大台節目《五覺大戰》嘅神獸天使「騰騰雞」蔡慧欣，去年9月奉子成婚，轉下眼，蔡慧欣就快分娩喇，日前佢仲舉行咗Baby Shower，公佈BB嘅性別㖭，登…登…櫈，原來係一位小公主嚟㗎，蔡慧欣亦喺ig到同大家分享呢份喜悅。
蔡慧欣喺ig度留言話：「Baby and I feel so loved and blessed from so many Aunties and Uncles. Thanks for making my day so warm and happy … my baby is so excited to meet you all very very soon」。
就嚟可以見到小公主，蔡慧欣就話好緊張同好開心，而有去出席Baby shower嘅原來仲有林芊妤(Coffee)同早前宣佈懷孕嘅梁麗翹，而Coffee 姨姨亦有喺ig貼咗出席派對嘅相，佢話：「時間真係過得好快，好開心見到身邊既朋友，都好幸福」！
(蘋果日報)
南韓演員宋仲基、宋慧喬在2017年10月完成婚事，從此完全不避諱出雙入對出現在各地，繼日前度蜜月被捕獲之後，近日2人又被目擊在東京旅遊，小倆口「牽手」的方式，意外成為網友討論焦點。
宋仲基與宋慧喬2人在全亞洲享譽盛名，走在路上經常被路人認出來，2人先前平安夜與好友一起打保齡球約會，近日赴東京旅遊，被幸運網友巧遇，2人一展親民，答應對方的簽名請求，之後還親切握手，讓該名網友興奮直呼：「宋仲基太帥了，宋慧喬性感漂亮，幸運的一天。」
小倆口並肩出現在巷弄裡，他保護老婆走在外側，如果單從正面看就像2個人走在一起，但從背面看卻會忍冷不防被閃瞎，原來他雙手雖然背在身後，卻是緊緊牽著妻子的右手。
大陸網友戲稱宋仲基、宋慧喬這種牽手法叫做「老幹部牽手」，因為雙手背在身後走路的模樣很像幹部巡視，同款牽手法愛用者還有張智霖、袁詠儀夫婦，既低調卻又暗藏甜蜜。
不過也有網友說「這應該叫大男子主義牽手法」，因為這麼牽女孩子處於被動的一方，只能順著男方走，不過對粉絲來說，哪一種不重要，重點是夫妻倆恩愛就好。
（ETTODAY/自由時報）
仲有足足一個月先到新年，但集萬千寵愛在一身的甘比就已經post 左一張「全盒」的相，原來是Lady M 所送的禮物。
甘比搶先收Lady M 未發售的全盒。
來自紐約的Lady M上年已經入鄉隨俗，推出了首個「Lady M如意糖果全盒」，今年再接再勵，推出設計成立體桔樹的形狀，充滿中式新年的味道。
甘比身為劉太，地位超然。
上年全盒買斷市，甘比就安坐家中等收禮。
八個糖果盒分別為：
1.「Lady M Coin」及「Pink Lady Truffle」：朱古力錢幣是新年全盒的經典，鑄有 LADY M 標誌的銀幣是牛奶朱古力，配以粉紅色糖紙包裹着的香檳味松露朱古力。
2.「Happy Nougat」：喜歡煙韌口感的，不可錯過鳥結糖，備有牛奶、玫瑰、綠茶、咖啡及芝麻五款口味。
3.「Golden Almond」：原粒杏仁裹上金色糖衣，香甜脆卜卜。
4.「Glittery Egg」：璀璨的金色糖紙內，是 Bailey’s 酒味的松露朱古力，甜美香醇。
5.「Rainbow Bonbon」：圓形小顆粒的糖果口感煙韌，分別有士多啤梨、檸檬、蘋果、木莓四款口味。
6.「Lucky Mandarin」：喻意大吉大利的柑橘味啫喱糖，洋溢天然的果香味。
7.「Fortune Saucer」：外形像一個小飛碟，外殻以米紙製成，裏面是酸甜味道的糖粉，充滿趣味。
8.「Apple Crumble Fudge」：經典的西式焦糖糖果，加入蘋果金寶，平衡甜味之餘，味道更富層次。
