《溏心風暴3》噚晚就播出咗第一集，一班演員都要忙住四出宣傳，黃宗澤（Bosco）日前就同埋一班演員，出席喺鰂魚涌舉行嘅活動，活動大約兩點幾結束，Bosco就好似好趕咁，即刻跳上七人車就離開，七人車直駛去咗尖沙嘴海港城，喺呢段短短嘅車程，Bosco煙癮起，唔單只喺車廂煲煙，仲將夾住煙嘅手伸出車窗外㖭！
Bosco喺車入面除咗煲煙之外，仲嚟個大變身，因為見佢落車嘅時候，已經換好咗衫，今次都係好似好趕咁，一支箭咁標落車，直入咗海港城入面一間酒店，助手為咗跟貼Bosco，都越行越快，而Bosco大約喺酒店留咗1個小時左右離開，然後再由尖沙嘴經落馬洲去深圳。
(蘋果日報)
藝人劉愷威與內地女星楊冪近年雖然不時傳婚變，但實情兩口子不知幾恩愛，近日網上瘋傳一段愷威昔日受訪時的片段，面對主持人不斷追問有關楊冪的提問，愷威也有問必答，如與太太親密舉動，愷威也照答，只是表情略為怕醜謂：「會親一下，也不只一下！」及後再被問到可有為楊冪洗過內衣褲？愷威亦淡定回應：「洗過，很順手的事，其實冪冪在家裏的地位是保姆，她甚麼都好，最大的缺點就是太忙。」更指與太太之間毫無秘密，連手機密碼也一一知曉，故從不介意楊冪看他手機內容。
ON.CC
在英國已故戴安娜王妃逝世20周年紀念活動後不久，她的幼子哈利王子周一（27日）終於宣布，與美國籍女星梅根（前譯：馬克爾）訂婚，下年春季舉行婚禮。哈利訂婚後首偕未婚妻露面，稱兩人一見鍾情。有報道指，梅根所戴訂婚戒指上的鑽石，屬戴妃遺物。英女王伊利沙伯二世等皇室成員及政要紛紛送上祝福。
另外，二人接受電視專訪憶述兩人交往以至於求婚時的種種點滴。哈利大爆本月初於肯辛頓宮晚餐時向梅根求婚，對方當時「正嘗試烤焗一隻燒雞」，而且急不及待答應。
兩人在訪問中大談這段引人注目的愛情。哈利形容：「我下跪前，梅根在烤焗燒雞，她沒有讓我完成對白，她不停問我『可以答應嗎』，然後我們便相擁。」哈利又向梅根保證，成為皇室人員會有壓力，但亦會是非常美好。
哈利指，兩人在一名共同朋友的邀請下，一同出席聚會，在此之前他從來沒有聽過梅根的名字；而梅根對於英國皇室亦不甚認識，曾向友人詢問哈利是否友善，結果兩人在聚會上一拍即合，數星期後就一同到博茨瓦納度假。
兩人開始交往初期，常留在愛巢中「煮飯仔」及看電視以避開公眾。哈利承認將梅根介紹了家人時，心中頗為緊張，但幸好皇室中人都極為支持兩人的戀情，哈利更深信，假若亡母戴安娜王妃在世，必會與梅根成為好友。
哈利又提到兩人戀情曝光後，受到傳媒爭相採訪，兩人都大感困難，但最後仍是互相選擇了對方，強調兩人會「永遠在一起」。而梅根則大吐苦水指，不少傳媒針對其混血血統的報道令人沮喪，而且不盡不實。
(東方日報)
「亞視一哥」陳啟泰(Ken)13年回復自由身之後，近年在香港已絕少露面，但實際上陳的工作都好多元化，先後北上拍戲加登台獻唱。
近日陳於內地拍攝完《瘋人院》，戲內一反正氣形象釋演大反派，扮演黑道大佬。陳為了令角色更加傳神，故意留鬚加帶上隱形眼鏡十分專業，江湖味道可謂入形入格。
戲中最大挑戰
