今日除咗係3.8婦女節外，仲係模特兒郭穎兒（Celia K.）囡囡Galia嘅一歲生日，Celia K.自從生咗囡囡後，都專心湊女甚少在幕前曝光，認真係好媽媽！做咗一年媽媽嘅Celia K.喺呢日非常感觸，佢用文字喺社交網抒發當媽一年的感受，相信都係每個新手媽媽的心聲。
她留言：「上年嘅今日 我同妳初次見面 我對妳淨係覺得好奇妙 少少陌生 對妳一啲都唔了解 唔熟悉 ⋯ 所以野（嘢）都戰戰兢兢去學 去接觸 ⋯直至今日我哋相處左（咗）一年 差唔多對足妳365日 我哋慢慢開始建立左（咗）比較深厚嘅感情 我陪住妳學講嘢 妳成日傳染啲病菌比我迫（逼）我陪你病 睇住妳識坐 識爬 再慢慢企穩 到今日識行 妳帶比（畀）我嘅歡樂 永遠都唔嫌多 妳令我學習到當媽是怎樣一回事 呢一年過得太快 以後我地（哋）繼續互相指教 我會一直陪伴妳成長 我愛妳 囡 一歲 生日快樂。」
(on.cc東網)
胡杏兒與老公Philip、囝囝Brendan度過了首個農曆新年後，又再繼續工作。
杏兒表示：「囝囝性格很好、很開心，是一個happy baby！每朝醒來就會笑，好像期待大家給他抱抱。」提起囝囝的樣貌，杏兒乘機投訴笑言：「有啲唔公平，因為10個人當中有9.999個人都話囝囝同老公似樣，但我覺得囝囝某些角度同我都相似，特別係對眼。」
Brendan 最近有新相，網民話好似士多啤梨 😄😄😄
電話全部都係囝囝相
杏兒全面復工後，經常會掛住囝囝，坦言自己的手提電話跟一般在職媽媽一樣，已被囝囝的相及影片佔據，讓她可在工作時望梅止渴。
對囝囝應教則教
Brendan出世前，杏兒曾幻想自己會是一個嚴厲的媽媽，但自從生了囝囝後，杏兒被指是家中最寵囝囝的一個，老公及奶奶笑言如果將來Brendan頑皮受罰，一定會躲在杏兒後面做自己的擋箭牌！
不過杏兒卻堅定地表示：「我會忠於自己的宗旨，應教則教，不可以寵壞他，亦希望囝囝會是一個乖乖的孩子，不過長路漫漫，我仍需慢慢學習。」相比之下，杏兒讚老公是個「滿分爸爸」，她解釋：「我覺得老公作為爸爸都有9.5分，都頗為滿分！無論換尿片、同囝囝玩，都比我叻好多，老公同囝囝玩的時候，會逗得他笑逐頻開，哈哈大笑，我在旁只有無奈地望着。不過要扣老公0.5分，因為他有時都很嚴厲！」杏兒更揚言希望可以生多一個：「其實生完Brendan後覺得小朋友真的好可愛，每日見到真係好開心，我都會盡自己最大努力，讓囝囝有伴。」
（on.cc）
連剛剛生完第三胎的劉鑾雄太太甘比都出鏡，今次更是甘比產後第一次post自己的相在IG上，相中的她看起來纖瘦，收身速度非常快。。。
賭王千金何超蓮向來熱心參與慈善，更自己出錢按開辦「Smile with us HK」慈善組織，人美心更美，最近她就與容祖兒所成立的「容祖兒慈善基金會」及L’Oréal齊齊合作，舉行一起微笑美麗在望福袋傳愛行動。
超蓮早前更親自拍左3條影片放上Instagram，向大家講解福袋的內容。此舉獲得多位圈中明星的支持，包括名模琦琦、丁子高、阿sa阿嬌等，連剛剛生完第三胎的劉鑾雄太太甘比都出鏡支持，今次更是甘比產後第一次post自己的相在IG上，相中的她看起來纖瘦，收身速度非常快。
福袋裹面包含不同品牌的護膚品加化妝品，包括YSL Beauty、Kiehl’s 及Armani beauty 等，如果想買化妝品又想為慈善出一分力，不妨於今天至3月10號於皇室堡地下中庭參與福袋義賣活動！
(蘋果日報)
