洪天明近日被指疑背住太太周家蔚偷食，天明被拍到在內地拖住一位妙齡女子返酒店，事後天明並無回應，而家蔚亦表示不知道相關報道，昨天家蔚上載與楊秀惠和李思欣預祝聖誕節照片，心情似未受老公疑偷食傳聞影響。
天明接受《明報周刊》訪問，他表示在這個時期，其所屬公司銀河海潤叫他別為此事回應，不過天明在訪問中承認，太太為此事不開心﹑又指事件暫未影響到婚姻關係，不過太太對他的信任，在此事上確實有影響，天明表示會繼續和太太溝通。
至於內地騰訊娛樂找到天明所屬公司銀河海潤回應，該公司負責人表示天明當晚是飲酒累事，負責人說：「喝酒壞事，天明當天喝了很多，對方（該女子）是去扶他，2人順勢牽了手，這確實是喝酒壞事，但是其他什麼事也沒幹。」而負責人又謂，天明事後已向公司作出解釋，並表示之後會慎行，不會放肆喝酒。
洪天明被拍到在內地拖住一位妙齡女子返酒店
家蔚上載與楊秀惠和李思欣預祝聖誕節照片
（明報）
藝人王祖藍出席舞台劇記者會，祖藍獲堪輿學家李居明預測立春後於中午有太陽光時分及凌晨造人就會一擊即中兼生仔，李居明表示：「我知佢哋（祖藍及太太李亞男）想生BB，計過佢哋八字，因二人八字凍冰冰，而祖藍去內地工作又屬水，要有陽光下造人同養多隻貓，就會一擊即中，係可愛B仔，夜晚做就係個人喜好。」祖藍笑言似上性教育堂，多謝大家關心。
祖藍又表示怕貓所以不會養貓，對生B就順其自然，並且已經有計劃：「之前都話想二人世界多一年先，依家都差唔多不設防。」他透露與亞男都好忙，因爲對方忙出烹飪書，自己公司有幾個節目。
他又透露於舞台劇《莫扎特》飾演莫扎特，將於2020年公演，因為不懂彈琴，所以要學定先。問到屆時會否已榮升爸爸？他說：「好噃。（想仔定女？）順其自然，想生雙數，生夠20個都唔拘。」
王祖藍話生夠20個都唔拘！
(ON.CC)
歌手關心妍（Jade）入行多年一直沒機會拍電影或電視劇，但成為人母後就笑言演戲細胞比以前厲害：「一路覺得自己唔係好識做戲，加上想擺最多時間去唱歌。但依家有進步，因為日日對住個女，表情同講嘢要好誇張，七情上面。以前做歌手唔使咁，淨係唱歌、做自己，我啲歌又比較悲情，但依家我個性格都因為囡囡改變咗。」Jade坦言將來有時間或會考慮演戲，至於會否接拍親子真人騷，她就要視乎女兒有否興趣及能否表現自然：「最重要係佢喺鏡頭面前得唔得，唔係個個都做到。就算我想帶佢去，如果佢冇呢啲天分，見到鏡頭就避或者唔出聲，咁都冇得逼。」
睇親子騷學湊仔
Jade認為接拍親子真人騷是整個家庭的決定，但自己很喜歡收看，覺得小朋友很可愛：「可以睇人哋點教，唔同嘅媽媽就有唔同嘅小朋友，學到好多嘢。」提到真人騷可能在較簡樸的地方拍攝，她坦言無所謂，因為打算將來帶女兒到不同地方做義工：「我咁多年都好推動做義工，好希望佢去第三世界，或者我去做過義工嘅地方，想佢再幫我去一次。」問到老公可願意一起拍攝？Jade笑言：「佢應該會匿埋，佢喺鏡頭面前唔會輕鬆自然，記者影相佢都比較怕醜。」
(ON.CC)
黃子華、佘詩曼主演的《棟篤特工》先導預告首度曝光，片段表明二人關係，一開始就是阿佘一口氣數出子華罪行，計有亂過馬路263次、違例泊車516次、公眾地方行為不檢672次、無數次亂拋垃圾。
即使子華罪行多多，又不停鬥氣，但阿佘還是要到監倉找子華破案，之後還牽涉感情事，阿佘問子華是否利用她？結不結婚？子華就爆金句：「世界一日唔和平，我好難兒女私情。」預告片公開後，子華亦在其臉書轉貼片段，並自拍片段說今次才是正式預告。
(星島日報)
藝人張智霖出席芭蕾舞活動，他覺得身為藝術工作者應該現身支持。問小時候有甚麼課外活動？他笑言：「冇！細個唔使學任何嘢，主要係發呆同玩，咁嘅生活幸福啲，所以我都幫小朋友（兒子張慕童、魔童）爭取呢啲狀態，不過太太（袁詠儀）有唔同睇法有唔同角度，但都係啱，有啲係有用，好似學游水係求生技能。（多數太太做壞人，你做好人？）唔係特別去配對，係自然形成，我個人比較樂天同淋善。」
