【湊孖B唔容易】頭3個月係人生最黑暗嘅日子：好地獄㗎

2017-12-10

鄭萃雯（Karen）日前帶同快將2歲嘅孖仔、哥哥卓言及弟弟卓喬接受《蘋果》訪問，一對孖B超似樣，但性格各有不同，弟弟性格明顯較活躍，Karen話轉工後最開心係多咗親子時間，小朋友亦比以前乖。

然而，Karen承認，決定辭去主播一職確有不捨，但為咗家庭及小朋友都要作出選擇，「以前公司都好好，話就我時間，但我覺得對其他同事唔公平，人人都有家人，以前我成日要將小朋友放喺媽咪屋企，會好多嘢擔心，又驚佢哋冇新鮮母乳，佢哋又有濕疹，怕佢哋狂抓，又怕媽咪半夜要照顧會好辛苦。」

問到Karen生孖B有冇打亂計劃？她即笑言：「都有呀！本來都想有2個，老公仲話3、4個，但o依家生咗孖要封肚喇！」

Karen透露，老公家族都有孖胎紀錄，但一直未有為意，做產檢時都嚇咗一跳，佢更形容生B後首3個月係人生最黑暗嘅日子：「好地獄㗎，小朋友兩個鐘飲一次奶，每次循環咁做，得半個鐘休息，好似癲婆咁，冇一份工比阿媽辛苦，所以奉勸想生孖嘅要諗清楚。」

講到新工作，Karen即眉飛色舞，更認為轉工係緣份，新老闆都係以前做記者負責醫療新聞時認識嘅人：「離開大台後，醫療界朋友都問我有冇興趣喺一個平台講下醫療知識，用一個新嘅模式去等人接觸多啲，所以o依家去咗一間醫療公關度做，主要做啲拍片同production工作，都幾得意。」

Karen表示，她已經開咗facebook專頁，現時着手聯絡一啲醫生，希望可以邀請佢哋講關於唔同疾病嘅資訊。

(蘋果日報)

【兩父子餅印睡姿超好笑】Bob嫂：而家點先？

2017-12-10

眾所周知，女兒係爸爸嘅前世情人，成日都會搞到媽媽們呷醋，不過原來囝囝都會令阿媽冇碇企！

就好似藝人林盛斌（Bob）咁，今日Bob嫂（Pearl）喺Instagram上載咗張合照，就係兩父子瞓喺大床，每人一個床位，霸晒張床，Bob嫂變咗第三者咁，完全被排斥冇覺好瞓，搞到佢留言話：「而（依）家點先？兩個林生霸曬（晒）張床」

相中嘅阿Bob同囝囝仲要「神同步」，一樣嘅睡姿滿載溫馨，網民都大讚可愛！

另外，阿Bob日前就上載老婆幫大女霏霏剪腳甲嘅相，見到霏霏瞓喺梳化上面露痛苦，而另外兩個女就喺旁邊「食花生」，阿Bob笑言：「每次見到佢哋是但一個剪腳甲我都覺得好正，醫生負責做手術，其餘家屬在旁安慰……」

有網民都問點解咁大反應，仲笑言「似生仔多啲」！

(on.cc東網)

【幫自閉仔仔剪髮】網民大讚：倪詩蓓係全能媽媽

2017-12-10

前藝人倪詩蓓最近就留港專心照顧患有嚴重自閉症嘅仔仔Royce，雖然好辛苦，但倪詩蓓為咗仔仔佢覺得一切都值得，絕對係好媽媽！

倪詩蓓自回港後，都不時喺網上同大家分享受同仔仔嘅生活點滴，好似今日佢就幫仔仔剪頭髮，仲上載至社交網，並留言：「今早要變身理髪師和同寶寶剪個靚髪。」見到詩蓓剪得有板有眼，相信一定成日幫仔仔剪頭髮喇！剪完頭髮，詩蓓又再上載同仔仔散步同食晚餐嘅相，有咁好嘅媽媽，難怪見到其中一張相Royce都搭住媽媽，相當溫馨！好多網民都大讚詩蓓係全能媽媽，會全力支持咁話添！

倪詩蓓親自操刀幫仔仔剪頭髮。

倪詩蓓仲有煮兩味！

仔仔搭實媽咪。

係咪好想食呢？

掂晒啦！

(ON.CC)

