陳茵媺與陳豪兩公婆出名恩愛，日前更夫妻檔出席活動搵銀，二人大爆萬聖節有幫小朋友扮鬼扮馬，一家人玩得好開心。
陳茵媺昨晚終於忍不住要和大家分享，在社交平台上載仔女的搞鬼造型，原來三兄妹扮成小蜜蜂去玩，3歲大哥Aiden Joshua站在正中，看起來好高大，2歲二哥Nathan Lucas亦很精靈，1歲細女Camilla更是超可愛。
陳茵媺自己亦留言問：「1.2.3. 邊隻小蜜蜂最甜？」，相信最難回答應該是陳豪，不能夠在仔女面前偏心﹗
（明報即時娛樂）
【曾遭男歌手無禮對待】Bob：一定會記住呢幕
藝人林盛斌（Bob）與「仁美清叙」主席程瑤到訪荃灣一間中學，向校內學生分享他初入行時遇到的挫折，藉此鼓勵同學們面對逆境和困難時不要放棄。阿Bob以「勇氣」去克服這些難關，更自爆曾遭某男歌手無禮對待！
阿Bob透露未做DJ前，曾經歷被人看不起，兼稱之為「阿豬阿狗」的歲月，他說：「當時雖然心情低落，但未有因此放棄，我試過做電台要找一些歌手錄節日祝賀說話，有一位歌手，我一定記得！我拿着寫上對白的紙和錄音筆找他錄，他看完這些對白後，竟然把紙掉在地上，然後掉頭離開！」
Bob表示這一幕一定會記住，雖然當時很不開心，但並沒有因此而氣餒，反而更加發奮努力工作︰「這是一個不愉快的經歷，但不要被打擊，我們每個人都有勇氣的，就用勇氣去克服困難吧，大家也要加油。分享這個經歷目的是為了讓學生知道，遇到甚麼挫折都可以面對，想法要正面，不要因為一時的挫折而放棄！」
Bob又指女兒年紀雖小，尚未遇到重大挫折與壓力，但他亦已教導女兒要遠離是非，他說︰「大女兒跟我說朋友A會在她面前講朋友B的壞話，朋友B亦會這樣做，我於是叫她跟這些朋友說：『不要在背後說別人的不是』！」
此外，程瑤非常感激Bob出席活動分享寶貴經驗，她說︰「他主動打給我要求做學校分享嘉賓，真的很感謝他支持這個活動，今天我也被他的正能量感染！」
(on.cc東網)
【女童發病風險較男童高】小朋友6歲後仍「喘鳴」要留心
小朋友呼吸時出現「嘻嘻」聲，急步走時容易喘氣，可能是「喘鳴」的徵狀。廣華醫院兒科部的研究發現，若喘鳴情況持續在6歲後，同時帶有某些風險因素，長大後出現急性哮喘發作而需入院治療的風險高1至2倍，當中以女童發病風險較男童高。
研究回顧1999年至2011年共791名6歲以下曾進行皮膚測試的兒童，並進行2年追蹤研究，發現463名兒童在6歲前有典型喘鳴問題，當中15%共71人在6歲後因急性哮喘需入院治療。
研究指，有喘鳴的兒童，若皮膚點刺測試呈陽性或6歲前已曾因喘鳴而入院治療，長大後有嚴重急性哮喘的風險高2倍。此外，普遍女童比男童氣管較粗，有哮喘風險比男童高接近1倍。若兒童同時患過敏性鼻炎和有家族哮喘病史，長大後需處方防止哮喘藥物機會分別高3.6倍和0.8倍。
廣華醫院兒科部門主管吳國強指，哮喘主要靠肺功能測試診斷，透過跑步運動和吸入粉末等方法，測試氣管反應。惟兒童在6歲前難懂得按指引完成測試，增加臨床斷症的難度。研究團隊設計出一款風素因素測表，助兒童診斷哮喘。他指，家長普遍認為「哮喘好大件事」，諱疾忌醫，其實在12歲前及早接受治療，並從運動、監察環境致敏源等入手，可減低發病機會和「斷尾」。
9歲的Athena在兩歲和四歲時因出現嚴重眼腫、咳嗽、氣喘等症狀入院治療，診斷為氣管過敏。去年接受肺功能測試，確診患診過敏性哮喘，對塵蟎敏感，現時每日使用一次類固醇吸劑，情況穩定，更可上游泳班。
(東方日報)
【終於公開戀情？】杜如風：To Baby
今日係藝人黃又南嘅生日，曾經同佢傳過緋聞嘅藝人杜如風喺社交網站上載二人合照，祝佢生日快樂！其實杜如風同黃又南嘅緋聞已經傳咗好多年，而女方之前亦唔避嫌咁邀請男方為自家品牌站台。
今日杜如風再喺社交網站上載同黃又南嘅合照，相入面二人搭住膊頭，女方就拎住送畀男方嘅生日禮物，仲留言話：「祝生日大大大大快樂！」
