不少藝人都有發展副業另闢財路，當中內地男星黃曉明演而優則商，經營飲食及高爾夫球場等生意，最近更踩入時裝界。日前黃曉明與設計師好友張帥創立的服裝品牌在北京舉行時裝秀，太太Angelababy亦悉心打扮，現身力撐老公黃曉明，其他圈中好友包括范冰冰、井柏然及鍾麗緹夫婦等亦有到場，可謂星光熠熠！期間黃曉明更為自家品牌親自登上天橋，有經驗的他全程表現輕鬆，坐在台下的Baby則含情脈脈地欣賞老公行騷，被笑指化身「小粉絲」。
香港男星張衛健過去是兩岸三地相當知名的演員，許多人是看著他的電視劇長大，但是近幾年鮮少現身，作品量銳減，6日突然在微博曬出一張自拍照，稱自己在搭公車，如果有民眾發現他，可以去簽名拍照，讓此事瞬間登上微博熱搜第一名。
其實張衛健一直以來都沒有消失，經常在微博發文，內容大多很是正能量、鼓勵人向善的文章，6日他戴著墨鏡、毛帽，穿著厚重衣物，全身包得緊緊的，乍看之下還認不太出來是誰，只見他和民眾一起搭乘公車，把手機舉高自拍，寫道：「如果你們在公交車上發現我，歡迎過來索取簽名，免得我站著無聊，請廣而告之。」
▲張衛健和老婆張茜。（圖／翻攝自張衛健微博）
粉絲看到張衛健難得出現在公開場合，興奮地問「你在哪輛公車上快說」、「如果擠不過去找你怎麼辦」，還有人發現他用iPhone X便開玩笑說：「手機都換X了，前置鏡頭怎麼拍起來還是這麼糊。」成為另類亮點。
張衛健10幾年前演過《鹿鼎記》、《少年張三豐》、《小魚兒與花無缺》、《齊天大聖孫悟空》等，在當時是炙手可熱的男演員，還發過多張唱片，卻在2004年因為拍攝《小魚兒與花無缺》時，被同劇演員王伯昭控告和謝霆鋒在拍攝過程，藉著演出名義，毆打該演員，在當時鬧得沸沸揚揚，事後他和謝霆鋒雖然到醫院道歉，事件才平息，有消息傳出他因此被封殺，演藝事業受到影響，但現在仍有戲劇作品。
▲▼張衛健的代表作品是《鹿鼎記》、《齊天大聖孫悟空》。（圖／翻攝自網路、張衛健微博）
(中國時報)
家長希望子女快高長大，但子女身高早有遺傳因素注定。大部分出現矮小徵狀的兒童，不長高的原因更是不明，令家長困惑。兒科專科醫生鄭碧純表示，部分家長過分緊張，以為多做跳高、打波等運動，甚至吃增高營養品可助遺傳性的矮小孩子增高，但其實未必有用。她建議，家長若擔心子女生長狀況，可向專科醫生求助。
「矮小不是病！」兒科專科醫生鄭碧純表示，若孩子的高度在一百名同齡兒童中，屬於最矮的三個，醫學上可界定為矮小。長得矮小主要受家族遺傳影響，其餘則為原因不明。另外，生長賀爾蒙、甲狀腺激素分泌不足、出生時身長及體重較同周數嬰兒少，都有機會令兒童偏矮。她說，嬰兒一歲期間生長速度最快，首年平均生長廿五至廿七厘米，兩歲會長高約十厘米。這段時間母嬰健康院的醫生會定期監測幼兒生長速度，若發現未追上同齡兒童便會跟進。三歲童入讀幼稚園後，家長可留意小朋友平均每年有否增高四至六厘米。衞生署學生健康服務由學童初小起監察生長情況。
鄭醫生說，家長對子女矮小的關注程度很極端。有家長看同學合照時發現子女「矮過人」便求醫，求醫前更試過多種「增高」方法，包括要子女打籃球、吃營養補充品、飲奶等。另一方面，卻有家長「太淡定」，子女過了發育期才求醫。她曾遇上家長帶十六歲兒子求醫，當時其子僅一米四七高，「但已變晒聲，發了育，太遲了」。
