有咗超過四個月嘅熊黛林(Lynn)已約一個星期冇更新社交網，今午上載自拍照，個樣都好似幾慘慘，仲有啲無奈feel，唔通俾老公郭可頌恰!?
原來係佢鄰居要裝修屋企，搞到大肚婆Lynn瞓唔到覺，而且陀第一胎又驚驚，佢搵咗一個攬枕放喺孕肚上用嚟隔音。
佢寫道：「唉……樓上裝修，天天鑽牆，媽媽是鐵定休息不好了，只能在肚子上放個厚厚的抱枕，希望能隔點音，讓寶寶可以好好休息了。」話晒陀第一胎，當然會比較緊張喇!
(蘋果日報)
【偷食糖受罰超大打擊】Simsim嘟嘴語無倫次超可愛：對唔住電話
藝人陸永嘅囡囡大女陸一穎（Hannah）同細女陸一心（Simsim）向來都係一班網友嘅寵兒，事關佢哋兩個完全遺傳咗爸爸嘅搞笑基因，經常引發出不同嘅笑料。
陸永嘅太太Reina今日就喺社交網站上載咗細囡Simsim嘅短片，事源Simsim偷食糖，所以被罰一個月內冇糖食。一聽見冇糖食Simsim梗係唔開心啦！所以就出盡九牛二虎之力去求媽咪，不過Reina就似乎唔多受，而陸永見到囡囡咁樣，都忍唔住笑Simsim「語無倫次」。
片段可見，Simsim瞓咗喺張床上面話自己偷食糖，所以就畀媽咪罰冇得食糖。講到冇糖食Simsim表現得相當委屈，之後仲擰轉身遮住自己，好似想喊咁添！頭先明明好似想喊，但係轉個頭就去攬到媽咪實一實，而且仲嘟起個嘴仔，勢要氹掂媽咪畀佢食糖。
Reina當然冇咁容易就範，仲話：「冇得食呀！唔會畀你食」，Simsim知自己失敗咗所以成個人攤咗落床。唔少網民都話Simsim好搞笑，仲話佢好有做喜劇嘅天分。
之後Simsim繼續話想食糖，仲係咁話：「下次冇得食，下次可以食」，當佢一聽到陸永話一個月內冇得食糖，佢即時話：「一個月內即係一次囉！」不過Reina就同佢解釋，一個月內即係聖誕節之後再之後，Simsim聽到呢個咁可怕嘅消息，都忍唔住掩面大叫，佢仲話「對唔住電話。」
睇嚟冇糖食對Simsim嚟講真係好大打擊，難怪陸永會笑囡囡「語無倫次」。
網民就話：
19xxx1pp：對唔住啊，電話。哈哈哈XDDDD Simsim真係好搞笑！
karxxxxan91x：你錫啖papa咪有得食囉！！
pixxy__txxx：攤喺張床度真係太好笑！！生無可戀呀！Simsim真係好可愛XDDD
kxxi_kxkxx：Simsim好有喜劇天份XD 大個係咪要去做搞笑藝人？？
(on.cc東網)
【每日製造】安志杰JC異口同聲話…
安志杰(Andy)同太太Jessica C.今日夫妻檔去到香港仔嘅主題公園，出席「聖誕全城HO HO HO」開幕禮，JC一身紅色低胸連身裙，今次係佢哋婚後首次一齊出席活動，二人全程大晒甜密，不時含情脈脈互望兼十指緊扣，JC仲忍唔住當眾叫老公做handsome man，Andy就當然冧爆話sweet，問到佢哋有冇啲乜嘢暱稱？Andy話：「我叫佢做baby pants，不過唔知點解。」JC就話叫老公做honey，佢笑話連囡囡Tessa都跟住佢咁叫Andy，JC話：「Tessa現在會跟着說我們的說話，所以我們說話會加倍小心。」
講到幾時追多個Baby，佢哋都異口同聲話好希望，仲話男女都冇所謂，問佢哋想唔想製造「Christmas Baby」？Andy話：「We make everyday baby.(我哋日日造人，係每日寶寶)。」
而講到今年聖誕，JC就話第一年喺香港過，喺大陸拍緊劇嘅Andy仲可以喺聖誕放假，一家人溫馨過聖誕，感覺好圓滿。
(蘋果日報)
【公主結婚了﹗】駙馬甜蜜表示：一生一世愛佢同照顧佢
「菲律賓公主」陳昭昭大婚，今日同拍拖兩年半嘅男友李志豪(Franky)拉埋天窗，晚上一對新人喺何文田擺酒，陳昭昭身穿谷胸拖尾白色婚紗同老公恩愛現身，傳媒要求佢哋咀嘴，昭昭怕醜避開，老公只係錫到佢塊面，姐妹團有前亞姐王瑋、梁焯滿、仙樂都、林雅詩。
一對新人接受訪問，昭昭被問到今日有冇感動事件？佢話：「今日早上行教堂，宣布承認佢係我丈夫，病與苦患難都會一齊時，自己把聲都震震哋，見到老公有啲淚光，自己忍得到冇喊，因為知道喊就爆喊收唔到。」
