恭喜！恭喜！08年港姐亞軍陳倩揚，喺2010年同拍拖8年嘅陳浩然結婚，之後生咗羲廷同羲穎兩個仔，今日倩揚宣佈三度懷孕，預產期係今年7月，一家人好開心迎接第5位家庭成員。
講到今次有咗第3胎，倩揚話：「我同老公一直都都鍾意大家庭，所以都有計劃可以生多一個小朋友，我哋都好開心踏入新一年，可以同大家分享呢個好消息，我好感恩同珍惜能再做媽媽嘅緣份，感謝身邊每一位各位親友、粉絲、網友嘅祝福。」
唔知兩個囝囝知道榮升做哥哥又有乜反應呢？倩揚話：「兩個哥哥已經非常期待弟弟或妹妹嘅來臨，佢哋仲開始將自己心愛嘅玩具、衣物分給BB，真係好可愛。｣至於工作方面，倩揚就話：「我唔會放產假，會繼續喺幕前做嘢，直到七月，我都已經嚟到第三胎，喺呢方面有豐富經驗，反而有唔少客戶知道我有BB，唔單止冇顧慮或猶豫，開工嗰陣仲會好貼心提醒我，叫我唔好着太高嘅高踭鞋，又叫我記得要食飽先做嘢！」
（蘋果日報）
台灣女星伊能靜與內地女星章子怡鮮有互動，不過今日伊能靜卻在社交網發出長文，大讚章子怡為人細心有愛。
源於章子怡2015年底誕下愛女「醒醒」，翌年伊能靜亦誕下女兒「小米粒」。伊能靜在長文中披露了自己當日待產期間，章子怡突然送暖，主動發訊息問她需不需要幫忙找醫院，甚至找親友燉湯給她補身，令伊能靜心存感恩至今。
長文中，伊能靜表示「一直很想寫醒醒媽媽的事，但始終沒契機」、「醒醒媽媽的位置和高度，好像不缺我這個遠方朋友的肯定」、「她做這些沒有人知道，那時她還在工作，她的細心善意，讓當時身心都疲憊敏感的我，感動感激」。
伊能靜更指章子怡經常寄一些寶寶的東西和她分享，其可愛和率真的性情令她印象深刻，雖然二人沒有直接見過面，唯一的關聯是章子怡與她的丈夫秦昊是同學。
伊能靜又指當日在巴黎見到章子怡有份演出的電影海報，自己亦為她感到驕傲，更指從她過往演出的作品中，看到章子怡骨子裏的勁道，自她有了「醒醒」之後，更多添了溫柔溫暖。
(on.cc東網)
郭富城（Aaron）與老婆方媛（Moka）的女兒Chant，去年9月出世，不經不覺已經4個月大。。。
城城和方媛為慶祝女兒出世100天，炮製了精美曲奇，曲奇的設計相當別緻，用城城和方媛英文名的字首「AM」再加上「bb」字樣，再寫上「bb kwok」，就變成可愛的BB模樣，認真有心思。
曲奇盒內還附贈一張心意卡：Happy baby Happy 100 days！
(明報)
擁有甜美燦爛笑容的王詠珩（Wing）早前代表香港參加在日本舉行的國際小姐競選，雖然最終未能奪獎，但其淡定表現仍值得給予掌聲，而比賽期間發生了不少小意外及黑仔事，決賽當日Wing更病到失聲，幸好最終都一一化解
王詠珩參加國際小姐競選真係多事發生…
說：「開場部分民族服裝條裙，綵排已經係咁踩裙腳，直情行唔到，好驚On Show都係咁，好在之後我掹到條裙腰位好高，都順利行完Catwalk，之後我着住六吋高踭鞋，唔小心喺後台跌倒，屁股落地痛咗好多日，當時冇理咁多繼續換衫，但又發現唔見咗一隻鞋，好在有後備，即刻換另一對！
不過佢最後都搞店咗!
到泳裝環節，綵排嗰陣又唔見咗泳衣下半截，好在有人有多套泳衣，又同我啱Size，臨到當日先換第二套出場咋！」參選前是怕醜妹的Wing曾表示最具挑戰是泳衣部分，最終她都成功豁出去，身穿粉紅色泳衣大方行騷，獲觀眾大讚夠自信。
雖然與獎無緣Wing表示今次參選獲益良多，與多個佳麗成為好友，並挑戰了自己的極限，她說：「每日都好攰，但依然可以Push到自己好盡，體力同精神都頂住，日日着高踭鞋令對腳已經麻痹冇晒感覺，比完賽直情行唔到樓梯，但當時係可以死頂到。」
而期間在日本多處訓練及體驗風土民情，亦令Wing眼界大開：「平時旅行係唔會去到呢啲地方參觀，又聽大學講座、學茶道、書法、太空知識、女權知識，每日都好似返學咁，最難忘係去福島，大家都擔心幅射問題
但當地人好努力做好多嘢減低幅射，見到有旅客探佢哋係好熱情，可能平時係唔會有外人探佢哋，佢哋努力保衛家園嘅心令我好感動。」
係日本受訓 佢話大開眼界!
