【70歲都受盡凌辱！】劉江扭耳仔又跪玻璃網民：嬲到想打爛電視！？(有片)

2018-02-04

為網民帶來無窮創作靈感、曾創作「講呢啲」金句年過70歲嘅資深演員劉江，向來形象討好兼受歡迎，但佢喺無綫熱播劇《平安谷之詭谷傳說》中一反常態，飾演嘅村長陸金谷好色又乞人憎，仲要男權至上唔當女人係人嚟，最過份係佢為求生仔，竟然迷姦女神龔嘉欣，真係可怒也！！！一班觀眾都好不屑劉江個角色，晚晚睇到咬牙切齒，仲嬲到想打爛電視添！公司冇地位。

有見及此，無綫官方專頁「See See TVB」為大家出一口氣，搵嚟劉江拍攝短片，片中佢無論喺職場定家庭生活都受盡欺凌，好似返工時貼郵票貼出界少少，都畀上司挑剔，就連着紅底褲都畀人鬧受晒氣，真係做咩都係錯，差少少連生存喺度都有錯。着紅底都係錯！

返到屋企同樣畀人恰，劉江畀少咗家用被老婆重罰，要一直扭耳仔＋跪玻璃，仲要連個女都恰佢，逼佢割腎買新電話畀自己（犯法㗎！），完全冇晒霸氣，真係早知今日、何必當初呢！唔少網民睇見都心涼，忍唔住大嗌一句：「你都有今日啦！」做戲啫，唔使咁認真嘅！跪地扭耳仔！O嘴都冇用呀！

慘到呢想點先？

同場加映：劉江喺短片中都提供咗唔少潛力圖，睇嚟網上又會有好多創意十足嘅潮圖！

網民有話兒：
吕楓X：你都有今日啦！！！
XXyingWeXX：睇完呢條片就唔會晚晚打爛電視啦～
AnnaXXXYap：看完心涼了一些嘻嘻。
XXXdyKongKa：劉江叔真係冇得輸！

影片連結:

【平安谷之劉江你都有今日喇！】

想當年谷爺 #劉江權傾 #平安谷，單手就玩死班女人，但係時代巨輪無情咁輾過，世界從此變了樣…#男人起義 #平安菊之詭菊傳說#鄭子誠又有陰謀 #bigbigchannel

由 See See TVB 发布于 2018年2月1日

(東方日報)

【好擔心】昆凌：不想太快知道

2018-02-04

台灣天王周杰倫與太太昆凌早前被指第二個愛情結晶品是人工受孕，因為想避免遺傳「強直性脊柱炎」，不過昆凌已經否認，並指自己是自然懷孕。

昆凌於台灣出席活動時，再三澄清指是自然懷孕，但對於囝囝是否遺傳到強直性脊柱炎，她直言不想太快知道，並指未帶囝囝去醫院檢查，但確實有擔心，因為男生患病的機率較高。

而講到兩個仔女近來天氣寒冷雙雙中招，昆凌略顯擔憂，表示前陣子小孩又哭又吐，自己甚至半夜起床洗床單，頻頻說「我真的好佩服1打2的媽媽，太厲害了」。

(on.cc東網／自由時報)

【網民鬧爆太偏激】為懲罰囡囡整爛玩具

2018-02-04

台灣藝人宥勝與太太育有一仔一女，佢不時都會喺社交網站分享育兒心得，不過尋日佢就喺社交網站透露因為女兒蕾蕾唔肯收番埋玩具，所以就將蕾蕾嘅玩具整爛，仲寫住「人類如果想要成長，心碎是第一步，而忍心讓孩子心碎的人，只有爸爸。」。