問到老公對你有乜承諾？李志豪發表愛的宣言：「一生一世愛佢同照顧佢。」昭昭話現場佈置好似上帝花園，因為兩夫婦都經歷一啲嘢先喺埋一齊，都有啲起伏，希望婚姻係一生一世。問到今早接新娘有冇為難老公？李志豪表示：「都係做吓運動跳吓草裙舞扭吓腰，呢班姐妹都算好溫柔。」
問昭昭婚後係咪做少奶奶？李志豪搶答：「我會盡一切能力，令到太太做少奶奶。」昭昭就話：「自己都希望工作，因為仲有公職在身，老公啱啱追我時，就話可以請六個工人照顧我，因為佢係印尼人，當時就咁講。」問到o依家兌現未？有冇三個工人？昭昭笑笑話：「o依家係冇嘅。」而會唔會生B就順其自然。
至於身為「昭昭公主」嘅尊貴身份，問到有冇向棉蘭老島報喜？昭昭話：「有報喜，不過嚟唔切喺嗰邊搞慶祝儀式，因為冇時間，連度蜜月都要押後。」駙馬李志豪就話：「計劃去歐洲度蜜月。」問到駙馬嘅職業？昭昭公主代答：「老公喺印尼做生意。」之前有報道話係做中港司機，昭昭緊張解釋：「一直都唔知點解有咁嘅說法。」李志豪就親自解答：「經營海產生意，賣海參嗰類嘢。」
(蘋果日報)
【Aimee另眼相看】陳豪：希望佢哋有一個美好童年
藝人陳豪（Moses）在劇集《誇世代》中，最亮眼就是他與森美晒肌打拳的一幕，多年來都「惜肉如金」的他，首次為劇集狂操body，連太太陳茵媺都另眼相看！
他直言收到劇本是已經知有一場打拳戲，當時仍懶懶閒，不過見森美愈來愈fit，他就覺得「開始要做啲嘢」！
直至拍攝打拳戲前一個半月，他就請教張繼聰健身方法：「當時冇咩線條，即刻問阿聰點算，於是一星期抽六日去健身，一次三個鐘，食嘢要計卡路里，仲要每日跑半個鐘步！」
劇中與森美一段搞笑的hehe情，他笑指今次與森美合作擦出不少火花，更大爆二人在劇本中「加料」，令二人的兄弟情變成別人眼中的hehe情！
他說：「搶完婚之後，我哋喺路邊傾偈嗰幕，森美一句『你對我係咪有feel呀？』我再摸佢頭，就係森美要求加落去，佢笑嗰個表情，我諗起都想笑！」
與陳茵媺婚後育有兩子一女的他，直言曾經有人邀請他帶埋仔女參加內地真人騷，不過就被他拒絕，原因是想小朋友有一個美好的童年，他說：「佢哋太細個啦，怕佢哋分心，最擔心係會影響學業，唔係太想畀佢哋咁早接觸呢個圈，希望佢哋有一個美好童年！」
(on.cc東網)
【恭喜媽媽賴慰玲﹗】BB肥肥白白勁得意﹗
31歲嘅賴慰玲生咗喇！佢同舞台劇演員梁子峰今年奉子成婚，今次一索得男，認真恭喜晒！好友陳凱琳喺社交網上載佢同陳嘉寶齊齊探BB嘅相，真係充滿愛！
相中只見B仔肥肥白白正在甜睡，好得意呀！陳凱琳仲用英文留言：「Hallelujah, praise God! It is my greatest pleasure to announce that both baby & mommy are safe and sound! Welcome to this world my dear godson, I promise to be there for you, take care of you and love you each and everyday!（哈利路亞，感謝主！我好榮幸宣布BB同母親都安然無恙！歡迎我親愛的契仔來臨世上，我答應在此守候你，照顧你同每天都愛護你！）」真係恭喜晒！
陳嘉寶回覆周刊時，就指賴慰玲好忙所以未能親自公布喜訊：「佢應該會聽日親自公布，代佢多謝大家關心！」
(東方日報)
【瀕危珊瑚魚】研究：港人年均消耗65.5公斤海鮮
環保團體「識揀海鮮」與亞洲環境保育研究機構「ADMCF」在去年12月至今年6月進行一項香港街市售賣珊瑚魚的調查，選擇2013年曾被其他同類研究抽樣調查的大埔街市及荃灣楊屋道街市，發現沙巴龍躉是最普遍售賣的魚類。不過，團體指沙巴龍躉由龍躉及老虎斑交配而成，兩者在在世界自然保護聯盟（IUCN）中列為易危（Vulnerable， 中期內有較高可能絕種）及受絕種威脅（Near Threatened）。
調查以楊屋道街市為例，在5萬多條魚中，超過1萬條為沙巴龍躉。調查亦發現，兩個街市共有少於17個物種，在IUCN中被列為受絕種威脅，當中5種為易危，包括東星斑、老鼠斑、泥斑、龍躉及皇帝星斑，而石斑與蘇眉更屬瀕危水平，即其野生品種在不久的將來有較高機會滅絕。