【包包好識照顧人】徐榮太太封肚因為⋯

2017-12-10

徐榮今日同埋細女徐心怡（包包）一齊去到馬鞍山為繪畫學校宣傳，徐榮同包包用蔬果畫畫，為小熊同聖誕樹上色。

徐榮話之前有監製想搵包包拍劇，佢話：「拍電視劇時間太長，佢o依家得兩歲，中間時間都要瞓覺，唔想令佢辛苦。」

徐榮指10歲大仔聖誕會到日本沖繩踢足球比賽，佢話：「大仔比較獨立，七歲開始已經自己出去外地比賽，唔使照顧。」

徐榮之前帶埋包包去張達倫屋企探BB，佢話包包好識照顧人，問到會唔會生多個，徐榮話：「太太封肚，叫張達倫再生啦，我冇錢呀。」

(蘋果日報)

【晚晚餵雀仔】蕭正楠求煎蛋高手黃翠如呢？

2017-12-10

蕭正楠（Edwin）今日出席商場活動時表示聖誕節要開工拍攝新劇《十二傳說》，慶幸仍有時間出席活動掙外快，當中亦有找他和女友黃翠如情侶檔出席的活動，可寓工作於拍拖。

蕭正楠透露兩年前開設的漢堡包店，目前已有分店，最近有人想加盟，成事的話會自設工場。談到黃翠如的廚藝，他無奈地說︰「問到我的傷心事﹗我收工回家後，還要煮飯給她吃，很似餵雀仔。她以前還會煎燶蛋，現在連蛋也不煎，我真命苦！」

蕭正楠笑言煮飯給女友食似餵雀

(明報)

【老婆鬧爆勁投訴】古巨基：好過去滾啦！

2017-12-10

歌手古巨基出席《英皇電競菁英盃 WE ARE THE FUTURE》記者會，他表示自己是元祖級機迷，由卡片機開始每代遊戲機都有打，入行後玩一個可以網上連線的足球遊戲，更試過取得世界排名第八位。

他亦表示試過不沖涼不洗頭，打完機就睡覺，瞓醒又再打機的生活，問到試過幾多日這樣的生活？他謂：「都有三至四日，有幾日唔使做嘢，嗰陣衝緊排名。」問到古太可有鬧到他反艇？他表示：「我依家雖然冇以前打得咁癲，但都有打手機遊戲，佢就會叫我快啲瞓覺。（有冇沒收你部機？）冇，邊沒收得到。（叫得停你？）要拖拖拉拉好耐。」

古巨基o依家都會打手機遊戲，佢話老婆冇佢咁好氣：「太太嘅朋友圈子大家會傾偈，話我打機好過出去蒲，起碼喺屋企可以睇到，好過去滾啦！咁我又唔係不良嗜好，只係仲有一份童心。」他亦表示想不到打機可以發展成電競運動，問到可想向這方面發展？他笑言：「真係好想，覺得好熱血，但依家先加入佢哋玩嘅game就蝕底，大家已經行到好遠，我就旁邊支持好啲。」

講到工作，他表示做緊新大碟，亦有到外地做巡演，剛拍完一套微電影，亦準備緊一套自編自導的電影：「依家一齊傾緊劇本。（會演埋？）要度埋劇本先知，因為要睇吓搞唔搞得掂。（幾時成事？）未有咁快，依家仲度緊劇本。（你可以揀埋女主角？）係，不過呢套係勵志片，男仔為主。」

講到聖誕節，他表示會到外地工作，問到可會趁機造人？他點頭表示：「加油。」他又表示在後台見到一個BB囡很可愛，問到可會想生女？他謂：「仔女冇所謂，係自己嘅已經好開心。」

(on.cc東網)

【開心抱仔】鄭嘉穎: 都會有意外

2017-12-10

藝人鄭嘉穎出席保良局慈善晚宴活動，擔任兒童助養大使的他透露將會上台獻唱，又分享早年曾透過其他機構助養小朋友，並曾到訪越南作探訪活動，愛心爆棚！講到賴慰玲（Winki）早前誕下仔仔Marat，身為契爺的鄭嘉穎亦開心大談契仔：「好開心用咗我幫佢改嘅英文名，見到契仔咁得意，梗係開心啦！我見證住Winki同佢老公由相識到拍拖，再有小朋友到結婚，佢哋經歷咗好多嘢，我都希望見到契仔長大成人。」

