八両金（原名葉競生）昨天於微博發文，公佈其母葉歐陽麗蓮離世的消息，文中亦交待母親的設靈事宜，亦答謝親友們的慰問。
他留言說：「我用最沉痛的心情，我一生中最愛的慈母葉歐陽麗蓮永遠離開我了，很多朋友來電關心，因悲傷沒能一一回復。我慈母定在香港殯儀館福海堂1月24號設奠，25號早上9至11點追悼會。衷心感謝所有我的好兄弟姐妹朋友們的關心慰問。」
(蘋果日報)
【開刀並非怕痛】陳敏之：斷骨都唔怕 嗰種痛令我感受到愛嘅感覺
陳敏之分享懷孕心得，她透露原本想嘗試順產，後來決定開刀並非因為怕痛。
陳敏之一啲都唔似生過。
她說：「以前拍戲試過斷骨都唔怕，當時反而擔心順產過程，有好多難以估計情況，所以為BB，我選擇開刀。不過開刀後傷口比想像中痛，都留下了疤痕。每次我抱着囝囝玩，佢都會紮紮跳，喺我啲疤痕上跳，嗰種痛反而令我感受到愛嘅感覺。每次摸到開刀位置，就像感覺到同BB連繫。你依家問我，就算留疤都好，都係一種幸福嘅痛。」她表示為了BB有母乳食，堅持到現在，就算拍劇辛苦，都堅持日日泵奶及半夜捱眼瞓：「睇住劇本泵、食住飯盒又泵，我覺得呢個任務算超額完成，見到BB愈來愈長肉，愈來愈健康，作為媽媽犧牲都冇所謂，係值得。」她透露囝囝開始學講話，識得講「媽媽」同「飯飯」，每次叫完「媽媽」自己都會興奮大叫，而囝囝就會搞笑地耷低頭，表現得怕怕醜醜，自己感覺就像回到初戀。
陳敏之為咗囝囝雷子樂可以豁出去。（資料圖片）
子樂啱啱出世 （資料圖片）
敏之弗爆!
陳敏之話囝囝已經識得叫「媽媽」，令佢相當開心!
陳敏之個樣好滿足呀！ （資料圖片）
之前聖誕節敏之帶子樂去玩，點知子樂超眼瞓~😄😄😄 （資料圖片）
（ON.CC）
【網民留言炮轟】電單車尾綁仔拖行超狠心
虐待還是震撼教育？內地近日網上瘋傳短片，一名男童雙手被綁起及繫緊於電單車車尾，在馬路上被拖行，狀甚可憐。不少途人看到此情此景，都紛紛上前阻止並齊聲譴責，惟駕車的女子一直都無動於衷。
據網上消息指，事發地點在雲南昭通，駕車女子為男童的母親。事緣男童頑皮不聽話，母親遂採取此種方式懲罰。從片段所見，女子被途人制止後停車在馬路中心，但不論途人如何指摘或投以側目，女子都仍然故我，至於該名男童則趴在地下不斷哭泣，未有反抗。
事件曝光後隨即惹來不少網民口誅筆伐，留言炮轟該母親「虎毒尚且不吃兒」，「即使頑皮都不能如此處罰！」、「相當危險，易生交通意外」；亦有網民聲言要「還施彼身」，又促請政府盡快介入並加以嚴懲。
(東方日報)
【喝鹽酸自殺】遺傳夜盲症 40嵗只希望趕快受精
40歲侯怡君與大23歲蕭大陸情纏17年，去年底怡君首度放閃曬出親吻照大方認愛。近日侯怡君錄製民視過年特別節目時，被問及新年願望，她也坦言盼能「受精成功」，希望能為蕭大陸生下一子。
侯怡君與蕭大陸分分合合多年，去年兩人第一次大方分享閃照，首度公開承認彼此戀人關係，據《蘋果日報》報導，侯怡君今現身參加民視過年特別節目，吐露新年願望是「希望趕快受精」，至於要找誰當精主？侯怡君左提聖誕樹、右扯裝飾，暗示與她合影的蕭大陸是最佳爸爸人選。
報導中指出，侯怡君和蕭大陸好事近，女方爸爸也很滿意這位「準女婿」，等工作告一段落，侯怡君將和蕭大陸計畫環島旅行，享受兩人世界，也希望藉這次旅行做人成功，迎接一家三口幸福家庭。
