胡定欣昨天中午在社交平台放閃，情人節收到神秘人送的花，即時獲各方讚賞，恭喜定欣身邊出現追求者。
最後定欣在晚上10時許，於社交平台揭曉答案，原來是她老豆單立文（豹哥），還公開豹哥窩心的心意卡。
定欣留言表示：「你的心意，已經深深印在心中!~ 佢話…” 無人錫你，我錫你! “我以為呢束花係送俾佢老婆，原來佢一早已經打算送花俾我，希望我開心! 仲附上一張催淚的心意卡! 所以未來的情人，你一定要找數俾豹哥!😂老豆，多謝您，情人節快樂!❤」
網民都話好感動好Sweet！
(明報)
【禍不單行】TVB最經典青蛇 但比人搞到流產 當中有段故…
1958年出生於香港的陳美琪，20歲便畢業於TVB訓練班，29歲榮獲澳門工商管理碩士。陳美琪對待工作兢兢業業，私下裡也堅持做善事。因堅持做義工的善舉，被稱為「天使的母親」
陳美琪一生拍攝過很多經典的電視劇，但是最經典的莫過於《新白娘子傳奇》了，也憑藉此片在大陸一夜走紅，還被封為「最經典的青蛇」
17歲那年在一次就會上邊相識了第一任老公，22歲便嫁入豪門。婚後懷孕期間被小三關之琳打電話騷擾，明明自己才是名正言順，小三卻比她還囂張，因此受到刺激，最終流產至今不育。
時至今日，陳美琪已經沒有了當年的水靈勁，身體也日漸消瘦，在昨日得知「老法海」過世，在微博上於趙雅芝一起用自己的方式悼念老法海。
《新白娘子傳奇》已經活躍在熒幕上25年了，已經三個角色相繼過世：劇中飾演戚寶山的石乃文，因癌症去世，年僅46歲。
劇中飾演金鈸法王的李敏郎，2013年過世，享年83。
(大時代)
【同張寳兒…】袁偉豪：唔好鬼鬼祟祟 大方同我講無問題！
昨日是袁偉豪 (Ben) 與女友張寶兒拍拖以來首個情人節，當然要浪漫慶祝一下。早前Ben出席無綫劇集《三個女人一個因》宣傳活動時，被問到情人節會怎樣跟女友慶祝，他說：「聽日（14/2）唔使開工，我哋都唔會出街，會喺屋企食餐飯，享受下喺屋企嘅時間，我負責煮，一陣都會去睇下啲食材。自己最拿手整朱古力心太軟同Pizza，到時都會畀驚喜女朋友。」
袁偉豪預告情人節會給女友驚喜。
提到他的老友周柏豪日前於更衣室被偷拍一事，曾在洗手間被偷拍的Ben當然好明白柏豪的感受。他說：「科技帶嚟嘅方便有時會令人遺忘咗要尊重別人，喺更衣室同洗手間偷拍已經超越咗基本嘅尊重，我一定會出聲。試過搭𨋢都畀人拎個手機出嚟影，對我係一種冒犯，我係咁避佢都繼續影，最後我背住佢企正喺佢面前佢先影唔到。其實想同我影相可以開聲問我，唔好鬼鬼祟祟，大方同我講無問題的。」
袁偉豪呼籲大家不要鬼鬼祟祟玩偷拍。
袁偉豪
（hk01）
【終於終於！】楊怡：兩樣一齊，有好消息會公布
演員羅仲謙與太太楊怡晚上在圓方戲院包場，請家人與雙方粉絲欣賞羅仲謙演出的電影《西遊記女兒國》。
謙仔自言比較懶，故少有和粉絲聚會，難得情人節與大家一齊慶祝。問羅仲謙與楊怡怎樣慶祝情人節？楊怡笑說：「我哋好casual，唔會喺特別日子大肆慶祝，同埋都好耐冇睇戲，以前睇戲驚畀人影到，依家可以光明正大，同咁多人一齊睇戲係好值得回味。（有冇準備禮物？）就係Casual到乜都冇。」謙仔笑說：「你扮嘢話有得唔得？」
講到《西遊記女兒國》在內地情人節開售1小時，票房已超過1億人民幣，謙仔笑說：「應該要問老闆有咩表示，老闆應該非常開心，希望之後成績更好。出字幕都唔好走住，留意彩蛋，會見到我唔係藍色嘅樣。」
講到香港賀歲檔期對手強勁，謙仔認為最好是百花齊放，大家也有好成績，整個電影圈也好。問到楊怡老公拍戲辛苦，可有煲湯水給慰勞？她笑說：「我冇去探班，知佢拍得辛苦，化妝後基本上唔食得嘢。我心態上支持，有打電話同開視頻鼓勵佢，同佢講好快過，加油。（返香港再慰勞老公？）慢慢唔急，日子流流長。」
謙仔完成今次電影宣傳最後一站後收爐過年，但若票房成績好，過年後也可能到內地和東南亞謝票。楊怡表示新年兩公婆會留港休息，之後再衝刺。問到是否衝刺生BB？楊怡笑說：「兩樣一齊，希望喺冇壓力下進行，有好消息會公布。」
