藝人溫家偉（大隻仔）早前就承認同新加坡混血兒索女Sofia拍拖一年多，雖然二人遠距離戀愛，但係依然愛得甜蜜，家偉仲話兩個感情好穩定添！最近家偉就孖女友齊齊飛咗去布吉旅遊，仲喺社交網上載唔少旅遊相，相中見到佢哋出海玩，不過女友就好怕醜用帽遮住半個樣合照。
之後佢仲晒食自助餐同埋去市集行街嘅相，見到佢仲用支好長嘅飲管飲嘢，擺出唔同搞笑甫士，睇相都知佢哋呢個旅程玩得好開心。而女友亦都喺網上晒出一張獨照，仲話：「Sometimes paradise isn’t too far away from home.（有時候天堂係唔需要離屋企太遠）」網民都叫佢哋enjoy個trip呀！
葉翠翠早前宣布懷第二胎，預產期為今年6月，今日去做婦科檢查，獲醫生大讚佗BB佗得好好，原來全賴她自己的秘方。
翠翠在網上表示：「有好消息！胎兒比正常週數大了一點，頭仔大了12天，肚腩大了10天，大腿長了15天，醫生說佗得好好！
各位準備懷孕或懷孕媽媽，真的可以參考我的分享，雖然我不能說究竟是那一個環節起了作用，但只知道我的秘方的而且確係對胎兒有幫助！今次胎兒比小王子還長大了一點，因佗小王子時是邊學邊做，但今次是一早預備好，所以兩個胎兒都有少少分別。
好多人擔心胎兒過大的問題，話難生產。講真，過細係好容易，要大就唔係講一句咁簡單！現在香港一般嬰兒出生只有6磅至7磅內較為普遍，所謂的「過大」都只是8磅至8磅半，當然基因都有影響，不過想胎兒有幾健康就自己決定了。」
(明報)
拍拖五年的容祖兒與劉浩龍（師兄）最近盛傳「情變」，東網收到可靠消息，「龍兒戀」真的分手了！兩人2012年公開戀情，這段被形容為「女尊男卑」的關係一直都不被睇好，但祖兒為愛情甘願放下身段，即使承受背後種種閒言閒語，依然全情投入師兄懷抱。而師兄為了天后女友也力爭上游，努力邊拍戲邊唱歌，更開拓自己投資的生意，把握每個機會拚命工作。兩人苦苦經營愛情，最終還是走到盡頭，婚訊變成「分」訊。
身份懸殊 愈走愈遠
今年37歲的祖兒事業上早已名利雙收，但感情路上卻飽受波折，過去五年跟師兄雖然有快樂時光，但一直有孤身作戰的感覺，即使她付出心機、時間孕育「龍兒戀」，希望得到大家祝福，奈何依然不得要領，愛得辛苦，甚至覺得這段關係令她很攰。事實上兩人由始至終不被睇好，加上一班長輩的壓力，令本來身份懸殊的「龍兒戀」陷入奄奄一息，彌補不到的鴻溝，令兩人愈走愈遠。
祖兒跟師兄分手早就有迹可尋，去年底已醞釀。年初兩人最後一次合體現身是到謝霆鋒家中，品嘗謝大廚的私房菜，當時已經貌合神離。之後祖兒獨自飛往日本旅行，又到英國睇時裝騷，期間還到過澳洲、北京等地，以往經常陪女友飛的師兄，完全無影無蹤！雖然他忙於為4月演唱會排練，但兩人在港卻各有各玩，日前祖兒寧願約蔡一智睇騷，之後成班人拉隊到尖沙咀消夜到深宵，祖兒的保母車更接載大夥兒離開，而當晚師兄卻一支公在家中食飯睇波。
互相表白 變回朋友
據知，出名侍母至孝的祖兒，有感母親近年身體出現毛病，她希望全副心思照顧媽咪，甘願將兒女私情放下。而師兄近年歌影兩忙，唱歌出身的他終於首次舉行個人演唱會，瞓身操練，希望為事業帶來突破。兩人互相表白心聲後，取得共識決定和平分開，回復朋友身份。由於感情屬私人事，他們堅決低調處理，不作任何交代。
祖兒喺社交網上載開心生活相，似未受情變影響心情。
當初兩人爆出愛火，經常忍不住放閃，又愛隔空傳情，出席朋友聚會時更連體嬰現身，因不便在大庭廣眾談情說愛，故喜歡在家中玩煮飯仔。2015年祖兒曾在訪問中講過結婚是為了生BB，覺得每人都有這一日，希望40歲前拉埋天窗，去年甚至傳兩人準備秋天到外地結婚為母親沖喜，不過年底祖兒卻突轉口風說：「未有結婚打算。」原來兩人已秘密分手。祖兒經理人霍汶希對此表示藝人私人事不作回應，而師兄亦透過唱片公司表示：「私人事不作回應。」
