藝人河國榮出席活動，他表示想去非洲參與攝影團影動物，但怕當地治安，所以要小心選擇。他透露聖誕節要為好友任表演嘉賓，不收酬勞。而二月去澳洲幫爸爸搬屋，他說：「爸爸有柏金遜病，要由鄉村搬去市區，因為本身間屋有小農場，佢70幾歲都打理唔到，所以搬近我妹妹，佢本來都唔想搬，但係怕身體遲啲會愈嚟愈差。」他表示今次主要去當地為爸爸裝電腦，更大讚現今科技令人與人拉近，不用再打電話，可以視像。
雖然河國榮住喺香港，但係都可以靠視象同爸爸保持聯絡。
(ON.CC)
「發泡膠塞入菜心？」專家:拆解蔬菜怪異現象(有片睇!!)
菜可說是市民每日買餸必買的材料，但最近卻有人指蔬菜出現「怪異現象」。
近日有網民見菜心莖部中心變成白色，擔心有不良商戶在菜心塞入發泡膠。(互聯網圖片)
噴灑農藥時不會只集中蔬菜某些位置，一般清洗和烹調過程已去除大部分農藥。
少肉多菜、每日要食兩份水果三份蔬菜是健康飲食的重要一環，但最近卻有人指有蔬菜出現「怪異現象」，在網上引起熱議。有網民在社交網站上載一幅切開了的菜心的圖片，莖部中心變成白色，令其懷疑有不良商戶在菜心塞入發泡膠。不料貼文一出，即遭網民嘲笑，指該菜心只是「老」了。到底菜心為何會形成「發泡膠」？
菜心莖部中心會變白，家營營養中心營養師吳耀芬(Kathy)指，這現象並不罕見：「本身蔬菜莖部會有纖維化嘅現象，如果加上有脫水嘅情況，譬如種嘅時候唔夠水分，都會發生呢個『白化』情況。」蔬菜收割下來，長時間存放在乾燥的環境中，也會出現這種的情況，而且不止菜心，芥蘭、西蘭花、生菜的莖部亦有機會因上述原因變白。Kathy指，食用這些菜口感上會較乾，但進食變白的莖部對人體並沒有影響。
不過，關於菜的迷思，又豈止菜心莖部變白？多年來，不少長輩也會語重心長地告誡，菜心上的黃色小花積聚農藥、不能吃，但實際上，黃花並不是「猛毒」之物。會有這種「花是農藥重災區」的錯覺，Kathy估計是因為普遍人認為花會吸引昆蟲採花蜜，農夫會將農藥集中噴在花上，加上花的表面凹凸不平，容易有農藥殘留的誤會：「其實噴農藥時唔會只集中蔬菜某些位置噴灑，一噴就會噴晒全部地方，包括葉，所以花唔會殘留特別多農藥。」只要清潔乾淨，花的部分也可以食用。
要確保能洗走菜上的農藥，有人會選擇用水浸洗，亦有人會選擇使用市面上的蔬菜清潔劑，不過用清潔劑是否就代表特別乾淨？「其實洗蔬菜唔使特別用呢啲清潔劑，因為始終都會食落肚，可能有機會洗唔乾淨(清潔劑)。」Kathy表示，用清水已經可以清洗大部分農藥，而且在烹煮期間，農藥亦會揮發，煮約15秒已能除去大部分農藥。至於清洗蔬菜的方法，Kathy建議可用清水浸洗10分鐘，但市民不應將菜切得太碎才浸洗，以免水溶性維他命流失。
Kathy又提醒，蔬菜雖有高織、低纖之分，但市民應「咩蔬菜都要食」，若發現大便不暢通，又確定與食太少高纖蔬菜有關，「可以食返啲高纖嘅蔬菜，例如菜心、芥蘭、西蘭花、菠菜，而水溶性纖維比較高嘅蔬菜都特別滑腸，好似秋葵咁。」
學生蔡小姐指，曾有長輩對她說菜心的黃花是殘留農藥「重災區」，不宜食用。
市民郭小姐看過相片後，估計因菜心未煮熟，莖部才會呈白色。
影片:http://tv.on.cc/hk/index.html?i=ONS171208-14661-65-M&d=1512749581
來源
(東方日報)
