廚餘和剩食等問題近年愈來愈多港人關注，上任特首梁振英的夫人唐青儀，也曾創辦過相關慈善組織。
有內地傳媒報道，山東省的章丘市餐廚垃圾處理中心，每天約會將全市收集到的14、5噸各式回收到的剩菜剩飯，送入一個「飼養車間」，內裏「飼養」着美洲蟑螂，牠們每天可以吃掉比自己體重還多5%的廚餘剩食。整個飼養車間，最多可容納3億隻美洲蟑螂。
更重要的是，據中心展示的農業部檢測中心報告，這些負責吃廚餘剩食的美洲蟑螂，未檢驗出有沙門氏菌及大腸桿菌等有害物質，卻有高達71.2%的粗蛋白質，蛋白質含量比外國進口的秘魯魚粉等還高。故此，當這些美洲蟑螂死了之後，就都被磨成飼料來養雞。
（明報）
美國一名餵哺母乳的媽媽某天發現自己的母乳出現異常，顏色由平常的白色轉為黃色，詢問兒科醫生後，才發現原來當時正值其7個月大的寶寶發燒，因此媽媽體內自動在母乳內添加脂肪及抗體，幫助寶寶抗病。
媽媽蔡斯（Ashlee Chase）其後於Facebook上表示，平日有不少身邊的人指她的嬰兒已有7個月大，質疑她繼續餵母乳的必要性，但是次事件終證明背後好處。有網民指：「媽媽的身體為嬰兒作出的改變往往令人嘆為觀止。」
亦有媽媽向蔡斯表示支持：「你是母親，自然會知道甚麼是對你的嬰兒最好的。」有專家指，蔡斯的母乳變黃，可能含是富含免疫球蛋白的初乳。獲認可的哺乳顧問奧康納（Leigh Anne O’Connor）受訪時解釋：「人類目前對母乳複雜的元素僅有初步認識，這肯定是（寶寶）最好的藥。」
(Apple Daily)
陳嘉倩被爆與金毛凸腩男友陳志遠拍拖，男方即被起底，指曾戀無綫新晉小花朱婉禎及前有線球彩台前主播、現任馬評人及六合彩主持嘅陳思琦(Rita)，陳思琦喺2013年被指遭前男友陳志遠上門禁錮12小時，兼持刀要脅同歸於盡，判被告入獄兩年四個月。
但早前陳思琦接受訪問，就否認係陳志遠嘅前女友，稱當時兩人只涉金錢糾紛。陳思琦當年受盡驚嚇，常發噩夢，但現在已事過境遷，佢日前就同圈外男友拉埋天窗，喺洲際酒店擺酒。
陳思琦同埋圈外男友擺34圍，現場有好多位畀賓客影相，仲有樂隊表演。
新娘子就手戴十幾隻龍鳳鈪，頸上面仲有好多金器，氣氛相當高漲。去到上台影相嘅時候，新娘子顯得好開心，不時仲會問邊啲親友未影相，叫佢哋上台影相。
(蘋果日報)
頂著健康與環保的光環，素食大行其道，不正確的飲食觀也應運而生，不少甚至吃出一堆健康問題，讓素食的美意大打折扣。讓我們從中、西醫師的角度來探討吃素究竟好不好？常見的錯誤吃素法有哪些？飲食該如何搭配，才能吃得健康？
談到「健康飲食」，到底吃葷食好還是吃素食好？不論素食或葷食，原則上只要均衡攝取六大類食物與六大類營養素，就是最健康的飲食。
前陣子素食者因心血管疾病住院的案例不少，為什麼呢？許多人認為吃素就是只要不吃動物性食物就行，對其它食物則百無禁忌，如吃下許多甜度極高的水果，或是對精緻的甜點毫不忌口；也有人忽略了有些素食餐館為了讓菜餚可口，常過量使用烹調油和調味料；或是採用炸、煎等不利健康的烹調方式，因此而增加了身體的負擔，長期下來營養不均衡，導致身體來病了。
只要能正確吃素，基本上對健康並無潛在危害。至於素食中最容易缺乏的營養素，如動物性食品中富含的必需胺基酸（構成蛋白質的基本單位）、鈣質、鐵質、維生素B2 與B12，只要調配得當，則與一般正常的均衡飲食無異。
吃素需要多方面考量
基本上，只要是素食調理高手，吃素是無禁忌的，但並非人人都能成為高手。因此，正確吃素之道需考慮個人體質、食物屬性、不宜生食、食材保鮮度、種類多樣、選擇多元，葉菜類及根莖類如芽菜類、黑（白）木耳、菇蕈類、筊白筍、海帶、海藻、牛蒡、竹筍皆要攝取。再者，烹調採少炸、少煎；調味宜少油、少鹽、少糖、少味精、少加工，才是健康長壽之道。
但建議剛開完刀的人、正在成長期的兒童、孕婦、授乳婦、老人，有鑑於對營養需求的不同，宜以蛋奶素為主，動物食品為輔，才能達到營養素均衡的目標。
(大紀元)
內地近期推出咗唔少嘅真人騷，除咗一班爸爸帶住自己嘅小朋友出去玩嘅《爸爸去哪兒》之外，仲有《不可思議的媽媽》，呢兩個節目都引起唔少嘅熱話。不過講到同小朋友一齊拍真人騷，不得不提一班星級爺爺帶住一班小朋友出遊嘅《寶貝的新朋友》。
佢哋同一班小朋友去旅行體驗生活，當中最引人注目嘅爺爺，莫過於謝賢。
事關謝賢氹小朋友，可以話係高手中嘅高手，唔少網民都話謝賢對小朋友完全盡顯鐵漢柔情嘅一面。
