黃心穎、黃智雯及黃智賢今日出席《雜警奇兵》宣傳活動。
黃心穎在劇中的床上戲快要播出，她回憶拍攝時因與對手不熟，加上要拍攝SM鏡頭，所以有點尷尬。可會讓緋聞男友馬國明看這場SM戲？黃心穎說︰「他會看吧，但看完應該會笑我﹗」
日前是11月11號光棍節，黃心穎未心急嫁人離開單身行列。她說︰「我3個家姐都未嫁，但三家姐明年結婚。」
屆時可會帶馬國明出席婚宴 黃心穎說︰「看看他那時是什麼身分，是否再親一點﹗（想如何親法？）我沒想法。」
（明報即時娛樂）
【再親啲】明年家姐婚宴 黃心穎會帶馬明去？
【網民激讚大美人】劉嘉玲PO母女合照 賀媽媽生日
劉嘉玲在微博上載和母親的合照，留言祝褔母親生日快樂：「祝我美麗的、樂觀的、熱情的、健康自信的、充滿活力的大朋友—媽媽生日快樂。」
大批網友送上祝褔外，更盛讚嘉玲和母親一樣散發優雅高貴的氣質，又大讚劉媽媽駐顏有術，指她年青時一定是大美人！
劉媽媽名叫王馥梅，不但被稱為蘇州美女，更是蘇州才女，畫得一手好畫！嘉玲曾說過愛畫畫的母親，曾希望她繼承其志並為終身職業，惟自己的興趣則是演藝工作。雖然劉媽媽現居於上海，但和嘉玲的感情依然濃厚，嘉玲曾指媽媽十分慳儉，即使給她附屬卡，卻原封不動！每次嘉玲到上海，劉媽媽風雨不改一定前來接機或送機。
(on.cc 東網)
【恭喜哂！】62歲「戇豆先生」即將做爸爸
英國男星路雲艾堅遜（Rowan Atkinson）曾靠《戇豆先生》（Mr. Bean）紅遍全球，主演電影系列《特務戇J》（Johnny English）同樣大受歡迎。
62歲嘅佢近日傳來喜訊，其33歲女友Louise Ford原來已秘密懷孕。
相信兩人嘅結晶品會於未來幾星期出世。
「戇豆先生」路雲艾堅遜同前妻Sunetra Sastry育有一對子女，兒子Ben23歲，而囡囡Lily都21歲長得亭亭玉立。
不過，路雲同Sunetra結婚25年後，於前年終於分開，路雲被爆同Louise Ford發展相差近30年嘅父女戀，今次係路雲第三度做老竇。
（Apple Daily）
【無綫老臣子】81歲杜平晒職員證編號
81歲的杜平今晚手持多年前的無綫職員證現身《綜藝精彩50年 我愛EYT》後台。
貴為TVB老臣子的他表示其職員號碼是「3」。
2號是「肥姐」沈殿霞。
擁有編號「1」的則是梁醒波。
杜平說︰「見到很多老友，很開心﹗今晚這個節目真的是耳目一新，以前的EYT很落後﹗」
闊別幕前多年的他自嘲對住鏡頭時口窒窒，佩服汪明荃多年來一樣專業，轉數又快。
(明報即時娛樂)
【魔童11歲生日】Chilam晒溫馨全家福「床照」
圈中模範夫婦張智霖同袁詠儀結婚多年，2006年生咗囝囝張慕童（魔童）。
今日就係魔童11歲生日喇！
Chilam今早喺Instagram上載咗一家三口合照，但係非一般家庭照，而係一張床照！
相中嘅三人大被同眠，Chilam就瞓中間，壽星仔魔童就笑晒口，而靚靚就挨實老公，好怕醜用張被遮住半邊面淨係露出對眼，真係超級Warm！
Chilam就留言：「生日快樂morton，我把今天送給你」
網民就留言祝魔童生日快樂，仲大讚靚靚素顏都咁靚、「一家靚人」，真係好Sweet咁話！
(on.cc 東網)
【有圖有真相？！】言承旭林志玲傳出世紀復合
台灣女神林志玲同言承旭再傳出復合，早幾日林志玲就喺社交網透露去咗馬來西亞工作，仲狂晒靚相。
之後就有讀者向當地媒體爆料，話10號喺吉隆坡機場見到言承旭出現。
馬來西亞媒體就去到林志玲下榻酒店等候，點知真係見到兩人一齊返酒店添！