提及去年社交網親吻照放閃一事，侯怡君表示，當時只是想鬧蕭大陸，沒想到對方意外配合，連聽到要上載到社交網也沒反對，反倒讓她嚇了一跳。坦言兩人公開曬恩愛後下一步就是想當爸媽了，侯怡君還逗喊：「希望能趕快受精」。
From:侯怡君臉書
遺傳夜盲症
熱愛運動的藝人「侯鐵妞」侯怡君，不僅會主持、會演戲，私底下的她在今年還成功挑戰226K三鐵。總是給人陽光正面積極的形象，日前上節目竟淚灑攝影棚，坦言遺傳到爸爸的夜盲症，不知自己何時會瞎，所以遲遲不敢踏入婚姻。
侯怡君的爸爸之前也是三鐵選手（鐵餅、鉛球、標槍），她爸爸因為夜盲症，先前遭遇電擊意外，難過地想要輕生之前還曾怕帶給家人負擔，差點喝鹽酸自殺，侯怡君哽咽地說「他是想到家人與孩子才放棄念頭」。
經歷過照顧父親的處境，讓侯怡君遲遲無法決定終身大事，她說「我覺得照顧這樣的病人是非常辛苦的，所以我不想把這種苦給…」侯怡君再度哽咽，錄影現場頓時安靜到連一根針掉在地下都聽得到聲音，胡瓜眼眶也已泛紅。「因為自己跟爸爸有相同的疾病」所以讓她遲遲無法決定終身大事。
看似女超人的她，在節目中透過畫畫測驗，心理師分析侯怡君不為人知、自己也不曉得的「未知我」癥結是「不值得被愛」。因為全家只有侯怡君遺傳到父親的夜盲症，「會處於一個永遠都不知道什麼時候會看不到」，自認最終會成為別人的負擔，所以潛意識告訴她「自己不值得被愛」。
她坦言：「害怕自己有一天會看不到這個世界，所以才想在發病前挑戰自我極限。」所以她參加三鐵，上了舞台每次都是用生命在演出，或許有天她會再也看不見這世界有多麼的多彩繽紛，但至少她曾經拚了命揮灑了生命的彩筆 ，繪出了一生的絢麗，讓腦海的記憶不只是漆黑一片，而是充滿了光明和色彩。
From:侯怡君臉書
小知識：
夜盲症是一種有高度遺傳性的病症，亦有不同種類的遺傳基因及遺傳方式，包括常染色體顯性遺傳、常染色體隱性遺傳、X染色體遺傳、粒線體遺傳等等。由於遺傳方式有多種，而不同的遺傳方式引致的病發模式及病徵均有所不同。有病人在10歲左右開始會感覺到夜間視力下降，到了50歲左右會出現嚴重視力障礙；但亦有病人在中年才開始出現病徵，至六七十歲仍保存相當的視力。到目前為止仍未有效治療夜盲症的方法。
（SINA / hkej）
【兩雄雙爭】歐瑞偉陳山聰互笠高帽 最佳男配花落誰家？
56歲嘅歐瑞偉前年喺《城寨英雄》飾演絕世高手，估咗好耐仲做埋大Boss，嗰陣有一幕影住佢爆衫露出一身完美肌肉，結果惹大家嘅驚嘆，個個都讚呢個入行超過30年、拍過攝超過100套劇集嘅歐瑞偉另眼相看，大家都讚佢keep得好，寶刀未老！連帶歐瑞偉喺《愛．回家》飾演賤精律師KC都有話題，讚佢夠晒抵死。
歐瑞偉最多人講嘅劇，一定係《愛．回家》系列。(電視截圖)
同助手Terry，即係李偉健啦，HeHe到出晒面。(電視截圖)
一班演員跳手勢舞，歐瑞偉咀完左邊咀右邊。（facebook截圖）
舊年歐瑞偉喺《同盟》再演好打得嘅角色，飾演忠心護主保鑣易先生，佢同令小姐(鮑起靜)關係微妙，最後為咗保護令小姐慘死一幕，搞到大家個心碎晒，而呢套劇亦令佢有份提名今年大台頒獎禮嘅男配角獎，同喺《愛．回家之開心速遞》飾演大小姐嘅林淑敏一樣，都係大熱門人選！
介紹番，歐瑞偉今次係憑《同盟》嘅易先生提名男配角。（劇照）
