現年81歲嘅謝賢早前參與內地綜藝節目《寶貝的新朋友》，與一班小朋友大晒溫馨「爺孫情」。節目一出，唔少網友都大讚謝賢平時除咗真性情之外，其實都有鐵漢柔情一面！
不過喺新一期嘅節目預告中，有份參加真人騷嘅小朋友「慶譽」因唔想食嘢而拒絕謝賢嘅食物，仲向謝賢發小脾氣，稱：「一天到晚就是吃吃吃，是吃貨呀？」
搞到謝賢即時扯火，忍唔住發怒作狀用腳輕力踢咗佢一下，就係呢一下腳踢，即惹嚟唔少網友熱議！
面對網友極端嘅評論，謝賢就喺微博親身解畫，澄清非討厭慶譽，佢坦言：「慶譽是個很懂事的小孩，跟我很投緣，我也很喜歡他的，拿他當親孫子疼的，但是見到小孩的一些壞習慣就會忍不住教育，和他講為甚麼事情不能那樣做，慶譽也很聽話的。」
謝賢仲大讚慶譽有錯即改，十分乖巧，佢謂：「非常棒的小孩！這次我還邀請了小慶來香港玩，帶他出海去玩，給他做喜歡吃的魚……」
(on.cc東網)
入行30年嘅周慧敏(Vivian)，明年1月會喺紅館舉行紀念演唱會，日前佢接受ViuTV節目《interviu》訪問。
身為「玉女掌門人」嘅Vivian，竟然喺節目入面話自己其實係醜小鴨喎！唔知大家又信唔信呢？Vivian話，記得自己細個嘅時候，曾經試過好短頭髮，短嘅程度係比男仔頭更男仔嘅短髮，佢話其實係阿媽迫佢剪嘅。Vivian話，記得讀小學嘅時候，自己係孖辮妹，到咗發育時期，唔知點解會變咗鬈髮，好似啲黑人咁嘅鬈髮。佢話：「因為唔識打理，於是就再剪短頭髮，再加上膠框大近視鏡。」
Vivian就形容自己根本同個「靚」字扯唔上關係，直至入咗娛樂圈，先開始識得打扮。訪問入面，Vivian講到俞琤，佢話：「85年參加完新秀歌唱比賽，俞琤係我第一個伯樂，係佢搵我拍戲，而我當時好坦白咁講，我對演戲有恐懼，佢好明白知道我喜歡唱歌，就安排我去唱片公司試音，而試音竟然成功，但又過唔到媽媽嗰一關！所以就冇即時做歌手，繼續讀書。」
談到未來嘅工作計劃，Vivian就話，佢將會放更大比重喺家庭方面，同埋佢亦好專注自己嘅信仰生活，Vivian反而覺得自己嘅演藝事業要隨緣，有感動位先會去做，如果要佢付出太多家庭時間，佢就未必會做，因為佢覺得自己係人家嘅老婆，兼且佢要照顧屋企嘅貓。講到屋企，當然要問吓佢老公倪震啦，Vivian話倪震一直都好用心照顧佢，所以佢亦希望學習照顧老公，盡量做好妻子嘅責任。
(蘋果日報)
為人父母都幾矛盾，又想小朋友過得好，要出去搵奶粉錢，又要俾小朋友接受教育，望佢長大成才。
不過大陸有啲家人就唔係咁好彩，噚日爆出北京市朝陽區管莊紅黃藍幼兒園（新天地分園）有家長懷疑孩子喺幼兒園遭受虐待，有十幾個幼兒家長反映呢間幼兒園國際小二班，有同學仔被老師搵針拮，又睡前俾一啲學生食白色藥片，更有家長指有醫生檢查學童身體，「孩子說有兩次身體檢查，有爺爺醫生和叔叔醫生，家長問叔叔醫生是怎麼檢查的，孩子說『小朋友光溜溜，叔叔也光溜溜』」，孩子模仿叔叔醫生檢查過程時，疑有活塞運動，家長稱自己嗰位小朋友識講嘢先趕出去，令呢件事冇發生喺佢個小朋友身上，據知大陸警方已介入調查。
雖然有傳事件被「河蟹」，有啲相關留言會無啦啦被delete，不過仍有許多藝人由噚日開始紛紛於微博發聲：
范冰冰：每一個孩子都需要被保護，我們只是想要瞭解真相
林心如：保護孩子，瞭解真相張靜初：救救孩子，我們要真相
修杰楷：孩子為何要受這樣的對待，看了好心痛的新聞。怎麼可以有這樣的事
鄭希怡：每個人的態度，組成歷史。為了保護我們的孩子，請不要沉默