根據Lady M 回覆，無論是價錢及發售日期都仍然保密，最快要今個星期五或六才會公佈，不過身為劉太，不用排隊亦不用等就搶先一步收到，地位超然。
早兩個月先收完Lady M送的聖誕蛋糕。
(蘋果日報)
香港天文台天氣概況提到：「天氣寒冷、寒冷天氣將會持續數天」，氣溫直到星期日（1 月 14 日）才會明顯回升。因此相信大家這幾天會感到寒氣迫人，為了保暖不惜「犧牲形象」，穿齊家中所有衣物變米芝蓮人也在所不計。其實大家有否想過，日本明明比香港還要冷，但何解日本人可以穿極少衣物都感覺暖笠笠呢？原來日本電視節目早有答案。不論穿衣出外，還是在家中蓋被睡覺，都是靠 Layer 護身，現在就看看節目中所提之 3 招冬日保暖大法！
1）出外適用：4 層穿衣暖笠笠
其實未必穿得多衣服就等於保暖，只要施展小技，也可感到暖和。秘訣就是先穿貼身保暖內衣，之後穿一件寬鬆衣物，以寬鬆衣服和貼身內衣之間的空氣，帶動保暖作用。然後要穿一件手袖位收窄的衣物，透過收窄位置鎖住空氣不易散去，從而加強保暖，之後再穿自己喜歡的外套便可。那當然，這件外套也非薄薄的衣物，能夠擋風、禦寒的外套也是相當重要。
2）出外 + 家中適用：暖貼貼肚防寒
據節目中醫師所提及，如在腹部貼上暖貼，那就能溫暖內臟，讓身子感到溫暖，同時這方法也能舒解便秘，以及女性在生理期期間所產生的經痛或腹部漲痛不適。經紅外線體溫量度比較後，可見以暖貼貼在肚子上，能讓人體更感暖和。
3）家中適用：睡在毛毯上減熱力流失
睡覺時多蓋被保暖，是不少人常用的保溫大法，但其實蓋被保暖也有次序可言，正確次序應為睡在毛毯上，減少熱力流失，然後把厚被蓋上身體鎖住熱力，而最上層鋪上不太厚的毛毯保溫。因為最上層使用太厚的毛毯，只會壓走熱空氣，不能達致保暖效果的。如果真不夠暖的話，也不宜穿上襪子，改用頸套及 leg warmer 會更有保暖效果。
(R之法則 / ezone)
「越難越愛」嘅吳若希自從生仔結婚之後，都好少見佢係大台出鏡，劇集歌一姐地位被後浪菊梓喬頂上，工作量大減嘅Jinny專心喺屋企相夫教子，時不時都見佢喺社交平台分享同老公生活趣事，又或者囡囡嘅可愛相，樂得清閒。
雖然工作就少咗Job，但Jinny喺社交平台就相當活躍，早前佢就試過喺Facebook同網民隔空開火，為咗維護屋企人同囡囡甚至將網民人肉起底，實行用網絡暴力以暴易暴，唔少粉絲見到佢都大讚估唔到佢咁勇猛。
Jinny閒時鍾意喺社交網站同大家分享同老公嘅生活二三事。（網上圖片）
身為批鬥界KOL嘅Jinny前日（7/1）先開火評撃近日熱論嘅虐兒新聞，鬧佢「恨不得把那些罪犯放緊油鍋裏炸完餵禿鷹！」隔咗2日Jinny又有嘢睇唔過眼，直接開名大鬧澳門其中一間著名醫院，事源有朋友睇醫生發現腎功能唔好，話要洗腎，但Jinny向醫生查詢洗腎嘅好處同壞處時，醫生就Hea佢話決定洗腎先再解釋，要Jinny自己上網搵。今次Jinny雖然就冇直接鬧個醫生，但就講到明係地下住院部男醫生，句句說話都有骨，仲話：「想長命百歲一定要去鏡湖醫院。」引得網民紛紛一齊怒插鏡湖醫院，話有病都要搭船去香港睇醫生，呢招「笑裡藏刀」的確勁，批鬥界KOL嘅Jinny再得1分。
Jinny 發文控訴澳門醫院
部分網民叫Jinny返香港睇醫生~
(Instagram / HK01)
藝人胡定欣貴為無綫花旦，工作排山倒海，但呢日佢依然抽時間做運動，仲無懼寒冬騷出纖腰大晒結實腹肌，真係睇見都羨慕，佢留言話：「天氣凍，要離開暖粒粒既（嘅）被窩真係好難…唔好諗咁多，堅持，要起身做運動…」之後又不忘溫馨提示大家：「DONE!! 大家記得著（着）夠衫，要保暖啊！！❤」