不過眼利嘅網民就發現禮物盒上面寫住：「To Baby」，追問佢哋係咪終於公開，仲紛紛祝福佢哋早日結婚！
(on.cc東網)
【細節見人品】應采兒：終於知道吳尊為何娶妳了
《爸爸去哪兒5》近日請來每個孩子的媽媽到現場，吳尊老婆林麗瑩向來保有神秘面紗，不過，為了不讓Neinei及Max失望，她首度正面入鏡，雖然因感冒而戴上口罩，但一接到任務二話不說就開始切菜準備，煮好東西後，還一碗碗送給每位媽媽，從這些細節不難發現她賢慧又樂於助人的一面。
林麗瑩為了小孩，首度答應入鏡錄製節目。
林麗瑩、應采兒、霍思燕、王婉霏、李沁等人一進村就接到任務，親自為孩子們做早餐，她默默地開始處理各個食材，切菜、切肉的手法都很專業，不會做飯的應采兒看到她做菜的架勢讚不絕口，「我終於知道吳尊為什麼要娶妳了」，還搞笑問她可不可以買她做的麵。
吳尊老婆切菜、煮麵手法太專業，連應采兒看了都誇讚。
完成任務後，林麗瑩把做好的麵一一送給每個媽媽，全程沒有說太多話，低調做完為家人所準備的貼心早餐，還不忘分享給其他人，這才讓觀眾發覺，原來Neinei為人著想的性格是她的翻版。
吳尊老婆煮完麵後，還一一發給每個媽媽試吃品嘗。
玩遊戲贏得頭飾的環節中，Neinei贏了，應采兒和陳小春卻輸了，想要贏的小小春難免失落，她在一旁看了若有所思，等到村長把獎品發給她時，大方送給應采兒和其他媽媽，善良又細膩的心思，再對比媽媽林麗瑩在節目中的舉動，不難發現是出自於父母親的優秀身教。
(ETTODAY)
【囡囡病足成個月】張嘉兒：目標係追多兩個
無綫藝員張嘉兒、陳煒、蔣家旻、謝雪心和鄧佩儀等在將軍澳出席十一月星辰活動。
張嘉兒將於18日生日，她透露老公Nathan不在港，會與快將14個月大嘅女兒慶生：「依家有女萬事足，好享受做媽咪嘅樂趣，目標係追多兩個，老公都鍾意小朋友，下年開始試，希望35歲前生多一個先，唔係冇氣冇力湊，因為一個都要花好多心機、精神，依傢仲餵緊人奶，都好忙。」
談及女兒，張嘉兒指她在十月裏病足成個月，搞到自己睡眠不足，幸好現在囡囡已經康復。張嘉兒雖然現在少拍劇，但多了嬰兒產品邀請她在網上宣傳，笑言自己像KOL（網紅）一樣，不過這種工作好適合她在家中湊女，又能夠增加收入。
(on.cc東網)
【烏廷芳再遇項少龍】宣萱：最緊要冇死到
古天樂同宣萱曾一齊拍《刑事偵緝檔案》、《尋秦記》、《寵物情緣》演情侶，唔少fans都希望佢哋現實中會有發展，不過二人多年只係老友。
古仔、宣萱、徐子淇、黎姿、梁詠琪及徐濠縈等，今日出席活動，宣萱同古仔老友鬼鬼，影相時，古仔笑宣萱擺pose好似條腰有事咁，宣萱笑言：「人哋話S型條腰靚啲，所以先擺pose。」古仔之前拍《真．三國無雙》嗰陣，被啲真兵器插損咗隻眼，古仔話目前康復都理由，不過要過多幾日先拆線，o依家隻眼唔係太舒服，問到拆線緊唔緊張?古仔解釋：「之前醫生幫佢睇過，本來聯咗8針，但係唔知點解有一針唔見咗，隻眼有啲哽哽哋。」
問擔唔擔心古仔，宣萱望咗古仔一眼：「OK喇!最緊要冇死到，聯咗8針，我都冇諗過眼球原來聯到針。頭先都有睇睇古仔個傷口，有啲嘢凸咗出嚟，針原來係透明。」古仔話o依家視力冇問題，仲可以繼續拍戲，之但係拍完就要用CG執走，執靚啲眼白，身邊嘅宣萱笑住話：「睇嘢朦朦哋就好，睇我可以靚啲。」
古仔今次受傷都有還神，意外嘅嘢大家都唔想：「唔會因為咁唔拍動作戲，亦冇理由自己搵嘢插自己隻眼。」咁有冇機會再合作，宣萱話等古仔好番先，古仔都期待，大家都好耐冇合作都叫有新鮮感。
(蘋果日報)
【金牌班底】蘇永康：所有都係精英
歌手蘇永康到黃竹坑擔任慈善晚宴表演嘉賓，他笑言經常飾演律師和醫生等角色，怕現場的嘉賓對他應該不太了解，要自我介紹後才可唱歌。提到晚上重播有份演出的劇集《壹號皇庭IV》，他自爆首播時沒看過：「因為1995年我去咗發展台灣市場，我淨係打番嚟問陶大宇同歐陽震華套劇得唔得，佢哋話得，冇事。」
