楊思琦今日出席港台劇集開鏡儀式。楊思琦透露5歲女兒卓穎開始明白其藝人的工作性質。
5歲女兒卓穎
最近還主動恭喜她成為香港小姐冠軍。楊思琦笑說︰「沒想到2001年發生的事，她竟然在17年後恭喜我，很有趣﹗」
不知楊思琦開心還是好笑！
(明報)
【繼續催淚】預演婚禮 攬住齊齊喊！
由藝人田蕊妮主持的無綫節目《1+1的深情》，繼續催淚，最新一集嘉賓是快將結婚的江若琳（Elanne）和蕭潤邦（Oscar），這對新人在節目中當然大談情史，「生煎包王子」Oscar更親手煮嘢食給準老婆Elanne，二人肉麻情話，將阿田都融化，她更笑言：「打晒冷震！」
由於Elanne希望有個夢幻婚禮，節目人員不惜落力籌備，為Elanne預演婚禮，現場準備好拱門、花海等，令到Elanne都感動到到眼濕濕！
驚喜！
阿田都好感動。
好友到齊！
笑得好甜。
由於Elanne曾經和阿田老公杜汶澤合作拍電影，故阿田更了解其經歷，知道對方星途上遇到不少挫折才到今天得到幸福，實屬難得，包括緋聞、合約和經濟等問題，故阿田寄語Elanne繼續堅強和勇敢，向這位「打不死」的Elanne說出一番感言，連自己都受感染，二人相擁。
相擁！
噴晒煙，好浪漫呀！
忍唔住喇！
開心嘅眼淚值得流！
（tvb截圖 / on.cc）
【父女戀告終？】唐文龍：知道得越多…
因為一張相，令黃文意呢個名多咗人認識。
有個富爸爸嘅「36D咪神」黃文意(Mandy)去年11月17日，即唐文龍48歲生日當天，喺ig貼咗一張兩人去睇大佛嘅合照，但之後秒刪，然後又被傳媒影到佢哋一齊食飯，隨即傳出父女戀。
黃文意早前喺ig貼與唐文龍合照，但好快就刪咗。 (ig圖片)
事後兩人雙雙否認，稱只係好朋友。不過，近日有報道指Mandy係奀星借唐文龍上位，唐文龍噚日突然喺ig貼咗一張好失落嘅黑白相，留言﹕「有時候，知道得越多，發現自己其實懂得很少。」唔通同Mandy嘅緋聞有關？！
被人話係奀星搏上位嘅Mandy當然好唔開心，噚日亦有在ig撰寫長文反擊，自比一隻渺小螞蟻。
佢話﹕「媒體是一個二元對立的世界，有人說你是『神』，亦有人說你『奀』。『神』：認可你的地位；『奀』：視你如螞蟻般渺少。老實說，我也真的認為自己很渺小，但渺小並不代表我品行不好，需要踩著別人的頭往上爬。我相信一隻渺小的螞蟻有能力慢慢地爬向高處……蟻有尊嚴，亦有能力變得強大，因為她有同伴。」
對於被指奀星搏上位，黃文意都有撰長文反擊。(ig截圖)
Mandy話係認識呢位友人(應該係指唐文龍)之前，已經上過C1頭條，而且最近亦避席公開活動，反問「上位的通道在哪呢」？Mandy喺另一個post就話自己歡迎每一個願意同佢交朋友嘅人，仲話﹕「到o依家呢刻，我仍然相信『存好心、做好事、說好話』會為人帶嚟好運氣。雖然好多時我因為咁而產生好多誤會，但起碼我無傷害過任何人。」
(Apple Daily)
【 狗年發新年財】姚子羚多謝好姊妹：佢輸到剩番返屋企嘅車錢！⋯
Elaine今日孖住好姊妹胡蓓蔚同黃智雯出席賀年活動。(陳順禎攝)
