好，話就我時間，但我覺得對其他同事唔公平，人人都有家人，以前我成日要將小朋友放喺媽咪屋企，會好多嘢擔心，又驚佢哋冇新鮮母乳，佢哋又有濕疹，怕佢哋狂抓，又怕媽咪半夜要照顧會好辛苦。」
問到Karen生孖B有冇打亂計劃？她即笑言：「都有呀！本來都想有2個，老公仲話3、4個，但o依家生咗孖要封肚喇！」
Karen透露，老公家族都有孖胎紀錄，但一直未有為意，做產檢時都嚇咗一跳，佢更形容生B後首3個月係人生最黑暗嘅日子：「好地獄㗎，小朋友兩個鐘飲一次奶，每次循環咁做，得半個鐘休息，好似癲婆咁，冇一份工比阿媽辛苦，所以奉勸想生孖嘅要諗清楚。」
講到新工作，Karen即眉飛色舞，更認為轉工係緣份，新老闆都係以前做記者負責醫療新聞時認識嘅人：「離開大台後，醫療界朋友都問我有冇興趣喺一個平台講下醫療知識，用一個新嘅模式去等人接觸多啲，所以o依家去咗一間醫療公關度做，主要做啲拍片同production工作，都幾得意。」
Karen表示，她已經開咗facebook專頁，現時着手聯絡一啲醫生，希望可以邀請佢哋講關於唔同疾病嘅資訊。
(蘋果日報)
眾所周知，女兒係爸爸嘅前世情人，成日都會搞到媽媽們呷醋，不過原來囝囝都會令阿媽冇碇企！
就好似藝人林盛斌（Bob）咁，今日Bob嫂（Pearl）喺Instagram上載咗張合照，就係兩父子瞓喺大床，每人一個床位，霸晒張床，Bob嫂變咗第三者咁，完全被排斥冇覺好瞓，搞到佢留言話：「而（依）家點先？兩個林生霸曬（晒）張床」
相中嘅阿Bob同囝囝仲要「神同步」，一樣嘅睡姿滿載溫馨，網民都大讚可愛！
另外，阿Bob日前就上載老婆幫大女霏霏剪腳甲嘅相，見到霏霏瞓喺梳化上面露痛苦，而另外兩個女就喺旁邊「食花生」，阿Bob笑言：「每次見到佢哋是但一個剪腳甲我都覺得好正，醫生負責做手術，其餘家屬在旁安慰……」
有網民都問點解咁大反應，仲笑言「似生仔多啲」！
(on.cc東網)
前藝人倪詩蓓最近就留港專心照顧患有嚴重自閉症嘅仔仔Royce，雖然好辛苦，但倪詩蓓為咗仔仔佢覺得一切都值得，絕對係好媽媽！
倪詩蓓自回港後，都不時喺網上同大家分享受同仔仔嘅生活點滴，好似今日佢就幫仔仔剪頭髮，仲上載至社交網，並留言：「今早要變身理髪師和同寶寶剪個靚髪。」見到詩蓓剪得有板有眼，相信一定成日幫仔仔剪頭髮喇！剪完頭髮，詩蓓又再上載同仔仔散步同食晚餐嘅相，有咁好嘅媽媽，難怪見到其中一張相Royce都搭住媽媽，相當溫馨！好多網民都大讚詩蓓係全能媽媽，會全力支持咁話添！
(ON.CC)
徐榮今日同埋細女徐心怡（包包）一齊去到馬鞍山為繪畫學校宣傳，徐榮同包包用蔬果畫畫，為小熊同聖誕樹上色。
徐榮話之前有監製想搵包包拍劇，佢話：「拍電視劇時間太長，佢o依家得兩歲，中間時間都要瞓覺，唔想令佢辛苦。」
徐榮指10歲大仔聖誕會到日本沖繩踢足球比賽，佢話：「大仔比較獨立，七歲開始已經自己出去外地比賽，唔使照顧。」
徐榮之前帶埋包包去張達倫屋企探BB，佢話包包好識照顧人，問到會唔會生多個，徐榮話：「太太封肚，叫張達倫再生啦，我冇錢呀。」
(蘋果日報)