《寶貝的新朋友》嘅節目組就剪咗一段謝賢嘅特輯，當中就有一段佢同小朋友一齊玩遊戲。謝賢就同個小朋友面貼面運乒乓波，開始嘅時候，佢已經講明淨係玩一兩次，不過見到個小朋友咁開心，就算自己腰痛腳震，都一樣繼續玩，為嘅就係想幫個小朋友贏。
而個小朋友亦都相當識做，玩完遊戲之後即時錫咗謝賢一啖，氹到謝賢笑到見牙唔見眼。
雖然謝賢平時相當嚴肅，不過面對小朋友扭計，佢不但冇表現出不滿，而且仲相當有耐性咁氹佢，一手抱起個小朋友氹佢瞓覺之餘，仲拎紙巾幫佢抹汗，認真唔話得呀！
難怪謝賢笑言自己對照顧小朋友其實有一手，唔少網民都話謝賢對住小朋友相當有耐性，仲話佢好識同小朋友相處，大讚佢其實係一個親和力十足嘅爺爺。
(on.cc 東網)
藝人何基佑（Kay）在ViuTV節目《超級奶爸》中為一眾父母解釋其子女的行為問題。
在最新的一集中，小朋友Silas就每次食飯坐不定，一餐家常便飯動不動就花上一小時才能勉強完成，同時他又非常偏食，令爸爸Michael和媽媽Macy非常頭痕。
因此，Kay便向他們介紹「乖寶寶行為計劃紀錄表」，記下兒子正面行為，並以親子遊戲活動作為獎勵。果然Silas被親子遊戲吸引，願意乖乖坐定食飯。
節目還請來星級家長歐倩怡（Cindy）作嘉賓，Cindy接受訪問時談及自己細女間竭性仍有食飯坐唔定的問題，專注力不夠，容易受外界影響。
Cindy發現下午茶是女兒食唔落的主要原因，最後決定取消下午茶時間，及將晚餐時間提早，改善女兒用餐問題。
(on.cc 東網)
歌手蘇慧恩（Ophelia）早前以大使身份到科學園出席關注罕見疾病的慈善活動，並獻唱自己填詞的作品《完美佈局》。
她感慨說：「好多人都追求物質生活，但其實身在福中不知福，擁有健康嘅身體先係最緊要。」
又指透過活動才知全球有6,000多種罕見疾病：「有小朋友喺BB時期已經發病，有啲變咗傷殘，真係好可憐，希望大家多啲關注同幫助佢哋。」
Ophelia自爆一出世患脊椎側彎症，從小要做物理治療及「啪骨」：「好慘！細個我條頸成日打側，影相塊面都側埋一邊，好似好寸咁。以前我阿婆每星期都孭我去兩次健康院扭頸！」
Ophelia又透露日後生B有難度，佗B會較辛苦：「我都想生BB，但條腰骨一直都歪，冇得康復。」
(on.cc 東網)
發哥周潤發嘅親和力，真係沒法抵擋！除咗普通市民，藝人遇見發哥都爭住影相。
今日輪到陳茵媺(Aimee)野生捕獲發哥喇，原來Aimee已經唔係第一次遇見發哥，前年喺山頂都影過一次合照，今次喺街上再次碰上，Aimee儼如小fans，個樣high到爆。
Aimee好肉緊咁用雙手箍實發哥條頸，成功同發哥面貼面咁影合照，發哥亦有輕輕撘背，保持歡顏。Aimee留言：「非常興奮(怕羞)，今天在街上碰上週(周)潤發，我忍不住上前跟他打招呼，滿以為他不認得我，所以重新介紹自己一番，但係發哥竟然道出年前在山頂合照的一刻，令我十分感動。發哥，你是我永遠的偶像。」
不過，Aimee就唔小心寫錯發哥嘅姓氏，將「周」寫成「週」，但之後hashtag周潤發都係啱嘅，所以應該係無心之失。
(蘋果日報)
藍奕邦曾受痛症折磨兩年多，令他大受困擾，幸好最終對症下藥，他患「顳顎關節症候群」獲康復機會；他在加拿大休養並繼續創作歌曲。
日前阿邦今日在facebook上載跟父親的合照，寫了一篇逾400字的文章，記錄了父與子的愛。
阿邦爸爸由香港到加拿大探望兒子，返港前他對阿邦說:「你要記住，父母永遠最愛錫仔女。」暖暖的父愛令人感動。
(明報)
鄭丹瑞（阿旦）身兼多職，除咗係電台DJ、電影製作人仲係主持等等，真係數都數唔晒！
即將喺11月27日踏入62歲生日嘅佢，就獲一班演藝班學員為佢預祝生日，而佢哋仲係阿旦5年前所教嘅學生，隔咗咁多年都冇忘記呢位恩師，果然「一日為師終身為父」呀！
阿旦喺Instagram上載照片，畀包後生仔女包嘅佢笑得勁開心，啲乖女仲向阿爸送飛吻，真係睇見都冧呀！
相中見到已經做咗演員嘅何廣沛、吳沚默、陳潔玲、利穎怡、譚永浩，仲有《東張西望》「咪神」主持林泳淘、李旻芳同埋男友黃耀英等等，相信阿旦見到一班學生青出於藍都好有成功感。
佢留言：「我教嘅第一屆藝員訓練班，D26K，咁就五年了，亦算係一場緣份，多謝你哋咁長情。」
網民都大讚阿旦Keep得好好，點睇都唔似已經登六，仲祝佢生日快樂同身體健康呀！
(on.cc 東網)
