現年35歲嘅藝人賈曉晨（JJ）上月為老公樊少皇誕下囡囡「小飯兜」，當時樊少皇上載咗張JJ喺窗前抱住囡囡嘅合照，宣布榮升為人父。而JJ現時喺屋企專心坐月，同埋照顧剛出世嘅「小飯兜」，相信仲忙過拍劇，難怪JJ連社交網都少咗更新。
頭先JJ喺社交網上載咗張相，留言話自己正在坐月中，相中見到JJ都喺窗前抱住囡囡，雖然淨係見到囝囝對腳仔，但係已經感受到份母愛！有網友話張相同樊少皇公布「小飯兜」出世嘅相好相似，估計都係出自「愛妻號」樊少皇嘅手筆，大讚拍攝風格好優美！網民亦見到JJ容光煥發，而且面尖尖，相信已經火速收身成功。
賈曉晨同老公樊少皇（資料圖片）
(ON.CC)
38歲藝人李雨陽喺今年6月嘅時候，同拍拖半年嘅圈外女友鄭嘉詠拉埋天窗，結婚唔夠一個月已經宣布太太懷有四個月BB，仲幫BB改咗個花名叫「小芝麻」添！
今日李雨陽喺社交網站公布囝囝「小芝麻」出世嘅好消息，而且上載咗多張太太同「小芝麻」嘅合照，但係「小芝麻」嘅靚樣就用圖案遮住咗，唔知佢似爸爸定似媽媽呢？睇見李雨陽同太太分別抱住咗「小芝麻」嚟錫，認真溫馨！
李雨陽話太太畀佢感受到母愛嘅偉大，仲話會用盡力氣去愛護太太，佢留言：「小芝麻終於出世啦～首先要多謝老婆，妳讓我親身感受母愛的偉大，孩子出來的那一剎那，淚水也忍不住了，哭了良久才反應過來，我會用盡餘生的力氣去愛護妳們，再一次謝謝關詠恩醫生，是妳兩次在我們想放棄的時候，讓我們鼓起勇氣繼續努力，最終小芝麻在妳的幫助下，順利出生，謝謝妳～ 」
(東方日報)
十優港姐麥明詩的媽咪麥何小娟，就女兒自爆被性侵犯一事，回覆周刊，她語調平和，指麥明詩當年在大陸被性侵犯後回港有告知她，她說：「我係知，但其實唔係啲人諗到咁恐怖，細路女唔識保護自己，佢有同我講，係好唔開心，性侵係好多層次，唔使擔心。（佢係受到較輕微嗰種性侵？）以我所知係，經一事長一智，細節唔講，佢自己都冇講。（除咗交流嗰次，另一次發生喺幾時？）唔講喇，等佢自己講。（佢有冇畀人強姦？）以我所知唔係咁大件事，喺𨋢度發生，佢講嘅係事實，畀人抽水，人哋夾硬嚟。（有冇叫佢報警？）正如佢所講喺大陸發生，我知嘅時候佢已經返咗香港。」
明白阿女想幫人
她說初初聽到女兒在facebook發文時也感到很愕然，但看完女兒的發文後便明白，她說：「我知佢心諗乜，好耐之前佢已經講想將自己學到嘅法律知識去幫人，教人點樣去保護自己，覺得佢係想幫啲唔同嘅受害人，因為有啲人會受到更嚴重嘅性侵，呢個係佢抱負，依家有時佢都會寫啲法律觀點。」
(東方日報)
香港「欄后」呂麗瑤日前在facebook自揭曾遭前教練的經歷，事件引起極大迴響，她希望外界關注性罪行，並鼓勵受害者站出來，而事件亦引起連串效應。
2015年港姐冠軍﹑「十優港姐」麥明詩今晚在facebook撰長文，她自爆曾遭受性侵犯，兼且不止一次，她的fb內容如下：「相信唔少女仔都曾經遭受性侵犯，我亦都唔例外，仲要係唔止一次添；有啲係我阻止唔到；有啲係之後諗番，如果我醒覺啲我可能可以阻止到… 受害者能夠鼓起勇氣面對呢件事，知道錯唔係自己，呢個係第一步。但係之後呢？