不評論樂仔沈嘉偉
另外，有傳余文樂與邱淑貞的丈夫沈嘉偉因時裝品牌合作問題而反目，身為兩人好友的張智霖表示不知情：「問番當事人啦！我係no comment。（你同余文樂最近係咪少見咗？）各有各忙。（係咪朋友唔好涉及金錢會好啲？）唔係，我同沈嘉偉、郭富城都係好朋友。」
他笑言以前自己主要係發呆同玩，生活幸福啲！ 
所以都希望仔仔有呢啲生活！ 
張智霖亦認同太太袁詠儀對兒子的管教方法。 
張智霖表示近排各有各忙，所以與余文樂少了接觸。 
張智霖
張智霖現身為演出芭蕾舞的舞蹈員打氣
（ON.CC）
台灣藝人侯佩岑早前就指細仔被診斷患有ABO新生兒溶血症，而尋日出席活動時提及細仔因此病而經常發生嚴重貧血，所以要經常出入醫院輸血，令佢非常擔心，更一度流下眼淚。今日侯佩岑再喺社交網更新動向，並上載咗兩張相，見到相中其大仔Ian深情望着細佬，更撫摸細佬心口，另一張相，則見到侯佩岑抱住細仔，而佢亦留言表示：「謝謝叔叔阿姨們的關心、打氣和祝福，弟弟很勇敢，我也會幫爸爸媽媽照顧他，由衷感謝大家的溫暖和鼓勵，感謝有愛的媒體朋友們辛苦了～#繼續正能量#分享愛」好多網民亦留言為他們打氣，希望細仔可以快啲康復，健康成長！
米雪與焦媛合演的舞台劇《晚安，媽媽》，在廣州巡演，演出後，後門外站了一批粉絲，個個年紀輕輕，10多20歲的模樣，正疑惑他們在等誰？忽見米雪現身，他們起哄很興奮，紛紛要求合照簽名，雪姐說：「他們有些還是學生，做得我個孫！我好感恩有這樣的觀眾，他們都是看我以前的劇集認識我的。（尤其佳視時期的《射鵰英雄傳》，她演的黃蓉是一個經典。）
可能是我的外形（身高）同佢地差不多，可以和他們打成一片吧。」
焦媛說雪姐是第一次在國內做話劇巡演，所以甚有迴響，也因而見識到她愈來愈年輕的粉絲層，最神奇是大家聊着聊着提到泰國，米雪在彼邦的知名度，分分鐘厲害過如今不少花旦小生，她甚至有泰國公主的稱號。米雪笑着說：「《射鵰》從1978年入泰國直到現在，他們每有慈善或者大型活動，我一定會去幫手，都把我當作自己人了，他們從上一代看到現在這一代，也許是我從來沒有停過演出，他們都認識我吧。」米雪還說得一口流利的泰文，「那時候過了去差不多3年拍電影，一直有個翻譯陪着我到處去……」過耳不忘，不愧是精靈俏黃蓉。
翻查資料，米雪與泰國果然甚有淵源，除了因為她也和不少香港人一樣，喜愛到泰國旅遊外，2015年8月，曼谷四面佛附近發生爆炸事件，港府更曾一度對當地發出紅色外遊警示；事隔個多月，當地旅遊局為了建立遊客信心，邀請了一位香港藝人到四面佛祈福，這位藝人不是別人，就是米雪。而去年同是8月，當地舉行世界女士成就頒獎典禮，頒發獎項給18位來自不同地方對泰國有莫大貢獻的女性，雪姐也是其中一位。只是她並不高調，讓許多香港觀眾，都只知《溏心風暴》1、2、3輯中爭產的莉姨（凌莉）、紅姨（殷紅）與Amelia（許余秀慧），而不知在泰國揚威的這位萬人迷。
好戲之人謙虛有禮貌
米雪與焦媛合作，台上是母女，台下愈演愈老友；問焦媛從雪姐身上學到了甚麼，她說：「學到了做人！做戲最終都是做人，雪姐好戲是因為人好，她，是一個人物。做戲的最高境界就是好似無做，好生活化，我有時會覺得自己演戲刻意了，有稜角，但雪姐做戲就好似無做，卻有好多戲在裏面。」
焦媛演戲有個習慣，每到一個新舞台，她便會獨個兒在台上從頭到尾做一遍走一遍。「我不敢向其他演員提出，不知道人家願不願意；而雪姐成功之處就是好勤力，而且謙虛又有禮貌，她會走來跟我說是否願意一起踏台板，難得有個對手咁主動，我緊係掣喇！」
以下影片由2分45秒開始, 主持人話係米雪BIG FAN。
米雪的粉絲愈來愈年輕，她與他們都能打成一片。