應采兒：這不是虐童！這是性侵
張亮：把孩子送到幼稚園是去學習人生的啟蒙教育，應該讓孩子領悟世間的美好，同學的友誼、老師的慈祥！但你們到底對孩子做了甚麼？你們到底是「老師」還是「惡魔」？你們是在玷污「老師」這兩字！孩子在學校連老師都不能相信的話！我們身為父母，到底如何才能保護我們的孩子？
據知紅黃藍教育集團在大陸有唔少分校，今年4月位於北京大紅門附近的紅黃藍幼兒園，已曾爆出老師虐待學生一事，網傳一段視頻，片中見一位老師用腳踢正坐喺櫈仔嘅小朋友，後嚟該園園長給予停職檢查，對事件深刻反思；2015年11月在四平市紅黃藍幼兒園就讀小朋友身上發現大量疑似被針紮嘅傷痕，2016年宣判4名幼兒園教師分別被判刑。
(蘋果日報)
《太陽的後裔》宋仲基與宋慧喬上月31日在首爾舉行婚禮，隨後到西班牙度蜜月，兩人日前結束蜜月之旅返回韓國；日前是宋慧喬的36歲生日，亦是兩人婚後首度慶祝生日。
據韓國傳媒報道，有網民在首爾某酒店見到雙宋，據該名網民透露，昨日下午約5時，他在酒店大堂見到一對情侶手牽手，當男的回頭時，竟發現對方是宋仲基，在他身旁的女士正是宋慧喬，兩人看來非常甜蜜。
網友稱，之後雙宋就到樓上餐廳，相信是為宋慧喬生日食飯慶祝。
（明報）
70年代時家計會為咗勸籲市民節育，就推出咗口號「一個嬌、兩個妙、三個吃不消、四個斷擔挑」，不過今時唔同往日，時勢逆轉鼓勵大家生育，而藝人林盛斌（Bob）同老婆Pearl就生咗4個，最大嘅囡囡林霏兒（Faye）依家9歲，最細嘅囝囝今年8月出世，要養大4個仔女真係長路漫漫！
而呢日Bob嫂就喺Instagram上載咗張相，原來佢去咗瘋狂掃貨，啲戰利品真係多到嚇死人呀！
適逢尋日有超級市場展開為期5日嘅大減價，Bob嫂就趁機大開殺戒，佢留言：「今日（尋日）對於各位靚太實在係全城盛事嘅開始！一早我已經去左（咗）放血，返嚟send左（咗）呢張相俾（畀）林生，勉勵佢努力工作，鬼叫你生左（咗）四件，仲一屋都係人！佢話：去買野（嘢）買到咁 會唔會有啲離地？😅😅」
相中見到Bob嫂真係買咗超級多嘢食，除咗一大堆乾糧，仲有數都數唔晒嘅雪藏食品，閒閒哋都32塊扒、調味料都過10枝，鋪到一地都係，究竟阿Bob屋企有幾大、有幾多個雪櫃呢？
其實除咗4個細路，屋企仲有家傭姐姐，網民都笑言：「可能2個星期就食哂（晒）！」Bob嫂仲上載咗同老公WhatsApp對話，佢話：「你要努力工作，四個斷擔挑。」
相信阿Bob咁搵得錢，唔會斷擔挑嘅！
(on.cc東網)
小一自行分配學位結果，下星期一公布。今年有五萬八千九百多名兒童，申請官立及資助小學的自行分配學位，當中二萬四千九百名兒童獲派學位。其中，一萬四千多人有哥哥或姊姊在有關學校就讀，或父母在有關學校任職；餘下約一萬人按計分制分配學位。
教育局提醒家長，下星期一或星期二，攜同小一入學申請表的副本，前往所申請的小學查閱申請結果。獲分配學位的兒童，家長要在下星期三及星期四，前往學校註冊。
（881903）
李嘉欣喺娛圈發展多年，到2008年同許晉亨拉埋天窗，呢日嘉欣喺Ig貼咗一張婚照，留言話：「So blessed we found each other.Happy 9th Anniversary.」（感恩我們能找到對方，結婚9周年快樂！）
From:微博/娛樂lovelove2017
（SINA）
