陳國邦因為ViuTV拍劇集《身後事務所》及出席宣傳，惹無綫某高層不滿。
陳國邦飛出劇集《包青天》及旅遊節目《公公出埠》，他感到不被尊重。
他的老婆羅敏莊亦在社交網站力撐，轉發老公被飛報道。
羅敏莊留言：「其實我們最需要的就是尊嚴！」之後再感慨：「只可無奈……他的命途總是崎嶇……」
（明報即時娛樂）
【陳國邦被大台飛起】老婆羅敏莊FB力撐：我們最需要是尊嚴
【阿媽用「雪花肥牛」洗碗﹖】阿囡嚇一嚇 網民：想試﹗
放一堆生牛肉喺洗手盤，咁唔衞生？近日有網民於社交群組「馬鞍山之友」上載圖片，指不明為何有一堆「肥牛」擱置於洗碗盤上，惹起網民熱烈討論。
發貼者指，於母親家吃飯時到廚房拿碗碟，豈料看見洗碗盤上離奇放着一堆「肥牛」！當他正想開口向母親查問之際，才赫然發現「雪花肥牛」原來是碗布一塊。
不少網民看過圖片後驚嘆該碗布跟肥牛幾可亂真，甚至笑言該碗布根本就是「肥牛」，「今晚天冷，一於加舊肥牛」、「我唔信，明明真係肥牛黎（嚟）」。
其實食物造型的碗布近年相當流行，不少家品網店都有出售。而除了肥牛毛巾之外，亦有壽司毛巾、蛋糕毛巾等，每款都入型入格，難分真假，售價由1蚊至數百港元不等。童心未泯的媽媽如果想整蠱一下仔女，或者都可買條試試。
(東方日報)
【瘦過未生BB前﹗】為囡睇樓換大屋：希望有三千呎
吳若希（Jinny）今日到新城宣傳新歌《你在我心間》，著住露腰裝嘅佢話已經成功修身，依家仲瘦過未生BB前：「以前都冇咁fit，依家反而嫌太瘦，想塊面漲啲。」係咪老公唔畀你食咁多？佢話：「佢餵唔飽我，依家佢好少帶我出去食嘢，之前就成日帶我去酒店食好嘢，依家就唔帶我出去威。」
日前Jinny玩直播時意外令豪宅大廳曝光，佢話：「唔係豪宅，呢個size嘅屋企係澳門係正常，唔算大屋，依家住得舒服，其實遲啲都諗住買間大啲嘅屋俾小朋友。」又話依家已經睇緊樓：「希望有三千呎，會有我、老公、BB、兩個工人，有時佢啲屋企人同我細佬又會嚟。」
講到預算，佢話：「錢唔講啦，總之平過香港好多，澳門千幾呎嘅話都只係幾百萬。」
講到囡囡，佢話噚日囡囡出第一隻牙：「我仲伸手入去摸佢隻牙，佢隻牙依家係得一條線，同埋佢依家會有好多動靜，會扭抱又會學行，總之好可愛，搞到唔捨得返工。」
(蘋果日報)
【1952年邂逅】邵逸夫、方逸華伉儷情深 相愛逾半世紀
方逸華是影壇大亨「六叔」邵逸夫的第二任妻子。
兩人於1952年邂逅，當時21歲的方逸華認識45歲的邵逸夫，結下往後逾60年的緣分，之後她更成為邵逸夫的事業上得力助手。
1987年黃美珍病逝，有記者問邵逸夫何時跟方逸華結婚，他當時說：「沒打算。」到1997年，邵逸夫於黃美珍逝世十載前夕，終於跟方逸華在拉斯維加斯註冊結婚，有指是被「新馬師曾」鄧永祥爭產事件影響。
當年邵逸夫90歲，方逸華62歲，邵逸夫說：「我同方小姐做了多年朋友，又一起工作了45年，結婚不單給她正式的名份，也確定了方小姐日後的幸福。」
2007年，邵逸夫百歲生日當天宣布退休，決定會將無綫行政主席職位讓給方逸華，有人問他為何不讓子女接替？他說：「我的四個孩子，沒有哪一個比方小姐更熟悉我的事業，也沒有人能比她更用心，而且他們和我一樣信任方小姐。」
2014年邵逸夫在家中安詳離世，方逸華陪他走最後一程，有指她一個人在房間默默地哭了兩個小時，然後堅強地親自處理邵逸夫身後事。
(on.cc 東網)
【一時溫柔一時火爆】81歲謝賢起腳踢5歲小朋友
現年81歲嘅謝賢早前參與內地綜藝節目《寶貝的新朋友》，與一班小朋友大晒溫馨「爺孫情」，唔少網民都話估唔到鐵漢謝賢都有柔情一面。喺最新一輯節目預告中，因為小朋友一句不禮貌說話，謝賢當住鏡頭面前起腳踢小朋友的屁股，呢一腳火速引起網民熱議。
節目中謝賢與一位五歲的小男生做拍檔挑戰隔代教養嘅問題，當一班人去到一間小食店時，謝賢問小拍檔想食乜，小拍檔唔想食嘢冇反應又唔回答，謝賢就對住鏡頭慨嘆話自己個小拍檔成日都唔食嘢，小拍檔好似唔甘心畀謝賢咁話，立即大聲反擊：「今天一天到晚都是吃吃吃吃，是吃貨呀？」謝賢聽到小拍檔咁講，疑似不滿對方冇禮貌即刻起腳輕輕踢咗小拍檔屁股一吓，當時其他在場人士也嚇呆了。
