黎諾懿日前飛赴韓國，與《愛‧回家》的「馬家」成員徐榮﹑蔣家旻和羅天宇等拍攝節目。
徐榮與2歲女兒包包、黎諾懿和囝囝「小春雞」分隔兩地，只好靠視像通話。
今日黎諾懿在instagram上載短片，片中「小春雞」和包包玩視像。
包包擺出趣怪表情，又玩掩面，逗得不停啜手指的「小春雞」開心大笑，得意又可愛。
(明報即時娛樂)
【有片睇！】包包姐姐玩視像 氹得小春雞笑唔停
【20億身家】發哥發嫂成立慈善基金：100%捐晒出去
周潤發跟發嫂陳薈蓮對生活要求平實。
要先學懂愛惜自己，才可以有能力愛惜身邊人，這是發嫂陳薈蓮注重身體健康的理由之一。發嫂跟發哥周潤發經常出入高級場所，但發嫂要求的是早午晚三餐只是要有飯落肚就夠。
發哥發嫂飲食有道，起居作息亦有時，是他們夫婦養生之道，發嫂笑着補充：「我就6點起身，發哥都係差唔多，有時佢要去跑步，就5點半啦！發哥10點幾就瞓，我就夜少少。」
身形越見清瘦健康的發嫂，並不是只靠運動保養，講到底最重要的是回歸基本，要有足夠休息及睡眠，她說：「係靠好多嘢，唔係單一個運動就可以，牽涉你有冇夠休息呀，食嗰方面呀！身心要輕鬆、愉快，好多嘢囉！」
發哥與發嫂膝下無兒無女，每部電影片酬動輒數千萬元的發哥來說，身家累計已達20億元，坐擁龐大資產發哥早前已表示，有意在過身後將財富全部捐出來做慈善
。
原來發哥已經坐言起行，去年他已吩咐發嫂全權負責成立「周潤發慈善基金」，發嫂回應說：「個慈善基金已經搞掂咗！會百分之一百捐晒出去，因為屋企人平日已經照顧晒，成立個慈善基金嘅目的就係要幫真係有需要嘅人。」
(Apple Daily)
【阿姐一定甜到入心！】羅家英：最叻係娶到個叻老婆
汪明荃（阿姐）昨晚在半島酒店錄影《汪明荃50周年世紀盛宴》，阿姐以高貴打扮示人。
昨晚逾百賓客到賀，容祖兒﹑楊千嬅﹑李克勤等為阿姐高歌，星光熠熠。
阿姐老公羅家英亦以西裝打扮出席，相當型仔，家英哥接受無綫娛樂新聞台訪問時表示，好開心老婆得到各界支持和愛戴。
「人生不是有好多個50年，她有這個堅持和成就，實在難得，首先多謝TVB能夠給她機會，當她是一位重要員工，和她舉行大派對，多謝親朋好友及觀眾愛戴，其實這些說話應留給她自己講，在我個人來說，我一生人冇乜叻，最叻是娶到個叻老婆。」相信阿姐聽到必定甜入心呢﹗
家英哥還大爆阿姐為昨晚錄影，搞到心情緊張：「她騰晒雞。我們結婚都冇咁大陣仗，結婚冇擺酒，乜都冇。」
(明報即時娛樂)
【「子妮」28歲生日】蔣家旻感動到喊：多謝馬家
日前係「馬子妮」蔣家旻28歲正日生日，雖然佢身在韓國工作，但係就一啲都唔寂寞。 
事關有「馬家」成員齊齊為佢慶祝，大家仲去咗食飯、飲燒酒，認真高興！
蔣家旻喺社交網上載咗一段短片，片中見佢同「馬家」嘅黎諾懿同羅天宇去咗韓國餐廳食飯，蔣家旻留言話：「Surprise！！Happy Birthday to ME 多謝馬家，在韓國過了一個簡單有愛的生日，那份衷心的祝福，不禁讓我感動流淚。」
短片中，佢哋齊齊唱生日歌，而蔣家旻仲大晒手上嘅手鏈話：「多謝！多謝！好靚呀！」
黎諾懿亦有喺社交網上載短片，祝賀壽星女牛一，非常溫馨！
(on.cc 東網)