唔少網民都對宥勝嘅教女方法表示不滿，話佢嘅方法太過偏激，仲話唔應該用摧毁嘅手段去教小朋友。

面對一班網民嘅抨擊，宥勝今日就發表咗一篇長文去解釋事情嘅前因後果。

宥勝表示佢哋屋企都一直要遵守「物歸原位」，而蕾蕾一直都知道，而且亦都好乖咁守規則。

不過當日蕾蕾就以唔執玩具去逃避瞓覺時間，而且仲挑戰父母嘅言行，因為要畀蕾蕾知道大人嘅說話係言出必行，所以宥勝先會做出整爛玩具嘅行為。

(on.cc東網)

【Hi 我寶貝的寶貝】原來係小公主！

2018-02-04

恭喜恭喜！喺Facebook報喜榮升。。。

DJ車淑梅早前出席活動嘅時候透露孫兒嘅預產期為2月10日，不過佢今日就喺社交網站上載孫兒嘅相並宣布正式做嫲嫲！

雖然車淑梅冇公布個孫嘅性別，不過見佢留言用「她」嚟形容孫兒，相信應該係小公主喇。

車淑梅留言話：「Hi 我寶貝的寶貝，原來就是她。噢，超可愛啊！ ❤❤❤辛苦晒我的新抱仔！」唔少網民都恭喜車淑梅榮升嫲嫲，仲紛紛為BB送上祝福添！睇番啲相，見到車淑梅仔仔Dickson同埋新抱Crystal抱住BB，啲愛滲晒出嚟呀！

(on.cc東網)

【遺傳媽咪細胞】鍾嘉欣孖住囡囡Kelly一齊賣萌囡完全唔怕鏡頭！

2018-02-04

雖然今晚就舉行《2018國際中華小姐競選》，數數手指有不少華姐都已經成為人妻兼做埋媽咪，就好似鍾嘉欣前年火速與醫生男友Jeremy結婚並於同年10月誕下囡囡Kelly後，專心湊女之餘亦有回港賺下奶粉錢咁。而鍾嘉欣更不介意帶埋Kelly上鏡，今日中午她在Instagram就po出了一張與kelly一齊扮狗仔的照片並寫下英文留言，「We only wish for all our loved ones to be safe, happy and healthy! Have a great day everyone:). Take care! 」見到Kelly完全唔怕鏡頭，仲咬住手指，真係好得意呀！

鍾嘉欣同囡囡Kelly一齊扮狗仔，巧打耳呀！

鍾嘉欣設計的Gromit係咪好可愛呢？！

嘉欣在相片中仲hashtag「first time playing with phone」，應該就係Kelly第一次玩電話，網友見到後都大讚超可愛。而嘉欣最近更做埋設計師，講嘅就係她為慈善出一份力，為經典電影《Wallace and Gromit 》中的狗仔 Gromit 畫上新裝，將牠的身體填滿笑臉同心形圖案，嘉欣表示希望將「歡樂，愛及快樂」帶給每一個人，真係好有愛心！相信Kelly一定會學到媽咪嘅愛心，心地靚人都會靚。據知，嘉欣今次新年將不會回港，所以粉絲唯有密切留意一下嘉欣的IG喇!

以下係過往同囡囡既照片

(HK01)

【病榻簽紙完婚】吳克群：這是我最後悔的一段日子

2018-02-04

侍母至孝的吳克群，與母親一起勇抗癌魔，經歷7年，母親終撒手人寰，享年65歲。

吳母的喪禮昨午一時許於台北第二殯儀館舉行，吳克群的孝心和細心，令人鼻酸。吳母生前想去夏威夷，但因生病，最後無法成行。喪禮上，吳克群將會場佈置成夏威夷風，除了鮮花外，佈景板還有椰子樹、太陽傘和沙灘，以及吳母巨幅肖像，以完成媽媽的遺願。

另一件令人鼻酸的事，原來吳克群父母從未結婚。今日喪禮上播放的影片，就是病榻前，雙親簽結婚證書、戴婚戒的一刻，完成吳母的最後心願。

禮成，吳父輕吻愛妻臉頰，戶政人員也到場見證，吳克群當然亦有在場。不少賓客在影片中見到這一幕，都不禁落淚。

吳克群說：「其實到現在我還是覺得，打給爸爸時問你有沒有好一點，一切都不真實。這是我最後悔的一段日子。我小時候你告訴我，想做甚麼就去做，我最想完成的願望，就是最後跟你說幾句話，這是我最大最大的願望，但我卻沒辦法做到。」

