「難出真與假」張達明患癌後復出拍劇網民︰老到認唔出！

2017-12-13

黑色喜劇電影《家和萬事驚》今日舉行開鏡，電影卡士非常強勁，有古天樂、吳鎮宇、袁詠儀，陣容鼎盛。不過眾人的出現，都不及張達明。藝人張達明及楊玉梅出席影視活動，達明透露最近忙拍自監自編自演的新片，問到會否很辛苦？他表示每日拍攝十多小時，加上要化老妝，上妝、落妝及洗頭均需時。事關他以戲中老人家造型現身，一頭白髮加極瘦削身形，令人非常震驚。由於大家還記得他早前曾患上鼻咽癌，雖已受控，但難免會聯想到眼前達Ming的造型，到底劇情所需，還是真實狀況？

一向樂天性格的張達明，自2012年傳出患上鼻咽癌後，一直都積極面對，近年病情受控有所好轉，都會現身幕前，客串電影演出，如《浮華宴》、《惡人谷》、《常在你左右》等。至於這部由邱禮濤執導的新作《家和萬事驚》，就是達Ming病癒後首次領銜演出的作品。

除了造型似，達Ming連表情動作都相當神似。

由於戲中要扮演吳鎮宇爸爸，於是要以一身老人妝示人，記者讚他造型神似時，一貫樂觀的他笑說︰「自己大病一場後，現在扮病人更神似，好像頸上的細紋是真的，這個妝要花上個多小時去化，就算落妝都要用熱毛巾敷一敷才可以抹清，都花時間。不過我好滿意個效果，自己照鏡睇就覺得好似自己老竇。」頸紋是真，但頭上的白髮就是人手「加色」的。至於戲中會因為行動不便，要經常坐輪椅，達Ming也直言不介意。「劇組有問我介唔介意坐輪椅，我覺得都啱數，這是方法演技，我有手腳麻痺嘛，遲早都要坐啦。」難得性格樂天，積極面對困難。

不計客串，今次是古仔跟達Ming首度正式合作。

事後張達明接受《香港01》訪問，講到個老人妝何解咁神似，當中原來包涵了大病後的痕跡。張達明：「白髮、眉毛及煙屎牙是特技化妝來的，至於頸紋點解咁多？因為做完電療後，肌肉和皮膚都收縮了，所以會多了皺紋，不用化。」雖然是不快事，但達Ming講起也帶笑。

此外為了這個老妝，達Ming差不多終日都要搽收縮水，但幸得吳鎮宇拍過《脫皮爸爸》，知道搽太多會皮膚敏感，所以都叮囑劇組適可宜止。對於大病初癒，劇組有否錫住佢減少OT時間？「我都話開夜班冇所謂，但我feel到劇組好錫我，俾到我正常開工時間，對我好好！」

(香港01)

【2014年閃婚】晒B囝腳仔報喜：我的人生進入新的階段啦

2017-12-13

韓劇《愛上女主播》38歲女星蔡琳與36歲大陸男星高梓淇，因合作拍劇而擦出愛火，並於大前年10月拉埋天窗。兩人結婚3年終於有好消息，蔡琳今年8月透過所屬事務所表示懷孕6個月。

而高梓淇噚晚透過微博公開喜訊，表示蔡琳平安誕下B仔，兩人升呢做父母，同時又公開咗BB隻腳仔，寫道：

「我的人生進入新的階段啦，我的生命裏又多了一個帥哥。感謝太太這一年來辛苦的等待和付出，感謝禮物(BB胎名)和媽媽都平安健康，愛你們。」

獲唔少粉絲送上留言祝福。

隨後蔡琳透過事務所感謝外界嘅祝福，表示會好好養大BB。

(蘋果日報)

【但就唔見…】喬妹婚後首公開露面

2017-12-13

韓國女星宋慧喬於10月31號與神劇《太陽的後裔》拍檔宋仲基舉行世紀婚禮，婚後喬妹未有公開露面過，只係上周六孖老公現身「國民妹妹」IU嘅演唱會時被網民影到，不過喬妹今日終於公開蒲頭！