雖然佢哋都冇承認復合，但今日最新發展就係兩人合體照曝光！
有網民就話見到佢哋着住全黑情侶運動裝上健身室，林志玲就喺櫃檯簽名，而言承旭就喺後面靜靜等候，默契十足好似老夫老妻咁！
不過就未知是否新相，而雙方經紀人對復合一事亦未有回應，但粉絲就相當期待兩人「承認」喜訊喇！
(on.cc 東網)
【喬妹聽到感動落淚】宋仲基結婚誓詞曝光！
韓國神劇《太陽的後裔》嘅宋仲基及宋慧喬上月31日結婚。
早前網上就相繼公開咗李光洙及劉亞仁於婚禮讀信嘅內容以及喬妹當日嘅誓詞，近日網上終於曝光宋仲基嘅誓詞。
當日宋仲基讀誓詞時忍唔住感動落淚，場面感人。
宋仲基表示：「我哋步上世界上每個人嘅必經之路，或者我哋會經歷風吹雨打，或者可能被石頭絆倒，但我哋每一次都能夠緊牽彼此嘅手重新企起來，再調皮地笑住告訴對方『冇咩事』，我哋將變得更勇敢堅強地走下去，致我親愛嘅妻子。」
當時喬妹亦因為宋仲基嘅誓詞而感動落淚。
（Apple Daily）
【杏兒坐月未能出席】「豹嫂」胡蓓蔚46歲生日 同子羚錫錫慶祝
今個月係胡杏兒38歲生日，坐緊月嘅佢就獲「胡說八道會」成員胡定欣、李施嬅、胡蓓蔚、姚子羚及黃智雯上門為佢慶生，佢哋仲着晒睡衣素顏示人，玩得勁開心！
相隔咗6日，今日就到「豹嫂」胡蓓蔚46歲生日喇！
噚晚佢哋又再聚首，不過就唔見要湊仔嘅杏兒，而同佢哋非常老友嘅楊秀惠同埋胡蓓蔚老公單立文就有在場！
姚子羚喺Instagram上載合照，仲搞笑叫壽星女做「老豹」添：「老豹Happy Birthday🎂🎉😘💋We all Love u~ 祝妳Keep住咁靚、繼續型爆～同豹哥過一個巧浪漫嘅生日之旅！一個去三個返⋯😜😜我話一個喼去三個喼返滿載而歸」
正所謂「好事唔好畀佢停」，除咗雙「胡」輪住生日，子羚都係11月之星呀！豹嫂好有心安排埋蛋糕預祝子羚生日，眾人齊齊為佢哋唱生日歌，兩人仲即興咀嘴，非常Sweet，網民都留言祝佢哋生日快樂呀！
(on.cc 東網)
【尊重女兒選擇】鍾麗緹7歲半細女Cayla為拍戲停學
鍾麗緹（Christy）三個女兒都好靚女好可愛，係受矚目嘅星二代，有不少人邀請入娛樂圈。
最近7歲半的細女Cayla就初登大銀幕，被力邀拍攝內地電影《精靈。格格》。
對女兒愛護有加的Christy，經過心思熟慮，多次詢問下，女兒堅定地表示想演這個角色，她亦尊重女兒的選擇。
她說：「我有同佢解釋拍戲其實好辛苦，要記好多嘢，要好用功，但佢依然好想試，所以我都尊重佢，接咗呢個角色。」Cayla在戲中飾演格格，戲中會遇到外星人，題材新鮮，亦十分吸引到Cayla。
女兒似有意入娛樂圈，但Christy卻未有此打算：「暫時唔會再接，只此一次，到大個啲先再算。」
為了拍戲，Cayla要停學三個月，一向想女兒以學業為重的Christy，不想女兒功課因而受影響，專程請了私人老師教授。Christy說：「我都擔心佢學業，唔返學跟唔上功課，所以請咗私人老師，一有時間就教佢讀書，Keep住學業。」
（on.cc 東網）
【網民勁讚男神】張栢芝母子出巡 教仔仔玩童年遊戲
張栢芝向來都好重視同家人嘅相處時光。
呢日佢就帶埋兩位寶貝仔Lucas同Quintus去行街享受天倫之樂。
期間佢仲帶咗兩個仔仔食甜品，兩個小朋友一見到甜品即笑到四萬咁口。
唔少網友大讚佢兩個仔仔顏值夠高，第時大個一定係男神咁話！
食完嘢就梗係要玩番夠本，栢芝仲喺社交網站上載咗一條短片話教Lucas玩童年遊戲，見Lucas一學就明，仲要玩得好開心，難怪栢芝都留言：「以前我的遊戲，一代傳一代。」
(on.cc 東網)