藝人李彩華於2015年與「新五虎」之一何遠恆拍拖，期間二人感情穩定，去年更大方結伴欣賞黎明演唱會，李彩華更曾揚言2018可能爆閃婚。但近日卻傳來二人因共同理念和婚姻共識出現分歧，令感情出現問題，並分手已經一個月。
東網聯絡到李彩華，問到分手原因和是否涉及第三者？她表示：「其實都冇乜特別回應，都係希望大家畀多啲空間我哋，大家都需要時間recover……是和平分手，其他嘢就唔交待咁多。」
(on.cc東網)
【結婚1年】 開工冷落楊怡！羅仲謙狂操趕住造人？！
楊怡與老公羅仲謙（謙謙）結婚一年多，婚後各有各忙聚少離多，一直想生B的二人至今仍未「造人」成功，為了趕生狗B，楊怡今年還大幅減少工作量，夫婦今個農曆新年亦雙雙留在香港度歲，趁機造人。
謙謙日前出席活動後更往操定副靚Body陪老婆，當日他離開時更被一班粉絲包圍要求影合照，當中有男有女又有小朋友，但女Fans佔大多數，親民的他亦來者不拒逐一跟粉絲影合照後，便乘七人車前往旺角的健身室做Gym，向來有「巨胸謙」之稱的他為了增添情趣，當然乘機狂操其逼爆42吋胸肌，足足逗留了近兩小時才離開，急急乘車返大埔屋企，與太太積極造人。
至於另一日，謙謙於內地工作未能相伴，楊怡只得找來愛犬及母親作伴，當日下午1時半，她與母親帶着家中兩隻愛犬駕車離開大埔寓所前往附近寵物店。戴着Cap帽及口罩的楊怡，泊好車後與媽咪一人抱住一隻愛犬進入寵物店，甫見記者拍照，她即友善地揮手打招呼，然後將兩隻愛犬交給職員扮靚洗白白。
謙謙老中青都殺晒。
羅仲謙孭住背囊去健身室做Gym。
好友善同記者Say HI～
謙謙早前返咗內地工作冷落嬌妻。
楊怡友善地揮手打招呼。
兩公婆都好Nice～
人見人愛。
弗到爆！
操完嘅謙謙急急搭車返屋企造人。
楊怡抱住狗仔去扮靚靚。
同媽咪各自抱着愛犬去寵物店。
楊怡一邊傾住電話唔知係咪同謙謙交帶緊呢？
個個都爭住合照。
完全無懼街上人來人往。
臨走前都不忘向記者揮手道別。
好彩都有媽咪陪～
冇老公陪嘅楊怡心情好似都幾靚。
(東方日報)
【戒澱粉質】琦琦：女人最好嘅保養品就係…
琦琦由兩年前開始，籌備自己的珠寶品牌QQM，推出半年已知名度大升。入門價數萬元，主打十字架設計，張艾嘉、李嘉欣，以至不少女星名媛都是捧場客，變成人生第二個事業。
「其實我未諗過，幾年前個partner一直搵我合作，但嗰時我有其他合約未完，我同佢講，你等我啦。依家出咗半年，好幸運，反應好好。」開office兼showroom，樓都未睇過就簽約：「QQM係我第一個office，個牆係綠色，因為我鍾意薄荷綠，我想我office好cosy，好home feel，顏色好簡單，有啲植物，所以搵朋友幫我畫咗一幅好多顏色、好開心嘅畫。」
努力創業，全情投入，原來背後更有一個夢想。「講真，我唔係真係等錢用，但可以將自己嘅興趣，發展成第二事業，係一件好開心嘅事。同埋，我依家個女開始大，13歲喇，如果將來有一個事業可以留俾佢，係一個夢想，係媽咪俾女嘅一個心意。」