【為陸永走勻港九新界】老婆Rainah：你係我生命中最好嘅事
陸永當年同老婆Rainah拍拖半年左右就結婚，但係結婚前後都一樣恩愛，仲生咗2個好可愛嘅囡囡！
今日「1111」雖然係光棍節，但同時係佢哋拍拖7周年嘅大日子，兩公婆都喺網上隔空互相多謝大家，閃到呢！
喺呢個紀念日，陸太都特別感觸，喺Instagram上載兩人合照，留言表示「拍拖7年結婚6年，你係我生命中最好嘅事！」
陸永都喺IG感激老婆，為佢走勻全港搵開聲茶，令佢都忍唔住嗌「love u陸太」。
「老實講，你地喺演唱會聽到我把聲都要多謝佢，開show前三日我把聲沙晒，佢走勻港九新界，幫我搵開聲茶，沖養聲水，發護聲膠，我先至捱到今日，聽晚演唱會倘若你見到佢，同佢講聲唔該，聽晚我地就喺演唱會渡過我地嘅拍拖紀念日，I love u陸太。」
網民都率先留言話「多謝陸太」、「好甜蜜」，雖然紀念日要喺麥花臣場館過，但相信陸太對於今晚嘅「禮物」一定好冧啦！
(on.cc 東網)
【等囝囝識行做花仔】貝安琪大爆老公係怪獸家長
貝安琪（Ankie）談到9個月大的囝囝Sebastian即笑逐顏開，不斷讚囝囝好可愛：「佢成日爬，爬得好快，又鍾意開門，我要喺後面跑嚟跑去執嘢，好得意，但一定會攰。佢開心，我都開心，因為生活有咗意義。」
Ankie大爆未婚夫Simon Van Damme是怪獸家長，要求囝囝一星期上兩次Playgroup：「老公好想佢返，我同囝囝一齊玩都好辛苦。（老公係怪獸家長？）係，我就唔係，我唔使佢上啲乜，佢鍾意先學。（囝囝識咩語言？）我同佢講德文同廣東話，我同爸爸講英文，佢都係聽，爸爸同佢講法文。」
Ankie又指自己是嚴母，老公則是溫柔爸爸。問到可會追多個女？她直言要等多一、兩年後，想抽多點時間陪囝囝。
談到婚禮細節，Ankie表示將於明年舉行，等囝囝識行做花仔，而她與Simon現在已經以「老公」、「老婆」相稱。
(on.cc 東網)
【老婆哂摸肚相】孫耀威：不是兩個人的度蜜月旅行
孫耀威（Eric）與陳美詩（Macy）早前拉埋天窗，結束八年愛情長跑。
由於兩人都好鍾意小朋友，Eric曾透露婚後會盡力造人，估唔到新婚冇耐似乎有好消息傳出喎！
佢哋最近去咗歐洲度蜜月，大歎美食同欣賞靚景，沿途都喺網上分享旅行靚相。
Eric於社交網上載咗一張喺車站前嘅相，仲寫下耐人尋味嘅留言：「不是兩個人的度蜜月旅行。」
加上Macy早前晒出全身相，見佢一臉幸福咁摸肚，唔通真係有好消息？
隨即亦引起網民關注，唔少人紛紛留言問係咪Macy有喜，仲話希望佢哋今次嘅旅行「兩人去，三人返」，預祝佢哋造人成功，可以早日聽到好消息。
(on.cc 東網)
【媽媽好偉大！】Bob嫂忍痛通乳塞：好攞命
林盛斌太太Pearl先後誕下三女一子，盡顯母愛偉大！早前透露一直有妊娠糖尿問題，到懷有第四胎時由第五周已經開始要打胰島素針，整個懷孕過程是40周：「第五周開始打，即係我打咗35×7×4=980針。」
第四個小朋友Jaye（林道申）出世後，Pearl遇到乳腺堵塞問題，佢喺社交網表示自己是一名富媽（充足母乳的媽媽），亦不時出現乳腺堵塞問題，前兩、三胎開始，每兩、三個月便會塞一次，並引致發燒，但不能服藥。
