一向被人稱為「天然呆」的馬國明，在無綫劇集《降魔的》中可算是”做番齣好戲”，該劇也是近期獲網民讚多過彈的劇集！
日前播出的一集更引發「催淚彈」，小馬(馬國明)馬到力哥、力嫂(金剛、小儀)的麵店，發覺他們原來是怨靈，心事未了而未肯離開人世。當年麵店失火，力哥與力嫂送命，兒子保命成孤兒。小馬想法幫他們尋仍在世的兒子，竟然發覺力哥、力嫂是自己的親生父母。小馬看到火場的情況，目睹父母被燒死慘況。馬國明演這場戲淚水大爆發，似開水喉，網民大讚馬明演技要推他成視帝！
From:微博/痴心刺蝟
From:微博/痴心刺蝟
From:微博/痴心刺蝟
From:微博/痴心刺蝟
From:微博/痴心刺蝟
From:微博/痴心刺蝟
(Sina)
天氣真係低處未算低，日前天文台估計下周日(19日)及周一(20日)的氣溫會跌至17度，今天(14日)天文台再下調預測，估計下周日最低只得16度！冷鋒料會在周六(18日)抵達華南，由周六最高的26度，跌至下周日最低16度，大跌10度！下周日至下周四(23日)的最低氣溫維持在17至19度。
現時影響中國東南沿岸的東北季候風會在本周中期逐漸被一股偏東氣流取代，預料一道冷鋒會在周六抵達華南，隨後的強烈東北季候風會在周末及下周初為該區帶來顯著較涼的天氣。
據天文台最新九天天氣預報，明天(15日)至周五(17日)部分時間有陽光；周六起一連6日至下周四的最低氣溫跌穿20度，介乎16至19度，其中周六晚上有幾陣雨及顯著轉涼，會由最高的26度急降10度，至下周日(19日)的最低16度，而下周三(22日)為廿四節氣的小雪，當日氣溫會微升，介乎19至23度，部分時間有陽光，但小雪過後的下周四(23日)，氣溫稍跌，介乎17至21度。
(東方日報)
孫慧雪昨晚在社交平台發文，大呻由今年6月追收酬勞至11月，最終仍未收到，因此將雙方的Whatsapp留言公開。
6月時對方說一個月出一次數，會月底出票給阿雪，結果拖至8月又話有票會直接入去阿雪戶口，之後卻一拖再拖，講完就算…
阿雪忍不住在網上問大家意見。「想問：咁樣係唔係已經走咗我數？其實每次工作我都好盡力同好爽快地完成，然而每次追數都好似我要求人咁，有試過因為爭成年，我先開口問，都被人話我Chur住追數…但我真係做咗！自問都好有禮貌呀？點解要求出糧好似我做錯咁？呢單仲要大住肚來做，我覺得咁樣都走數，真係好無良，我好嬲呀！」 
不過嬲還嬲，阿雪之後講番開心事，透露囝囝Riley已經有20磅重，相當健康！
(明報即時娛樂)
百年修得同船渡，千年修得共枕眠。有傳一百年嘅緣份，先可以喺今世坐同一艘船，能夠共諧連理，走到白頭，相處都係學問嚟。
62歲導演張堅庭同楊受成大女楊諾思結婚廿幾年，人前恩愛，做兩公婆最重要係點維繫二人嘅感情，今日有周刊指日前張堅庭同楊諾思去一個教會嘅見證會，講起兩公婆相處麻麻，成日嘈交，張庭堅話當年同太太一齊，就係因為太坦白出事，佢同咗太太講自己以前有一個空姐女友，仲講埋對方喺邊間航空公司做，點知太太每次同佢坐呢間航空公司，就會問張堅庭會唔會見到前度，有冇見過前度之類，搞到好似去「鬼屋」咁，佢哋又成日嗌交，有時會掟嘢，撞正張堅庭事業走向低潮，佢就喺21樓企跳，咁最後都冇事，報道指張堅庭當時有驚恐症，最後喺2002年透過信仰，令自己改變。
