余文樂去年底高調認愛皮帶千金王棠云，之後不時會在Instagram放閃，感情相當穩定。近日王棠云又被拍到出現在香港的診所，有媒體指余文樂是否將升格當爸？
據媒體報導，王棠云近日被拍到穿著大衣離開余文樂在淺水灣的家後，搭的士到中環某五星級酒店，接著與助理前往某棟大廈的診所，過程中拿著電話有說有笑，一路上都相當低調。對於和女友是否準備結婚？余文樂日前被媒體追問時則否認說：「沒有！有就會通知媒體。」
至於女友是否懷孕，他也強調只是陪朋友去看醫生，但談到王棠云，余文樂臉上滿是藏不住的燦爛笑容。
（自由時報）
鄭希怡（Yumiko）、黃依汶（Emme）、黎諾懿、攝影大師水禾田今日到尖沙嘴海港城，出席服裝品牌7 For All Mankind支持慈善活動。唔使問，兩位靚媽一碰頭，就講湊仔，Emme仲爆Yumiko冇本身好耐性，成為人母後有進步，又互相對襯家，黎諾懿都加入叫Yumiko可以考慮下佢個仔「小春雞」。
Yumiko同Emme話，佢哋兩個小朋友依家——即係梁浸浸同陳真都一齊返學前班，希望第日一齊讀書，有個照應。Yumiko會喺屋企教女唱歌跳舞，Emme就好多時會睇書學湊仔，發掘囝囝天份，佢話：「阿仔依家一歲八個月大，爸爸都開始傳授功夫潛質俾佢，近日玩雙節棍，可以表演下俾親朋戚友睇都幾好，又可以對住梁浸浸自衛，因為梁浸浸成日從後好大力箍陳真頸，有次仲試過刮損陳真塊面，爸爸夜晚同我講好肉赤，要教陳真功夫先得。」梁浸浸活躍又肉緊，令Emme又愛又恨。
(蘋果日報)
女星鍾麗緹（Christy）與老公張倫碩喺2016年拉埋天窗，二人剛剛度過結婚一周年，Christy日前先以黑絲女僕Look現身長沙為趕拍新戲既張倫碩打氣兼送驚喜，然後二人又設宴同一班好友齊齊慶祝，認真Sweet爆！
之後，Christy更宣布與前夫所生嘅三個女兒都已經改姓「張」，真係超幸福！
原來，喺二人結婚紀念驚喜派對中，仲有隱藏片段未流出。今日Christy喺社交網上載咗當日一條短片，片中見到張倫碩喺party上為太太和好友們表演變魔術。
正當大家睇得好入神之際，佢突然佢變咗一隻戒指出嚟，鍾麗緹仲唔為意走上前望清楚，然後張倫碩拎住隻戒指上演求婚，並下跪為鍾麗緹套上周年紀念戒指，搞到Christy感動到掩口大叫「OMG」。
之後Christy仲冧爆發文：「腦（老）公 有話要說。到後面 我又感動哭了～結婚一週（周）年11月11日。」
(on.cc東網)
前港姐張嘉兒今個月18號踏入34歲生日，雖然佢早前已經透露生日嗰日老公Nathan唔喺香港，但係佢就一啲都唔寂寞。因為呢日仲有一班好友陪佢預祝生日，非常窩心！嘉兒將生日飯局照上載到社交網同大家開心share，並留言：「感謝好友為我預祝生日，姊姊們令我太高興，在生命中遇上你們，非常感恩。」相中見到前港姐曹敏莉、周美欣同戚黛黛有份出席，佢哋仲大玩變臉App，雖然大部分人已為人妻，甚至榮升為人母，但係心境依然年輕，仲相當之青春添！
(東方日報)
藝人錢嘉樂與太太湯盈盈向來恩愛，嘉樂更是出名的「愛妻號」，最近有指嘉樂送了豪宅給老婆，盈盈更叠埋心水追第三胎。
對此，嘉樂接受訪問時坦言：「誤會嚟！未有呀！有會公布畀大家聽啦！美麗的誤會！」
至於盈盈接受訪問時笑謂：「真係弊！快啲幫我搵瘦身公司幫我瘦身啦！依家畀人話我大肚喇！我依家拍緊處境劇，平時啲服裝同事好犀利，識得同我搵衫，鏡頭前唔會覺得我肥囉！嗰件衫我真係唔會再着，I am so fat！搞到啲經紀都打嚟問我係咪買咗樓！」
問到盈盈現時是否積極追第三胎時，她謂：「未知呀！依家忙住湊住兩個女，又要拍劇，未諗住生第三個呀！」
(on.cc東網)
藝人胡杏兒產後復出現身Moncler活動，她表示仍欠幾磅先收身成功。剛坐完月的她被問到為何心急搵奶粉錢？她說：「我都冇諗咁快，諗住見孫儷。（老公叫你休息？）佢交畀我決定，我都怕悶，餵人奶都辛苦，冇得瞓，啲肥膏同水都畀晒佢，佢有12磅。（唔捨得BB？）會。（會唔會減產做全職媽媽？）長時間工作接唔到，都要餵人奶半年，鼓勵在職媽媽，會半兼職工作。」