團體表示，港人每年人均消耗65.5公斤海鮮，屬東南亞及全球人均消耗量十大地區之一。隨著本港及鄰近水域過度捕撈，漁業資源幾近耗盡，海鮮需依賴外地入口，但本港80%的活石斑魚，包括未成熟的幼魚，仍在街市出售。團體呼籲消費者要識揀環保海鮮食用以保護海洋生態，又計劃在明年第一季推出指南，將世界自然基金會及IUCN的瀕危物種名錄收納，圖文並茂介紹魚類的特徵。
(Sina)
【澳洲旅遊大使！】余文樂勁晒命狂貼家庭照
36歲嘅余文樂日前喺IG突然宣佈婚訊，同拍拖一年嘅台灣女友王棠云喺澳洲結婚：「在對的時間，遇到對的人。感恩你把人生的餘下日子交到我手上，我一定會把幸福帶給你，我一定會好好的照顧你。I love you！」
婚後喺當地度蜜月嘅余文樂，連日嚟都不斷「放閃」，星期三post咗一連3張相，一張係自己企喺木屋前嘅單人照，另一張就拖住老婆，勁恩愛！
(SINA)
想知自己係唔係肥？「4項指標」只要中1個你就要減肥！
▲普遍民眾對胖子定義不一，對此營養師提供測量標準，好方便界定。（示意圖）
你確定自己真的不胖？「營養師，我不胖啦，不需要減重，只是沒有排便！排便完就瘦了！」、「營養師，我好胖，全身都是肉，可以幫助我減重嗎？」有鑑於每個人對於胖的定義不同，若想以客觀的方式定義，營養師李佳蕙表示可由「檢測身體基本數值」下手。
▲可從身體質量指數、腰圍、體脂肪率及內臟脂肪得知自己是否需要減重。（圖／取自LibreStock）
李佳蕙說明，民眾想得知自己是否需要減肥，首先要先了解「4種檢測數值」：身體質量指數（Body Mass Index, BMI）、腰圍、體脂肪率（體脂佔全身體重的百分比）及內臟脂肪（內臟周圍的脂肪），只要任何一個數值超標，代表健康已經亮紅燈，而你就是個胖子，需要立即減重！
▲4種檢測數值標準範圍。（製圖／營養師李佳蕙）
上述檢測可以至附近醫療院所測量，現今市面上也有家用多功能體重體脂計，數值取得更加方便，而身體質量指數等於體重（公斤）除以身高（公尺）的平方，若超過24即屬過重；腰圍則是女性＞80公分（31吋）、男性＞90公分（35吋）就須注意；成人30歲以上，女性體脂肪率大於等於30%、男生體脂肪率大於等於25%為肥胖依據；最後內臟脂肪數值高於10.0則表示超標，已經屬於肥胖，民眾對於以上數值皆須特別留意。
▲許多瘦子其實是假瘦的「泡芙人」。（示意圖）
另外值得注意，若身邊有不管怎麼吃都吃不胖的瘦子朋友，很有可能是「泡芙人」，有就是俗稱的假胖子，其是指身體質量指數（Body Mass Index, BMI）屬於正常範圍，但是體脂肪率超標，在瘦子的外表下，卻有著胖子超標的體脂肪，就像泡芙的薄皮裡，塞滿了爆漿奶油。由此可見，瘦子未必健康，還是要看以上四項檢測數值，才能正確判斷自己是否為真的瘦子。
(ettoday)
【徵婚？】Kelly開出未來新抱要求……
陳慧琳（Kelly）今日出席其代言了13年的珠寶品牌活動時，表示近日正在物色鑽石戒指，送給未來新抱。大仔劉昇今年才8歲，細仔劉琛亦只有5歲，Kelly也自嘲現在就為未來新抱找鑽戒是早了點，但又怕等兩個仔長大後才買會負擔不起。
她解釋︰「我打算將結婚時戴的5卡鑽戒留給新抱，但現在有2個仔，一隻鑽戒不夠用，所以要買一粒同卡同級的鑽石。我那隻鑽戒由結婚至今已升值3倍，我怕將來無錢買，所以現在就要找。」
提到對未來新抱的要求，Kelly說︰「外國人也無問題，只要大方得體、雍容華貴、斯斯文文就得﹗不過，將來也不輪到我說話，如果囝囝帶個很Rock的女仔回來也沒辦法，但我不接受女仔講粗口及暴露。萬一穿得太低胸，斟茶給老爺奶奶時，我睇晒就不可以﹗（給老爺看？）老爺屆時已老花，打晒格仔﹗我都應該老花，什麼也看不見，個仔喜歡最重要。」
kelly會買定鑽戒送未來新抱。
kelly接受到外籍新抱。
想做kelly新抱就要大方得體，雍容華貴，斯斯文文。
Kelly話新抱唔可以爆粗同暴露
(明報)