藝人汪明荃（Liza）與鄭少秋（秋官）為香港賽馬會大年初三「農曆新年賽馬日」擔任表演嘉賓，而今年兩人首次合體表演，秋官表示必定會在盛事中沾一沾旺氣，問到會否投注玩兩手？他表示會與Liza夾份買，又指對方在初一時已抽中金犬，財運相當旺盛，又自嘲：「屬豬今年好運，但我豬兜咁耐！」問到有否橫財運？Liza表示每年新年也會玩骰仔、射龍門熱鬧一下：「我同秋官未試過一齊打麻雀，做戲都冇。」秋官笑言自己是站長，經常被人催，認真搞笑。

搞到佢都話幾時到佢攞！

默契十足！

鄭少秋及汪明荃

不過佢就話唔敢諗，因為係人哋畀嘅！

秋官勁好魄力！

Liza姐話新年要工作，唔會去旅行！

Liza同秋官合體為活動擔任表演嘉賓！

佢哋原來未試過一齊打麻雀，秋官笑言係站長，成日畀人催！

至於農曆新年會否出國旅遊，Liza指還有公職在身，未有時間，而秋官聞言即大讚對方：「佢要做咁多節目，都仲要做公職，仲攞埋幾個博士學位，佢每次攞，我都會諗幾時到我呢？（今年想攞？）唔敢，呢啲係人哋畀。」提到女兒鄭欣宜4月將開演唱會，秋官大讚欣宜叻女，屆時必定會到場支持。

(東方日報)

鄭少秋、汪明荃（阿姐）同玄學家麥玲玲今日喺沙田馬場出席「農曆新年賽馬日」，秋官同阿姐唱歌助興，佢哋表示要沾下旺氣，問佢哋會唔會賭馬？秋官表示會一齊夾錢買。有冇橫財運？阿姐話：「喺年初一嘅節目，我抽到隻金犬。」秋官即刻話：「屬豬今年好運，但係我『豬兜』咗咁耐仲未到我。」阿姐透露新年之後唔會去旅行，因為有好多公職在身，秋官就話：「我真係寫個服字俾佢，日日咁多節目，又有公職，仲攞埋博士。」阿姐笑住話：「唔係好多，3個啫！」秋官即刻表示：「幾時輪到我呀？」今年嘅願望係想攞博士名銜？秋官表示：「唔敢，呢啲唔係自己話攞就有啦。」阿姐即示意會提名秋官。講到欣宜4月開個唱，秋官表示會去睇，但佢自嘲係old fashion，所以唔會上台。

講到今年運勢，玲玲師傅指立春後，娛樂圈會持續有喜事，仲會係喜上加喜，尤其會旺單身嘅人，容易結婚。對於圈中4對情侶，馬國明同黃心穎、楊明同莊思明、鄭嘉穎同陳凱琳、蕭正楠同黃翠如會唔會有喜訊？玲玲師傅話：「我有叫莊思明今年結婚，結婚之後，楊明好啲，會紅啲、攞獎，佢旺夫；馬國明就2018年籌備，2019年結得；鄭嘉穎同陳凱琳似乎好低調，分分鐘註咗冊，佢哋係幾穩定嘅一對；蕭正楠同黃翠如當係（結婚），今年可以向佢哋攞利是，下一步就係有喜，佢哋有喜先至會公佈。」玲玲師傅透露今年比較旺草花頭、有木字嘅藝人，例如李、林、楊，同埋旺高瘦形嘅人。我點算？唔怕，我有C君陪。」講到玲玲師傅嘅豪宅曝光，問佢今年仲會唔會入市？佢話：「計劃今年喺中環買寫字樓，大約預幾千萬。」

提到秋官喺農曆新年表演，對今年股市有冇影響？玲玲師傅笑住話：「唔好咁樣啦，唔關佢事架，秋官遇到火土運，就會大紅大紫，但係香港唔啱行火土運，所以秋官嘅命格同香港嘅步伐掉轉咗。」此外，陳玉蓮嘅團體馬「快樂實在」，今日有份跑第3場，佢喺賽前表示對愛駒有信心，落重注？佢笑住話：「小賭怡情，小錢贏大錢。」問佢會唔會再買馬？陳玉蓮話：「朋友已經講緊，亦有其他團體叫我一齊。」張振朗、陳芷尤、謝東閔、趙慧珊（Super Girls成員）都現身馬場，講到張振朗同緋聞女友陳芷尤一齊，張振朗笑住話：「呀⋯⋯一齊嚟開心下！」之後大方合照。

(蘋果日報)

林芊妤(Coffee)係瑜伽高高手，經常喺社交網post一啲非常人可以做得到嘅超高難度動作。不過，今日農曆新年佢真係好唔小心，竟然行平路都整傷腳，好陰公！

Coffee同屋企人一齊挑戰大東山。(ig圖片)

腳踝腫到雞蛋咁大，見到都覺得好痛。(ig圖片)

Coffee噚日喺ig貼咗一張相，右腳踝腫到好似雞蛋咁大，好驚嚇！Coffee透露年初二同屋企人去大東山行山，雖有有小朋友同行，但大家都好叻可以行晒全程，但點知行到去梅窩嘅時候，佢突然扭傷腳。