感謝鄧特希提攜
蘇永康好感謝監製鄧特希，當時對方要求歌曲《假使有日能忘記》要有個3分鐘內的版本，他一直不明白，現在看到重播才明白對方的要求，在劇中會經常播放這首歌：「啱啱嗰集仲用咗首歌做MV，我依家明點解首歌嗰時Hit得咁犀利。」
重播令無綫賺錢
蘇永康笑言自己在劇中只是「溝女」，第四輯的戲較少，第五輯較多，因為沒有撞錄音期。問可想再拍？他直言難以再找同樣的班底，而鄧特希亦沒興趣重複同類型的劇本：「呢個Casting點同你計呢？內地價定香港價？不如大家睇重播，聞說收視唔錯，每晚嘅廣告我數過有14個，都係大品牌。對TVB係好事，因為佢基本上零成本，每晚起碼賺20萬。」
金牌班底難再聚
說到近日到歐洲、美加、雲頂及澳門等地開騷，蘇永康笑言聽得最多的說話就是為何以前的劇集比現在好看這麼多：「我要幫TVB辯護，當時拍《皇庭》嘅所有都係精英，啲導演依家一係喺內地撈得好掂、一係已經做咗電影導演，編劇就係金牌編劇鄧特希同已故嘅司徒錦源，後來司徒錦源就幫杜琪峯寫劇本。」蘇永康笑言可有機會再合作要看緣分，希望可以透過無綫重組這個強勁班底。
(東方日報)
【崔建邦宣佈回復單身】唐詩詠勁大反應：吓…
呢兩日有關崔建邦嘅新聞，真係轉得好快，早前先有報道話佢做番有腳雀仔，願意停低落嚟娶林珊珊細女李怡（野人），今午崔建邦出席活動，就話自己係單身，轉個頭，兩人分別喺ig宣佈，原來手已分。
喺宣佈分手嘅同時，崔建邦前度唐詩詠今日喺圓方出席《空手道》放映會，唐詩詠被問到知唔知崔建邦喺中午露口風，話自己係單身，詩詠聞言，反應頗大：「吓，喔，OK，你哋講我先知。」詩詠再補充道：「晏晝先有人問我有關佢哋結婚傳聞，其實我都唔清楚發生咩事。」詩詠又話平時冇乜同崔建邦聯絡：「呢啲都係佢自己事，冇乜點傾，亦都唔會八卦。」咁會唔會關心崔建邦？詩詠話：「唔使喇，咁大個人，識得處理。」
(蘋果日報)
【聽到Mandy四年抱三】松岡睩大對眼超驚訝
太陽娛樂老闆周焯華（洗米華）同Mandy嘅第三胎，日前有報道指已經喺9月出咗世，再添一女，甚至有指洗米華安排Mandy同仔女返澳門住，不過無論係洗米華定洗米嫂（陳慧玲 Heidi），都將家庭放喺第一位。
事有湊巧，今年被捲入呢段複雜關係入面嘅松岡李那，今日喺中環蘭桂坊出席稍後舉行嘅《蘭桂坊日本嘉年華》記者會，記者提到Mandy Lieu再為洗米華誕下女兒，問到松岡有冇留意新聞？松岡明顯聽呢單新聞感到驚奇，先係睩大對眼，然後不停「WoW」表達心情，再用英文反問：「Oh really? WoW I don’t know.」
咁佢會唔會恭喜吓周生？松岡話：「Not sure，我唔知。」同周生仲有無聯絡？佢話：「Not really.」然後再情不自禁對洗米華再度做爸爸表示驚奇：「Three child？WoW easy to pregnant.」咁松岡希唔希望有自己嘅小朋友？佢話：「hope in the future, I never get baby, is god give them.」松岡又喺訪問時表示自己對蘭桂坊一啲都唔陌生，因為七年前嚟香港發展第一份工作就係喺蘭桂坊度舉行。
講到飲酒，佢話自己都鍾意但唔會飲好多，隔星期先至會同朋友見面飲吓嘢，最喜歡紅酒同日本清酒。日前萬聖節，松岡喺個人Instagram上分享自己化身貓女郎嘅相，佢話當時自己喺日本東京，仲透露呢段時間一路都喺東京，因為要宣傳剛喺日本發行嘅個人新歌《The Earth》，松岡表示係一首EDM跳舞歌，會有性感造型，希望遲啲有機會嚟香港同馬來西亞宣傳。另外，早前有份演出嘅一套中日合作電影，亦會喺月底上映。
(蘋果日報)