【唔係新娘咩？】黃翠如做花女
62歲嘅無綫資深演員陳榮峻喺2012年經歷喪妻之痛，至近年迎第二春，與已屆57年、同屬無綫資深演員吳香倫譜黃昏戀曲，兩人低調拍拖3年，早前透露有意結婚。
「TVB職藝員聯歡晚宴2017」噚晚喺將軍澳舉行，開咗二百幾圍盆菜，除黃翠如、麥明詩、黃心穎、李佳芯、朱晨麗、龔嘉欣、王君馨、朱千雪、張振朗、雷莊兒、馬海倫、江美儀等逾百藝人外，老闆陳國強都有現身。陳榮峻突然攞出戒指跪地向吳香倫求婚，吳香倫好開心咁話：「終於有人肯娶我喇！多謝峻哥！」陳榮峻亦眼濕濕話：「多謝你肯嫁畀我！」司儀安德尊就率領台下嘅人向兩人講﹕「百年好合，永結同心。」陳榮峻噚晚接受傳媒訪問話：「其實係噚（前）日先才决定，戒指係之前訂造，嗰陣唔係諗住做訂婚戒指，只係諗住送隻戒指俾佢，係翠如提我。」點解揀呢個日子求婚？佢就話：「冇，只係覺得喺TVB認識，想喺TVB見證下向佢求婚。」至於婚期，佢話：「我哋暫時冇訂咗乜嘢日子，所以未諗點搞。」戒指雖然唔名貴，但吳香倫就覺得唔價值唔重要，最緊要係鍾意。而黃翠如就全程喺網上直播，佢亦都有幫手送花，翠如話：「我嚟無綫後第一部拍嘅劇《心路GPS》，峻哥做我爸爸，佢就成日叫我阿女，所以大家都好close。佢求婚前都有搵我傾過，所以就幫手。」
翠如喺網上直播，好神秘，又好開心，冇講咩事。（互聯網圖片）
成盒花，原來係幫陳榮峻向吳香倫求婚。。（互聯網圖片）
跪地送戒，佢話本身唔係訂婚戒指。（互聯網圖片）
翠如喺facebook解釋， 陳榮峻喺《心路GPS》做佢爸爸，兩人關係好close。 （facebook圖片）
(蘋果日報)
「光頭慶生日」玉樹林峯秒變濟公?
林峯昨日38歲生日，身處內地拍劇的他繼續在工作中度過
而他用了一個很特別的方式為自己賀壽，前日他在微博貼圖，一向「玉樹臨風」的林峯忽然賣萌，貼了一張光頭賣萌相，並留言：「冷，大雪，還是要多穿一點」，見到他睜大雙眼，真是十分可愛。至於最近跟林峯屢傳分手的千語BB，前日在fb貼了一張相問大家：「我用邊隻顏色染髮好呢！」
但不少網民的反應是認不出玉樹林峯
更有點兒像出演濟公的麥嘉
(蘋果日報)
【對手太強】驚0票數 但唔想幫自己拉票？
無綫幾天前公佈了《萬千星輝頒獎典禮2017》四個獎項的候選名單，包括有「最佳男主角」、「最佳女主角」、「最佳男配角」和「最佳女配角」，於2018年1月21
「新加坡視后」李佳芯出席「TVB職藝員聯歡晚宴2017」，而今年她憑《誇世代》一劇角逐視后獎項，她表示事前要再努力先再諗，但已經很開心，因為以為是憑《踩過界》獲提名，問是否失望，她說：「其實今年係bonus囉！已經超額完成，仲想點呀！香港呢個係另一樣嘢，但係好事，唔同角色都有份提名，（喺台上點拉票？）都未諗到，叫大家施捨個發財錢啦！上去諗到乜就講乜啦！今次視后對手太強，而且自己年資好淺，自己反而睇好田蕊妮嘅《迷》，同佢拍過幾次，佢係一個好好嘅演員同對手。」問是否替田蕊妮拉票而不幫自己拉票時，李佳芯謂：「我自己都會，因為唔想出現0票數，自己拉少少，幫人拉多啲。」
李佳芯指今年係bonus嚟。
李佳芯
(ON.CC)
【去街街】胡説八道會新成員？