琦琦每事親力親為，連飾櫃中的磨菇小擺設，都是自己去花墟逐間花店搵。十字架為主打設計，皆因她在維也納長大，四處都是教堂，媽媽也是天主教，設計中蘊含了她的愛與根源，「我自己都好鍾意好多大牌子，好似Van Cleef & Arpels、Bvlgari，人哋真係百年經典，我哋一個100% Made in Hong Kong的牌子，點樣可以傳遁我哋嘅特別訊息？所以我覺得由心出發，所以揀咗十字架。」
愛shopping的琦琦，亦希望定價平些，她說：「Shopping一定要happy shopping，買完一樣想買第二樣，我嘅手工、鑽石係好好，但價錢係開心價，呢個都係品牌精神。」琦琦公司的員工，除了管錢的會計，大部分都是90後：「因為佢哋做嘢好快，好有衝勁，好有活力，我鍾意咁樣嘅團隊，可以帶領團隊一齊向前衝！」
世間無免費的午餐，琦琦多年來都keep到靚樣及身材。心態保持年輕、做人積極，正是琦琦的凍齡心得。「女人最好嘅保養品就係做嘢，做嘢可以保持一個年輕嘅狀態，同埋每天要正能量、愉快心情去生活。」當然亦要自律，「食呢，我食得好健康，早餐好大個分量，嚇死你，但我唔食麵包，我係食黑豆粥啦、雞蛋啦、蕃薯啦嗰類，我寧願食飯都唔食麵，夜晚要少食澱粉質，一個星期至少五晚係戒澱粉質的。」
日常多飲水，養生飲品包括：紅棗杞子女、綠茶等。老公、囡囡愛拉筋、跑步，華哥亦買了一部跑步機，鼓勵琦琦一齊跑：「一個星期至少上一次跑步機，著晒啲打boxing衫，焗住出汗至少跑一個鐘頭，同埋跟黃佩霞一齊做瑜珈。」至於護膚，琦琦強調潔膚重要，「我好鍾意敷mask，eye mask都鍾意，一得閒就敷。」
(蘋果日報)
【港姐冠軍】馮盈盈：你行咁前做咩呀？你以為自己邊個呀？
馮盈盈出名作風大膽，平時好似天不怕地不怕，但原來佢曾經都發生過啲𤓓爆嘅事。
大爆自己之前拍攝節目《學是學非》嘅時候，竟然冇拉褲鏈，仲要拍咗成大半日先發現，真係聽到都覺得尷尬！
不過咁都未算最爆，馮盈盈早前拍劇，其中有一場戲佢要當街大罵群眾，本來就安排咗一大班臨時演員畀佢鬧嘅，但係馮盈盈愈鬧愈投入，見到有名男士行上前，仲即刻好大聲咁兇佢：「你行咁前做咩呀？你以為自己邊個呀？」最後先發現原來對方係路過嘅市民，搞到馮盈盈勁唔好意思！
馮盈盈原來試過鬧爆街坊！！
（on.cc）
【原來蜜蜜去…】阿Sa都有啲恨
阿Sa一向處理感情事比較低調，之不過遇上「Mr Right」石恆聰(Anthony)似乎感情幾穩定，更愛得大方，唔介意公開戀情，亦會出席石家聚會，今日有周刊指阿Sa新年請假陪男友去布吉，難怪阿Sa日前忽然晒身穿露背泳衣，坐喺沙灘望夕陽嘅相，原來呢張相係男友操刀。
據周刊指阿Sa同男友Anthony喺登機前，一直扮唔識，企開一、兩個身位，阿Sa提高警覺，不時望有冇人影佢，玩咗四日三夜先返港，同樣係前後腳分開出閘，之後又再開工拍《PTU機動部隊》，今日難得放假，阿Sa喺IG貼出selfie相，留言：「趁今日唔洗開工又咁好天，去做吓運動先。」
阿Sa同Anthony細妹石佩藍一早認識，佢哋共同朋友係馬天佑，據阿Sa身邊朋友向報道指，阿Sa本來唔心急嫁，但係未知係唔係受好姊妹阿嬌影響，阿Sa都有啲恨，目前係等男友幾時俾驚喜，為咗多啲時間見，阿Sa先後同男友去東京、印度同布吉，阿Sa最近拍緊《PTU機動部隊》，本來佢想同劇組拎兩個禮拜假期去歐遊，唔知係唔係劇組放唔到人，佢先去布吉玩。