提到她早前在班姊妹面前餵人奶？她直言：「係，好open，自己屋企方便，同姊妹好close ，我驚嚇親佢哋，好大（上圍），想感染佢哋都餵人奶。（上圍大幾多？）冇計，全餵人奶。」她透露老公湊仔叻，自己負責餵奶。
(東方日報)
食物安全中心公布，深水埗一店舖出售的「孔雀牌」預先包裝東莞米粉樣本，金屬雜質鎘含量超標，呼籲市民應停止食用，業界亦應立即停止使用或出售有關產品。涉事米粉進口商正回收產品。
涉事產品為「孔雀牌」東莞米粉，每包淨重400克，到期日為2019年6月1日，港澳總代理為「廣宏行有限公司」。食安中心透過恆常的食物監察計劃，從深水埗一店鋪抽取該米粉樣本檢測，結果發現樣本鎘含量達百萬分之0.16，超出法例上限的百萬分之0.1。
食安中心已指令涉事商戶將受影響批次產品停售及下架，進口商亦正進行回收，市民可於辦公時間致電進口商熱線9485 5329查詢。中心指就涉事樣本檢出的鎘含量，在一般食用情况下，不會對健康造成不良影響，但仍呼籲市民立即停止食用有關產品。
（明報）
菲律賓政府為調查非法聘請外傭問題，本周一（13日）起15個工作天暫緩審批傭工的海外就業證明申請，導致大批菲傭要延遲來港。勞工處宣布，針對現有外傭合約即將屆滿，但新外傭受事件影響未能如期履新的情況，所有在今年12月31日式之前屆滿的外傭合約，可在僱主及外傭雙方同意下，延長至最遲明年2月28日，有需要的僱主可於今年12月31日前提交申請。
根據標準僱傭合約第15項，僱主可在僱傭雙方同意及在入境處長批准下，修改合約延長外傭的僱用期不多於一個月；如欲延長合約多於一個月，須先獲勞工處處長同意。
勞工處今午宣布，受菲律賓停發海外就業證明影響，處長已原則上同意，讓所有在2017年12月31日或以前屆滿的外傭合約，可在僱主及外傭雙方同意下修改合約有效期，延長合約最多至2018年2月28日。有需要僱主可在2017年12月31日或之前，向入境處遞交延長外傭逗留期限申請。
政府發言人指，上述安排是為協助受事件影響或有需要的家庭，特別是有照顧長者和幼兒需要的家庭，讓他們能暫時繼續聘用其現任外傭，以等待計劃聘請的新外傭在菲律賓政府恢復發出海外工作證明後履新。發言人提醒，市民若有照顧長者或兒童的特別需要，可以向社會福利署求助。
（明報）
一道冷鋒會在周六(18日)抵達華南沿岸，令氣溫直線下降。日前天文台預測下周日(19日)及下周一(20日)的氣溫會跌至16度，但今天(16日)天文台預測，下周日至下周六(25日)起連續7日最低氣溫一直都係徘徊16至17度！各位真係要準備定厚衣及保暖衣物。
據天文台最新九天天氣預報，明天(17日)早晚多雲，日間大致天晴，周六(18日)則部分時間有陽光，能見度較低，稍後有幾陣雨，氣溫顯著下降。下周日至下周六起一連7日最低氣溫一直徘徊16至17度，而下周日天氣清涼，密雲及有幾陣雨，其餘時間則部分時間有陽光。
高空反氣旋會在今明兩日為華南沿岸帶來普遍晴朗的天氣，一道冷鋒會在周六抵達華南沿岸，隨後的強烈東北季候風會為該區帶來顯著較涼的天氣，預料東北季候風將會在下周持續影響華南，該區天氣較涼。
(東方日報)
韓國「國民初戀」秀智跟「長腿oppa」李敏鎬，前年3月大方認戀情，雖然二人因為各有各忙而多次傳出分手，但今年4月時韓媒就報道兩人於月前曾一齊喺首爾舉行派對，慶祝拍拖兩周年，據知秀智及李敏鎬邀請少數嘅好友出席。
而李敏鎬今年5月入伍，秀智就忙於拍攝新劇《當你沉睡時》，劇集今晚播出大結局，不過今日韓媒就報道，根據相關人士透露，兩人最近已分手，並決定以同事身份繼續為對方打氣。對於再次傳出分手消息，李敏鎬同秀智方面都指向當事人確認中。
隨後秀智所屬嘅JYP事務所承認消息，表示秀智與李敏鎬於近日分手，但就冇透露分手原因。而李敏鎬所屬嘅MYM事務所亦稱李敏鎬、秀智分手係私人事，唔清楚分手原因及分手嘅確實日期。
(蘋果日報)