問到契仔咁得意，可有感染鄭嘉穎跟女友陳凱琳趕快生番個？他笑言：「唔係比賽，每個人都有唔同嘅時間表，有（小朋友）就當然歡迎。（結婚先？）通常都係，但都會有意外，好似Winki咁，一步一步嚟啦！」他又稱如果結婚一定會公布，但暫時未有計劃結婚。

鄭嘉穎話通常都會有意外

咁真係要小心呀！

鄭嘉穎同女友陳凱琳抱賴慰玲BB。（資料圖片）

(ON.CC)

【重量級飯腳】森美小儀IG曬相網民超葡萄

2017-12-09

小儀今日曬出飯局照，席上見到一班商台同事包括好拍檔森美之外，令人嘩然的竟然是有位「重量級飯腳」劉華在席！

小儀在IG上載了數張照片，簡短PO文：「開心午聚！」，隨即引來不少好友及網民留言大叫好羨慕！

（INSTAGRAM）

【見到都痛！】賴慰玲分娩照曝光網民：母愛好偉大！

2017-12-09

賴慰玲與男友梁子峰交往5年，7月過31歲生日時，宣布做人成功好消息，隨後立馬登記結婚，前天（7日）喜迎新生命到來，她大方公開分娩的「猙獰照」，網友看了直呼「母愛好偉大，媽媽真的好辛苦！」

賴慰玲今日在臉書大喊：「原來生BB真的好痛！」她透露兒子在肚子裡住好住滿，陣痛期長達36小時，原先想以自然產方式生，為了安全起見，最終還是選擇剖腹。賴慰玲分享分娩時的照片，她躺在床上，臉部表情既猙獰又痛苦，但看到兒子平安誕生後，體會到「養兒方知父母恩」及母親的偉大，閨密們也當起乾媽，爭相替兒子換尿片。

（自由時報/FACEBOOK）

【收復老婆記】視帝之「八年抗戰」

2017-12-09

從影多年的苗僑偉（三哥）剛在馬來西亞首奪視帝獎項，他接受電台主持車淑梅訪問，問到可有信心再下一城在無綫《萬千星輝頒奬禮》上得視帝？他笑言已不時催眠自己，不要期望過高，因為王浩信與馬國明今年的表現和走勢都很好，香港視帝寶座最終花落誰家，仍存有不少變數。苗僑偉認為獎項是用來鼓勵演員的，他很高興自己入行近40年，終於得到鼓勵，雖然他仍期望可再得獎，但他表示無論結果如何，都會替得獎者高興。

同宣萱最夾

昔日的「無綫五虎」，今日由梁朝偉領先，車淑梅問苗僑偉會否感到失落？苗僑偉坦言不會，因為在訓練班時，他已認為對方會跑出︰「梁朝偉是天生的演員。」從影接近40年，苗僑偉認為最合拍的女演員是宣萱︰「我們合作過的兩部作品《賭城風雲》與《刑警》都很有感覺，當中有親熱戲但全無尷尬。我感覺她對我非常信任，我亦不怕她誤會我博懵，一個專業的女演員就是這樣。」

決心收服戚美珍

苗僑偉與太太戚美珍可謂圈中的模範夫婦，但原來二人拍拖初期，不論事情大小都會爭拗一番。回想當年，戚美珍出名是個「刁蠻小姐」，大家都不看好這段戀情，三哥直言︰「正因如此，我決心要將她收服，數度分手依然復合。」

「退一步海闊天空」

苗僑偉更風趣地指拍拖那段時間是「八年抗戰」，二人的感情在生下小朋友後便穩定下來︰「每次爭吵都是我先收火，由拍拖開始『退一步海闊天空』這七個字，已經深深印在我的腦海裏，經常運用。幸好三嫂的脾氣來得好爆，走得好爽，其實好易氹。」快將60歲的三哥不言老，更指自己非常百厭，安坐家中感覺如被針刺。至於緋聞，三哥謂自己太怕麻煩，亦不花心，笑言家裡要顧的事已不少，就不要在外自取麻煩了。