若發現子女高度生長偏離正常水平，鄭碧純建議尋求專科醫生評估。目前針對矮小問題注射生長賀爾蒙雖有效增加兒童生長速度，但鄭按臨床經驗指出，通常跟進求醫者約半年，當中不足半數人須使用此治療。注射生長賀爾蒙，需要承擔日後血糖增高的風險，因此家長應與醫生討論清楚，才安排子女接受治療。她提醒家長，均衡營養和運動不可或缺，充足睡眠亦有助自身生長賀爾蒙分泌，對改善身高有幫助。
(東方日報)
藝人鄭希怡（Yumiko）囡囡梁子柔（梁浸浸）可愛又活潑，Yumiko經常喺社交網晒出囡囡賣萌相，獲得唔少網民愛戴，只要梁浸浸一出鏡，必定成功呃like！早前Yumiko帶同梁浸浸參加內地親子真人騷節目《不可思議的媽媽》，深受中港兩地觀眾歡迎，係大家嘅小偶像！
最新一集講到佢哋去動物園取景，需要接受多項比賽，而其中一項要挑戰嘅係徒手執熊貓屎！當Yumiko聽到動物管理員咁講，佢都呆一呆，仲重複問管理員：「是用手嗎？真的啊？真的是用手嗎？」而梁浸浸就已經表現興奮，周圍視察搵「金」，仲喺媽咪手上攞咗個籃準備行動！當Yumiko測試囡囡，問：「浸浸，我們可以把熊貓的便便放到籃子嗎？」梁浸浸聞言二話不說，第一個趷低勇敢執金，連另一參賽者王瀟都當住囡囡「問問」前大讚佢好叻！
不過執完「金」後，唔知究竟梁浸浸係咪唔知嗰啲係臭臭，隨手就用手捽鼻，抹走鼻上嘅鼻涕，Yumiko仲嘲笑囡囡：「擦鼻涕也這樣豪氣！」非常搞笑！
網民有話兒
长XXXX某：可愛的小卷毛[可愛]
小XXXX美：長大後是個漢子
喜XXXXX汉子：看女兒這麼能幹，親媽心裏樂開花
唯XXXX奇：好棒的浸浸[憧憬]
打XXXX子：母女都好可愛[嘻嘻][嘻嘻]
(ON.CC)
張繼聰因為經理人公司同無綫嘅官司而遭大台封殺，呢一點張繼聰都有拍片承認，講明大家都會有一排喺大台見唔到佢。
張繼聰夫人謝安琪今日產後首復工，晚上到金鐘出席活動，講完瘦身當然要回應一下老公被雪一事，Kay亦未有否認：「嗰個消息，其實喺傳出之前都有聽過嘅。到大家知道之後，我哋都收到好多慰問，好多平時唔係成日見到面、一啲前輩，同輩朋友都好，好多人慰問我哋，亦有啲朋友好搞笑嘅，好擔心我哋生計，好踴躍咁，『我哋有朋友做廣告0架！』介紹好多工作俾佢。好戥佢開心囉，真係好多人都好錫佢，所以大家真係唔使擔心佢，工作安排已經一早安排好喇，其他嗰啲佢自己都答咗啦。」
「其實Juno（麥浚龍）真係三顧草蘆。我休息期間，佢都入咗嚟四五次，有次佢自己入嚟，有時同同事入嚟。佢好體貼，簽到o依家都成日搵我傾偈，知我對家庭嘅重要性，佢哋畀咗好大信心我，對我工作亦好了解，好到我同我老公都覺得，『唔簽佢好衰好唔得喎！』連老公都抗拒唔到佢份溫柔。」問到有傳Kay以八位數字過檔，她聞言即大耍太極：「嗰啲數字嘅嘢好複雜，生女時又話要上契，上契費點計呢？係咪搵我個女計？到時喺合約度扣番？呢啲數有排計。」咁有冇八位數先?Kay再話：「好難計呀！」
Kay之前喺網上呻到樹葉都落，話個女只係識得嗌爸爸唔識嗌媽媽，問到依家有冇新進展?Kay繼續詐型話：「哎吔！其實我已經用咗好多方法，不停提示個女，佢都冇叫媽咪，我好嬲呀！因為我係全職湊佢㗎嘛，佢明明見住我都叫我爸爸，可能爸爸係佢前世情人，魅力沒法撞，冇辦法。」
(蘋果日報)
