楊怡同羅仲謙今晚喺時代廣場為史諾比聖誕主題開幕做主禮嘉賓，兩公婆合體掘金，謙謙笑言同老婆好耐冇齊齊工作：「有一段時間，冇一年咁耐，反而好耐冇同太太拍戲，想同佢一齊合作拍劇。」隔籬嘅楊怡就提到最近忙返大台拍劇：「停頓咗兩年冇開劇，要追番節奏。」
講到二人各有各忙，會唔會影響造人？謙謙即講笑：「係，社會真係好難做人，嚟緊呢段時間留喺香港耐啲，希望喺香港過聖誕，大家都鍾意一家人熱鬧。」
之前講到二人想趕生BB，謙謙更被「扯乾」，今日謙謙就好飽滿，有堪輿學家講到佢哋喺出年同後年先有機會造人成功，謙謙笑言有留意報道，而楊怡亦表示有聽過：「承你貴言，呢個range好闊，自己都想，呢個都係天意。」
喺活動入面，楊怡提到想去聖誕老人村，不過佢就話今年成事機會唔大：「今年忟啲，要計劃同家人去，帶埋小朋友，我啲姨甥、家姐，大人細路一齊去，拍劇拍到12月，之後大家都要開工，未必今年可以去到，家姐已搵定我開聖誕派對，o依家仲心大心細，留喺香港定去第二度。」
(蘋果日報)
恭喜，曾江愛女出嫁!曾江同前妻鄧拱璧所生嘅囡囡曾慕雪日前舉行婚禮，噚日汪明荃喺微博貼出婚宴相，見曾江蹺住囡囡進場。
曾江同鄧拱璧離婚後，同焦姣結婚，鄧拱璧改嫁俾粵劇名伶阮兆輝，曾慕雪成為阮兆輝嘅繼女，阿姐都好戥曾江同輝哥開心，留言：「分享了慕雪與思聰的新婚喜宴。一對非常開朗、活潑、幸福、充满愛的年輕人，祝福你們甜甜蜜蜜、天長地久。恭喜Bobo姐/輝哥、慕雪出嫁了。」
(蘋果日報)
《柏靈頓2》在「家鄉」英國人氣旺盛，開畫大收已是意料中事。況且今集更有英國型男曉格蘭特加盟，加上影評對電影有讚冇彈，因此開畫順利勝出，票房比上集多出逾63%！
上畫一星期，熊仔堪稱勢如破竹，以超逾820萬鎊(約8500萬港元)的佳績登上票房榜冠軍，成功以大比數打低多部荷里活大片；包括同期開畫的《烈焰雄心》及上畫第2周的《東方快車謀殺案》、《雷神奇俠：諸神黃昏》等。其中《雷神奇俠：諸神黃昏》為美國連續兩星期票房冠軍，而《東方快車謀殺案》則台前幕後星光熠熠，但亦雙雙敗於柏靈頓的「熊」風之下。雖然次週末在美國超級英雄片《正義聯盟》的強勁攻勢下屈居賣座亞軍，但票房比首週末只是輕微回落，至今總票房已超逾1680萬鎊(約1億7400萬港元)，可見熊仔的確吸引力沒法擋！
電視廣播有限公司董事方逸華下午5時28分於養和醫院因病離世，享年83歲，方逸華離世時安詳，並且有家人陪伴。
方逸華由1988年加入無綫，服務至今，仍然是無綫執行董事，無綫上下對其離世深表哀悼。
邵逸夫傳奇一生與電影事業結下了不解緣，感情生活也不例外。雖然邵逸夫的風流傳聞不少，但真正姻緣就只有髮妻黃美珍與第二任妻子方逸華二人。方逸華好友潘迪華曾表示，方小姐與六叔60多年感情，不單止有感情做夫妻，她更為了六叔放棄歌唱事業，替六叔打江山，這份有情有義的愛，是「烈女」的表表者。
(東方日報)
紅磡海底隧道人手收費亭將於12月3日凌晨2時起，提供「停車拍卡」式電子繳費設施，駕駛人士可以使用八達通卡，或本地發行的非接觸式信用卡，繳付隧道費，減少現金點算及找贖的時間，若駕駛人士未能成功拍卡繳費，仍可使用現金繳付隧道費。
運輸署說，紅隧是第三條安裝「停車拍卡」式電子繳費系統的隧道，署方將陸續在其餘政府收費隧道及道路，實施有關繳費安排。
（881903）
踏入11月至1月是幼稚園面試高風期，不少家長都嚴陣以待，事前做足不少準備功夫。但說穿了面試取錄與否的重點是幼兒的反應、常識、自理能力。家長切忌喧賓奪主失態人前，讓面試呈現家長平時的管教方式，自然表達最重要。
另外，尤其當小朋友一直哭個不停，更要適度離場讓子女冷靜。不少學校會個別面試考生，若孩子難以適應分離，家長不宜勉強。
面試小錦囊
•考試題目萬變不離其中，多數主攻顏色 、形狀 、大小 、食物 、交通工具等常識。為人夫母可以先於家中與子女互動，說之以物觀察小孩的反應等等。讓子女面試中有更良好的發揮和表現。
• 輕裝上陣，在12月至1月天氣轉冷，家長也不宜穿厚重大褸、長靴或濃粧艷抹去陪小朋友面試，最好穿輕便薄底鞋、容易活動的衣物，可與孩子一起活動的smart casual最好。
• 面試前記緊關掉手機，以示重視面試。
• 事先要查考學校基本資料，如校長姓名、創校多久，當老師問到可作開場白及增加學校跟你的親和感。
• 面試時遇到孩子不懂回答的問題，不宜斬釘截鐵說︰「係呀，他不懂㗎！」反而淡然望住小朋友講︰「呵！你今天係咪有少少怕醜呢？」
• 在家添置幼童桌椅，讓孩子習慣安坐及做不同活動。當愈小參與常規的訓練，習慣聽指示或回應道謝，在面試時都會容易習慣。
• 若留意到小朋友驚、大哭，倒不如先放棄面試。
(晴報)
近日媒樂圈多位女藝人相繼傳出懷孕喜訊，例如熊黛林、謝娜、賴慰玲等等…
今日高Ling喺Ig動態放咗條片，肚凸凸，唔通佢有咗，個B會唔會係緋聞男友鄧智偉!?