藝人陳豪和李佳芯（Ali）到秀茂坪一間女校宣傳無綫台慶劇《誇世代》，其中陳豪更在遊戲中大顯敏捷身手。訪問時，陳豪就笑指自己除有運動細胞，更有運動「大包」：「健身後成個狀態番晒嚟！」他又笑指當仔女是啞鈴：「好重，成日要餵奶，大仔成三歲都成日話要抱！兩隻手抱晒三個都試過！」
問緋聞男友陳炳銓（Danny）有否試過一手抱起Ali，Ali即拉開話題：「反而我之前試過畀陳豪抱，其實我唔輕，都有110磅，有場佢抱完我話我有啲分量。」問Danny是否要用齊雙手至抱起她，她謂：「兩隻手係正常嘅，如果嫁嗰個要嗰個一隻手抱起我，咁件事就好有難度喇！」記者笑指Danny亦擁有「大包」（指下體），Ali怕醜地就：「我唔知喎！（畀人影過晒啦！）我唔知呀，大細因人而異嘅！」
提到「六嬸」方逸華離世，陳豪即指對方好好人，最難忘是有一次他與老婆陳茵媺生日行街時撞見方逸華：「Say完個Hello我哋兩個就去食飯，點知之後方姐親自拎份禮物嚟送畀我老婆，真係非常好人。」
(東方日報)
昨日，有媽媽於Facebook群組「屯門好生活 Tuen Mun Good Life」中PO出一張受傷照片，再寫：
「今朝9:40我工人姐姐於屯門景峰花園球場帶住我個仔過馬路，被氣槍射中，差少少射中我個仔，住附近居民請小心，避免中伏」
從相片可見，受傷女事主腳部明顯紅踵。
好多網民都紛紛留言，非常緊張：
「報警!」
「一定要報警」
「我喺附近見過有紅外線燈，唔知係咪同一個人」
「好彩冇射到眼」
「報警希望早日拉到佢 射到眼就一世了」
吳綺莉與卓林的母女關係，就好似條橡筋咁，扯到好「行」，拉得好緊。結果，條橡筋最後只係會斷，或者傷及其中一方，甚至雙方。
古語有云，無仇不成父子，用諸母女身上亦可。事實上，幾乎每次卓林「出事」，都會「走漏風聲」被傳媒知悉。每次「出事」後，母女即成追訪對象，吳綺莉在鏡頭合十「求放過」，但又會在社交網交代，例如說「看到別人穿著我的外套過生日，幫到人也是自己的幸運，這樣想開心些。」指卓林拎咗佢件褸俾女友Andi著，又稱：「朋友已經提我，家裡下次要好小心！好難講一次多過一次，連貓糧都不見了！麵包都拿走了！電視、牀、衣櫃還在，好彩感恩！」引來議論紛紛。
前日吳綺莉在社交網貼母女合照，暗示已破冰，但今日吳又貼出母女對話WhatsApp，稱知道母親想要番佢啲嘢，但卓林一直忙至下周三，承諾「我會帶回所有東西給你」。吳綺莉出post時，將心情列為「覺得感恩」，留言稱「當有一天你發現，家裏的東西都給家人和她的朋友們偷了，感謝天父給我這個經歷，令我『堅強』沒甚麼再過不了的，每天都在感恩中，進步。」
有網民安慰吳綺莉稱「保重自己，因為你係佢最終的依靠！」甚至叫佢換鎖，等卓林知錯回頭；亦有網民對於吳綺莉披露母女對話感到不妥，指其將女兒私隱擺上網，「喺度日日抹黑個女，等全世界都覺得佢衰，咁覺得自己係慈母，係個女最衰」。
吳綺莉方才特地cap低留言，再於社交網出post，寫道：「喜歡網友的回應，隱藏，家裏出事食咗算，傷害家人是正常，為何要說，只是一個香港市民，家裡出事也不能說嗎？你可以不看沒問題，不用浪費時間回應，香港言論自由，不用上心不用回應可以不看。」
有人就留言再安慰吳綺莉：「『贈人玫瑰，手留餘香』，呢一代港豬沒太多人懂。得罪人多，稱呼人少，自以為型，實際是x頭。」吳綺莉就回覆：「不能傷害別人，但也要一起學習不傷害別人也要令自己不太受傷害。」
另有人就說：「綺莉，當大家經歷唔同，睇到嘅嘢亦不同，所以不要太認真睇他們的留言。」吳綺莉合十回應：「明白收到。」
(蘋果日報)