姚子羚 (Elaine) 今日出席賀年活動時，透露今個農曆年發了新年財，仲抵死地表示要多謝好姊妹胡定欣。Elaine說：「有一日打牌係輸幾百蚊嘅，之後初七嗰日去胡諾言屋企玩啤牌，贏咗千幾蚊，要多謝定欣囉。佢原本拍緊劇，休息時間都趕過嚟。
(定欣輸好多？) 佢輸到剩返啲錢夠佢搭車走囉，哈哈。不過定欣輸錢都開心嘅，成班都係好朋友，難得新年可以聚埋一齊玩下。」Elaine又話見到一pair pair夫妻賭錢時的搞笑場面。
Elaine話要多謝胡定欣。
講到錢，近日Bill Gate於Ellen DeGeneres主持的節目的訪問中，表示自己用錢好保守，至今使錢買嘢最瘋狂的一次是買了一架私人飛機，其次就是一部二手的保時捷跑車，此話一出即引起觀眾同網民的熱烈討論。問到Elaine使錢算唔算保守，她說：「我使錢唔算保守喎，但又唔會揮霍嘅，覺得自己唔係好識理財。最瘋狂嘅一次，其實又可以話瘋狂嘅，都係買鞋啦，買咗對港幣$6000蚊嘅鞋，畀完錢嗰下都好肉痛。」Elaine咁努力工作買對幾千蚊的鞋當獎勵自己都不為過吖。
(HK01)
【喺大台受盡批評】谷底反彈 重獲觀衆緣！
蔡思貝2013年當選港姐亞軍之後一直是無綫監製的寵兒，一出道就可以參與拍劇，出道1年更陸續主演多套劇集，擔正做女主角。但觀眾和網民就覺得她未有足夠實力而討厭她，更取笑她貌似網絡紅人「達哥」及日本男星木村拓栽。不過近日蔡思貝又重獲觀眾緣，挽回了一些支持的聲音，不如現在一起回顧她的進化史吧。
蔡思貝首部參與的劇集是《八卦神探》，她飾演蘇倩敏，當時表現平常，沒受到太大批評聲。
2015年，蔡思貝首部主演劇《衝線》播出，不少觀眾對於她能夠擔正做女主角感到很奇怪。而網民又指她常以高音調說話，聲線「煩膠」，演技平平不配做女一，自此她的觀眾緣便直線下降。
2016、2017年，蔡思貝連續主演多套黃金時段的劇集，如《純熟意外》、《味想天開》、《潮流教主》等，對於她被熱捧，觀眾的反應負面，認為她欠缺實力。尤其在《潮流教主》，由於她身型瘦削，但因劇情需要經常穿著前衛時裝，因而被網民認為她「晾唔起」潮流服裝。
2017年尾，蔡思貝在劇集《踩過界》犧牲色相，飾演「哨牙」的癲姐，獲得觀眾的好評，認為她不再「煩膠」反而更貼地。她也憑此角色奪得《萬千星輝頒獎典禮2017》的「我最喜愛電視女角色」，在發表得獎感言時說︰「在我最不喜歡自己，覺得自己很醜的時候有一個這麼醜的角色，真是來得是時候。」
無綫在網上發佈一條女版《到此一遊》MV，找來黃心穎、 蔡思貝 、馮盈盈 、張寶兒 、邵珮詩重新演繹《降魔的》主題曲。她們每個都以暗黑造型示人，又大跳熱舞，但卻被批評歌喉和演技不合格。唯獨蔡思貝被讚「有樣有戲」、「5個之中最靚係蔡思貝」，也開始有些網民為她平反說「其實一直覺得佢唔差」，自此她又重獲一些支持的聲音。
1月舉行的《2018國際中華小姐競選》邀請了包括蔡思貝在內的一眾女藝員做評判，雖然個個都盛裝打扮，但蔡思貝卻另人眼前一亮。抹胸淡色晚裝配毛毛耳環，大方又不失可愛，不少網民大讚她是全場最靚。
（明周 / 圖片來源：互聯網）
【經常分隔兩地】阿嬌：整塊皮好像給撕掉了一樣