(ON.CC)
眾所周知，藝人曹永廉同蕭正楠係圈中嘅「好閨蜜」，感情非常之好。今日，曹永廉就要啟程去橫店拍無綫劇集《包青天再起風雲》，身為兄弟嘅蕭正楠都幫手，幫曹永廉執行李。
蕭正楠喺社交網留言表示「做兄弟一定幫你執……篋，公孫七。（曹永廉飾演公孫策一角）。」蕭正楠就影咗啲相，但係只見到曹永廉一個人踎喺地下，好忙碌咁係係咁執行李，將啲衫塞吓又塞，仲帶埋啲即溶咖啡粉過去添，結果就執咗三大篋行李出嚟。但係睇番啲相，都好似見唔到蕭正楠落手落腳幫手執，唔通佢淨係掛住影相？
陳凱琳昨日出席劇集活動。
昨晚出席了賴慰玲兒子百日宴，她透露賴慰玲親手做蛋糕給兒子時眼濕濕。談到網友轉移催促她與鄭嘉穎快生BB，她說：「唔會嘅。」在台上遊戲時，黃智賢與陳凱琳擺出情侶甫士，黃智賢笑說：「呢個甫士係跟鄭嘉穎學嘅。」陳凱琳則作狀揮拳反擊，十分搞笑。
（on.cc）
有垃圾食物，也有垃圾睡眠！有的人碰到枕頭就睡著，但夢不斷，醒來後還是感覺昏昏沉沉、渾身無力…這種情况就是「垃圾睡眠」，和失眠一樣影響健康。以下綜合專家說法，教大家如何擁有好的睡眠，你不妨可以參考一下。
垃圾睡眠（JUNK SLEEP）的概念是由英國睡眠委員會經過調查而得出，是指睡眠時間和品質都不盡如人意，主要表現形式包括，看電視、聽音樂時會睡著；強迫自己按「時間點」睡覺、起床，但「時間點」總是在改變；自然醒後，強迫延長睡眠時間；晚上不睡，靠白天或休假補眠；工作壓力大，晚上需要加班，但在高強度的工作結束後立刻睡覺。
影響睡眠品質的因素很多，包括內在的疾病及外在的情緒困擾、壓力及不良生活習慣等。《生命時報》引述專家指出，高質量的睡眠應該是，夜間一般不醒，即使醒了還能立刻入睡，適當做夢，但不是惡夢，而且不會似睡非睡，醒來後感到神清氣爽，沒有疲乏感。
專家也表示，臥室環境對睡眠有不少影響，床應該以略高於就寢者的膝蓋為宜，並要長於就寢者身高的0.2至0.3米，寬於就寢者身寬的0.4至0.5米，便於自由翻身。另外，枕頭的高矮，要以仰臥時頭與軀幹保持水平為宜，也就是仰臥時枕高一拳，側臥時則再加一個掌的高度。
如何擁有好睡眠，美國《赫芬頓郵報》也曾經提出幾點建議，包括別賴床、下午4點半後別喝咖啡、晚上9點後別攝取太多蛋白質、睡前別喝酒，以及深夜別玩手機、逗弄寵物或想心煩的事，如果睡不著別硬躺著，可以起來做點輕鬆的事。
（ettoday）
52歲藝人錢嘉樂與42歲湯盈盈結婚五年，先後誕下大女Alyssa及細女Kassidy，一家四口幸福美滿！早前無綫社交網專頁就誤寫咗「恭喜湯盈盈再度懷孕」，搞到大家都以為盈盈又再有喜，不過其後遭盈盈本人親自否認。
其實喜事又唔一定要係宣布佗B嘅，生日都可以好開心㗎！話說3月10日係湯盈盈大女Alyssa五歲生日，盈盈夫婦呢日就幫佢喺主題樂園搞咗個生日P，仲廣邀家長同小朋友出席。盈盈今朝喺IG晒相兼祝愛女：「Royal Birthday Celebration for our Beautiful Birthday Princess！5 years old already！Love you soooo much！（祝我哋美麗嘅公主生日快樂！已經5歲喇！媽媽真係好愛你！）」
相中見愈大愈似錢嘉樂嘅Alyssa，着上一身粉紅公主裙，仲戴上皇冠同戴上啡色捲假髮，真係十足公主一樣！話到明愛女生日咁大件事，老竇錢嘉樂當然要到啦！而佢同盈盈影合照時就一面慈愛咁望住阿女，真係Warm到爆呀！
至於盈盈好友鍾麗淇亦有喺IG晒相兼表示：「Happy 5th birthday to my beautiful god-daughter Alyssa！！Love you to the moon and back…♥️♥️♥️（神的女兒Alyssa 5歲生日快樂！！非常愛你！ 」唔少網友亦紛紛留言：「打扮靚靚 生日快樂🎂」、「時間過得好快」、「女兒很像爸爸哦…好可愛呀！」