呢個時候，受害者除咗自責之外好可能會有兩個感覺：1，報復，to make him pay for his wrongs，人之常情矣，好聽啲嘅term係 “retribution”；2，唔希望呢個人可以繼續危害到其他嘅victim。當然法治精神唔允許我地以法律之外嘅方法報復，法治精神呢一點相信我喺以前嘅post都有提過。所以要真係除害得嚟又要對嫌疑犯公平而唔係未審先判，唯一可取嘅方法係透過法律去制裁。
呢個時候，大部分女仔都會放棄，而我自己經歷嘅諗法係咁樣：當時得我同佢，姐（即）係口同鼻抝，點解要信我多過佢？咁睇嘅話，佢嫌疑程度只得50:50，但係50:50姐（即）係告唔入啦。而我當時仲要讀緊法律。所以我希望透過呢個post，分享一啲自己嘅體會。
首先，要相信court trial。雖然係”my words against his words”，但係其他環境證供都會幫到。檢控官(P)可以cross-examine被告(D)：
P：點解你要帶受害者返屋企？
D：幫佢按摩
P：咁點解唔係喺學校？
D：…諗住喺邊都冇所謂
P：定係你怕被人見到？有其他企圖？
就算佢堅持話係屋企冇越界，呢點被告都好難解釋；我唔係律師，相信一個真正律師會可以摧毁被告嘅證供。
第二，想加強個case，就儘量保存好呢啲環境證據。例如，嘗試留有文字證據，透過whatsapp質問對方，例如：
V：點解你今日要咁樣做？
D：我做咗啲咩
V：你叫我除褲
D：咁先按摩到
雖然咁樣唔足以證明佢非禮，但係已經將佢要你除褲呢一點establish咗冇得拗，佢唔可以喺庭到話：「我冇叫，佢自己話要除」。
就算唔直接對質，同可信任嘅人講番件事，到時呢個人都可以為檢控方作供，而當兩個證供係冇inconsistency，就可以加強受害者證供嘅可信性。
當然一個受驚嘅女仔，喺當刻就可以諗到呢啲嘢，係冇可能嘅。呢啲都係我之後不斷反覆思考先諗到嘅嘢，所以我希望分享可以幫到未受過害嘅女仔。我相信，法律係最接近公平嘅裁判方法；佢唔係完美，一定有犯罪者法外逍遙；但係比起網絡審判、私刑，法律係有好多程序保障，希望賦予每一個人一個opportunity to be heard。
審訊係一個好困擾嘅過程，就算覺得有足夠證據，有唔少人都會放棄起訴，因為唔想被呢件事纏繞落去。但係我地都唔應該因為怕煩而用其他方法去達到retribution，因為咁樣係對對方唔公平。大佬呀，佢咁樣傷害我，我仲要諗點樣先對佢公平？哈哈我自己都未必做到。但係呢個係我希望追求到嘅ideal。
呢點帶到去最後嘅point：防患於未然。對於我來講，empowerment 除咗係受害之後唔怕講出黎，更有效係可以透過自己嘅力量防止呢個傷害。所以呢啲經歷鼓勵我要懂得自衛 – 我唔係需要打贏一個男人；但係只要製造到一個逃走嘅契機就已經足夠。於是幾個月前我決定咗要學柔術。
PS，大家可能會問我點解冇採取進一步嘅行動，咁係因為事情係喺內地發生，香港法庭係無jurisdiction…
PPS，我真係唔係律師，只係讀過啲theory，好多都還咗俾老師，所以有需要請尋求專業法律意見