寒冬都無礙定欣做gym，好勁呀！
之後單身嘅定欣就自爆搵「帥哥」「尋開心」，佢上載三人合照，留言話：「在我還沒有伴的日子，兩位帥哥就先陪我一下，說說笑笑，逗我開心，給我一點歡樂。好朋友就是這樣…陪伴！～」究竟呢「兩位帥哥」係邊個？
就係各自都有拖拍嘅袁偉豪同陳山聰，雖然兩人都有女友，但絕對唔會有異性冇人性，果然係好朋友呀！
山聰氹到定欣好開心
定欣微博照片
(東方日報)
唔知大家仲記唔記得今屆港姐冠軍係邊個呢？馮盈盈定係麥明詩？答案係雷莊𠒇！自從去年雷莊𠒇(Juliette)，隨即引來各界批評，之後佢仲要透過instagram反擊，搞到事件越滾越大。唔知係咪咁所以之後都鮮有露面，今日係《2018國際中華小姐競選》記者會上，TVB就宣佈Juliette將代表香港出戰華姐。她接受訪問時都充滿自信，「我會好努力咁練習我嘅中文，希望可以係問答同才藝環節拎好成績，贏冠軍返嚟！」
雷莊𠒇將代表香港出戰華姐，比賽將會係2月3日舉行。
至於Juliette參選完華姐之後嘅工作計劃？佢就話一向都鍾意拍嘢，夢想係做演員。
Well…有信心係好事嚟嘅，問到怕唔怕之後參選時，去年的負面新聞又會被傳媒舊事重提？Juliette就話，「一向都唔怕呢啲消息，做好自己就夠啦。」提到男友今次會唔會特意返香港到場支持佢？她笑言，「佢今次返唔到嚟睇我，但佢同我講個日會好早起身睇電視支持我。」至於參加完華姐之後會有咩計劃？Juliette就話一向都鍾意拍嘢，夢想係做演員。咁會唔會有興趣做返老本行model？她就話，「我想㗎，如果有機會嘅話，但model要再瘦少少，但我覺得自己已經好瘦。」
師姐余思霆建議雷莊𠒇盡量放鬆及自然，做好自己便可以。問她快將卸任會否不捨得？她說不會，看到佳麗有夢想都開心，目前她正拍攝新劇《好日子》努力學廣東話，多與同事傾偈有明顯進步。說到她拍劇沒時間拍拖，男友Tyrese@天堂鳥有沒有微言？她稱沒有，大家都忙於工作。
2017年中華小姐冠軍余思霆 （左）
余思霆卸任在即
(HK01 / Headline)
已經係三子之母嘅陳伶俐，上周四啱啱過咗41歲生日，08年同林敏驄離婚，結束10年婚姻關係嘅佢，12年低調再嫁新加坡隱形富豪胡嘉烈後人劉頌銘，並再誕下一子。喺人哋眼中嘅少奶奶，婚後未有加入闊太行列瘋狂high tea，佢開完畫廊後，最近喺銅鑼灣開食店，將新加坡宮保美食帶嚟香港，伶俐日前喺銅鑼灣新開嘅餐廳內接受《蘋果》專訪，問到佢點解有少奶唔做要做生意，仲要係最辛苦嘅飲食業？佢笑言：「因為我好鍾意做嘢，唔做唔係陳伶俐。」
自稱潮州妹嘅伶俐話父母喺佢細個時開百貨公司，一家人發揮潮州人精神，個個都好團結：「爸爸改我個名叫伶俐，都係想我聰明啲，我聽番家人講，話我3歲就識找錢俾人，人哋買7蚊嘢俾10蚊我，我真係識找3蚊俾人。」不過，提到離世多年嘅爸爸，伶俐忽然感觸落淚哽咽：「老竇留低幾個字俾我，就係『膽大、心細、臉皮厚』，而我夠膽大同臉皮厚，但唔夠心細，成日想做成績俾爸爸睇。」
咁o依家做到爸爸嘅3項格言未？佢即笑稱：「都有喇，自己都四十有一，識練多啲EQ，做嘢唔好咁急，唔好咁衝動，開畫廊都學咗好多嘢。」伶俐又爆自己廿幾歲已經有做生意，但係當時仲係藝員，所以唔係太多人知：「以前有做產品贊助，同埋做下公關，接啲job做。(有冇得罪人？）都有㗎，我一向好直，以前人人都係咁，後來知道要圓滑，說話有技巧，唔好得罪人，慢慢之中學到嘢，好彩我臉皮厚，會走埋去道歉，最緊要用誠意。」