歌手劉浩龍（師兄）日前參加ViuTV 99台節目《飯聚現場》錄影，並與抗癌勇士嘉鎂一同為家人炮製飯局，以答謝嘉鎂媽媽及妹妹一直在身邊不離不棄的照顧她。年紀輕輕的嘉鎂在中學期間一次暈倒，確診血癌，她憑着堅強的意志，一步一步對抗癌症，更一嘗心願前往巴黎藍帶廚藝學校學習整西式甜點。當師兄知道嘉鎂的抗癌故事後，令他非常感動。他首先為嘉鎂安排一個設施齊備的地方製作蛋糕，而嘉鎂就以全家最愛的玫瑰花作為主題，特意炮製玫瑰荔枝芝士蛋糕給媽媽及妹妹品嘗。師兄見一切準備就緒，就接嘉鎂媽媽及妹妹到場地並送上驚喜，畫面相當感人，師兄即席送上一首有意義的歌曲，希望嘉鎂及家人在往後的日子生活得幸福快樂。
歌手吳若希（Jinny）到電台接受薛家燕訪問及宣傳無綫劇集《波士早晨》主題曲《找個離開你的理由》：「呢首歌係兩年前錄嘅，喺日本歌改編，好搞笑，我第一次喺家品店聽到，當時仲未知自己會做師奶，到首歌出街時我已經成為師奶，同師奶有緣分。」
指薛家燕是恩人
Jinny表示與薛家燕在新城團拜時見過，又指對方是自己恩人：「我媽咪出事嗰時我同薛家燕拍緊古裝，佢無論生活上、心理上都幫咗我好多，如果佢有咩事，我都會全力撐。（好彩唱片公司同新城關係好番？）我哋公司不嬲同新城關係友好，之前話我哋冇去頒獎禮，其實我哋有人去，不過老闆冇去，但太Detail嘅原因我就唔清楚。」
今年適合有小朋友
問到何時推出新歌？Jinny表示：「嚟緊又有㗎喇、好攰。（又有小朋友定歌？）Touch Wood！前兩日有風水師上嚟擺陣，佢話我今年間屋同我條命都好適合有小朋友，叫我小心啲，我惟有叫老公小心啲。我唔想咁快住，我想賺吓錢，如果唔係，我嘅私己錢就會Keep住同一個水平。不過如果真係唔覺意有咗，都唔會介意嘅。」
同老公分居
Jinny透露老公想等她身體準備好再生，因為醫生認為兩三年後再生才是最好的循環：「我原本想生個虎仔，但要6年太耐，3年啦。」Jinny指老公現於泰國出Business Trip，稍後會在香港做生意，有多點時間留港：「我依家住澳門，4月會搬返香港，阿女就間中啦。（同老公分居？）係呀，要分吓居，我哋太煙韌！我哋傾偈好似好唔Sweet，但諗返轉頭，大家都會擺大家喺心入面好重要嘅位置，所以會小別勝新婚。」
(on.cc)
陀B7個月重咗10幾磅，佢話開始陀B時孕吐好嚴重，又頭痛又胃漲，一直嘔到5個月，呢兩個月先食到嘢，一餓就唔舒服，佢話：「老公都擔心我身體唔好，唔畀我一個人出街，盡量佢會陪我。」
由o靚模轉行當空姐、現年29歲嘅「E Cup Baby」劉欣宜，當年出道憑住34E奶寫真出位，佢前年嫁畀音樂人陳子敏，舊年底宣佈造人成功，預計今年5月將會誕下B女，距離「卸貨」仲有兩個月，肚大如籮嘅劉欣宜日前同老公拍拖去旺角掃嬰兒用品。
日前黃昏6點，劉欣宜兩公婆着住情侶牛仔布恤衫出動，劉欣宜唔單止挺住巨肚，本身係E奶嘅佢陀B後谷奶，目測佢上圍至少升一cup，着住tee都掹掹緊。劉欣宜同老公十指緊扣走入旺角某商場嘅嬰兒用品店，見佢哋乜都睇吓，包括BB手推車、嬰兒衫仔等，不過最大感興趣竟係一張多用途高腳椅（high chair），除方便父母給BB餵食，又可以畀BB躺下，陳子敏好仔細咁同老婆講解。
劉欣宜兩公婆每看中啱心水物品，佢哋都一定細閱物品質料，希望買到最安全同可靠用品畀囡囡使用。咁啱店中做減價，劉欣宜都錫住老公荷包，優先選擇減價貨，相信係因為家中即將添新成員，開支大增，所以劉欣宜都慳住買。佢哋掃貨期間，突然見劉欣宜用手摸肚，睇嚟囡囡一定喺肚內好興奮，陳子敏即暖男上身，體貼安慰老婆。
佢哋揀咗45分鐘左右，由陳子敏去埋單，劉欣宜則逗玩排隊旁一名約兩歲小朋友，母愛泛濫。陳子敏全程好緊張老婆，對佢照顧周到。
《蘋果》聯絡劉欣宜，佢話：「咁啱老公得閒，就出去買定BB嘢，差唔多要準備，好多嘢要買都好頭痛。」提到佢專揀減價貨，劉欣宜話：「我會睇品質，畢竟BB大得快，啱用先買，唔想嘥，要環保。」佢哋係看中一張可變搖椅嘅高腳椅，可惜只得陳列品，冇現貨。