體驗日本文化
仲影下靚相
(東方日報)
無綫經典劇集《倚天屠龍記》將開拍電影版，花旦朱晨麗（朱朱）被欽點擔任女主角周芷若，面對趙雅芝、周海媚、高圓圓等歷代演過周芷若的女星，朱朱坦言大感壓力：「佢哋全部都係靚女，同埋個角色太深入民心，對我嚟講好大壓力，不過好榮幸公司畀機會我，我會盡力嘅！（今次都要做打女？）都要，不過近排兩套劇都打開咗，但着住古裝打，會係第一次。」
對於公司開綠燈給旗下藝人入影圈，朱朱十分期待：「都知嚟緊會有武俠片拍電影版，都想試吓！近排新劇《平安谷之詭谷傳說》出街，觀眾幾受落我個民初造型，但時裝造型就強悍啲，其實兩者都冇所謂，有得拍就開心。」
(on.cc東網)
聲稱有逾30年歷史嘅健體健身中心（TF GYM），位於旺角栢裕商業中心嘅健身中心門外，今日張貼咗一張停業通告，曾經喺嗰度健身嘅張繼聰今日有喺Instagram貼相提及間gym突然停業
（張繼聰Instagram圖片）
佢話：「人生無常，依半年日日操練嘅地方突然結業，不過絕對無阻我哋操&Grow嘅決心，今日轉場再舉。感謝TF一班職員同埋好多師兄嘅鼓勵，有緣再見，願蛋白質與大家常在。」
阿聰以前有喺嗰間gym度打過卡（張繼聰Instagram圖片）
睇嚟阿聰冇受影響，已經轉場繼續操fit。
阿聰昨日有貼相寫文講對間gym停業睇法（張繼聰Instagram圖片）
至於間gym嘅另一星級客仔羅仲謙，暫時未有回應gym停業嘅事，但睇番佢最新嘅一個post，雖然已經係5日前，係一條佢喺同名gym度舉鐵餅操肌嘅短片，當時佢仲留言話：「香港這兩天天氣突然轉冷，但亦無阻我做運動的決心，朋友們快快加入運動行列。」
羅仲謙都係阿聰嘅「gym腳」（張繼聰Instagram圖片）
謙謙前幾日先貼過喺TF GYM操練嘅短片（羅仲謙Instagram圖片）
(蘋果日報)
有「絕世好女友」之稱嘅唐詩詠，喺03年加入無綫之後，先後獲提名「飛躍進步女藝員」同女配角獎，直到2010年，詩詠終於拎到「飛躍進步」呢個獎，之後向女配角同女主角呢個目標進發！
近年無綫嘅花旦小生個個都離巢北上賺人仔，雖然少咗好多有份量嘅演員助陣，不過變相亦俾咗唔少機會啲其他人，詩詠喺前年終於《鐵馬戰車》爭逐女主角，但五強不入，反而殺入「最受歡迎電視女角色」五強，可惜最終鎩羽而歸。不過正所謂機會係留俾有準備嘅人，舊年詩詠拍咗《不懂撒嬌的女人》
結果佢喺劇中Cherry嘅角色出奇地討好，令到佢今年憑《不懂》角逐視后、最受歡迎電視女角色同最受歡迎電視拍檔，佢封視后嘅呼聲，一度直迫同劇嘅宣萱！今次嘅對手相當強勁，除咗宣萱之外，仲有鮑起靜、李司棋呢啲前輩級對手，詩詠當然不敢怠慢，最近密密曝光有新聞，之前就傳舊愛洪永城幫佢拉票，後來更發展到俾傳媒影到一齊食飯，似是復合有機，人氣更盛！
據悉今次仲有一招殺手鐧，就係佢嗰份藝員約，其實詩詠嘅約就到期喇，無綫亦一早搵佢傾續約，但唐詩詠遲遲未動筆，似乎好大機會同獎項有關！唔經唔覺，詩詠效力無綫13年，今次似乎係最接近「視后」呢個獎，詩詠日前接受傳媒訪問，佢話：「係，第一次最接近，最多人談論，好開心，都係網民俾我，佢哋鍾意個角色，俾咗我好大信心，第一次咁接近已經好好。」
之不過一講到奪「視后」嘅信心，詩詠竟然話：「無喇！呢一刻都唔諗，成個過程好開心，等緊去參加頒獎禮。」點解呀！網民咁撐，佢話：「今年有份提名嘅女藝人，影后又有，之前攞過都有，好多勁人，前輩。」至於有傳佢就快滿約，按過往嘅傳言，續約係應該獎拎，詩詠就否認話：「唔係，仲有一段長時間，唔駛擔心，扭計攞獎？邊有呢啲嘢？扭蛋咩！今次係全民投票。」詩詠呢一刻只一樣嘢令佢緊張：「我o依家最緊張係件衫嚟唔嚟，因為最緊要靚。」