藝人馬國明出席網絡頒奬典禮，憑電視劇集《降魔的》馬季一角奪得「人氣電視男角色」，馬國明對得奬表示驚喜，問他最想奪得什麼奬項？他坦言：「作為演員，攞角色奬會好開心，因為表示自己做到嘢。」問到今年是否最喜歡馬季這個角色？他就表示同樣喜歡《心理追兇》裏面的角色：「唔係嗰個角色受歡迎我先會鍾意，因為有時受唔受歡迎都係講運氣，不過都多謝觀眾鍾意馬季。（對TVB台慶頒獎典禮有信心？）冇信心，唔會因為攞咗呢個奬就有。」
問到有否跟緋聞女友黃心穎分享得獎感受？他直言：「今晚有同佢講，佢最近好忙呀，佢有同我講Enjoy the party！（係咪第一個報喜畀佢知？）應該都係，但佢唔係唯一一個。（你咩都同佢分享？）都唔會嘅，唔會話每做一件事都唔會報告，今晚外景或者食咗乜嘢就唔會講。」至於會否跟心穎食飯慶祝？馬國明就表示：「要睇佢得唔得閒，呢排佢都好忙。」
此外，講到在節目《Do姐再Shopping》中深得鄭裕玲（嘟姐）歡心？他笑說：「係農夫得嘟姐歡心，其實拍之前都同佢哋傾過，會表現到三個妃子爭寵咁，嘟姐表面上寵我，畀個好位我，農夫同嘟姐合作咁耐，冇人可以取代到。」
(ON.CC)
藝人魯文傑（Simon）與舞台劇演員鄭至芝（Gigi）將於12月24至31日於上環演出合家歡舞台劇
魯文傑同鄭至芝合演嘅舞台劇月尾有得睇喇！
故事講述Simon飾演的聖誕老人要喚醒港人對聖誕節的回憶。
呢個舞台劇都好合家歡
魯文傑喺舞台劇就會飾演聖誕老人
同超過一百位小演員合作，佢就覺得好震撼。
不過就因為太嘈搞到耳嗚。
鄭至芝仲話魯文傑係佢細個嘅偶像！
身兼演員及導演的Gigi直言與小演員合作有難度，又爆Simon經常在劇團撩小朋友：「我細個見到Simon好開心，依家啲家長送小朋友嚟排戲，見到佢都好開心，佢係我哋細個嘅偶像！」Simon透露曾與百多個小演員一起排戲，感覺非常震撼：「嘈到我耳鳴！唔係話佢哋曳，正常小朋友都會咁。不過做話劇可以學到紀律，所以冇問題。」
(東方日報)
吳國敬同美甲店老闆娘Elaine拍拖11年，阿敬求婚兩次被拒，佢有意再接再厲，適當時間再「突擊」，Elaine淡定等嫁。阿敬同Elaine日前帶着7歲愛犬金金到西貢拍拖。
阿敬話06年開始同Elaine拍拖，三年後第一次求婚即食檸檬，「嗰晚成班朋友飲酒，我興之所致求婚，點知佢拒絕，第一次求婚被拒好sad㗎。」Elaine話：「No咪no囉，我嗰刻突然覺好奇怪，都唔知點解，佢第二次求婚，我又係say no。」
阿敬已計劃密謀第三次求婚：「差唔多㗎喇，保持神秘先，我好多步驟要準備，首要買定粒10卡鑽戒。」阿敬仲承諾當Elaine出嫁時，要將佢變成「土豪新娘」：「佢夢想婚禮係要成身龍鳳鈪喎，我問佢要幾多對？係我就同親友『吹雞』，起碼都幾十對。」
兩人拍拖後同居，已有老夫老妻感覺，即使未簽婚書，但街坊朋友都視Elaine為阿敬另一半：「通街啲人都叫我吳太，所以結唔結冇咩分別，第一次畀人叫吳太，我冇應冇望，叫吳太老得滯，嗌敬嫂會多啲。」
阿敬得戚：「佢都走唔甩，我落咗藥，落咗降頭呀。」阿敬大讚Elaine有三個優點：「食得、瞓得、捱得。我哋兩個都享受食嘢，食肥咗又一齊減肥。」
Elaine又覺阿敬有乜嘢優點？佢衝口而出：「我諗唔到，我諗有人同我打交鬧交。」打者愛也，烈女性格嘅Elaine表露無遺。Elaine好奇問阿敬係咪有七年之癢，甚至11年之癢？阿敬搞笑話：「生癬咩，咪搽吓佢。」
