【木偶哥求婚！林師傑儲錢買樓娶歐陽巧瑩！】

2017-12-20

林師傑和女友歐陽巧瑩出席明珠台活動，談到聖誕節，林師傑坦言跟女友有共識，節日不會慶祝，因為想儲錢結婚或買樓，所以只會留在家中睇戲兼煎扒吃，又謂愈快結婚愈好，難得找到對的人是開心的。

林師傑自爆被老闆何哲圖追問婚期，但自覺正值事業拼搏期要以工作為先，又爆老闆認為應該以結婚為大前提才拍拖。歐陽巧瑩亦冧爆指願意嫁給男友，不過千萬不要搞大龍鳳求婚儀式，怕覺得尷尬。

(頭條日報)

【有片】胡諾言囝囝飲醉酒咁行超可愛

2017-12-20

藝人胡諾言與陳琪的細仔胡浩錕一歲兩個月大，與爹哋餅印一樣的萌樣深受網民喜愛，近日陳琪更將浩錕學行的影片放到網上，身着比卡超工人褲搖搖欲墜超可愛。

原來浩錕近兩日才學識步行，媽咪陳琪說：「呢兩日先試行，啲粉絲笑佢飲醉酒，行到搖風擺柳，當日都係見商場唔多人，咪畀佢試下行幾步囉，都真係影片裏面嗰幾步，再多都冇喇，要人拖住先得。（識得叫爸爸媽媽？）識得講麵麵、Jay Jay同Jacey（長女與二女的名字），但就係仲未識講爸爸媽媽！」

(on.cc東網)

【情侶裝放閃！鄧紫棋同男友戀情浮面】

2017-12-20

歌手鄧紫棋（G.E.M）、賭王三房千金何超蓮同藝人李蘊一向老友鬼鬼，呢日佢哋三個閨密就約埋一大班朋友預早慶祝聖誕，見到佢哋一大棚人，真係好熱鬧！

鄧紫棋IG

三姊妹感情超好！

李蘊抽到G.E.M嘅男友Mark份禮物。

聖誕大餐勁豐富！

大合照好WARM!!

G.E.M都着住格仔衫，戀情浮晒面。

男友幫手影相留念，睇嚟佢哋嘅關係喺朋友間都唔係秘密。

G.E.M抽到薑餅人屋好開心！係咁大叫好靚呀！

不過呢一日Party嘅Focus就落咗喺G.E.M同佢造型師男友Mark身上！有眼利網民發現佢哋着住情侶裝，但就唔係exactly着住一模一樣嘅衫，而係上身都着住格仔item，低調晒恩愛得嚟不落俗套呀！

佢哋都異口同聲話交換禮物嘅環節好開心，唔知佢哋中間發生咗啲咩爆笑嘢呢？真係隔住個Mon都感受到個歡樂氣氛！

(東方日報)

【早前傳分手】馬國明靠呢樣箍住心穎！？

2017-12-20

今年43歲的馬國明與年輕15載，28歲的無綫花旦黃心穎相戀一年多，兩人每次被傳媒追問戀情時，亦不時隔空打情罵俏，就連最近馬國明憑《降魔的》提名《萬千星輝頒獎典禮2017》視帝，身為女友的心穎亦落力為男友拉票，但一直有傳女方家人指兩人年紀有距離，應要作長時間了解，難怪兩人拍拖至今，雙方仍未見家長。

而戀情受壓的馬國明近日雖然未有新劇在身，但見他卻未有約會女友拍拖，反而一星期內往銅鑼灣做足三次Facial，實行執定靚樣，減齡「回春」箍心穎。

馬國明於昨日下午約三時又出動往做Facial，離開寓所時被問到最近與心穎甚少見面，他說:「唔講咁多啫，無謂講咁多，一路都係了解中，如果有公布，就可能係結婚或者咩囉（意指分手）。我哋唔想食咗咩飯、睇咗咩戲，都要交代得咁Detail，係兩個人嘅事。（點形容同心穎嘅關係？）幾好呀！幾好！（係咪男女朋友？）了解中啦！未一齊之前都一直係了解中啦！（依家係咪去搵心穎？）唔係呀，我依家去做Facial呀！」