錯喇…呢個其實係高Ling新劇造型，片中見佢喺化妝間好似行catwalk咁，一路行一路摸個肚，咁高Ling一向好fit，要扮大肚，自然要拉高啲衫，凸個假肚出嚟，行完佢自己都忍唔住大笑。
(蘋果日報)
林盛斌（Bob）同太太Pearl育有三女一子，所以阿Bob都要密密搵奶粉錢，養大4個小朋友。
呢日佢仲身兼母職，帶3歲囡囡林機兒（Kaye）去上堂跳舞添！
阿Bob上載咗張囡囡學跳芭蕾舞嘅相，佢仲好「感觸」諗定退休，話想阿女畀富二代溝咗，仲要「超級」嗰隻。
佢留言：「當機機有一日攞咗奧運金牌，然後有個超級富二代溝咗佢，跟住結婚又送幾層貝沙灣俾外父外母……咁我就可以退休嘞。」
網民都笑言叫佢：「今晚早d訓」、「發完夢未」，阿Bob夠鐘去開工喇！
(on.cc 東網)
電影《狂獸》演員張晉、余文樂、文詠珊、蘇麗珊等在奧海城為電影舉行首映。張晉有老婆蔡少芬（Ada）現身支持，兩人除了以皮褸情侶裝亮相，連髮型也襯到絶。蔡少芬笑說：「佢個髮型係我幫佢整嘅，整完我覺得幾好睇，咁咪幫自己整埋。」
蔡少芬透露大女近日發高燒燒了五日，她說：「佢未試過燒到41度，成身好熱又震晒，真係好驚。爸爸幫佢抹身，我見佢唔郁即刻嗌佢，好彩佢仲識叫媽媽。食咗兩種抗生素依家好番，睇見佢食藥慘過自己食。」
蔡少芬隔離細女避免傳染，但惹來細女呷醋，她笑說：「細女話家姐好幸福有爸爸媽媽錫，要解釋番畀佢聽家姐病咗好慘。」
聖誕節蔡少芬透露一家人終於可以一齊去旅行，記者踢爆蔡少芬曾想過賣甩原本要開工的張晉三母女旅行。蔡少芬聞言即瞪大雙眼示意記者不要再提，十分搞笑。張晉則對蔡少芬說：「你唔係賣甩我嘛？」蔡少芬即撒嬌說：「我從來都唔會掉低我老公嘅。」
(on.cc東網)
因為拍大台劇《老表你好嘢》而紅咗嘅張繼聰，近年可以話劇接劇，有好多仲係佔戲好重，得寵程度好過唔少生親生仔。不過今日有周刊報道，有指佢老闆蕭定一喺14年同大台合作拍電影版《十月初五的月光》，佘詩曼因拍攝超時要補水，仲有金額約94萬未收到，無線就根據阿佘嘅合約而向蕭定一嘅公司追討，結果令阿聰無辜扯落水而被封殺！
報道話本來有唔少監製諗住搵阿聰拍劇，但係突然收到高層通知，唔可以再用阿聰，連綜藝節目都唔例外，搞到大家都覺得好奇怪，唔知係咪呢個原因，喺台慶同EYT嘅節目都唔見阿聰嘅蹤影！不過因為台慶劇《誇世代》o依家熱播中，所以暫時仲會見到佢出席活動，報道仲話雖然阿聰嘅曝光率低咗，就反而多咗時間陪老婆謝安琪同一對仔女，享受家庭樂。況且佢對自己都有信心，一來老闆正力捧，二來手頭上又有唔少工作！蕭定一接受周刊訪問，佢就覺得係有人唔知聽到啲咩嘢，係度煽風點火，事實上最近佢哋亦有人搵BabyJohn拍劇，所以唔係好信呢件事。蕭定一仲話係公司想避一避唔拍劇，希望阿聰先拍電影，可能因為呢個原因而有誤會。
(蘋果日報)