後續發展如何就要等節目播出街先清楚，有網民就覺得無論小朋友點錯都唔應該體罰，仲話謝賢教小朋友嘅方法已經過時，不過好多有睇開節目嘅網民都讚謝賢一直對小朋友都好有愛心，就算小朋友扭計都會耐心說教，喺節目入面從來都冇亂對小朋友發脾氣，相信今次都係玩嘅成數多於體罰，仲話謝賢嘅行為只係表現出同小拍檔好Friend。
(東方日報)
【出年同後年啊﹗】雖然喺天意… 羅仲謙楊怡：承你貴言
楊怡同羅仲謙今晚喺時代廣場為史諾比聖誕主題開幕做主禮嘉賓，兩公婆合體掘金，謙謙笑言同老婆好耐冇齊齊工作：「有一段時間，冇一年咁耐，反而好耐冇同太太拍戲，想同佢一齊合作拍劇。」隔籬嘅楊怡就提到最近忙返大台拍劇：「停頓咗兩年冇開劇，要追番節奏。」
講到二人各有各忙，會唔會影響造人？謙謙即講笑：「係，社會真係好難做人，嚟緊呢段時間留喺香港耐啲，希望喺香港過聖誕，大家都鍾意一家人熱鬧。」
之前講到二人想趕生BB，謙謙更被「扯乾」，今日謙謙就好飽滿，有堪輿學家講到佢哋喺出年同後年先有機會造人成功，謙謙笑言有留意報道，而楊怡亦表示有聽過：「承你貴言，呢個range好闊，自己都想，呢個都係天意。」
喺活動入面，楊怡提到想去聖誕老人村，不過佢就話今年成事機會唔大：「今年忟啲，要計劃同家人去，帶埋小朋友，我啲姨甥、家姐，大人細路一齊去，拍劇拍到12月，之後大家都要開工，未必今年可以去到，家姐已搵定我開聖誕派對，o依家仲心大心細，留喺香港定去第二度。」
(蘋果日報)
【恭喜哂﹗】汪明荃貼相~ 祝新人甜甜蜜蜜~
恭喜，曾江愛女出嫁!曾江同前妻鄧拱璧所生嘅囡囡曾慕雪日前舉行婚禮，噚日汪明荃喺微博貼出婚宴相，見曾江蹺住囡囡進場。
曾江同鄧拱璧離婚後，同焦姣結婚，鄧拱璧改嫁俾粵劇名伶阮兆輝，曾慕雪成為阮兆輝嘅繼女，阿姐都好戥曾江同輝哥開心，留言：「分享了慕雪與思聰的新婚喜宴。一對非常開朗、活潑、幸福、充满愛的年輕人，祝福你們甜甜蜜蜜、天長地久。恭喜Bobo姐/輝哥、慕雪出嫁了。」
(蘋果日報)
【聖誕有得睇！】《柏靈頓2》開畫勁收1億7千4百萬
《柏靈頓2》在「家鄉」英國人氣旺盛，開畫大收已是意料中事。況且今集更有英國型男曉格蘭特加盟，加上影評對電影有讚冇彈，因此開畫順利勝出，票房比上集多出逾63%！
上畫一星期，熊仔堪稱勢如破竹，以超逾820萬鎊(約8500萬港元)的佳績登上票房榜冠軍，成功以大比數打低多部荷里活大片；包括同期開畫的《烈焰雄心》及上畫第2周的《東方快車謀殺案》、《雷神奇俠：諸神黃昏》等。其中《雷神奇俠：諸神黃昏》為美國連續兩星期票房冠軍，而《東方快車謀殺案》則台前幕後星光熠熠，但亦雙雙敗於柏靈頓的「熊」風之下。雖然次週末在美國超級英雄片《正義聯盟》的強勁攻勢下屈居賣座亞軍，但票房比首週末只是輕微回落，至今總票房已超逾1680萬鎊(約1億7400萬港元)，可見熊仔的確吸引力沒法擋！
（SINA/熱新聞）
【因病安詳辭世】享年83歲
電視廣播有限公司董事方逸華下午5時28分於養和醫院因病離世，享年83歲，方逸華離世時安詳，並且有家人陪伴。
方逸華由1988年加入無綫，服務至今，仍然是無綫執行董事，無綫上下對其離世深表哀悼。
邵逸夫傳奇一生與電影事業結下了不解緣，感情生活也不例外。雖然邵逸夫的風流傳聞不少，但真正姻緣就只有髮妻黃美珍與第二任妻子方逸華二人。方逸華好友潘迪華曾表示，方小姐與六叔60多年感情，不單止有感情做夫妻，她更為了六叔放棄歌唱事業，替六叔打江山，這份有情有義的愛，是「烈女」的表表者。
(東方日報)
【拍卡過海！】紅隧終提供電子繳費服務
紅磡海底隧道人手收費亭將於12月3日凌晨2時起，提供「停車拍卡」式電子繳費設施，駕駛人士可以使用八達通卡，或本地發行的非接觸式信用卡，繳付隧道費，減少現金點算及找贖的時間，若駕駛人士未能成功拍卡繳費，仍可使用現金繳付隧道費。
運輸署說，紅隧是第三條安裝「停車拍卡」式電子繳費系統的隧道，署方將陸續在其餘政府收費隧道及道路，實施有關繳費安排。
（881903）