之後他便步往取車，途中更被女街坊拉着合照，馬國明之後驅車往銅鑼灣扮靚，其間更不停撳電話，看來是向女友報告。

至於黃心穎接受東網訪問時，似乎與男友夾定口供，她說:「我哋感情冇變，正如馬國明所講，拍拖唔一定要畀人影到嘅，我哋了解中，佢又忙拍戲，我又忙拍劇同排舞，大家各有各忙，我哋有Keep住聯絡。（有冇人斟你哋情侶檔演出？）有呀，我哋倒數會同場。」提到馬國明有時間去做Facial都未有約會她，心穎笑言:「我冇時間做Facial喎。」

(on.cc東網)

【返屋企見到冬至開心晒】陳敏之媽媽：你實畀老爺奶奶鬧

2017-12-19

藝人陳敏之、陳華鑫與林秀怡到葵興為劇集《性在有情》宣傳，三女以聖誕Look在波波池大玩遊戲。敏之笑言見波波池即諗起日前囝囝雷子樂的生日會：「當日都有波波池，成班小朋友、大人都有落去玩，好童真。子樂食完奶就瞓咗陣，好快又起身同大家玩。做咗媽咪後好多家庭聚會，真係攰過拍劇！（周家蔚都有嚟？）係呀，佢帶咗兩個仔嚟，胡杏兒都有嚟但冇帶BB。（家蔚心情OK?）佢好開心喎，冇嘢。」敏之又表示聖誕節會帶子樂去睇燈飾，感受香港人的聖誕節。

講到昨日《溏心風暴3》中播出敏之與唐文龍的激情床戲，敏之笑說：「尋晚老公冇睇，我同媽咪睇嘅，反而仲尷尬，用棉被去包住自己，點知媽咪睇完講咗句你實畀老爺奶奶罵！咁佢哋好開通，唔會罵我嘅。（怕唔怕老公重溫？）唔知，佢未必，但我想佢避一避啦，始終係老公！我又唔會迫佢睇。」

講到敏之在兩套劇分別床戰張兆輝與唐文龍，她笑言冇法比較兩位對手：「好唔同，《性在有情》係搞笑，《溏心》係Heavy啲！都有朋友反應鍾意睇《溏心》，話近年少有呢啲刺激感情線，咁我自己都鍾意。（唔受限奶令影響？）因為係需要呢啲情節、都有分手同鬧交，唔係衣着上嘅性感，今次係最大膽一次、亦係最痛心嘅一次演出，當時剛剛生完係開心媽媽，都怕因為角色被拖入低潮，因為角色都多內心戲同好爆發，但返到屋企見到BB開心晒，BB幫咗我好多！（子樂認得電視機裏面嘅媽咪？）認得，好多時見到海報都會嗌mama，佢知媽媽係演戲嘅，大個啲就可能會打文龍，話佢蝦媽咪！自己都好期待，覺得咁樣好sweet！（有同老公預告性感？）冇講太多，因為會影響工作，自己都會多顧忌，加上佢都叫我畀心機，會同我事後檢討多。」

(on.cc東網)

【三年抱三】宋熙年想挑戰陳豪？自爆造人想生3個！

2017-12-19

宋熙年同老公陳智燊今日夫妻檔喺銅鑼灣出席孕婦營養產品活動

佢哋笑言生仔都要問劇組度期。

宋熙年(Sarah)同老公陳智燊(Jason)今日夫妻檔喺銅鑼灣出席孕婦營養產品活動，佢哋自爆仲未造人成功，不過已經有計劃，等Jason拍完劇就開始專注造人，o依家努力搵奶粉錢，為組織圓滿嘅家庭努力。

Sarah話：「佢平時好忙，造人都要向劇組度期。講邊幾日係關鍵時刻。」Jason仲話好佩服陳豪，佢話：「嗰時拍劇日日見住阿Mo，佢都可以生到個女，真係要請教佢。」Sarah仲讚陳茵薇係super woman，兩公婆仲話會挑戰陳豪，三年抱三都唔介意。

(蘋果日報)