Coffee現在都乖乖留喺屋企休息。(ig圖片)

佢話﹕「行咗全日山都冇事，反而到梅窩行平路扭親，聽到『咔咔』兩大聲，我已經心諗今次大件事啦！第一次自己企唔番起身，之後行都行唔到，睇嚟呢個農曆新年，我都要安坐家中休息下啦，希望聽日唔會太痛啦！」Coffee傷得咁重，現在只能乖乖留喺屋企休息多啲啦。祝早日康復呀！

(蘋果日報)

粵劇名伶白雪仙向來都德高望重，每逢新年都有唔少後輩到佢屋企拜年。今年農曆年，資深傳媒人汪曼玲就去咗仙姐屋企拜年，同場仲有張家輝一家三口、陳寶珠同囝囝楊天經及新抱，真係好熱鬧呀！

原來家輝同仙姐係鄰居，大家住樓上樓下。(汪曼玲fb圖片)

(汪曼玲fb圖片)

仙姐見到影帝家輝好開心，即刻攬攬。(汪曼玲fb圖片)

汪曼玲與家輝兩公婆合照。(汪曼玲fb圖片)

汪曼玲噚日喺社交網上載咗幾張合照，留言﹕「張家輝與仙姐住樓上樓下，初一，一家三口到仙姐家拜年。」原來家輝同仙姐係鄰居，仙姐見到家輝都好開心，即時攬攬。不過，最令人讚嘆嘅係53歲嘅關詠荷，住樓上樓下真係唔使化妝，原來佢素顏個樣依然好省鏡，影大合照時仲好sweet咁挨落老公家輝個膊頭度，真係一對好恩愛嘅夫妻。而家輝同關詠荷嘅囡囡張童今年已經12歲，長得亭亭玉立，個樣似足爸爸同媽媽嘅混合體，越大越靚女。而寶珠姐仲跪地向師傅仙姐斟茶，仙姐就俾番兩封大利是寶珠，大家都開心笑到四萬咁口。

陳寶珠跪地向師傅白雪仙斟茶拜年，自己就收兩封大利是。(汪曼玲fb圖片)

(蘋果日報)

昨日年初二賭王何鴻燊一家有喜事公佈，現年26歲的三房公子何猷啟昨於微博宣佈向內地女友求婚成功，他上載女友拿着木棉花及戴住巨鑽相片，留言「She said yes.」。猷啟跟女友拍拖三個多月便極速求婚，問到婚期時，猷啟未肯多講，只回覆說：「謝謝祝福！今年是新一頁！」

賭王何鴻燊子女戀事一向是城中焦點，如賭王與三太陳婉珍所生孻仔、超蓮孖生細佬猷啟，去年聖誕節才效法郭富城於微博上載與內地女友手拖手照片承認新戀情，昨日大年初二，猷啟再宣佈向女友求婚成功，兩人拍拖僅三個多月便已認定對方是終生伴侶，可見猷啟與女友愛得相當癡纏。現年26歲的猷啟，昨日下午1時許於微博貼出一張女友拿着木棉花及戴上巨鑽照片，並留言「She said yes.」，還加上一個心心圖案，明顯是向女友求婚成功，估計猷啟以木棉花代替鮮花來求婚。記者昨恭喜猷啟求婚成功，並問他婚禮何時舉行時，猷啟未肯多講，僅透過Whatsapp說：「謝謝祝福！今年是新一頁！」至於孖生姊姊超蓮被問到胞弟求成功時則回覆說：「新年快樂，讓他自己回應吧，辛苦啦。」猷啟初戀於18歲才開始，當年他戀上年長他3歲女友Mina，之後猷啟先後跟「翻版江若琳」、內地「嫩版范冰冰」等多個女友交往，16年再跟以色列籍索模Angelika Nikolaeva拍拖，女友愈來愈國際化。去年5月猷啟跟Angelika因聚少離多分手，但結束異地戀後幾個月，猷啟即在10月尾迅速開始另一段新戀情，有傳媒於去年11月拍得他與大眼長髮內地新歡到銅鑼灣睇戲，之後二人再漫步返回寓所，報道指猷啟是在內地做生意時跟新歡撻着。猷啟當時被問到戀情時，曾表示待穩定才公開，及至去年聖誕節，猷啟終在微博公開認愛。而今年元旦日，猷啟就在Instagram放閃，貼出被女友錫錫的冧爆照片，雖然相中只見到女友背面，但穿上超短褲的長髮姜女擁有修長美腿，難怪猷啟被深深吸引。另外，日前情人節，猷啟於Ig貼上一張身穿黑西裝捧住大束白色鮮花照片，留言謂：「Happy Valentine’s day！情人節快樂。」明顯大束鮮花是送給女友。猷啟高調宣佈求婚成功，大有可能於今年拉埋天窗，而賭王一家對上一次辦喜事，已是2003年11年與二太藍瓊纓所生細女何超儀與陳子聰在澳洲結婚，若然猷啟本年底結婚，將會是何家相隔15年後再辦婚禮。

(東方日報)