Elaine詐型阿敬未達標做二十四孝老公，阿敬搶答：「我梗係算係啦。」Elaine反寸：「你指標太低。」阿敬駁嘴：「佢條眼線就高，事業線就好，如果我對佢唔好，佢走咗好耐啦。」
Elaine又投訴阿敬常發脾氣，阿敬神回：「o依家我純過金金。」52歲嘅阿敬有生育計劃，佢希望到時雙喜臨門：「生B就實結，適當時候生啦。」Elaine答應話如果阿敬練得結實肌肉，佢就肯講「I Do」。阿敬，加油啊！
(蘋果日報)
女星衛詩雅（Michelle）、張繼聰、羅蘭與導演劉孝偉等到尖沙咀出席電影活動，阿聰透露在電影中與Michelle飾演夫妻，因故事涉與患癌女兒生離死別，身為爸爸的他特別有感觸：「舊年聖誕拍架，過咗個黑色聖誕，拍到心臟病！（睇番有冇喊？）忍到，喺個丹田chok住chok住！」Michelle則說：「阿聰佢好幫我，知我冇小朋友，畀我去佢屋企睇佢同仔仔相處，仲同阿Kay（謝安琪）傾偈了解吓懷孕、抱仔嘅感覺、做媽媽嘅心態。」
阿聰又笑言向阿Kay隱瞞劇情，擔心當時佗住囡囡的她聽後會抑鬱，Michelle爆料說：「所以我哋兩個出咗花園傾！（唔怕令阿Kay誤會？）唔會，佢仲同阿聰一齊車我返屋企。（拍完唔敢生仔？）唔會，最近屋企又多咗個小朋友出世，更明白角色嘅心痛。」
講到阿聰太太阿Kay復出，問老婆有否向他表示感到壓力？他說：「冇喎，其實佢係早咗復出，初初預算唔係咁架，要多謝咁多工作邀請佢，佢已經準備咗一個月，跟我個健身教練操弗，成個運動員咁，佢仲約我去舉鐵，我老婆算係典範嚟，大家唔使怕復出唔夠弗。」講到太太抱怨囡囡只識叫爹哋，問會否訓練囡囡叫媽咪？阿聰：「一陣識嗌媽咪又到哥哥呷醋，然後又到爺爺，等佢慢慢嚟。」
衛詩雅（左）、張繼聰同羅蘭一齊出席電影活動。
張繼聰拍嗰時唔敢同老婆講劇情，因為怕當時佗緊B嘅老婆聽完會有抑鬱。
仲話就算套戲點，都唔會令佢唔生小朋友。
Michelle仲刻意上張繼聰屋企取經！
仲講笑咁話拍到自己有心臟病！
張繼聰又爆老婆操到好弗復出！
33歲嘅《東張西望》靚主持梁麗翹（Nicole），今年二月同圈外男友結婚，今晚佢喺社交網出post宣
佈：造人成功！
Nicole仲相約一班好友開P，宣佈喜訊。依家Nicole懷孕四個月。晚上佢又喺FB貼咗條片，片中主角係佢媽咪，內容係Nicole送咗件印住「GrandMa is my name.Spoiling is my game」嘅衫送俾媽媽，梁媽媽好開心咁拎住件衫舞嚟舞去，諗到好長遠長遠到計劃減肥嚟著呢件衫。
Nicole一直忍住笑，問阿媽明唔明件衫係咩意思，梁媽媽當堂俾佢拋窒，就話：「字面我知點，咁有乜嘢深層意義？」於是Nicole拎張超聲波相俾佢睇，梁媽媽呆咗半秒，驚訝問：「吓？真0架？」真情流露。
晚上Nicole接受傳媒訪問，講到o依家陀B情況，佢話：「呢幾個月都有唔舒服，不過好開心，點都值得嘅，老公好照顧我呀，佢已經睇定啲書去照顧大肚坐月嘅我，仲睇埋育兒書。」
Nicole仲話預產期係明年五月，暫時希望順產，除非醫生建議開刀。之後又問到BB嘅性別，見佢ig啲相，嗰啲BB仔嘢都好中性，Nicole就話：「因為嗰時冇人知係仔定女，所以佢哋兩樣都準備晒俾我，我諗住等其他朋友估下仔定女，遲啲再開估，不過莊思敏兩姊妹已經輸咗餐飯俾我，因為佢哋估錯咗。」
至於工作方面，Nicole話：「我會繼續做嘢，監製對我好好，辛苦嘅外景都唔會派我去，主要做廠主持。」
(蘋果日報)