藝人鍾欣潼（阿嬌）早前就宣布答應有「醫界王陽明」之稱的台灣婦科醫生男友賴弘國求婚。
不過佢同未婚夫成日相隔兩地，加上工作忙，阿嬌嘅身體似乎已經攰到極點喇。
呢日阿嬌就喺社交網晒裸背，相中阿嬌嘅玉背全部都係瘀血，好似被人虐打完咁，又好似被人搣咗層皮咁，真係好得人驚呀！
睇起好似好可怕，不過原來阿嬌條腰都幾slim㗎喎！
不過，阿嬌其實係畀大家睇佢刮痧後嘅慘況，連佢都忍唔住留言嗌誇張：「請問這是人的背嗎 太誇張了 整塊皮好像給撕掉了一樣。」阿嬌仲Hashtag話痛到爆炸添呀，真係睇到都驚驚呀！一班網友睇見呢個慘不忍睹嘅模樣都大感驚訝同心痛，留言叫佢保重身體同好好休息，仲提醒佢唔好去到咁盡，唔係好容易整傷筋骨㗎！
鍾欣潼IG
連阿Sa(蔡卓妍)都忍唔住留言：「嘩！刮到咁傷嘅？！」唔少網民就反問「係咪得罪咗個師傅」、「做咩變咗進擊的巨人」。
(on.cc)
【由童星做起】曾拍周星馳電影《蘇乞兒》依家竟然係50億美女老闆！
出生於北京的楊冪，4歲時曾於周星馳電影《武狀元蘇乞兒》亮相，繼而踏上演藝之路。近年演出多套劇集都爆紅的她，躍升為一線女星，兼以老闆及出品人身份開公司，去年她的公司估值達50億，被業內稱為「最有眼光的美女老闆」，旗下藝人除了已上位的迪麗熱巴外，還有張彬彬、高偉光、黃夢瑩、李溪芮等十數位，眾人均是高顏值。
楊冪近年拍戲亦有個習慣，便是喜愛帶公司新人一同參演，今次也不例外，帶住工作室兩位新人賴藝及祝緒丹亮相，二人亦有不錯表現。
事業發展如日方中，楊冪亦能在家庭生活取得平衡，不時被拍到返港照顧女兒「小糯米」，去年女兒的運動會和生日會等，她也有現身享受親子樂。至於老公劉愷威，婚後多年仍然恩愛，早前就被網友拍到兩人於機場激吻，公然放閃。
—————————-
楊冪與女兒「小糯米」出席運動會。
楊冪小時候相當精靈。
(東方日報)
【今次早有準備】楊丞琳開騷 觀眾竟然有利是收？
台灣歌手楊丞琳（Rainie）一連兩場假紅館演唱會舉行尾場，依舊坐無虛席，獲歌手王灝兒（JW）及好友何超蓮到場支持。演唱會準時8時30分開始，身穿紫色仙女長裙的Rainie站在升降機中演唱《年輪說》及《仰望》揭開序幕。唱畢便用廣東話向Fans打招呼，又指今晚把聲沙沙哋：「可能尋晚（24日）玩得太High，希望今晚啲觀眾都好High、好開心。」接着便唱出《點水》。
小意外險甩衫
去到演唱會中段，當Rainie演唱完《任意門》之後，她笑言剛發生了小意外，銀色西裝外套差點被工作人員扯下：「剛剛耳機突然沒有聲音，我就演戲扮有聲音，工作人員就上來在我屁股弄，外套都差點脫了，應該要給你們看，但導播不識相沒有，他們很保護我。」
嘴巴上說不要 身體卻很誠實
經過昨日收利是的經驗，Rainie今場專登自備「利是袋」，讓歌迷將利是放入去：「尋晚阿嬌（鍾欣潼）話唔好客氣，可以收利是，我就同佢講我收咗100個，佢話少，唔夠！等陣黑衣人會幫我收。」她還抵死笑言如果利是同握手之間，佢會揀利是，之後Rainie就出動「利是袋」，邊收邊說：「來來來！但我一隻手拿着咪，一隻手拿着包包，你們摸我手當握吧！我覺得我好像招財貓，哈哈，也可以摸我的頭，但不要摸臉。其實我不是愛收，只覺得很好玩。」她自嘲自己嘴巴上說不要，身體卻很誠實，說畢便唱出《其實我們值得幸福》。