(蘋果日報)
現年36歲、台灣前飛輪海成員汪東城，曾做大陸首位代言衞生巾嘅男星，被稱「大姨丈」，出道超過12年，緋聞並唔多，大家都關注佢嘅面部進化多啲，睇番汪東城情史，發現佢曾同烏克蘭、希臘混血嘅瑞莎傳過緋聞，似乎同「的士陳」一樣比較喜歡外籍女。
佢今日喺微博忽然貼出合照，相中人外貌雖然有啲朦朧，但睇得出係日本混血名模藤井莉娜（Lena），汪東城寫下曖昧留言「今天……終於不是愚人節了」，令唔少大陸fans覺得好震驚。據知汪東城曾自爆最愛藤井莉娜，又透露對方外貌好似自己一位圈外前女友，汪東城喺2013年愚人節又貼過同藤井莉娜嘅合照，當時講笑寫道：「終於有機會跟她說了，她也答應了，祝福我們吧！」就唔係追到女神……而係愚人節惡作劇。
不過汪東城今日又再貼二人頭貼頭嘅合照，幸福寫下「今天⋯終於不是愚人節了」，唔通真係追到女神，仲疑似認戀情，令一班網民難以置信，留言「公佈戀情」、「難道今天是情人節」。
（蘋果日報）
2016年參加香港小姐入行嘅蘇韻姿，當時就輸咗俾馮盈盈，只得第四名，之後佢就入讀為期3個月的演藝進修班入行，o依家每晚就同大家「愛，回家」，佢有份主演處境劇《愛·回家之開心速遞》，飾演「紅衫魚」熊心如一角，同劇就有兩個家姐，分別係滕麗明同呂慧儀，呢個熊氏家族，家庭背景唔算複雜，但每日都會遇到唔到問題。
事實中，原來「紅衫魚」蘇韻姿嘅家庭好複雜，今日就有周刊報道話，蘇韻姿嘅爸爸原來喺加拿大賭場做經理，本身同蘇母育有一對子女，即蘇韻姿同胞弟，但報道入面就有知情人士報料話，蘇父背住蘇母搞婚外情，同第三者生咗個仔Antho，最後蘇父同第三者分手。
報道嘅知情者就話，蘇母覺得小朋友係無辜，所以就接咗Antho返屋企住，同蘇韻姿兩姊弟一齊生活，報道就話佢哋三個嘅感情都好好，而蘇韻姿亦不時喺ig貼出同兩個弟弟嘅相。一家五口看似生活愉快，但報道話最終蘇母都係忍唔住蘇父嘅風流，幾年前同蘇父離婚。近年蘇父仲同一個女人生咗個女。
報道講到蘇父四個仔女三個媽嘅事，喺加拿大嘅華人圈都好多人知，而報道嘅知情者仲話，蘇韻姿知道爸爸開支大，所以自己未入行前，喺加拿大都有幫人補習同兼職模特兒賺取生活費。
(蘋果日報)
藝人苑瓊丹（苑仔）今日到電台接受訪問，離開無綫數年的她透露新一年會回巢拍劇：「拍緊一套網劇，同林峯再做母子。上一套同林峯喺大陸合作嘅劇集太正經喇，今次終於可以好玩啲，我做一個成日打麻雀嘅爛賭媽。之後四月會返無綫拍劇，已經兩年冇拍過無綫嘅嘢！（有啲咩咁吸引你返娘家拍劇？）咁拍戲最重要就係啲腳（拍檔），今次都係想同啲老朋友合作，同時又有啲未合作過嘅人，期待會有新火花。」
乘機Sell戲
苑仔又力薦有份參演的新電影：「呢套《西遊記：女兒國》會喺情人節上，我覺得好啱，因為套戲講一個情字，我覺得依家啲都市男女遇到感情問題嘅時候都好唔識處理，希望觀眾睇完呢套戲之後可以有一啲啟發。」
目標做女首富
講到她搞增髮生意已有多年，問到忙拍劇如何兼顧生意？苑仔就話沒有問題：「其實2017年已經屬於係半停產狀態，一直都有兼顧做生意嘅嘢，始終包裝、宣傳、行政所有嘢都要一腳踢，希望我嘅生意同電影都一樣成功啦。」又搞笑道：「我目標做女首富㗎！」
老公唔使畀家用？
百足咁多爪的苑仔又透露正積極籌劃新生意：「想試其他範疇嘅嘢，細節仲傾緊，落實咗會同大家宣布。（又拍劇又做生意，老公有冇詐型？）佢不知幾開心呀，冇人𥄫住佢又唔使佢畀家用！講笑啫，我同老公都係互相尊重，佢知我鍾意做呢啲嘢，從來都唔會管束我。」
(東方日報)