陳10年沒有拍劇，坦然有點生疏。更指今次演出反派為新嘗試，當中最大的挑戰為殺人和設計害人。要做到表裡不一，殺人不貶眼確實有花時間去拿挰。陳亦期望可以拍香港劇，因為陳指演員一角是十分被用的職業。
(蘋果日報)
藝人梁烈唯（唯唯）有女萬事足，經常喺社交網上載囡囡Karina嘅得意相。原來轉眼間Karina已經十個月大喇，呢日唯唯上載Karina嘅為食相，仲留言話：「各位哥哥姐姐好，我今天十個月大了！」
睇相見到Karina大個咗好多，仲拎住啲食物係咁咬，點知唔小心整污糟咗個嘴角，由「為食貓」變成「污糟貓」，真係好可愛呀！
網民仲話Karina似媽咪多啲，紛紛叫唯唯快啲追多個「小唯唯」呀！
(東方日報)
呂良偉與鐘錶品牌合作，推出「吉利彩雞」陀飛輪腕錶系列，3款錶面設計以阿呂的畫作為題，亦是其自家品牌的首個系列產品，今日進行慈善拍賣暨午宴，呂良偉與太太楊小娟、沈慧林、甄子丹夫婦、鄧鉅明夫婦、楊受成、汪圓圓、張玉珊、羅霖、琦琦等均有出席。甄子丹以58萬8千元投得「印鈔雞」腕錶送給太太汪詩詩，紀曉波母親以38萬投得「七彩脈輪」腕錶，楊受成亦即場捐出20萬元。阿呂對共拍賣逾270萬元大感滿意，部份收益捐給「美麗中國」及「心光盲人院」。
甄子丹自認很慳儉，甚少買奢侈品，今次全因支持兩位好友的慈善活動，大讚呂哥是個重感情，很有善心愛心的人，加上太太和外母同屬雞生肖，一舉兩得。談到惠英紅榮獲金馬獎影后，他覺得對方是實至名歸；他剛在佛山電影展奪得終身成就獎，他覺得該獎德高望重，自己不敢當，當是一點貢獻和勉勵。
蔡加讚太太汪圓圓計劃聖誕節與家姐汪詩詩等家人到熱帶地方旅行，問姐夫甄子丹會否同行？她說：「姐夫好慘，每次去旅行佢都要拍戲，所以唔理佢，得閒就Join，唔得閒都冇辦法，佢啲時間好難夾。」已是3子女之母的圓圓，自認或因生育後沒記性，就連明天的結婚周年也忘記了，早已答應了其他人的約會，惟有提早今晚與老公慶祝。另外，對於蔡加讚家姐蔡加怡擔任主席的康健醫療，遭證監會勒令停牌，她說沒特別留意，不擔心，他們會處理。
Headline Daily
有咗BB之後，相信每個媽媽都會好注重營養吸收，不過，同時又會好擔心啲營養吸收晒喺自己身上，長肉唔長胎…
但喺睇返一班娛樂圈星媽，佢地好多都做到「長胎唔長太多肉」，好犀利！MyBB亦為此幫一班媽媽們做咗個小調查，睇下呢班靚靚星媽喺懷孕期間係食啲咩呢…
結果出爐喇！除咗盡量做到均衡飲食之外，喺補身方面，原來佢哋係非常講究，絕對唔會亂咁補！
剛剛生完第二胎冇耐嘅麥雅緻 (Angie)早前分享到飲滴雞精，佢話：「飲咗覺得體力恢復得快，無油膩感，好容易入口，最重要係零脂肪同低鈉量，好補之餘又做到肥B唔肥媽。」
而一向喺補身方面勁有研究嘅葉翠翠都有分享到：「滴雞精由未懷孕食到現在，對身體十分有幫助！」佢仲強調滴雞精可以「改善身體機能，提高受孕機會」。
而且，翠翠嘅「小王子」提早咗出世都有7磅半，足哂秤，非常健康！同埋「小王子」四個月人仔已經識得自己坐，仲要坐得好叻！翠翠都有提過，應該喺同佢一向有做好補身嘅習慣有關。另外，翠翠由懷孕、生完、坐月，一直都好容光煥發同埋好fit，相信同佢識補身好有關係。