感觸數度落淚
尾場Rainie同樣為Fans帶來廣東歌《高山低谷》及《矛盾一生》，當然少不了經典歌曲《曖昧》、《雨愛》、《我們都傻》及《帶我走》等，Rainie指自己非常興奮之餘又感到不捨，又大讚紅館舞台冇場地限制，笑言可以近距離與歌迷握手及睇毛孔：「雖然我冇毛孔。」之後她便逐一答謝各單位。
Rainie演唱會嚟到尾場。
之後換咗吊帶長裙。
經過之前開騷有利是收嘅經驗。
何超蓮（左）同JW都有嚟睇。
Rainie為大家送上多首廣東歌。
以紫色仙女長裙獻唱《年輪說》及《仰望》揭開序幕。
Rainie大騷舞技。
今次Rainie仲攞埋個袋上台收利是。
Rainie搞笑話自己好似招財貓。
大露背喎！
Rainie話自己把聲有啲沙沙哋。
期間發生小意外，Rainie件外套差啲畀工作人員掹甩。
盆滿缽滿。
真係收利是都收到手軟。
Rainie大讚紅館個場正，可以同粉絲近距離接觸。
(東方日報)
【好可愛呀！】郭富城終晒囡囡全相！
天王郭富城（城城）去年與內地女模方媛拉埋天窗後，誕下囡囡Chantelle，榮升為人父嘅城城仲話過自己好心歸，一做完嘢就即刻衝返屋企睇囡囡，真係有女萬事足！不過為保護囡囡，至今Chantelle一直未有露面，只係佢隻手仔見過人。
一隻手仔~
雖然今日已經年初十，但係第一年以人父身份度過農曆新年嘅城城難掩喜悅，喺社交網晒出囡囡着上充滿新年氣氛、紅噹噹衫仔嘅相片，見到Chantelle嘅兩隻手仔全相！手上仲拎住一個有刺繡圖案嘅紅色頭箍，精緻又的骰，非常可愛！城城仲以BB公仔圖案留言「新年好」，代囡囡同網友拜年，唔少網友大讚Chantelle嘅肥美手仔好可愛，有啲仲乘機向城城追討利是：「派利是畀我！」
今次係兩隻手仔全相，齋睇手仔都覺得好可愛呀！
小美都有轉發微博
(on.cc)
【自爆想收兵】湯洛雯：好耐冇講嘢 又少時間見面
藝人湯洛雯（靚湯）現身無綫劇集《翻生武林》宣傳，對於劇中角色如港女經常收兵，靚湯笑指現實生活也想收兵，但因工作已很忙碌，故無暇收兵。
問到是否因身邊有個正印男友羅天宇所致？她謂：「可能係啦！不過呢排大家都忙，都好耐冇講嘢，又少時間見面，成日都係瞓得兩、三個鐘！（分手？）一直係發展中，我不嬲唔係感情大過天，好隨心，不過我對自己有信心！」
「（掟男友入雪櫃？）擺住先啦！後生女要搏殺，咁公司又畀多咗機會我，佢都係，所以都想做嘢為主。」 
羅天宇出記者會，對於女友湯洛雯自爆近日少與他聯絡，天宇亦直言靚湯認真忙碌，自己也即將到橫店拍攝無綫劇集《包青天再起風雲》，但就否認雙方處於冷戰期，也不擔心此舉會影響雙方感情。
談到靚湯表示要掟他入雪櫃，天宇謂：「雪吓先？咁多嘢做係好事，工作為先嘛！我冇新歡㗎！（點氹番女友？）抽多啲時間陪佢，接佢放工囉！」他又指已入行十年，希望於工作上得到肯定。
羅天宇個樣好擔心！
(on.cc)