(on.cc東網)
【4個月大】胡杏兒囝囝Brendan果然好識做~
胡杏兒去年10月為老公李乘德誕下囝囝Brendan，轉眼囝囝已4個月大。昨日情人節，杏兒在社交網站曬囝囝萌照，Brendan肥嘟嘟，精靈可愛。另一張相Brendan側面吻向媽媽，杏兒望著鏡頭甜笑。杏兒寫道：「我的小情人知道爸爸要工作，所以代替他給了媽媽一個香吻，謝謝寶貝，祝大家情人節快樂！」
有網民留言道Brendan好似女孩子~
胡杏兒好開心呀！
(IG / 明報)
【#冇情人嘅情人節都可以好快樂】承認分咗手
16年被爆拍拖，之後大方承認戀情，但昨日突然PO文。。。
前新聞主播周嘉儀喺16年被爆同經民聯立法會議員、全國政協林健鋒嘅仔林凱章（Victor）拍拖，事後大方承認戀情，仲讚男友對佢好好，好關心佢，大家相處得開心，希望呢個甜蜜期可以繼續落去。
昨日係情人節，周嘉儀如常喺fb同fans玩互動，佢貼咗幾張著住紅色背心裙嘅相兼留言話：「各位早晨，今日係2月14號星期三。今日部份時間有陽光，夜晚沿岸有霧，都幾溫暖，15至19度。正所謂女為悅己者容，不過+2(嘉儀)就覺得扮靚啲可以令自己開心啲醒神啲，唔需要係為任何人嘅，+2(嘉儀)喺度祝各位無論有情人定冇情人都快快樂樂，開開心心過每一日。今晚我就同一大班朋友一齊食團年飯喇，你哋呢？」
話晒情人節同農曆年嘅日子好接近，約埋啲朋友一齊食團年兼慶祝，都唔係啲乜嘢奇怪事，不過睇埋佢啲hashtag，似乎有啲嘢發生咗：「#冇情人嘅情人節都可以好快樂 #各位都為自己努力 #周嘉儀 #venuschow」
昨日《蘋果》搵過嘉儀了解，佢承認自己單身咗一段時間，再問佢新年願望係咪搵到有情人？佢就話：「順其自然啦，都唔強求，多謝關心！」
(蘋果日報)
【邊個咁夠薑】劉嘉玲爆初出道被一個人鬧過：自此我更認真工作！
鄭裕玲（Do姐）出咗名認真，連劉嘉玲都話初出道時好驚佢，Do姐日前邀請咗嘉玲上佢嘅電台節目，佢好直接咁問嘉玲：「我有無鬧過妳？」嘉玲話：「有，嗰時真係好細個，好貪玩，啲稿又難背成日背唔熟，您又出咗名勤力認真，真係背到個劇本滾瓜爛熟，有一次我背唔熟啲對白，俾你發現咗，問我：『你知唔知場戲講乜？』我當時勁心虛答您：『知知哋』。」Do姐問：「咁你有無嬲我？」嘉玲話無：「經歷果次，我自此就好認真對待我嘅工作。」睇嚟Do姐嘅認真工作態度都對嘉玲有正面嘅影響，嘉玲仲大讚Do姐有幾認真:「6點嘅通告，佢5點半就到，咁早到仲自己燙埋衫。」
嘉玲大讚Do姐工作認真，對佢有正面影響。(IG圖片)
其實Do姐同嘉玲之後就做咗朋友，間中仲會約埋食吓飯，Do姐出咗名養生，好早瞓覺休息，佢大爆嘉玲相反：「佢真係好貪玩，同佢食完飯，佢原來仲有下一場，一晚幾個飯局，又鐘意去蒲。」嘉玲就話：「好在我當年有去蒲，依家香港無咩好嘅蒲點，好懷念當年個個都著得好靚咁去蒲，依家無人咁做。」
IG圖片
IG圖片
IG圖片
IG圖片
嘉玲喺空閒時間鐘意去行吓山。(IG圖片)
IG圖片
IG圖片
(HK01)
【嫌身材走樣】小S老公偷食…
騙徒手法真係層出不窮，而偷用藝人個樣嚟做廣告更加係屢見不鮮，今次就到台灣天后小S（徐熙娣）中伏，更被造謠話佢婚姻出現危機。
小S兩公婆
近日網上流傳一篇以簡體字撰寫嘅文章，當中圖文並茂咁話小S身材走樣，令到老公許雅鈞出走偷食去上海同o靚模密會，仲貼咗一張小S聲淚俱下嘅相，之後又話小S用咗佢嘅產品之後，成功令到老公回心轉意云云。呢件事當然就係假㗎啦，至於小S嘅落淚照係一次去探患有腦退化症嘅嫲嫲嘅時候，嫲嫲竟然唔認得自己，令到小S不禁感觸落淚，而就今次事件，小S亦喺自己嘅Facebook上貼咗段聲明話：「鄭重聲明：小S本人從未使用過磁石肚臍貼，該內容完全虛構，請大眾千萬不要受騙。」
小S特別發出聲明闢謠。
小S今年1月為了奶奶不記得她而落淚。
（Apple Daily）
【遭威脅公開…】陸漢洋苟芸慧發律師信
日前甜甜蜜蜜宣佈結婚消息，昨日就。。。