方力申同鄧麗欣十年情告終，兩個暫時都未有著落。
方力申今日喺商台接受李居明訪問，起初佢想問有關事業運，點知師傅偏重講感情運，師傅指小方2020年會遇上真命天女，甚至有機會閃婚，小方笑言：「師傅話我50歲後，婚後仲暗有情人，我驚啲fans聽到會誤會。」
至於點樣遇上真命天女，小方指師傅講應該喺水上認識，對方可能從事股票、旅遊同揸船等，更加喺該行業界別中好優秀，小方又話：「師傅話對方可能比我大，我話係咪pat pat比我大，因為我年紀都唔細，我都夠成熟。」
講到事業上，師傅指小方適合水，提議小方每朝起身以花灑沖涼，以助運程，2020年可以發展同水有關事業。
（Apple Daily）
近日性侵事件牽涉全球娛樂圈。
最近涉多宗性侵指控的52歲韓國男星趙敏基，本月9日被發現在寓所地下停車場旁的倉庫上吊自殺，被救下時已沒心跳，送院後1時正式宣佈死亡。趙敏基因為被逾20名女學生控告性騷擾，被禁止出國，並原定今天接受警方調查，但因他已身亡，案件以「無公訴權」結案可能性很大。
趙敏基於上月底被爆在母校清州大學任教時，對女學生作出性騷擾行為；隨後有傳媒公開被指為他對受害者的性騷擾對話紀錄。據報，趙敏基在離世前，曾致電熟好友吐露痛苦心境，並說：「很對不起讓你們失望了」。
趙敏基在《步步驚心》與演員合照。
（singtao）
紅菜頭有「歐洲靈芝」的美譽，近年更成為香港熱捧的天然健康食品之一，有指其營養豐富，更有抗癌、護肝、降血壓、減肥、補血、延緩衰老等妙用，講到咁勁，同仙丹有咩分別﹖
有人為求降血壓而日日食用紅菜頭製作的湯水、菜式、沙律兼濃縮紅菜頭汁，營養師坦言，血壓高成因多，單靠食紅菜頭絕對不能降血壓。
四十有三，愛睇通宵波、打通宵牌、兼有吸煙習慣的阿祥，年半前因胸口翳悶求診，經詳細檢查後證實患有高血壓。枕邊人祥嫂坦言：「佢驗到血壓高之後，飲食節制咗亦有做運動，但叫佢戒煙戒夜生活真係唔使諗，我驚佢遲早有日打牌叫胡會爆血管，所以當我知坊間有咩食材可以降血壓，我都盡量整俾佢食，近來睇報紙講到紅菜頭降血壓好掂，所以我就整紅菜頭湯，紅菜頭沙律同買現成紅菜頭汁俾佢飲。」祥哥苦笑道：「食咗個半月，都唔覺（血壓度數）好咗，係有瘦咗少少，不過餐餐咁食法，仙丹都食壞人啦！」
祥嫂當日睇嘅報章，引述英國與澳洲的醫學團體對紅菜頭的研究成果，證實每日飲用250毫升至500毫升紅菜頭汁有助降低血壓，長期飲用，心臟病死亡機會更下降一成。真係咁掂﹖註冊營養師陳國賓指出：「血壓高的成因好多，緊張、食煙、缺乏運動、高脂高鹽飲食及缺鉀等都會引致，若想靠食紅菜頭降血壓，可能只對缺鉀性高血壓有幫助，但若其他問題唔解決，相信未必有用。」
坑口街市差不多每個菜檔都有售賣紅菜頭，細問紅菜頭有何益處時，靚姐不諱言：「真係好有益，可以降血壓，又可以減肥！」更壓低聲線道：「好多藝人都嚟買！」
其實紅菜頭是植物的根莖部分，含碳水化合物、纖維素、鉀、錳、鐵等微量元素以及礦物質，與所有植物一樣，都有抗氧化成效，抗氧化自然可以防癌、抗衰老、兼令血管擴張改善高血壓。對於補血而言，一個小型的紅菜頭含0.8毫克鐵質和100微克葉酸，而女士們每日需要18毫克鐵質及400微克葉酸，所以每日可能要食至少三至四個紅菜頭，才有補血效用。
另外，紅菜頭屬低脂食材，自然有護肝及提升淋巴系統的防禦功能，但陳國賓認為，每日進食足夠分量的蔬菜生果亦有相同效果。他坦言：「我曾有病人靠長期食西芹及飲木耳水等高鉀食材成功降血壓，但就未見過有人靠食紅菜頭的成功例子，對於食紅菜頭可以減肥，全因它屬高纖低脂食材，食得多自然會飽，食少咗其他嘢，當然可減磅啦。」不過他提醒，因紅菜頭與菠菜、莧菜一樣含較高草酸鹽，鈣質豐富，所以有腎石膽石的人士慎服。
(壹健康)
