【簡單又溫馨】低調飛沖繩行禮

2017-10-29

大台藝人李天翔(原名李志偉)早前同拍拖六年嘅圈外女友譚寶怡(BoBo)喺香港簽紙註冊結婚，當日一切儀式從簡，仲講到明會再飛沖繩行禮，屋企人亦會一齊去，不過就唔會喺香港補擺喜酒。

而佢哋喺沖繩嘅婚照終於有得睇，佢哋貫切簡單、低調作風，李天翔一身淡紫色西裝，而太太就以白色喱士婚莎行禮。

(蘋果日報)

【張智霖買近億豪宅冇落老婆名】靚靚甜笑：唔會放過老公

2017-10-29

袁詠儀（靚靚）、廖啟智、劉偉強、馬榮成、宣萱等，今晚喺九龍塘浸會大學出席「第14屆全球華語大學生影視獎頒獎禮」。

靚靚被問到佢老公張智霖（Chilam）榮升業主，買入大坑區近億豪宅，佢直認：「係呀，今次係老公首次置業。」

問到點解老婆冇名？靚靚重申Chilam有問過佢意見：「老公有問過，係咪寫我名，但我就覺得佢o依家儲到錢，可以買樓係一個好嘅心態，佢作為一家之主好重要，我哋買樓自住，好多人叫佢投資，我覺得置業先好，當然用佢個名。」靚靚笑話嚟緊唔會放過老公，但搵到自己嘅心儀單位先再講。

提到層樓買入價9,180萬，咁係咪代表張氏夫婦豪到近億嘅先買呢？靚靚就話唔係只睇錢：「要睇鍾唔鍾意，我都有睇過億嘅，但冇心動，最重要睇環境，未必一定入去住，或者放租。如果自己長住要諗裝修，可能要諗幾年，o依家能力做到買嚟自住。」鍾意啲咩裝修？靚靚話鍾意啲簡單嘅，不過有咗小朋友，好難有型，靚靚笑話：「屋企充滿Lego、公仔、單車、滑板，冇型好耐，最重要有家嘅感覺。」

(蘋果日報)

【連蕭正楠都關事】洪永城細數翠如BB七宗罪

2017-10-29

相識超過十年的洪永城（Tony）與黃翠如，Friend過打Band似好姊妹更似好兄弟。

有一班網民覺得他們是天生一對的金童玉女，更有人寫下《每個男人心裏都有一個黃翠如》這篇流傳一時的網絡潮文，「歌頌」這段不能開花結果的感情。

這對最佳拍檔在旅遊節目中出雙入對，至今年初無綫播出的劇集《我瞞結婚了》中，終於飾演一對情侶令網民「圓夢」。

Tony與翠如私交甚篤，除非常清楚互相的優點，更十分了解對方的缺點。講起翠如的缺點，Tony即列舉她的「七宗罪」。

「佢最大罪係靚，最衰就係太靚，同埋太Pure，我估唔到佢咁多年之後都仲Keep到，佢同十幾年前比都係冇變過！例如智商！」

不過他之後都補飛大讚對方的純真能令身邊人處於舒適的狀態：「佢令身邊嘅人都好開心，只不過係佢有時太忙，思緒、諗嘢可以再好啲。」

之後Tony更笑住數翠如其他罪行：「我唔抵得佢男朋友（蕭正楠）唱歌好好聽！我唱歌就唔得喇，有試過嘅，但唔係好好。我希望可以喺音樂同跳舞上面發展。」

問會否憎她「有錢」，他笑說：「唔止憎咁簡單，嗰個層次好複雜！」他更笑住數她衰腳長，但筋骨硬及大鼻，認真搞笑！

（on.cc 東網）

【成日都發惡夢？】原來係因為…

2017-10-29

睡眠不足會影響身體健康，而睡太多也會產生問題。英國最近的一項研究就發現，睡比較多覺會做比較多惡夢，尤其是每晚睡超過9個小時，做惡夢的頻度會增加。

英國牛津大學的研究發現，擔心未來和睡太多覺，是引發惡夢的最大原因。相較於每晚睡6個小時，睡超過9個小時的人，會比較經常做惡夢。該校研究人員相信，睡比較久會使睡眠中的快速動眼期（rapid eye movement, REM）較長。REM是睡眠周期中的最後階段，人們在這個階段比較容易做夢。故睡得越久，做惡夢的機率也越高。