「但媽妳放心，我會好好照顧爸爸還有我自己，你永遠活在我的血液裡，我會做一個讓你驕傲的兒子。」「我媽媽教會我的三件事：第一件事是要勇敢。小時候被樓下鄰居欺負，我媽叫我要打回去，我拿塑膠木劍打回去。我媽媽在最後幾個月時，是最勇敢的，她正艱難時，卻一直跟我說，自己快度過這個難關了。」

「第二件事，是要靠自己、白手起家，這一點我要反駁一下我媽媽。這段時間我感受到是要靠朋友，在我媽媽最艱難的這段時間，他們每一天輪流去陪她……把我沒有盡的孝道，他們在媽媽身旁唱歌、大笑，只希望我媽媽能夠醒著，看我回來，再跟我聊一次天。」

「雖然我媽媽生病，我一直在想，她說過，如果她生個女兒，該有多好，這段時間有好多小孩陪她。我媽她很嘴硬，一直叫她結婚、拍婚紗照都不肯，很感謝我的朋友們。」

「最後是要有志氣，要達成自己的夢想。我想當歌手，我做到了，我想拍電影也去做了。那時她在病床旁邊，我好希望她跟我說說話，這是我最大的願望。」

最後吳克群說：「這是我媽教會我的事，還有要善良。她很酷，不知道是不是止痛藥太多，她說好了之後要去做善事，要去崑崙山。她也常跟我說，要買包包，結果錢都存下來給我，密碼有6碼，她只給我4碼。」「我希望親朋好友都要好好的，看到媽媽最後一刻是笑著的，我相信她是平安喜樂的。」

(蘋果日報)

【愈嚟愈有佬味】著起一身軍裝方中信都唔夠佢嚟？

2018-02-04

譚耀文今日著起一身軍裝，現身新蒲崗，同林峯、蔡卓妍及方中信同場，拍攝英皇網劇《PTU機動部隊》，他在劇中飾演高級督察，阿譚今年48歲，多咗幾條魚尾紋，男人味湧晒出嚟，拍住出晒名嘅型佬方中信，都沒有被比下去。

阿譚今年48歲，多咗幾條魚尾紋，男人味湧晒出嚟。(梁碧玲攝)

阿譚拍住出晒名嘅型佬方中信，都沒有被比下去。(梁碧玲攝)

阿譚話去年係豐收的一年，做完《風雲5D音樂劇》之後非常忙碌，電影一部接一部，他說每個月都有新戲開，成日中港兩邊走，究竟在內地工作同香港拍戲有咩唔同，阿譚就話：「喺香港方便好多，放工可以返屋企，有太太照顧，有湯水同住家飯食，病咗又可以搵睇開嘅家庭醫生。喺內地拍劇病咗無醫生睇係經常發生嘅事。」咁點算呀？「劇組啲同事好好，我每次病咗，就會有好多人關心我，俾藥我食，先可以頂住先。」

阿譚話去年係豐收的一年，電影一部接一部，不過在內地開工好難睇到醫生。(梁碧玲攝)

劇照

(HK01)

【早年患癌】黃百鳴：勝過無事時送玫瑰

2018-02-04

患難見真情，套用喺黃百鳴身上最合適不過。

黃太97年證實患上癌症，但絕處中見到曙光，黃太由懷疑丈夫到完任信任，黃百鳴話：「嫁畀你嗰陣做洋行，突然之間去做電影喎。跟住係顛倒日夜喎，完全冇安全感，咁梗係嘈。」