噚日歐瑞偉接受傳媒訪問，講到今次得獎信心，佢話：「冇，真係冇信心，不過知道咁多人鍾意我做嘅角色，當然覺得開心，亦都好多謝大家支持！」
陳山聰都係憑《同盟》提名，同歐瑞偉互笠高帽。（劇照）
之後佢仲話睇好陳山聰可以攞獎。雖然山聰舊年喺「TVB馬來西亞星光薈萃頒獎典禮2017」中獲得男配角，但係佢接受訪問，講到有冇信心再下一城嘅時候，佢好坦白話：「邊係我呀，今年競爭好激烈，個個對手都好勁，所以我喺大馬拎到已經好滿足，其實真心今年已經超出我預期，已經大豐收，所以平常心面對！」山聰亦話睇好歐瑞偉，一定支持《同盟》！
(蘋果日報)
【三十年前月入三萬】歐瑞偉主角變配角：唔好下下怨天尤人
56歲嘅歐瑞偉，以前佢係陶總管（《尋秦記》），戇戇直直又好打得，對住滑頭嘅項少龍，完全招架不住。
陶總管其實叫陶方，歐瑞偉係「大歐」唔係區瑞強個區，英文名叫Jimmy。《尋秦記》已經係2001年之作，陶總管入咗行都成32年。資料顯示拍過100套劇，係100套，唔係100集。依家大家最熟悉嘅，都係KC、易先生、楊竹鑾呢幾個角色。可能佢本人都估唔到，一個麻甩佬，同另一個麻甩佬Terry(李偉健)跳手指舞會咁多人Like。
大家都知歐瑞偉做龍虎武師出身。有個行船爸爸，讀左派學校香島，讀書嗰陣已是體操好手，學校重點栽培，歐瑞偉就專攻跳馬。加上生得都算靚仔，走去做替身，化埋妝，做劉德華替身。嗰陣仲係八十年年代之初。講多次，係八十年代初。嗰陣歐瑞偉月入三萬。做龍虎武師做到月入三萬，仲係三十年前，但劉德華一份Form改寫咗歐瑞偉嘅人生。份form係無綫演員進修班報名表。就係咁陶總管就轉行做演員。
畢業後第一個劇係85年呂良偉曾華倩版本《雪山飛狐》鬼見愁。之後歐瑞偉一路都係拍古裝，形象正氣，常演忠義英雄。維基資料顯示，佢拍第二套劇《神劍魔刀》已經係第一男主角，《達摩》都係第二男主角——第一男主角係飾演達摩嘅呂良偉。87年，無綫開拍大型古裝劇《大運河》，梁朝偉劉青雲陳玉蓮曾華倩。歐瑞偉算係第二男主角，同飾演李世民嘅劉青雲平分春色。當時青雲配華倩，歐瑞偉襯出爐電視小姐冠軍王綺琴。
抽到支好籤啦！《大運河》裡面，李世民得天下，虬髯客（梁朝偉）就帶住心愛嘅蘭陵公主陳玉蓮歸隱，李靖呢？由男主角跌咗落去第三男主角。
拍到94年《Catwalk俏佳人》，更加連第三男主角都唔係，而係男配角。一次歐瑞偉接受專訪，講起這段一線變男配嘅日子，淡然謂：「其實呢行盡咗力都未必有成果，有啲人只出咗少少力，成果可以好多。呢啲就好睇有冇觀眾緣（略）最緊要將心比心同盡自己能力，唔好下下都等個天，或者怨天尤人點解唔俾機會我。」
就算到依家都一樣。有啲人入行幾廿年變晒老Pat Pat，但歐瑞偉拍處境劇，定時定候返工放工，但逢親KC與Terry同場，兩人定必提早返公司傾角色仲可以點玩：「我哋咁多年嚟都係咁，你睇落個角色好似好輕鬆，但唔係hea做，KC呢個角色真係落過苦功。」95年歐瑞偉去大馬發展，娶埋當地一線花旦做老婆，婚後生一子一女。
00年返無綫，已經係配角，甚至只是客串。去到04年拍《大唐雙龍傳》，又做李靖，但對手已由梁朝偉劉青雲變成林峯吳卓羲。但歐瑞偉繼續敬業樂業，嚴謹過嚴謹。歐瑞偉提過一件小事，嗰陣係拍攝《回到三國》，歐瑞偉飾演關羽（執馬浚偉二攤…）：「成班男人戲等埋位，自然講吓鹹濕嘢，但我上咗妝，只能陪笑，唔可以搭嘴，因為嗰刻我就係關帝，要嚴肅，傳統規矩。」