【「真命天女」 C君豪花百萬氹女友笑晒口：好正常！】

2017-12-19

組合農夫成員C君被拍到與DJ女友黃天頤恩愛拍拖，C君被指豪花百萬送車，又住豪啲嚟箍實女友，又被重提舊事指當年被未婚妻悔婚，是因為患上地中海貧血症。

C君14歲時受訪的片段，近日網上熱傳。

C君14歲時受訪的片段，近日網上熱傳。

當年悔婚未婚妻 之後，東網聯絡到聯絡C君，講到被指豪花百萬照顧女友，他笑言：「邊度搵到咁多呀？」提到他對女友照顧有加，他說：「錫女友都好正常吖！一齊得又認真嘅，都會對對方好啲啦。

平時成日開工，有時間我都一定接送嘅。咁過百萬就實在太誇張喇，箍女友唔係用錢，係愛呀，哈利！」問到是否已有結婚計劃？C君謂：「儲錢先，真係有過百萬就請你哋飲啦！」

他與電台DJ女友黃天頤，日前被媒體拍到兩人手牽手逛街吃飯、看傢具。

DJ女友黃天頤

(東方日報)

【心情已經…】陸永：今次係意外有咗BB

2017-12-19

農夫陸永夫婦和堪輿師吳佩孚被發現在紅磡的道壇做法事，陸永夫婦表現悲傷，在道壇逗留了一個多小時，而門外聽見誦經的聲音，而陸永直認太太Reina早前小產，是為「冇咗嘅小朋友」做法事。

陸永接受東網電話訪問時表示：「太太之前曾經小產，（係幾時嘅事？）詳情唔講啦，（點解會小產？）醫生都話解釋唔到，（醫生有冇講幾時可以再造人？）今次係意外有咗BB，都係順其自然。（BB係男定係女？）唔知呀，我哋冇特別問醫生，只係師傅（吳佩孚）話係男仔。（兩個女知唔知呢件事？）佢哋唔知嘅。」

他又說和太太心情已「超級平復」，他今日亦開工中，又指：「我哋唔係報道所講咁悲傷囉，兩個都好正常，（報道看圖作文？）都係嗰啲啦，攞張紙巾抹下又話拭淚，（有冇打算放吓假？）打算新年時一家人出去旅行。」

(on.cc東網)

【肥過部電單車！衛蘭：斷言開騷一定唔減肥】

2017-12-19

歌手衛蘭（Janice）到電台宣傳明年一月的紅館演唱會，問到現時是否已籌備得七七八八？她坦言：「未啊，都有少少囉囉攣，因為通常演唱會都係音樂部份搞咗先，但今次係相反，即係舞台、服裝嗰啲搞咗先，尋日就開始排舞，但因為呢排要出席頒奬禮，所以都冇乜時間排。」 ■衛蘭問到可會有嘉賓？她表示：「會有呀，但未肯定，有個未知請唔請到。」衛蘭減十磅的圖片搜尋結果她又表示今次唔會特登減肥：「對上一次演唱會特登減十磅，但我好唔enjoy，當時一邊跑步一邊喊，所以我今次就同自己講唔可以減得咁唔健康，要Balance番。」問到歌衫可會性感，可擔心到時上到台會有些負面聲音？她笑言：「唧出嚟？所以企上台係要有勇氣。（啲衫會唔會密實遮住？）會帶出最靚嘅地方，可能就係條頸。」
另外，講到頒獎禮，她表示會出席其中三個，講到有指她將會首次奪得叱咤女歌手金奬，她則話：「我覺得唔會囉，有得參加同入五強已經好開心，順其自然，攞唔到唔緊要，等下次再努力啲。（咁肯定冇得攞？）我覺得一定唔會囉，唔知呀。（但容祖兒、李克勤都睇好你攞女歌手奬？）容祖兒、李克勤的圖片搜尋結果有佢哋咁樣睇起我已經好足夠，好似攞咗獎咁，好感恩。」問到睇好哪位女歌手？她想了一會兒，只謂：「好多呀，個個都係嗰個質素，可能容祖兒啦，讚番佢。（但佢唔去。）係咩？唔知呀。」