藝人胡杏兒2015年下嫁圈外老公Philip Lee（李乘德）後，誕下兒子Brendan Lee，一家三口十分幸福。今日需要天氣轉涼，但兩公婆都帶咗仔仔外出吃飯。兩公婆仲着埋情侶運動裝上陣，而Brendan Lee就喺媽咪懷抱中熟睡，真係好溫馨呀。Philip仲喺社交網留言表示天氣很好，帶埋仔仔外出呼吸新鮮空氣。
着晒情侶裝咁喎！
胡杏兒、兒子Brendan Lee（資料圖片）
(ON.CC)
【港劇慈父】江漢因病離世 享年78歲
【本報訊】前無綫甘草藝員、常被派演富商、父親角色的江漢（原名姜永明），前晚在療養院離世，享年78歲。華南電影工作聯會發言人昨向本報證實死訊。據悉江漢年輕時好杯中物，晚年患有管脈炎，令行動不太方便，早前曾入院，再轉往療養院。江漢與太太王小燕都是鳳凰影業公司出身，其妻已通知影聯會江漢叔離世消息。
無江漢早年為粵語片當紅小生。
江漢外形富泰，常演父親、商人角色。江漢育有一子一女，兒子是前足球員姜向暉，太太王小燕，跟丈夫同是鳳凰影業出身，江漢曾是公司的當家小生，從影數十年，1979年加入麗的電視演出《怒劍鳴》，曾拍攝《武則天》、《八仙過海》等劇集，至1992年轉投無綫，是一位受人敬重的影壇前輩。
江漢縱橫演藝界多年，與周驄、梁舜燕、雪妮於TVB經常合作。（視覺中國）
江漢一向愛好杯中物，晚年因患上管脈炎，不時進出醫院，病情亦令他行動不便。圈中好友包括羅樂林、梁健平等藝人，知悉江漢死訊，表示感到無奈。江漢從影至今，作品超過200部，遺作是無綫2012年的《回到三國》及2017年播出的《蘭花劫》。
江漢於電視劇《洛神》中形象正氣。
江漢在劇集中固然演出過慈父角色，現實中他亦是一位慈父，在2008年騙徒曾利用他愛子心情，令他險墮電話騙局，從家中攜帶20萬現金到中環交錢，幸好在警方監聽下，最終未有損失。
於《蘭花刼》中與胡諾言飾演醫生。
2017年播出的《蘭花劫》，是江漢最後的幕前演出。（網上圖片）
(東方日報)
【諗過生BB】老公卻「叫停」
過去四年過着人妻生活的盧巧音（Candy），今年終於「嗌悶」，決定跳出家門，今個月在旺角麥花臣場館開騷，Candy自知唱Live表現欠「穩定」，故近年以跑步來挑戰及鍛煉自己。結婚初期Candy曾經為「解悶」想生小朋友，最後老公Sammy卻「叫停」，認為她的健康比有下一代更重要。
闊別樂壇四年，人妻Candy重返舞台開騷，她半說笑指人妻生活有點悶：「都悶悶地呀，婚後專心幫老公嘅樂隊Kolor做幕後工作，依家Kolor好多嘢都穩定晒，放心佢哋自己搞。雖然我都享受師奶生活，但坐喺屋入面都會諗，好似有啲嘢未完成，有啲嘢唔甘心，跟住就同老公傾，應唔應該整啲嘢呢？」
高齡放棄生B
Candy稱起初沒想過開騷，反而老公會站在她角度去想，覺得應該做屬於自己的東西，她謂：「老公都感覺到我身痕啩，所以好多事夾夾埋埋一齊，促使我搞呢個演唱會。」
已擱置「造人大計」嗎？Candy坦言：「有段時間係有諗過生BB嘅，因為係冇乜嘢做，我哋呢行少蒲頭自然少人搵你做嘢，我諗，咁悶係咪有個小生命好啲呢？同老公傾咗，但佢話都係唔好，大家好多理想、夢想都未去追，點解唔照顧咗自己先呢？（高齡都係唔生嘅原因？）都係，好多人都叫生，講就係！但老公都知我身體唔係好健壯嘅，如果生BB，係需要一段好長時間去調理同復原。而屋企兩隻白兔又走咗，係時候過番二人世界，旅行都可以去耐啲，唔使心掛掛。」
跑步自我鍛煉