講到開專門賣新加坡宮保美食嘅食店，伶俐話：「我同老公好鍾意食嘢，一年前喺新加坡遇到呢個師傅，終於用誠意打動到佢嚟香港，奶奶o依家係fans，一、兩日就嚟一次，以前要飛去新加坡食。」講到家庭方面，問到佢有冇為3個囝囝計劃將來？佢笑言：「可能我好細個就做阿媽，係責任，佢哋係原動力，令自己俾心機做嘢，不論成功與否，但過程小朋友睇到媽咪嘅努力都會欣賞，要身體力行，講係冇用，佢見到你有幾辛苦有幾努力，佢會更錫你，一齊起起落落，開心唔開心都同佢哋分享。」
咁有冇將爸爸嘅座右銘傳承落去？伶俐話：「我唔會做怪獸，好似自己鍾意做生意都想去做，最重要係back up佢哋，o依家小朋友好幸福，但唔捱得，好多小朋友有工人姐姐，冇乜經歷過，父母又同佢哋安排晒好多嘢，佢哋就好似冇咗自己咁，咁樣父母同小朋友都好痛苦，可能父母係錫佢哋，但小朋友可能唔想做一啲嘢。」伶俐又表示，只要囝囝唔做壞事、唔吸毒就冇所謂。
(蘋果日報)
TVB《溏心風暴3》下周五(19日)才播映第40集大結局，內地版率先爆結局內容。家族情仇唔少得爭產與家庭決裂，下周結局篇劇情有得睇，凌乘風（黃宗澤）正衰仔，為爭權竟然跟火姐(李司棋)姊弟決裂。他早有預謀，在圍家（王浩信）往葡萄牙前，要求簽代管理股份的文件，附條文是一年後，股份可以轉到他名下，他成為大股東奪權做揸fit人。
火姐（李司棋）急召圍家返港，侄舅打官司，圍家敗訴。火姐在法庭外要兜巴摑乘風，怒斥他：「你贏咗官司，輸咗個家！」不過，乘風都唔威得好耐，圍家到加拿大搵救星沈沝（苗可秀），終於將乘風趕落台。乘風野心越大，做更多錯事，結果被揭發造假數而被檢控要坐監。
另外，正爸(夏雨)幾乎成間公司畀乘風(黃宗澤)搶走，他目睹舅仔走歪路更不忍心，反對他不擇手段要沾手賭業。正爸知道乘風要召開記者會公布爭澳門新賭牌，他要硬闖會場阻止。正爸在會場外跟保安推撞，跌倒撞向檯角，頭破血流不止。他昏迷被送到醫院，經搶救後脫離危險期仍不醒。圍家在正爸牀邊答應要救公司，父與子一幕好感人，但正爸卻沒有反應，只有等奇蹟出現。昏迷了長時間的正爸，大結局最後一幕許雅麟（李國麟）往探望，正爸突然睜開眼喊了聲﹕「恩公！」好嘢!大團圓結局。
（明報）
藝人蘇韻姿及阮政峰喺無綫劇集《愛．回家之開心速遞》飾演一對情侶紅衫魚同池子孝，再加上早前佢兩個喺社交網站上載跳「愛的手勢舞」短片，跳到中間嗰陣阮政峰錫咗蘇韻姿一啖，蘇韻姿仲表現得好冧豬，令大批網友指佢兩個戲假情真！
日前二人首次以「情侶檔」接受專訪，期間表現Sweet爆攬頭攬頸，仲互笠高帽大讚對方。講到對方優點，蘇韻姿大讚阮政峰好細心，經常照顧自己，佢話：「有時我拍緊嗰場戲唔明，佢會主動問我，作為新人有人幫自己係好開心。好多人都話香港人惡，但我發現其實並唔係咁！」
至於阮政峰話好欣賞蘇韻姿，大讚佢係一個好強嘅女仔：「佢一個人由多倫多過嚟，參加選美繼而留低工作，要重新適應環境，但佢又唔怕。（有發展空間？）實有可能發展，我唔識睇相，唔會抹殺任何一個可能，但呢一刻大家係好嘅工作拍檔。」阮政峰又話好多人未正式了解佢，都會覺得佢內心有一道牆難以交心：「但蘇韻姿樂觀性格打破咗，所以我同佢可以交心做朋友。」佢又自爆有次想幫蘇韻姿，但點知畀佢拒絕：「有次見佢拎重嘢，我開聲話幫佢拎，點知佢話唔使，拒絕咗我。」在旁嘅蘇韻姿話其實有原因：「我唔想畀人覺冇用，所以自己嚟！」
講到二人被網民大讚好登對又夠Sweet，二人笑言：「大家覺得襯係因為我哋落嘅苦功開始見效，所以大家睇得開心，我哋都好開心。（背後落咩苦功？）唔係個個拍檔都啱傾，有好多事如果唔啱傾，拍攝以外溝通得唔好，就唔會拍得好。如果大家熟絡咗，咁件事就會好好多，起碼唔會尷尬。」
夠晒合拍
呢啲眼神，話冇拍拖都冇人信啦！
攬埋腰~
不如一齊啦
蘇韻姿
阮政峰
超Sweet!!
阮政峰話好欣賞蘇韻姿
(ON.CC)