(蘋果日報)
【自小與死神搏鬥】惠英紅：心臟停頓慣晒！
影后惠英紅於跑馬地拍攝微電影，飾演心臟衰竭患者，她表示心臟衰竭年輕化，希望透過這部微電影令社會引起關注，及早求醫，避免變成隱疾。
影后惠英紅紆尊降貴拍微電影，目的是為社會做有意義的事。
原來惠英紅是先天性心臟病患者，因為公益而參與演出，在拍攝期間有顧問及醫生監場。她透露15歲已發現自己有這個病：「出出入入醫院，連心臟停頓都試過，已經習慣咗啦，唔使特登為角色準備！（依家病情點？）有先兆，會知嘅，識得處理，唔會畀病情變嚴重就得！」
惠英紅15歲就發現患上心臟衰竭，天生樂天性格的她，勇敢面對病魔。
農曆年假後這是她首日正式開工，稍後將到內地拍戲，但不會再拍打戲，她說：「打唔起喇，多多少少都同心臟病有關，始終年紀大咗，盡量避免啦！情況一定唔會比年輕時好，只好盡量避免。」問可有打麻雀發新年財？她說：「贏咗少少啦！一家贏三家，其中一個畀錢我嘅就係金燕玲！」
惠英紅會保持健康，以防病發。
惠英紅與小演員合作愉快。
（on.cc）
【Bob冧女有一手】陪囡囡玩凌空倒豎葱 唯網民憂傷頸椎！
藝人林盛斌（Bob）身為三女一仔嘅爸爸，對於氹小朋友開心都好有心得，呢日Bob就拍片同大家分享一下冧女秘技！
片中見Bob三女林機兒（Kaye）打頭陣，佢跑上梳化趴喺度，然後Bob就捉住佢雙腳，將佢成個人抽起再凌空反轉打後空翻。之後二女林熹兒（Haye）跟住衝上嚟，Bob再重施故技，氹得Haye不知幾開心！然後大女林霏兒（Faye）都好想一齊玩，但係Faye始終比兩個妹妹大，Bob捉起佢嘅時候顯得非常吃力，但都勉強完成。直至Faye一次又一次再跑上嚟玩，Bob終於招架唔住，仲笑言自己嘅運動量大到唔使出去做gym…不過，有網民就勸Bob玩還玩，都要小心會整到小朋友嘅頸椎，事關一旦整親頸椎真係可大可小！
三女Kaye打頭陣。
Loop咗幾次後，Bob終於冇晒力嗌投降！
之後到二女Haye，Bob亦輕輕鬆鬆完成。
Bob冧女有一手喎！（資料圖片）
唯獨是大女Faye就有啲難度喇。
(東方日報)
【小飯兜一百日大啦！】但爸爸就去咗…
藝人賈曉晨（JJ）上年七月為老公樊少皇生咗愛女，仲宣布囡囡個乳名叫「小飯兜」，話咁快已經係小飯兜出世一百日喇，JJ喺社交網晒抱住囡囡嘅相，但就用過頭飾遮住囡囡個樣。
JJ勁冧豬咁望實囡囡，母愛滲晒出嚟，JJ留言話：「今天飯兜100天，雖然爹爹一直忙着工作回不來，沒法好好慶祝，但娘親陪着寶貝，寶貝要健康快樂哦！我們永遠愛你」
原來樊少皇忙住工作，但佢都有留言：「寶貝我好想你，祝你健康快樂成長！乖乖的 聽娘的話，等爹爹回家抱抱」
(on.cc東網)
【新年玩出禍】當年憑那些年一炮而紅 今日驚爆肋骨斷裂急就醫？！
作家兼導演九把刀（柯景騰）最近到日本旅遊，並安排了滑雪行程。豈料，他開心出遊，一個「高速俯衝」，竟讓他直接撲倒，當場摔了個狗吃屎，胸口疼痛不已，緊急到醫院檢查才發現，竟摔斷了肋骨。