(蘋果日報)
鄭希怡同囡囡梁子柔（梁浸浸）喺網上人氣高企，早前仲參加咗內地真人騷《不可思議的媽媽》，入面梁浸浸一舉手一頭觸，真係令到唔少網友大呼好可愛！
喺最新一集，身上得番五蚊人民幣嘅鄭希怡，要去打工賺錢等佢可以帶埋梁浸浸返屋企，鄭希怡去到一間賣童裝嘅鋪頭，一開頭老闆娘已經認得佢，仲話要求合照，點知喺呢個時候，佢竟然同老闆娘話叫佢畀一百蚊人民幣，當時老闆娘即刻嚇一跳，話影張相竟然要收費？
之後鄭希怡話因為啲錢畀工作人員沒收，所以得五蚊人民幣嘅佢要打工搵錢返屋企，老闆娘一聽到之後即時請佢，真係人間有愛！即時被錄用嘅鄭希怡，好快已經吸引到一對母子嚟買衫，佢仲用好熟練嘅手法sell到呢對母子買咗件外套，好快已經成功開單！
開完單之後，梁浸浸話要食糖糖，本身鄭希怡呃梁浸浸冇帶糖，點知梁浸浸唔放棄出擊摷鄭希怡個袋，喺呢個時候鄭希怡要求梁浸浸唱隻歌先可以食糖！
為咗粒糖，梁浸浸即刻唱番隻兒歌《拔蘿蔔》，唔少網友話聽到梁浸浸唱歌真係冧晒！食完糖就有氣力工作，鄭希怡叫梁浸浸幫手拉客叫人嚟買衫，點知一個人都冇，搞到場面十分冷清！
(on.cc 東網)
藝人胡諾言在沙田出席長跑活動，身為「Crazy Runner」成員的他，指好開心可以將跑步這個興趣變成工作一部分。他說：「因為要做訪問，所以只能跑2.5公里賽事。（冇難度？）志在參與啫！」
問到太太陳琪有否受他影響而愛上跑步？他即笑謂：「最遺憾真係感染唔到佢！但都好多謝佢照顧屋企，等我追夢，年尾都有好多有關運動嘅商演，都要多謝太太。」
他又笑指抱一歲的囝囝可以練到臂力。問會否除衫騷肌晒成果？他就指長跑運動會令身體變得偏纖幼的鋼條身形：「公司大把大隻仔啦！」
(東方日報)
「跳水皇后」郭晶晶與老公霍啟剛出席晚宴，提到日前結婚五周年，霍啟剛表示有食飯慶祝，晶晶直言對禮物滿意。
霍啟剛隨即說：「應該呢幾年都滿意啦，唔止禮物。（係咪覺得太太好好？）梗係啦！五年有兩個小朋友，好開心，小朋友都大個，時間過得好快。（會努力追多個？）順其自然，細嗰個仲細得六個月。」
問女兒霍中妍是否好識冧爺爺嫲嫲，晶晶說：「佢年紀仲細，我哋都覺得好得意好開心。」霍啟剛透露女兒並不是經常哭，是一件很好的事。
郭晶晶表示仔仔霍中曦很疼錫妹妹，霍啟剛又透露仔仔比較活躍喜歡做運動。
「佢鍾意踢波，同埋都趁佢4歲幾帶佢出去睇跳水、體操同龍舟等，要帶佢親身睇先知道咩事同感受，嗰時睇體操以為佢會瞓着覺，點知睇到9點都冇事。（有冇畀佢睇媽媽比賽？）冇，但可以嘅，依家網上咁方便。（捨得畀佢訓練？）未知，睇佢興趣，逼佢冇幸福。（會畀佢去外國足球學校訓練？）Send佢畀細佬Train，佢鍾意踢波，每星期都有踢，都有天分。」
（on.cc 東網）
韓劇《OH！必勝奉順英》女星秋瓷炫今年1月跟大陸男星于曉光結婚，上月秋瓷炫被爆懷孕兩個月。秋瓷炫日前拍攝節目時透露一開始唔知自己懷孕，反而係經理人察覺到，秋瓷炫表示：「我哋要感謝經理人。」