喬妹今日被影到現身首爾仁川國際機場，喬妹未有一如以往咁包到冚，僅身穿大褸兼以口罩遮樣，素顏現身，而手上嘅婚戒亦相當搶鏡，不過就唔見老公宋仲基嘅身影。

據知喬妹係飛到北京出席活動，隨後其所屬事務所表示喬妹是次到大陸出席三日兩夜嘅行程，但未有透露詳細內容。

(蘋果日報)

「預祝37歲生日」壽星仔關智斌被BB仔搶晒鏡！！

2017-12-13

關智斌（Kenny）今個月30日37歲生日，可能年尾多商演關係，Kenny提前與一眾好友慶祝，當中包括與老公Andy及囡囡梁浸浸，黃伊汶與老公陳國坤及囝囝陳真等，結果兩位小朋友梁浸浸及陳真成為這晚亮點，睇相令人誤會是她們才是壽星仔，相當搞笑。

關智斌生日被梁浸浸及陳真搶去主角位置。(網上圖片)

Kenny當然不會嬲嬲豬，他開心表示：「多謝梁浸浸同陳真，小朋友為我們兩位壽星仔準備的驚喜生日蛋糕（雖然還有大半個月），不過…你們好似開心過我們喎！」

關智斌一次過抱起梁浸浸及陳真，相當開心。(網上圖片)

關智斌獲一眾好友預祝37歲生日。(網上圖片)

（明報即時娛樂）

【棄掉兒子旅遊證件】遠赴新加坡狠心棄11歲智障兒

2017-12-13

再婚狠父聲稱香港政府無正視其11歲智障兒子在校園受欺凌的問題，認為新加坡福利比香港好，於3年前大費周章將兒子帶到新加坡，並把兒子遺棄在當地的地標魚尾獅，更棄掉兒子的旅遊證件，期望兒子會在當地得到很好的照顧。新加坡當局其後迅速破案，並確認事主身份，將他送回香港。該名48歲姓陳狠父事後被控一項故意遺棄兒童罪，他早前認罪，昨(12日)在觀塘法院被判入獄6個月。被告聞判時一直表現平靜、木無表情。

控方指本案並無同類案例可供參考，因案情嚴重，希望法庭判以阻嚇式刑罰以警惕公眾。裁判官同意被告誤信假消息致愚昧犯下本案，但判刑也要警惕公眾人士負起照顧自己子女的責任，考慮被告初犯認罪、無知及愚昧，加上案件拖延3年始檢控，最後判被告入獄6個月。

辯方求情稱，事主X的智商只有2歲，更有嚴重失禁問題，曾經在巴士失禁，遭司機及乘客指摘及歧視，令被告感到絕望而作出心碎決定，他聽說新加坡對殘障兒童的福利政策較香港好，故愚蠢地作此下策，現已深感後悔願意承擔罪責，有心理準備坐監。

辯方續指，被告的前妻在2007年，X於4歲時已帶同長子離家出走，失去聯絡至今，被告2008年與現任妻子再婚，2011年生下女兒，希望長大後可代為照顧哥哥，被告現任妻子將X視如己出，一家關係融洽，事發時被告因擔心兒子成年後要離開宿舍，更難以照顧，沒有與妻子商量下道聽塗說私自送兒子往新加坡，希望得到更好照顧。

而心理報告指被告無心理問題，重犯機會低，事主的心理報告亦顯示他沒有受到事件影響，因智力太低，未能理解發生甚麼事，他現時繼續長居社署宿舍，被告間中有探望，父子關係正常。

(on.cc東網)

「慶祝55歲生日」基仔：最好既生日禮物就係老婆！

2017-12-13

鄭敬基與太太麥曉安一齊慶祝55歲生日。(網上圖片)