▲九把刀趁農曆新年假期到日本旅遊。（圖／翻攝自九把刀臉書）
九把刀新年假期到日本旅遊，接連在社群網站分享，挑戰單滑板滑雪的心得，雖選擇了初階行程，仍不慎發生意外，他形容當下：「往前撲倒直撞胸口內傷了，覺得痛苦！」之後似乎真的痛苦難耐，透過臉書急徵：「大家有沒有推薦的骨科（應該是看骨科吧？）診所還是醫院啊？」回台灣後，緊急就醫被診斷出是「右側第7肋骨骨折」，並隨文附上診斷書。
▲九把刀滑雪慘摔，回台緊急就醫才發現是肋骨斷了。（圖／翻攝自九把刀臉書）
雖出遊受傷，九把刀仍不改幽默本色，在貼文中苦中作樂：「肋骨骨折成就達成！話說我骨折後竟然還繼續滑雪滑了一天半可以一直吃起司實在是太棒了。」終於找到疼痛原因，也讓粉絲放心不少，除了要他多保重身體，還有人笑虧：「是冷到痛都沒感覺嗎？」、「以後寫小說，要寫肋骨骨折的痛感，就更真切了」。
(eetoday)
【狗年第一大喜訊】 鍾嘉欣追B成功！
33歲女藝人鍾嘉欣於2015年與脊醫Jeremy結婚，長居加拿大只偶爾回港工作，翌年誕下愛女Kelly，由「嘉欣BB」升呢做「嘉欣媽媽」，Kelly現時一歲半，嘉欣每次提起愛女都喜上眉梢，據知向來喜歡小朋友的她再次懷孕，可算是娛樂圈狗年第一大喜訊！嘉欣身邊好姊妹李亞男、王君馨及岑麗香都嫁作人妻，但尚未造人成功之時，嘉欣已懷有第二胎，果然好生養！據知，有喜未夠三個月的嘉欣尚未宣布喜訊，但對於溫哥華街坊已是公開的秘密，因將再做爸爸的Jeremy心情超興奮，已忍不住向街坊及病人報喜。
嘉欣老公好開心，忍唔住同人報喜。
一心追多個
據知，嘉欣現時安心養胎，由於剛剛有喜，所以每事都份外小心，亦不時覆診好好調理身體。其實嘉欣自與無綫完約並結婚後，一直自己接Job，但工作量不算太繁重，事事以家庭為重，早前她被問到之後的事業打算，會自己開工作室還是簽其他經理人時，她表示尚未決定，其實她早有計劃一心打算再追多個。
12月時，鍾嘉欣帶埋囡囡返香港拍特輯。
倒數近月嘉欣的生活動向，她於去年12月時曾帶同女兒到香港主題公園拍攝特輯，至除夕返港出席倒數活動，並趁機約「索妻團」姊妹飯聚，未知當時有否向姊妹交流造人心得。而在剛剛農曆新年時，嘉欣與視帝郭晉安到多倫多登台，為了努力搵奶粉錢，難得拋下女兒沒有與家人過新春，更滿場飛狂逗利是，嘉欣笑言利是豐厚到夠女兒讀幼稚園，相信腹中BB的奶粉錢都有着落！
Kelly好可愛！
安仔：收定啲利是買奶粉！
當時嘉欣尚未現肚，同場的安仔受訪時笑言不知道她是否懷孕，但從他形容的各種迹象，十足十已經有喜！安仔笑說：「我唔知！不過同佢登台嗰陣，唱到中段嗰兩首歌，佢就話要坐喺度唱，話唔企喇！唔知咁樣算唔算洩露咗一啲迹象呢？現場真係睇唔出，佢喺現場就好努力收利是，睇怕都係喇喎！收定啲利是買奶粉都差唔多啦！如果係就恭喜佢啦！你哋直接問佢啦！」而東網致電嘉欣希望送上恭喜，但未有回覆。而最近嘉欣在Instagram上載穿上鬆身衫的近照，並寫下一堆心靈雞湯的說話，勉勵自己要保持平和、冷靜、自信、平衡等。
鍾嘉欣之前同安仔去咗登台，話好似有迹象顯示嘉欣有咗喎！
(on.cc)