藝人陳嘉寶出席活動，她表示婚後其工作排到明年一月，下月更要出Trip ，她表示因籌備婚禮而缺席劇集《誇世代》宣傳，故要補番而且有時間就在家煲劇。她透露明年會有電影拍，要努力保持不走樣，但婚後一星期重了2公斤：「婚前點食都唔肥，婚後肥咗，但配合工作已回落，女藝人係好勁。」
提到好友何雁詩與男友鄭俊弘用刺激鏈綁狗，她表示有看報道，覺得是誤會：「佢好錫小動物，因為陳瀅都有養狗，去放狗見到狗仔喺街周圍食嘢都好緊張，係誤會。」提到何雁詩父親不喜歡鄭俊弘？她表示冇留意，自己忙工作。問到會否覺得何雁詩惹是非？她提議為何雁詩開派對沖喜：「佢近排多（是非），之前都冇，佢好努力工作，又有歌，做戲又好，畀多啲工能量佢。」提到聖誕節？她坦言派對已排到31號，而且不少派對又要有指定服飾，又會開直播，令她感到疲倦，所以要搞閨密素顏派對：「叫佢哋去我屋企，搞美容派對，敷mask ，唔可以開直播。」
衛詩雅 (左面)
陳嘉寶
(ON.CC)
榮升母親的女星孫慧雪出席英皇電影《我的情敵女婿》煞科宴，透露該片乃坐月後復工的作品，沒料客串一場戲份，由晚上7時拍至翌日早上9時多才完成，結果畀風吹得太耐導致出風疹，笑言可算為藝術犧牲。
BB生長線到頂
而產後4個月的她似乎尚未收身，阿雪笑指現時體重130磅，比起生仔前重了廿多磅，更謂：「因為餵人奶所以未減，半年後會減，目標係回復生之前磅數，個仔依家都成20磅係巨B，佢生長線已到頂，不過醫生話佢高同骨架大就冇話過肥（會唔會減少餵奶嘅份量？）
阿雪話自己唔夠奶餵，要出動奶粉幫手先搞得掂。
阿雪透露BB嘅生長線去到頂，不過醫生話BB骨架大，都未算過肥。
佢想食都會畀佢食，好大食㗎！每餐食200ml，所以我做唔到餵全人奶，未有咁嘅奶量供應，所以會加奶粉同固體嘢畀佢。」
超巨BB。
羨慕賴慰玲BB雙眼皮
談到好友賴慰玲最近生B，阿雪大讚BB相當靚仔，她謂：「當日同蔡思貝探佢，去到見佢成個慈母咁坐喺度餵BB，睇到好感動，BB輪廓好分明，似混血兒，雙眼皮好深，自己個仔就超級單眼皮。」
陳真同梁浸浸今日約埋一齊去咗澳門玩喎！當然同行嘅仲有佢哋嘅爸爸、媽媽黃依汶(Emme)同陳國坤，與及鄭希怡(Yumiko)同梁學儲啦。
今日Emme同Yumiko兩家人，一齊去澳門為好友杜芷筠(Veronica)嘅花店剪綵，佢哋現身花店時，就引來大批市民圍觀，迫到出晒馬路，要出動警察到場維持秩序，場面墟冚。剪綵儀式後，當然有舞龍舞獅啦，而陳真就被醒獅儀式吸引住，走咗去獅頭前細看，身為爸爸嘅陳國坤就好細心咁向囝囝解釋，一臉慈父樣，真係好溫馨。Emme話，今次難得同老公一齊嚟澳門剪綵，又唔想將囝囝留喺屋企，所以就帶埋佢嚟，咁啱Yumiko又帶咗梁浸浸嚟，咁就可以同陳真做伴喇，Emme仲話佢哋兩家人已經約好新年會一齊去睇雪。問到陳國坤有冇經常送花俾老婆？Emme即搶答：「佢以前就試過採花畀我，o依家就好方便，一個電話就OK啦。」佢又承認老公個性浪漫，過時過節一定會送花。陳國坤又透露放完假後，就會着手籌備「反黑2」的拍攝工作，新一季嘅演員陣容更強勁，連從未演過劇集嘅巨星亦會加盟。Yumiko就話囡囡私底下都經常同陳真見面，佢哋今次一見面就好鬼癡纏，Yumiko仲大爆佢哋分開坐保母時，一個不停問「弟弟」，一個就問「姐姐」，佢笑話：「我覺得佢哋就好似羅密歐與茱麗麗咁，好鬼搞笑。」佢又大讚陳真有家底，父母又好相與，真係唔介意兩家親上加親，成為襯家。此外，最近一歲嘅小予恩手術後可能變植物人，作為媽媽嘅Yumiko深深感受到佢家人有幾憂心，希望大家祝福小予恩，令佢可以渡過難關，佢話囡囡剛出世時亦曾一度要住院，當時佢都擔心到寧願自己可以代替，佢話：「相信只有做咗媽媽嘅人先可以體會到。」
Yumiko話唔介意同黃依汶對襯家。
陳真同梁浸浸真係好癡纏㗎，去到邊都一齊。
你睇佢哋幾sweet！
陳國坤好細心咁同囝囝講解舞獅。
兩個潮媽齊到澳門出席活動。
黃依汶同老公陳國坤
(Apple Daily)