於噚日播出嘅節目《同床異夢2-你是我的命運》中，秋瓷炫回想自己剛剛懷孕時嘅情景：「只要稍微掂到皮膚都感到好痛，未有察覺係懷孕嘅症狀。我哋要感謝經理人，當時因為身體唔舒服，以為自己感冒，本打算食藥，但係經理人就預感有可能係懷孕，幸好最後冇食藥。」另外，節目又播出于曉光得知老婆懷孕後，趕回家見老婆時嘅場面，之後二人向父母宣佈陀B一事，同時公開超聲波照片。
(蘋果日報)
天氣轉涼，可有察覺肌膚變得乾燥、甚至出現泛紅、痕癢起來？千萬不要忽視這些變化，肌膚對溫度及濕度的轉變是相當傲感的，這時就要調整讓膚質，檢視護膚裝備，為肌膚補充養份，打好肌膚底子安然過冬。
平想敷面膜很可能都只針對保濕、美白、深層清潔，一片式的面膜每次只能滿足一個要求。但在轉季的時候，很可能雙頰很乾燥，而Ｔ字部位卻油脂分泌依然旺盛。此時利用霜狀或泥狀的面膜，就很便捷地能根據肌膚每日的不同需求作出混搭，達到針對性的理想修護。
轉季時份，膚質會因應溫度及濕度的轉變而變得不穩定，角質層的紊亂會大大減弱肌膚吸收力。在平日的護膚程序中，加入肌底液（用於爽膚水後、精華素前），可以充當導入的角色，軟化角質層，打開皮膚底層的細胞，令後續的護膚品更易滲透皮膚，其親水又親油的特性，可以把精華及面霜中的水分及油分瓦解，令養份更易被肌膚吸收。
轉季肌膚特別容易出現敏感症狀，無香料、成份天然、具紓緩效果的護膚品是轉季首選，甚至可以利用天然食材自製面膜，能降低對肌膚的刺激，減輕過敏問題出現。
(蘋果日報)
近日天氣開始轉涼，市民要及早接種疫苗迎戰流感爆發。港大醫學院內科學系臨床教授孔繁毅表示，鑑於今年夏季流感結束時間延遲，一般於12月至1月爆發的冬季流感或延至2月中、即農曆新年後才爆發。由於不少市民已在夏季感染流感，有一定抗體，相信冬季流感爆發力會相對減低，但呼籲市民不能掉以輕心，高危人士如長者及幼童要及早打流感針。
為應付即將到來的冬季流感季節，香港大學醫學院今天(13日)舉行「學生流感疫苗接種啟動禮」，130位醫科生及護理學生以身作則互相接種流感針，藉此鼓勵更多醫護人員及市民接種。醫學院會於本月20日起，一連2周為全院學生接種流感疫苗。
孔繁毅指，今年夏季流感病毒出現小抗原漂移，令到不少市民中招。雖然今年的四價流感疫苗的H3N2抗體未包此抗原漂移的H3N2病毒株，但參照數據，夏季感染抗原漂移病毒的個案有30%，另50%至60%個案仍是未漂移的H3N2病毒，相信疫苗仍有一定保護力，他亦相信今年冬季流感季節仍會流行H3N2病毒。
他又指，相信今年冬季流感季節會延後至農曆新年後，市民長假期外遊返港後是求診高峰期。他呼籲如新年期間返內地拜年的市民，勿到活禽市場，以免同時感染禽流感。他建議市民最遲要在聖誕節前接種流感疫苗，因疫苗抗體要2至3周製造。
另外，醫管局配合政府的防疫注射計劃，上月25日開始為合資格的人士注射季節性流感疫苗，並鼓勵護理同工齊齊打流感針，至今已為逾1.48萬名前線員工接種疫苗，較去年同期上升逾7%。
(東方日報)