(蘋果日報)
【痕迹會愈耐愈深】 謝安琪：開始我以爲我哋係互補不足…
歌手謝安琪（Kay）及黃偉文（Wyman）等拍攝網上宣傳廣告，忙於湊女的謝安琪大談跟老公張繼聰多年的婚姻，Kay說：「啱啱開始我以為同老公係一凹一凸，兩種唔同嘅性格互補不足。但經過十年相處，其實我哋唔使遷就對方，都可以好舒服相處，大家有好多共同話題同嗜好，例如電影、舞台劇同音樂，可以分享分擔，過咗唔少艱辛時刻。原來我搵到唔只一個老公，而係一個靈魂伴侶！」
謝安琪拍攝專業
她更表示當婚戒戴到手指上，代表了兩個人從此合二為一，是一件非常感動的事，她說：「結咗婚嘅人都會知，手上婚戒痕迹會愈耐愈深。兩個人一齊，必然會經過高山低谷，有開心有唔開心，當遇上問題嘅時候，只要望住戒指痕迹，回想當日婚禮，無論發生咩事，有幾艱難，身邊都會有佢一直伴隨，咩日子都變成好日子。」
謝安琪
謝安琪一家四口，好幸福！
(ON.CC)
【喜出望外】惡死大小姐林淑敏被睇好爭女配 網民：唔好炒我！
喺無綫捱足17年嘅林淑敏（Mandy），今年佢憑處境劇《愛‧回家之開心速遞》裡面嘅變態惡死「大小姐」龍力蓮，喺大台頒獎禮獲提名今年嘅女配角
林淑敏演到「大小姐」龍力蓮又惡又黑人憎，好評如潮。（電視圖片）
雖然今次佢嘅對手都好強勁，好似啱啱喺「TVB馬來西亞星光薈萃頒獎典禮2017」，憑《同盟》拎咗女配角獎嘅姚子羚，仲有譚凱琪、姚瑩瑩同陳庭欣等等，不過依然冇影響網民對大小姐嘅支持。
好似日前Mandy喺fb貼圖兼留言，佢話一班同事喺投票嘅表格上寫住話：「票已投了全公司公認至恐佈龍家大小姐…勿炒我#大台六樓職員緊急呼籲」搞到佢鬼死咁開心，仲話自己已經覺得好滿足，好多謝每一個鍾意大小姐嘅人
之前同「送先生」許家傑一齊拍手勢舞。（Ig截圖）
噚日姚子羚出席活動，亦都話明睇好大小姐
姚子羚噚日出席活動，都話要投降。 （資料圖片）
佢喺《同盟》打到咁都要投降？（電視圖片）
朱千雪唔係拍過好多戲，但就憑《踩過界》提名。（電視圖片）
姚塋塋《全職沒女》（電視圖片）
不過Mandy日前接受傳媒訪問，講到心情係咪好緊張，佢就話：「冇呀，我都係平常心，再加上呢幾日都要開工，所以都冇乜時間去諗，但係如果你問我，我覺得自己唔會攞，因為其他對手都好好，o依家對我嚟講好滿足，當初去拍處境劇，都係希望磨練吓啲戲，好想有一個穩定嘅工作時間，o依家得到嘅嘢，遠超過當日我祈禱希望得到嘅嘢，所以每樣嘢好足夠，對我嚟講係多咗。」
林淑敏話所有都係teamwork， 有班好同事可以放鬆做。（微博圖片）
Mandy仲話：「其實所有嘢都係teamwork，好似家傑、KC(歐瑞偉)同Terry(李偉健)真係好好，有好嘅對手可以令自己放鬆去做！」
(蘋果日報)
【復合先兆？】洪永城：你係我心目中嘅最佳女主角
洪永城同唐詩詠嘅戀情絕對係峰迴路轉，二人分手後都Keep住單身，咁即係代表啲咩？咪就係翻撻嘅可能囉！分開咗大半年，早前佢哋就被指二人秘密復合拍拖，仲高度戒備約會，發現有人跟蹤之後，唐詩詠仲直接揸車走人。