鄭敬基（Joe）今個月12日55歲生日，太太麥曉安（Angie）為他悉心安排，就算沒有燭光晚餐慶祝，Joe仍過得非常開心感動，他在IG表示：「最好的生日（就是沒有燭光晚餐），神秘的一天，由睡醒開始，太太説由她安排就好了，不要問，只要信。習慣為別人安排妥當的我只管依計行事。司機把我們帶到半島門口，生日午餐，這心思已讓我非常感動，但至為感動就是用餐前，太太很用心為我的這一天祈禱。人生最渴望收到的生日禮物，就是在生日天，叧一半能放主第一，食物，環境，禮物，其次的感恩禱告，所以今年就是最開心的生日。當然這𥚃午餐滿分。老婆更知道我的至愛是看電影，午餐後一連兩部，Wonder,血觀音看個滿足。為什麼沒有燭光晚餐？太太説連續幾天已吃得那麼滯，明晚又大吃大喝，不如吃輕點好嗎？到超市買些菜和菰回家弄個米粉。由於快飛美國，吃罷幫小狗洗澡。就這樣，過了個最美好的生日。感謝主給我最好的生日禮物。在此謝謝大家的生日祝福。」

（明報即時娛樂）

【人美心更美】徐子淇：我感動到差啲喊

2017-12-13

千億新抱徐子淇 (Cathy)早前就帶咗三名子女，跟隨救助兒童會到老撾探訪，藉此希望大眾更加關注在東南亞最被邊緣化的兒童之苦況。Cathy話：「今次到訪老撾，對我同我啲仔女來講係一次充滿意義嘅經歷。我哋有機會親眼目睹救助兒童會喺當地嘅工作情況同成果，了解到我哋各個項目可以點樣幫助生活喺老撾最被邊緣化同最窮困嘅兒童，等佢哋得到保護、教育以及醫療服務。」

今次Cathy就帶埋三個仔女同行，包括10歲嘅大女Leanna、8歲嘅二女Hayley及同6歲嘅三仔Triston，對於三個小朋友而言，有一個好深刻嘅印象，就係老撾小朋友嘅熱情款待，覺得佢哋性格樂天，以及有無限嘅創意。其間佢哋去咗一間位於Namkha地區嘅小學探訪時，見到佢哋冇錢買玩具，就利用水樽、樽蓋同小汽球自製成玩具車。佢哋仲舉行咗一個模擬賽車比賽，為今次旅程帶來好多歡笑。

Leanna說：「這次老撾之旅對我來說十分重要，我希望將來能夠幫助這些小朋友。他們在學校作了很多準備來歡迎我們。我睇住佢哋因設施不足，要自製一些臨時水龍頭洗手，唔似我哋咁方便，所以我學會了更加珍惜。」Leanna、Hayley和Triston與小朋友一起玩耍，一起畫畫。Hayley說︰「學校只有三位老師，所有年紀嘅小朋友都會一齊上課，冇分班級。雖然我哋唔識佢哋啲語言，但同佢哋一齊睇圖畫，我哋都好高興。」這真正是突破語言隔閡的文化交流。

Cathy話：「望住當地嘅小學生同我自己嘅小朋友一齊玩同畫畫，我感動到差啲喊。同香港同齡嘅小朋友相比，老撾嘅小朋友身型明顯細小得多。佢哋顯然沒有得到充足嘅營養、教育和醫療服務。據了解，一啲小女孩，有啲甚至只得十歲，喺未得到佢哋嘅同意下，被迫停學結婚，呢啲都係難以令人理解嘅。救助兒童會致力打破不良嘅傳統做法，令我引以為傲。對於女孩子嚟講，我哋會重點增加佢哋嘅社會資本、等佢哋接受教育，喺朋輩間建立起安全網；至於男孩子同男士，我哋就會積極解決性別方面約定俗成嘅規範。」