黃百鳴直言太太一場病扭轉夫婦關係，佢笑言「有事在身邊，勝過無事時日日送玫瑰。」當時為咗鼓勵老婆練氣功抗癌，黃百鳴帶頭練，天一光就拉老婆起身練，醫病同時減少咗黃太同三姑六婆打麻雀，聽少咗閒言閒語。

現時黃太龍馬精神，四出當義工，分享治癌心得，事實證明一場病令兩人感情更好，再加添了一份信任。

（蘋果日報）

【陸永老婆都話估唔到⋯】Hannah眼濕濕：你係咪整蠱我咋？

2018-02-04

藝人陸永同Reina生咗一對好可愛嘅囡囡陸一穎（Hannah）同陸一心（Simsim），眨吓眼Hannah就已經6歲大喇！趁住生日呢個大日子，陸永同Reina就當然會同囡囡慶祝喇，但就竟然有「不愉快事件」發生咗！

Reina就喺社交網甫相講晒成個故事畀大家知，事源係Hannah就開咗個生日會，Reina就偷偷約咗佢嘅同學仔嚟參加，一見到有同學嚟Hannah就好興奮仲玩得好開心。

但呢個時候Reina同Hannah講訂咗個佢最愛嘅菠蘿包做生日蛋糕，Hannah都忍唔住講咗句：「媽咪，你係咪整蠱我咋？」到陸永拎個蛋糕出嚟，Hannah個心先定番啲，仲感動到眼濕濕！

連佢媽咪都話估唔到6歲嘅囡囡會感動，不過唱生日歌嘅時候Hannah個樣勁唔開心喎，原來佢唔捨得切爛喺蛋糕上面隻貓頭鷹，所以最後大家決定唔切隻貓頭鷹淨係切個蛋糕，Hannah即刻開心番晒！

對於呢個咁可愛嘅舉動，網民都大讚Hannah可愛，仲話佢除咗個樣之外完全唔似6歲！當然仲有一大班網民祝佢生日快樂喇！

(on.cc東網)

【人細鬼大】空姐照撩！黃芳雯爆囝囝未夠一歲就撩女！

2018-02-04

奇妙電視主持黃芳雯（Paula）日前舉家前往印尼出席堂哥的婚禮，Paula表示從未參加過如此盛大的婚宴：「全場有成100席，現場用上超過8成嘅鮮花布置，仲有好多位印尼歌手接力獻唱！所以為咗隆重其事，成家都專登準備咗晚禮服，囝囝就打哂煲呔好斯文咁。」她又笑言自從結婚之後都未見過老公咁型，當然就要不停拍照留念。佢就帶咗囝囝去印尼出席佢堂哥嘅婚禮。
但就話囝囝成個行程不停撩女仔！

又話好耐冇見過老公咁靚仔。
Paula指今趟旅程除了參加婚禮之外，亦都順便避寒及食盡當地美食！不過她就大爆在旅程完結之前就發生了一件驚險事：「囝囝喺臨上飛機之前一日發燒，都好擔心，因為發燒搭飛機會好辛苦，所以都即刻去咗當地嘅醫院睇兒科醫生，發現原來係因為生牙仔，而佢就係咁食手仔止痕，食到啲污糟嘢而發燒，返到嚟香港就即刻出咗3隻牙仔，但依家就傳染咗畀我。」
囝囝再努力啲，黃芳雯好有就飲新抱茶！

一家三口都打扮到好靚～
另外，Paula再爆快將一歲的囝囝在旅程期間都成日撩女仔：「喺飛機就經常留意住啲空姐舉動，望住佢哋推餐車，跟住人哋啲視線，又成日撩前後啲乘客傾偈，好搞笑！去到印尼，佢連百貨公司啲職員都唔放過，當我買嘢嗰陣佢就望住人係到笑，又講好多BB話，完全就好似個PR咁，希望佢可以Keep住，咁我應該好快就有新抱娶㗎啦！」

黃芳雯又話囝囝返香港前一日發燒，搞到要喺當地睇醫生。

(東方日報)