#男仔都應該要自我保護 #被性侵唔係女仔專利」
（明報）
韓國46歲「大長今」李英愛被封為韓國嘅｢氧氣美女｣，無論身形以及皮膚都保養得宜，同本身嘅年齡一啲都唔似。
根據李英愛早前接受雜誌訪問時就透露，佢自從生咗一對龍鳳胎後，為咗維持原本嘅身材，就刻意利用獨門減肥方法keep住身形。
當中李英愛就透露會選擇食葡萄代替晚餐，每次會食一串連皮葡萄，大概約12至14粒嘅份量，佢話其實可以用嚟代替午餐或晚餐其中一餐，因葡萄可抗氧化，亦能防止血管嘅脂肪氧化，有營養又健康。
愛姐靠連食1星期嘅葡萄成功減掉1.5kg(約3.3磅)，可見呢個係佢獨門減肥秘訣。
（Apple Daily）
近日，在芬蘭赫爾辛基訪問的威廉王子把喬治小王子親手寫的聖誕願望清單交給了聖誕老人。
年僅4歲的小王子從小就很受大家喜歡。
這次他的聖誕願望禮物是一輛玩具警車。
信上還有的他的簽名「George」十分可愛。
(騰訊娛樂)
王君馨出席劇集《性在有情》宣傳活動，透露早前隨丈夫返美國慶祝感恩節時，被嫲嫲暗示要為夫家開枝散葉。
她說︰「嫲嫲說老公Daniel是七代單傳，要靠我傳宗接代﹗」
「不過，我對生BB一事非常矛盾，想跟老公享受多一會二人世界及發展事業。」
那如何是好？王君馨說︰「交由上天決定，我們在做足安全措施的情況下順其自然。」
(明報即時娛樂)
容祖兒出席品牌活動，她表示近年去多了時裝活動，但私下好少買衫，而且對衣着好隨意，但上舞台又不同。
她說：「我啲衫着幾年，唔捨得浪費，依家真係鍾意先會買，留埋啲錢儲起畀媽咪，積穀防飢，我又唔知幾時冇賺錢能力，我12月日日做嘢，唔使使錢，以前媽咪會話我買埋啲無謂嘢，但我依家上網買嘢都冇意欲。」
提到男友劉浩龍於訪問上表示結婚為生仔，會否不開心？
祖兒直言：「唔會唔開心，生仔係搵喜歡嘅人去做愛情結晶品，每個人諗法唔同，我覺得生仔唔一定要結婚，我都可以唔使結婚。」
至於好姊妹鍾欣潼的男友賴弘國秘密來港，她表示：「唔知，畀佢哋安安樂樂、甜甜蜜蜜、轟轟烈烈。」
(on.cc 東網)
台灣組合S.H.E成員陳嘉樺（Ella）今年四月為老公賴斯翔誕下「勁寶」，一家三口樂也融融。
Ella時不時都喺社交網站分享親子樂時光。
呢日賴斯翔化身私人攝影師，幫Ella同「勁寶」影靚相。
除咗就晒角度之外，賴斯翔仲好落力邊推BB車邊影相，真係少啲功架都搞唔掂。
Ella在社交網站留言：「爸爸的標準動作#我的寶 #兩個寶 #家庭日」。
網民都笑言賴斯翔係「萬能爸爸」！
（on.cc 東網）
宋仲基於10月底與女星宋慧喬結婚後首度來港，為前日在港舉行的韓國《MAMA音樂頒獎禮》擔任司儀。
宋仲基前晚於頒獎禮後被不少在場人士集郵，而有份獲邀出席頒獎禮的港星莫文蔚亦趁機向男神集郵，並上傳了與宋仲基的合照。
此外，參加《MAMA》的大批韓星於前晚及昨日已陸續離港，宋仲基於昨日繼續留港。
昨晚在工作人員陪同下到中環逛街被網民捕獲。
未知他是否正揀選禮物給妻子宋慧喬呢？此外，宋仲基為購買網站拍攝的聖誕廣告亦於近日曝光。
（on.cc 東網）