陸漢洋所屬的車隊Win Motorsport Company Limited（下稱＂Win Motorsport＂）昨日委託柯伍陳律師事務所，代表車隊董事及員工，包括Richard Bradley（李察畢特）、Philippe Descombes （菲臘普迪甘斯）、William Lok（陸漢洋）、Ramlan Moktar、 Reece Martin Calder Byrne、Scott McGaritty、Christine Kuo（苟芸慧）、Jerry Man Kit Liang（梁文傑）及Kennis Ng Kwok Yan（吳國茵）發出律師信，表示Win Motorsport一名前員工Stewart Nevill Wild，因為操守有問題遭辭退，對方於本月11日向車隊發電郵，威脅車隊，稱除非他在本月14日前收到一筆錢，否則他或他方面的人，會把Win Motorsport成員的資料／照片給傳媒。
律師信中表明，從無授權發放該些機密資料或相片，以上一切均屬Win Motorsport私人機密財產，外界如未經授權，一律不能發放，否則屬侵犯版權。如有人發佈此相關資料或照片，將會在不作任何通知下，遵循法律途徑追討一切賠償。信中並指，如接獲相關機密資料或相片，應直接盡快與他們接洽。陸漢洋透過助手回應表示：「由車隊Win Motorsport一颷賽車成立至今，團隊一直感情融洽，工作認真。唯最近一位車隊成員卻做出多宗損害車隊的事，該成員已被車隊解僱，其後更恐嚇會抹黑車隊及其他成員。現時有關該成員的所有事情已交由律師處理，所以不便多作評論。謹此多謝大家關心，以及感激大家一直對車隊以及本人的支持。」
(蘋果日報)
【大掃除完覺得又酸又痛？】教你四招預防改善！
年前採買年貨及大掃除，可是一項大工程。做完大量的年前準備之後，復健科門診出現很多各種酸、麻、痛的病人就醫，常見的症狀包括頸部酸痛、腰酸背痛、手麻、肩肘腕疼痛等。
大掃除後酸麻痛，如何避免？
中壢天晟醫院復健科吳俊明主任提醒，想避免掃除後身體酸痛，建議這樣做：
1. 掌握由上而下，從裡到外的打掃順序。
2. 打掃前先做一些暖身伸展運動，來活絡筋骨、放鬆肌肉，避免打掃時拉傷肌肉或扭傷韌帶。
3. 打掃的時間每一小時要休息 15～20 分鐘，這樣不會因為同一種姿勢維持太久，或同一個動作重複太多次，導致肌肉、肌腱、韌帶、神經的發炎。
4. 打掃時的正確姿勢及符合人體工學的打掃工具也很重要。例如清洗地板時，儘量挑選握柄較長、較粗且材質較輕的拖把來清洗；不要過度彎腰或趴跪在地上擦地板，以免造成手腕與腰部施力不當而受傷；打掃時也不要過度墊腳尖，若身高不足請使用椅子輔助，以免造成腰部、膝蓋與腳踝受傷。
大掃除常見症狀
年前大掃除引起的常見症狀有幾種，包括肩部肌腱炎、手肘肌腱炎（網球肘）、手腕肌腱炎（媽媽手）或扭傷、手指發麻（腕隧道症候群）、頸部酸痛及僵硬、腰酸背痛等。預防之道是保持正確的姿勢，不要同一種姿勢維持太久或同一個動作重複太多次。也可聽從醫師建議配戴適當的護具，並做適當的伸展、強化運動以改善肌腱、肌肉的柔軟度及力量。
休息+冷熱敷就改善
普通的酸麻痛怎麼改善？醫師表示，「休息」就是最好的治療。
居家可以通過局部冰敷或熱敷症狀部位，讓酸麻痛好轉，至於選擇冰敷或熱敷，端看發炎的程度而定。如果發炎嚴重已有紅腫熱痛的症狀，要選擇冰敷比較恰當，其它情況可選擇熱敷。
居家熱敷溫度約攝氏 38～40 度（覺得溫熱，但不會燙），每次熱敷時間約20分鐘，每天可做 2～4 次。居家冰敷時需隔一層毛巾，每次冰敷時間約10～15分鐘，每天可做 2～4 次。但有糖尿病等慢性疾病或感覺功能異常的病患要特別注意，以免燙傷或凍傷。
嚴重的肌腱炎經過上述的處理仍不見效時，需局部注射類固醇。正確的觀念是急性期的治療效果又快又好，切勿拖延就醫，轉變成慢性發炎後，會大大增加治療的時間及困難度，得不償失。
(大紀元)