陀B約7個月嘅劉欣宜，重咗10幾磅，佢話開始陀B時孕吐好嚴重，又頭痛又胃漲，一直嘔到5個月，呢兩個月先食到嘢，一餓就唔舒服，佢話：「老公都擔心我身體唔好，唔畀我一個人出街，盡量佢會陪我。」
佢仲話有咗BB後，食嘢口味變咗，心情變化亦好大，好彩老公錫到燶，照顧得佢哋兩母女照顧得好妥貼。由於劉欣宜同老公陳子敏都愛音樂，所以已經計劃一齊作首歌送畀囡囡：「我叫老公儲住心情，有靈感就即寫歌。」講到劉欣宜谷奶迫爆tee，佢笑住話：「咁密實都睇到。」佢仲話準備自然分娩，然後會以人奶餵育囡囡。
(蘋果日報)
現年41歲的楊張新悅（Nicola）於2007年與楊哲安拉埋天窗，其後為老公誕下三名女兒，曾表示封肚的她早前意外懷孕，近日她亦專心安胎。不過前日（6日）Nicola難得撇下三名女兒，見她挺着大肚現身中環，相約一名女友人雙雙歎茶，懷有第四胎的她席上只飲橙汁，期間還與友人有講有笑，傾到動作多多，埋單後兩人又往附近的名店濕平，Nicola還主攻平底鞋，但見她左揀右揀仍沒合心水，遂與友人步行離開，當發現記者在場時，她亦笑笑口打招呼，還表示現時已懷孕四，五個月，但問到這胎是男是女時，她只笑笑口說:「唔講喇。」
而身為環保人士的Nicola，為免增加地球廢氣，寧願善用交通工具往逼巴士，慳錢之餘又為地球出一分力，她及後由女友人陪同步往巴士站，未幾其丈夫楊哲安急急腳前來會合，並護駕腹大便便的Nicola上車，夫婦甫坐下已「蜜蜜斟」，狀甚恩愛。
藝人廖碧兒入行十七年，感情生活一直備受關注，早前被拍得與一男子同遊芬蘭，有指該男子叫盧啟賢（Calvin Lo），現年四十歲，家境富裕，曾經結婚並育有女兒，有傳Calvin認識廖碧兒時，亦有泰籍女友Nina，去年十月，Nina還Calvin慶祝四十歲生日，還上載照片到社交網，而事隔一個月，Calvin則與廖碧兒約會，約會期間兩人狀甚親蜜！
記者致電向廖碧兒求證新戀情，她則指一年前透過慈善活動認識Calvin，雙方現正了解中，並笑言：「待日後有好消息會再同大家講。多謝關心！」
問到Calvin是不是有女友？廖碧兒說：「呢位女士，只是他的朋友。」
(on.cc東網)
藝人姚子羚傳出與拍拖三年的男友鄭子邦已分手，好姊妹黃智雯接回應時指：「感情嘅事唔代答啦！作為姊妹更加應該給予空間。」
姚子羚社交網
而剛剛，姚子羚於社交網承認分手，她留言：「從來我都甚少在社交網絡提及自己的感情事～ 與其有不同的揣測和假設…就讓我來說吧！謝謝大家的關心～這是我們共同的決定，這些年我們共同經歷的，也就只有我們最明白😊 也感恩有他在我身邊～我們仍然很好～仍會彼此關心、支持、愛護對方❤ 一段關係的完結並不代表就是結束～ 愛其實可以有更多不同的方式～我相信無論我們是什（甚）麼關係，仍會守護、祝福對方☺🙏 也希望大家給予空間讓我們去處理我們的事」網友紛紛留言支持姚子羚。
姚子羚接受媒體訪問，她說：「多謝大家關心！希望大家畀番啲空間我哋啦。」
(on.cc)
林志玲農曆年前因為感冒免疫系統失調而全面停工，當中還傳出疑似因為懷孕養胎而暫停工作。睽違一個多月，6日林志玲首度復工，還穿上了高跟鞋試圖破除懷孕的傳聞。
6日林志玲現身上海出席活動，臉卻比先前圓潤的許多，手臂也比先前多了些肉，下半身還穿著篷裙，讓許多網友不禁紛紛猜測，志玲姐姐是否已有身孕。
據「SETN三立新聞網」報導，林志玲經紀人澄清：「都穿高跟鞋出席活動了」，並透露林志玲接下來有一連串的工作要進行，試圖破除懷孕傳言。7日下午林志玲工作室還特地發表貼文表示：「姐姐很抱歉讓大家擔心了，會努力用元氣滿滿的狀態和大家見面的。大家也要健健康康的哦，很開心看到大家。壁花覺得板板就是先女本先吶。」
(噓！星聞)