今日，Pearl又出現乳腺堵塞，最終要找來催乳師幫手疏乳，佢話：「呢種塞奶時嘅按摩，嗰種痛，好攞命。」仲話佗嘅時候忍打針，生嘅時候忍痛，生完都仲要忍痛疏乳，最後她惟有「我會忍㗎喇！」
Pearl發長文道出為人母遇到乳腺堵塞的感受：
「人奶之路真係荆棘滿途，冇奶煩；有奶其實都煩。冇奶可以嘗試通乳，有奶容易塞嘅，可以疏乳。實不相瞞，我係一個富媽。前兩胎，我每兩至三個月就會塞奶而發燒。有咩方法唔使食藥而退燒呢？無呀，死頂囉！呢段時間我嘗試緊疏乳，起碼令我至依家都未有發燒，今日，我又再疏乳喇！其實無非都係按摩啫，如果有餵奶經驗嘅朋友都會知道，塞奶時嘅按摩，嗰種痛，好攞命！個催乳師睇見我好痛，佢都係剩係叫我忍吓。我心內：忍忍忍！我唔想忍喇！（心內大叫）。䭾嘅時候忍打針，生嘅時候忍痛，生完都仲要忍疏乳，我表面回應：好啦！我會忍㗎喇！大佬，有專業嘅人幫最好啦，有啲地方自己真係按唔到㗎嘛。情緒平復後，疏乳都係值得嘅，疏完之後的確唔再有塞奶痛，仲唔使死忍發燒⋯」
(on.cc 東網)
【老公甘願不做日本人】陳美齡談當年拍拖結婚辛酸
陳美齡（Agnes）亮相ViuTV節目《熟女在野》拍攝外景，一邊享受大自然景色，一邊以歌聲盡訴心聲，包括與丈夫金子力排除萬難的結婚甜蜜史！
Agnes當年與日籍丈夫能夠拉埋天窗，背後充滿辛酸，皆因當年社會存在反日情緒，外界對Agnes這段婚事並不睇好，更有指她不應下嫁日本人，輿論令Agnes與未婚夫承受着無形壓力。
但金子力對Agnes說，他是日本人的事實無法改變，但如果可以，他甘願為Agnes改變日本人的身份，此番說話令Agnes感動不已，二人終於排除萬難，結成佳偶！
Agnes被問到身兼歌手、作家、教授、媽媽及妻子等多重身份，她最喜歡是哪一個身份？Agnes表示自己最珍惜「媽媽」這個身份，因為她很享受當一個媽媽，認為媽媽是一生一世的身份！
Agnes三個孩子都學業有成，被問到育兒心得，Agnes寄語年青家長千萬不要將自己小朋友與別人的小朋友拿來作比較，因為比較只會令小朋友養成妒忌心，或小看別人的陋習，正確的育兒方法是讓小朋友專注自己的興趣、專長，這樣才可以快樂地成長！
(on.cc 東網)
【女神50歲生日】周慧敏喜收老公驚喜！
今日50歲生日嘅周慧敏（Vivian）到粉嶺出席流動獸醫診所活動。她身穿露肩裝現身，而剛巧今日亦是主辦活動的慈善機構成立11周年，於是有代表與Vivian一起切生日蛋糕及唱生日歌，吸引大批途人圍觀。
受訪時，問到打算如何慶祝生日，Vivian坦言活動後要為1月的紅館騷排練，到時會視乎是否疲倦再決定。
她說：「咁多年我同老公都有共識，無論周年定生日都唔會特別做啲咩，好隨意。」
不過，問到有冇收到驚喜，Vivian表示：「昨晚收咗，不過想保持Privacy，唔公開講。（小禮物？）係呀，好開心。」
講到踏入5字頭，她認為分別不大，最重要心態上保持慢活：「我嘅性格好急，希望學吓慢啲，對養生都好。」而提到生日願望，她就想在個唱以最佳狀態示人，令粉絲覺得她入行以來的30年值得回味，並祈求身體健康。
(on.cc 東網)