報道出街之後，唐詩詠接受訪問時就話當時仲有其他嘅朋友喺度，係唔想有太多不必要嘅揣測先至分開去。而嚟緊台慶頒獎禮將至，唐詩詠身為視后熱門之一嘅唐詩詠，有宣萱、黃翠如、李佳芯做對手，相信選情都非常之「告急」。
就連前男友兼緋聞男友洪永城都出招喇！佢晚上10點喺Ig post咗張喺大台app投票嘅截圖，而佢選擇嘅「最佳女主角」就係唐詩詠，佢仲留言話：「記得曾經問過你，如果你攞最佳女主角，你會講啲咩？你話：『有機會攞先算啦。』今年終於到你。有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會剩係得呢個奬咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。#最佳女主角唐詩詠」
呢一句「你係我心目中嘅最佳女主角」真係聽到都冧晒啦！今次咁高調唔通真係復合有望？洪永城回覆傳媒時就話，撐舊愛唔係咪想翻撻，佢話：「哈，唔係啦，只是鼓勵同支持。」
(蘋果日報)
【原來黃心穎仲未見伯母…】馬國明：驚婆媳糾紛
無綫《萬千星輝頒獎典禮》將於後日（21日）隆重舉行，今年視帝、視后頂頭大熱之選有馬國明、王浩信、宣萱、李佳芯及唐詩詠，觀乎最近的走勢，視帝方面以受盡觀眾、網民歡心的「民選視帝」馬國明最有機會，他憑劇集《降魔的》提名，而此劇播出時不論口碑及收視都相當理想，於網上民間選舉中，馬國明更已成為網民心目中視帝，此劇亦成為網民心中的「最佳劇集」。
佢話台慶嗰晚係咪真係攞到視帝，都要靠運氣～
馬國明恨攞視帝，希望可以帶挈吸金～
馬國明接受專訪時坦言，很高興成為民選視帝，他說：「始終台慶嗰晚係咪真係攞到都要加啲運氣，始終公司個獎唔係網民投票，仲有好多Party投票。」經常謙稱攞獎平常心的他坦言：「我唔係冇鬥心，我只係想搵多啲錢！呢五、六年我開始清晰自己想要乜嘢，唔係淨係話想要攞咩獎，係想一家人生活好啲，同埋為將來娶老婆、生小朋友打算，我2016年買咗樓，但想將來父母有間屋，我自己家庭有間屋，始終驚婆媳糾紛！（驚黃心穎同伯母唔夾？）未有機會帶佢畀媽咪見，新年睇吓有冇時間啦！我感覺佢哋應該OK，阿媽係易相處嘅人，但正所謂『相處好，同住難』，各有各嘅空間就最完美！」
馬國明好高興成為民選視帝～
佢想將來父母有間屋，而自己家庭有間屋，始終驚婆媳糾紛！
馬國明出名孝順、重家庭觀念。
佢話唔係淨係話想要攞咩獎，係想一家人生活好啲！
多得許紹雄爆粗鬧
馬國明出名孝順、重家庭觀念，更會得人恩果千年記，他揚言感激許紹雄（Benz雄）教導：「記得我訓練班出嚟試過做許紹雄個仔，成日被佢用粗口鬧！我以為都已經背晒對白啦，但喺前輩眼中咁叫做晒功課？其實佢可以行開飲茶，點解要拉你埋一邊，袋錢入你袋？我好多謝佢鬧我。」
馬國明多謝許紹雄袋錢落佢袋
買咖啡畀粉絲圍
此外，馬國明日前與胡鴻鈞、何遠東現身將軍澳一個商場排隊買咖啡，隨即被一班粉絲認出包圍爭相合照，三子有求必應，順道向粉絲拉票。期間，馬國明電話響唔停，幾位師奶粉絲見狀，先找胡鴻鈞和何遠東拍照，直至馬國明放低電話即急急拉着他。馬國明當然識做冧得一班師奶粉絲笑到見牙唔見眼，影完合照拉完票，三子步往附近酒店各自取車離開。
馬國明當然識做冧得一班師奶粉絲笑到見牙唔見眼！
馬國明日前同胡鴻鈞、何遠東出巡！ 
女粉絲見到佢立即集郵～
(on.cc)