再次開演唱會，Candy沒特別想得甚麼回報：「我只係想唱好啲歌，以歌會友。」講到一星期練跑四日，Candy稱：「跑步係想試自己跑唔跑到，我好耐冇做運動，身體差，運動係對自己有幫助，但唔係為演唱會而做。（有時你畀人覺得唱Live唔穩定？）呢個我自己知嘅，所以咪暗地裏鍛煉自己，我唔係跑畀人睇，最主要係跑畀自己睇，話畀自己聽係做得到。」
這次在容納3,000人的場地開騷，是想開好個頭，下站邁向紅館嗎？Candy則覺得：「做好個頭係啱，但冇諗做好頭之後要點，我深信做好頭之後啲嘢就會慢慢嚟，無論個場係紅館或者邊度都好，我都會去唱嘅。」
(東方日報)
【談不上是朋友】李司棋：以前我唔睬佢㗎，佢好大脾氣
由無綫劇集《溏心風暴》、《溏心風暴之家好月圓》到十年後今日的《溏心風暴3》，李司棋與夏雨可謂合作無間，由黑白片合作到現在高清電視，但原來數十年來兩人都談不上是朋友，李司棋笑說：「以前我唔睬佢㗎，佢好大脾氣，大家冇咩講，經過呢十年先同夏雨係老友，佢脾氣收斂咗好多，咁我都有檢討。」
夏雨說：「呢十年大家變化都好大，以前工作以外好少傾偈，但係李司棋係一個好勤力、功課做足嘅演員。我就好懶，『即興人』嚟，『規矩人』就係關菊英，佢對白每個字都會背晒。」
眾靈魂人物等了十年終於歸位開拍《溏3》，夏雨笑言當初沒有傾酬勞就答應拍攝，到出糧時才感到後悔。現時擔任電影監製開戲的夏雨坦言有意邀請林峯、陳法拉、陳豪等開拍《溏心風暴》電影版。李司棋說：「我唔信你冇講價錢，我有傾㗎！自己要求角色貼地啲，唔想再做百分百好人。」
關菊英說：「大家都恨拍，成班人平時雖然有約食飯，但係拍劇就可以對住幾個月。新角色係細契同Sa姨嘅混合體，依然好多嘢講，搞是搞非。」
前兩輯《溏》爆出不少金句，觀眾耳熟能詳，李司棋則指今次不再講金句：「大家好似好渴望聽到金句，但係我地今次唔講金句，講潮語。最好笑我都唔知潮語講咩，仲話抄都抄錯晒，點讀呀，呢句咩意思，原來係我哋唔識。」關菊英笑說：「嗰啲潮語我哋睇劇本都唔明，要周圍問人。」
夏雨表示當年沒特別度金句：「好似『邊個係人邊個係鬼，我一眼就睇得出』好多人都講，只係戲去到嗰度，大家就覺得金句。」
(on.cc東網)
【痛足36小時】最後「食全餐」誕6.6磅B仔
藝人賴慰玲日前誕下6.6磅男B，現於家中坐月，今接受周刊訪問，講番日前生仔的「戰況」，原本想順產的她，因距離穿羊水時間太長，最終要剖腹生Ｂ，她謂：「BB係喺預產期出世，當時係穿羊水入院嘅，嗰陣都未開始痛，我仲買啲生果、零食，諗住享受埋（卸貨前）最後嘅時光，點知陣痛就愈嚟愈勁，痛到都食唔到嘢，痛到我大叫原來生仔係咁痛嘅，但我覺得自己都頂得住，但一頂都頂咗36個鐘，因為生B距離穿水唔可以太耐，所以最後都決定開刀。」
賴慰玲一向人緣甚佳，生B之後，當然一大班好朋友嚟探望，其中仲蔡思貝、吳嘉熙更爭住幫BB換屎片，賴慰玲謂：「Sisley（蔡思貝）、Cherona（吳嘉熙）嚟到，見到BB有便便，即刻好興奮爭住換片，但佢哋都雞手鴨腳，反而有經驗嘅阿雪（孫慧雪）就無出手，我同佢一齊睇到一額汗，但呢個情景，亦即係BB一出世就有好多契爺契媽爭住錫佢，佢哋因為我而覺得好開心，我都好開心，當然，我老公全程陪住我，亦勝過一切！（對BB有乜嘢期望？）當然係健康，同埋我已經患咗我BB最可愛症㗎喇，呢家對BB目不轉睛。」
(東方日報 / 蘋果日報)