而Bob嫂呢，生完第四胎，同時又要照顧三個囡，氣色望上去仲好唔錯！原來佢同三個囡囡都有飲滴雞精，佢話：「我同三位小朋友每朝餐前都有飲滴雞精補充營養、精神、體力」、「補身、唔肥身」。
有網民見到Bob嫂嘅分享，都留言：「小朋友都可以飲，又多一個選擇！」大讚正啊﹗
而今年43歲嘅李漫芬，早前開心宣佈有喜！佢都有分享自己有飲滴雞精嘅習慣，佢講到自從懷孕後好容易攰，訓幾多都會覺得唔夠精神，不過飲咗滴雞精之後，問題改善咗好多，所以打算生完都會繼續飲！而且，滴雞精有助孕功效，如果想追多胎，真喺可以keep住飲喎！
補充多少少，香港暫時都有好幾家賣滴雞精嘅牌子，據MyBB調查，Bob嫂、翠翠、Angie、Fanny都喺食緊王朝滴雞精。唔知關唔關蛋白質成份事呢﹖因為王朝滴雞精嘅蛋白質成份喺幾家之中最高，價錢亦喺最抵。可能因為咁，以上四位精明靚媽都喺揀佢啦。
*最後提一提，母乳媽媽每日都要比非母乳媽媽攝取更多嘅蛋白質，補充蛋白質好重要！
周麗淇（Niki）近日正在拍攝無綫新劇《再創世紀》，呢日Niki有「小情人」嚟探班，而呢位小情人就係家姐周汶錡（Kathy）嘅細仔Avner。Niki開心又肉緊，攬到Avner實一實，仲搖來搖去氹佢。Niki留言：「小情人來探班，開始學講嘢了…..依依啊啊」
八個月大嘅Avner，而家開始學講嘢，所以不停「咿咿呀呀」咁叫，又萌又cute，難怪Niki咁錫佢。網民都大讚Avner可愛，仲話佢Avner好冧Niki添！
(SINA)
36歲美國女星梅根馬克爾(Meghan Markle) 同英國哈里王子熱戀1年多，最近屢次傳出婚訊，但二人一直未有回應。二人啱啱宣佈訂婚喜訊，今次係英國皇室繼英女皇伊利沙伯二世同夫婿菲臘親王「鉑金婚」紀念之後一宗天大喜事。最近數個月梅根同哈里王子不時出雙入對，更大方公開拖手，有報導指梅根已執拾好加拿大多倫多居所嘅物品，預備搬往哈里王子現居嘅諾丁漢小別墅（Nottingham Cottage），而上星期呢位離過婚嘅女星亦被影到於倫敦購物。
之前一直有傳二人婚訊會於上周四公佈，因為英國首相文翠珊（Theresa May）已清空全日時間以準備迎接喜訊，但最後傳聞卻遭否認，但就有人見到有電視台工作人員於肯辛頓宮（Kensington Palace）內作準備。其實外間亦一直期待二人正式發佈喜訊，並希望梅根可以出席皇室嘅年度聖誕慶祝派對。
(蘋果日報)
藝人林盛斌出席保溫瓶專門店開幕，提到他太太早前在社交網站上載了一張鋪滿食物的相，他說：「大家都叫我努力搵錢，我都有問佢點解買咁多，佢話平時早、午、晚同宵夜都食，個幾月就食晒，我哋連埋工人姐姐都8個人，啲嘢好快食晒，隔夜餸佢哋都食埋，我想食都冇。」
他坦言每次出門工作見到仔女玩的甜蜜場面就是他工作的動力，令他面對任何挑戰。問到有4個子女是否夠晒數？他直言：「夠晒，3個家姐好關心細佬，食完飯就爭住話要同細佬玩，因為佢哋見到細佬喺BB床，怕佢悶。（集萬千寵愛在一身？怕唔怕寵壞？）唔會，成屋女人，驚佢怕咗女人，都唔知第時佢怕女人定鍾意女人。」
(東方日報)
