日前周杰倫（周董）竟然將兩歲嘅愛女小周周（Hathaway）嘅正面影片，上載到ig同大家分享，雖然周董加咗工，幫小周周載咗墨鏡同cap帽，但萌樣依然cute。小周周聽住《土耳其冰淇淋》，萌喊住老竇周董嘅口頭禪「哎喲不錯喔」，遺傳晒老竇嘅DNA。
在家千日好，但轉眼小周周都兩歲五個月大，sosad，又係時候，要返學。香港嘅教育制度，只會迫瘋學生同教師，強迫你接收資訊，學馴服，咁台灣係咪一定好啲呢？《台灣》蘋果今日報道，稱接獲讀者爆料，近日周董現身士林區嘅台北歐洲學校（TES），疑似為小孩鋪路搶名額。
據悉該校幼稚園每年註冊費、學費共約60到70萬元新台幣不等（即約15萬至18萬港幣），學費比起台灣私立幼稚園大概係兩倍左右，不少名人藝人如藝人洪曉蕾、曹格都送仔女入去。
周董方面不置可否，其經理人公司只係話「私領域不過問」。台北歐洲學校（TES）學風開放，音樂師資都有國際級水準，但入學基本條件係學生必須有外國籍護照（不限歐洲國家），申請之後要同家長一齊面試。校內有英國部、法國部、德國部、英文中學部。
英國部有四班，最多人讀，且要著校服，上到中班先至學中文。教育課程同歐洲各國同步，所以幼稚園只有分三、四歲同四、五歲，五歲開始就要讀小學。每個語系學費又不盡相同，才藝班另外收費。教育理念是學習自主，課程則照各國體制學習。昆凌來自澳洲，估計周董都係會俾小周周讀英國部。一陣周董會喺尖沙嘴出席個唱記招，唔知佢到時會唔會露口風講兩句？
(蘋果日報)
陳嘉寶回覆周刊時，就指賴慰玲好忙所以未能親自公布喜訊：「佢應該會聽日親自公布，代佢多謝大家關心！」