此外，Cathy亦探訪探訪咗位於Nambak地區嘅轉介醫院。佢話：「探訪醫院時我感觸良多，我親眼目睹兩名嬰兒出生，亦看到一名孕婦喺懷孕晚期流產嘅悲劇，令人心痛。救助兒童會與社區和鄉村嘅領導合作，教育年輕母親在懷孕期間如何照顧自己，以及在醫院分娩嘅重要性。老撾好多婦女都嘗試自行喺屋企分娩，而造成意外。我哋嘅工作相當重要。」

(蘋果日報)

【生活想有突破】宋熙年老公回應生日願望係…實踐造人計劃？

2017-12-13

(Sarah)，仲有雨僑、何傲兒、何傲芝等，噚晚喺中環出席腕錶活動，噚日40歲生日嘅Jason稱近日忙拍劇

何傲兒與家姐何傲芝

陳倩揚

雨僑

佢話：「噚晚12點喺廠度拍劇過生日，一班劇組同Sarah神秘現身為佢我慶祝。」Sarah就話：「其實佢忙拍劇我自己又要開工，已經兩、三日冇見到佢，多謝客戶今日搵我哋出席活動，等我哋可以邊搵錢邊一齊過生日。」

噚日凌晨宋熙年秘密入廠同老公慶祝生日。(ig圖片)

Sarah話前晚收工後見有時間，於是喺最後一刻買咗個細蛋糕，夾埋同劇嘅龔嘉欣入廠畀老公驚喜。嚟緊聖誕節，佢哋就話有意去泰國或越南旅行，問到Jason有咩生日願望？佢話：「自己向來生活檢點，希望嚟緊嘅生活會有突破。」係咪講緊造人大計？Sarah話：「都想，等調理好身體隨時都可以，始終係上天畀嘅禮物。」同場嘅雨僑就低胸裝示人，佢話因為今日帶住隻好名貴腕錶，所以要拎啲名貴嘢出嚟，講緊係條裙喎。

講起腕錶，雨僑話男友羅力威送過兩次禮物畀佢，同樣都係錶，佢話：「咁啱今日係腕錶活動，睇嚟我都要揀一隻送畀佢，希望佢守時啲。」問到男友係咪成日遲到，佢話：「通常都例牌遲半個鐘，我約佢習慣咗會自己行一陣街等，七年嚟都習慣同佢睇戲睇唔到開場。」問到嚟緊結婚怕唔怕佢又遲到？佢話：「唔會嘅，佢而家都忙緊結婚嘢，會係明年初o依家仲有幾個月時間，會請圈內圈外嘅朋友，遲啲都會喺香港影結婚相。」

(蘋果日報)

【媒爆背妻偷食】洪天明回應話…

2017-12-13

洪天明同港姐老婆周家蔚2012年拉埋天窗，婚後生咗兩個囝囝洪大仁、洪竟琋，老婆家蔚一直恨有一個囡囡，佢哋計劃生B女都係抱住順其自然嘅心態。

今日有台灣周刊報道爆上周六喺上海新天地酒吧，同一個身材幾好嘅辣妹於夜店狂歡之後，報道聲稱天明同女伴去咗日航飯店，疑手牽手搭電梯上酒店房過夜。

之但係片中嘅男人成程笠住頂帽，見唔到個樣好難知係唔係天明噃!?

天明今日以短訊回覆傳媒表示”Funny. No reply la.”

(蘋果日報)

【「世上媽媽好」湯盈盈DIY保齡球畀囡囡玩】

2017-12-13

湯盈盈與錢家樂育有4歲大女凱晴及兩歲細女凱琪，好媽媽盈盈專心湊女，更為了囡囡動手做勞作，月前她為囡囡的萬聖節服裝親製《星球大戰》R2-D2帽子及保齡球，凱晴、凱琪見到成品時好開心，令盈盈相當滿意。湯盈盈DIY的圖片搜尋結果輪到聖誕節，盈盈再獻新猷，親手為大女造聖誕節版保齡球讓她帶返學校與同學玩，細女則為家姐試玩，湯盈盈咁有心機，網民都讚佢係「great mommy」。