在這項研究中，研究人員訪問846名年齡介於18至77歲的受訪者。結果發現，45%的人在前兩個星期中做過至少一次惡夢。

研究人員探討受訪者做惡夢的頻度、睡眠時間、飲酒量、運動程度、擔憂之事、有無幻覺、有無妄想症、是否感覺人格喪失（因經歷創傷而引發的心理問題）等。

研究顯示，擔憂是引發惡夢的最大風險，其次是睡眠時間。擔憂引起的重複性念頭據信會成為惡夢的內容，而由惡夢引發的憂傷則會造成惡性循環。

此外，感覺人格喪失、幻覺或妄想症也與惡夢有關連。這是因為白天的負面情緒和焦慮會在惡夢中顯現。但飲酒和缺乏運動則與做惡夢無關。

這項研究成果略做調整，以反映人們的壓力水平差異和有無創傷經驗。

美國國家睡眠基金會（National Sleep Foundation）最新的調查指出，美國人每晚的平均睡眠時間為7個小時。

（大紀元）

【細細個就咁有音樂細胞】蘇永康囝囝食糊仔變玩敲擊

2017-10-29

蘇永康（阿公）囝囝蘇展弘（Jazz）臉珠圓圓，加上光頭仔造型，真係見到都想錫佢一啖！

Jazz依家已經7個月大啦，仲開始食糊仔啦～

呢日阿公就喺社交網上載一段Jazz食糊仔嘅短片，片中嘅Jazz一開始好叻豬咁自己拎住個匙羹大啖食。

但去到第二啖嘅時候，已經見到Jazz當個碗仔係樂器咁敲，仲愈敲愈起勁，不知幾有節奏感。

睇嚟遺傳咗爸爸嘅音樂細胞噃！

（on.cc 東網）

【非一般嘅恐龍】大肚官恩娜孖吸血鬼BéBé G出巡

2017-10-29

10月31日就係萬聖節，不過今年Halloween適逢係星期二，唔少大人、小朋友第二日都係返工返學，好多朋友都會選擇提早喺噚日星期六搞Halloween party狂歡，而Ella官恩娜仲帶埋囝囝BéBé G出席party o添！

早排宣佈再次懷孕嘅Ella陀住六個月大肚，自己冇特別打扮，只係黐咗長長嘅眼睫毛，仲着咗件有兩隻骷髏骨手捉住個南瓜嘅tee應節。

而囝囝BéBé G就真係精心打扮，Ella先喺ig post咗BéBé G扮恐龍嘅片，但呢隻係一隻識睇書，有文學修養嘅恐龍！

真係cute到爆～

之後BéBé G再以吸血鬼德造型現身，不過睇嚟BéBé G對「吸血」冇興趣，反而對糖糖興趣大啲咁噃！

(蘋果日報)

【結婚18週年加生日】姜皓文同老婆一次過慶祝！

2017-10-29

藝人姜皓文（黑仔）與太太殷寧同樣於10月底生日，加上今年是結婚18周年，於是決定開Party「搞大佢」，邀請了林建明、張啟樂、寶珮如、羅天池、Kawaii等數十名好友，浩浩蕩蕩一齊到馬來西亞檳城度假！一眾好友不停為兩夫婦送驚喜，安排了反串化妝舞會、自製黑仔專屬生日歌及舞蹈，令姜氏夫婦整個旅程又喊又笑。自言是鐵漢的黑仔，聽到張啟樂為他作曲填詞的生日曲後，即場感動落淚，氣氛又Warm又搞笑。

黑仔表示太太喜歡旅行，平日一有空檔都會跟太太出埠，這次更跟數十位老友一齊飛，他說：「我最少識咗佢哋10年，有啲仲識咗30年，全部都係喺演藝生涯上最支持我嘅好朋友，有咩喜慶事大家都會一齊慶祝，但咁大型連續幾日咁多活動，都係3、5年先搞一次。」

今年姜氏夫婦生日兼結婚18周年大日子，首先由機場跳舞掀起序幕，黑仔見到一班平日連運動都少的老友，竟然為他們事先秘密排練舞步作禮物，實在非常感動。

到達檳城後的派對主題是「反串」，殷寧笑說辛苦了一眾男生扮女人：「大家帶齊cosplay衫過去，又黐假睫毛又搽指甲油，我扮日本武士就好Easy。」黑仔表示自己扮日本藝妓，但假髮其實是美少女戰士。林建明則戴眼鏡穿西裝扮昆頓塔倫天奴電影中的黑幫，又有人以阿拉丁、裝修師傅、旗袍look上陣，大家玩得興起時甚至互咀。玩遊戲輸了的朋友要接受忌廉拍臉機大懲罰，不過寶珮如、Kawaii等人實在太瘋狂，自己直接用手塗忌廉上臉，結果黑仔中招玩到一面忌廉。

而整個旅程高潮是張啟樂與一眾好友，趁黑仔在餐廳切蛋糕時，齊聲唱出張啟樂作曲填詞的生日歌《萬壽友姜》，歌詞提到祝黑仔做影帝、拍更多好戲，更指跟姜皓文做朋友是福氣，結果令黑仔當場落淚：「我同朋友講自己唔會喊，點知最後都係感動到眼濕濕。」

與太太結婚18年依然恩愛，姜氏夫婦竟互口同聲說相處之道就是嗌交，姜太更笑指自己經常鬧黑仔：「相處咁長時間，唔同老婆嗌吓交好悶嘛！」雖然口是這樣講，但愛妻號黑仔其實已在檳城買了七位數物業送給老婆，回港又將會於新片飾演跨性別人士，希望如生日歌歌詞一樣日日拍好戲。

(on.cc東網)

【林憶蓮三度落淚】罕有公開答謝男友Jun：背後的男人

2017-10-29

林憶蓮一連四場紅館演唱會《造樂者II世界巡迴演唱會》昨晚首場開騷。

憶蓮台上罕有公開答謝拍拖多年的男友恭碩良（Jun），更以「背後兩位重要的男人」來形容Jun和音樂總監倫永亮（Anthony）。

憶蓮其間熱淚盈眶，滿懷感動。憶蓮憶起當時參加節目，Anthony陪她每個星期飛，幫她編曲永無怨言，憶蓮說：「我覺得好幸福有你這位音樂夥伴。」

當提到Jun時，全場觀眾報以掌聲，憶蓮形容Jun是非常充滿才華的人。

「每次拿到新編曲時，大多數只得一晚或者半晚時間入錄音室錄製，別以為我唱很多年歌就好容易，其實不是，要花時間去思考怎去演繹，謝謝Jun每晚都陪伴我，幫我度好多和音和Ad-lip，將最好的作品呈現大家眼前。」

憶蓮當晚多次感觸，當唱到《不必在乎我是誰》時，更第三度落淚，其間泣不成聲唱不下去，令人動容。

(明報即時娛樂)

【抱冬至現身】陳敏之追多個B：連瞓覺時間都冇

2017-10-29

藝人陳敏之投資的曲奇店開幕，敏之帶同10個月大的囝囝「雷冬至」現身。

敏之透露這是第六間店，預計農曆新年前會再開多一間，現正找舖位：「下年會再開多幾間。（生意好好？）OK啦，因為我哋嘅曲奇餅有祝福嘅意思，而且個包裝好colourful，畀人見到會好開心。（會唔會再做其他生意？）會，想開cafe、麵包店或者蛋糕店，想開多啲唔同嘢，畀大家試吓曲奇餅以外嘅嘢。（事事親力親為好忙？）好忙，不過我有好好嘅生意拍檔同得力助手，我要拍劇同湊仔，就交間鋪畀佢哋打理，大家分工合作。