有「台灣第一名模」之稱嘅林志玲同台灣型男言承旭世紀復合，兩人被影到喺馬來西亞一齊做gym，喺酒店密會40小時！仲有消息流出指林志玲會喺峇里低調舉行婚禮添！
林志玲工作室終於喺微博發文作出回應。
「謝謝大家的關心，希望能夠多留一點空間給藝人保留隱私，有好消息姐姐會選擇大方和大家分享喜悅。也希望媒體朋友們不要再去打擾姐姐的家人和其他朋友。」
「大家熱心的代替回應都不能代表姐姐的想法，工作室的發言才是姐姐官方回應哦！也謝謝所有替姐姐操心的朋友們。」
（on.cc 東網）
【有好消息會…】林志玲工作室終於作出官方回應！
【媽媽們點睇﹖】要求小五生去東莞 老師：缺席要賠錢
「老師講明一定要去，無回鄕證並唔係理由！」天水圍一間小學近日發出通告，要求小五生參加東莞一日團以跨境實地學習，讓學生有多元化學習機會，但通告列明拒絕出席要書面解釋合理理由，若當日因病不出席要照交出238港元團費。有家長擔心，數名教師要帶着眾多自理能力有限的小學生到內地交流，子女安全未必有足夠保障。校方則澄清，並無強制學生參加。
本月8日伊利沙伯中學舊生會小學分校向家長發出通告，安排5年級學生於明年1月參加東莞一日考察團，參觀林則徐紀念館、威遠炮台及海戰博物館等地方，以加深學生對中國近代史認識。通告列明，因旅行已獲資助，亦已找旅行社代辦，因此希望學生皆能一一出席。
通告列明，該團團費原價340元，扣除資助後學生只需繳交102元，但因238元資助只會提供給隨團出發的學生，如果學生最終因病缺席，需要向校方補回238元差價。有家長批評校方做法有欠公允，認為出席內地交流團與否，應如其他課外活動一樣可自由參加。
怯於內地常有拐帶學童的報道，有家長更擔心子女安危，向校方反映不欲子女前往。惟有指當家長向教師反映時，教師強硬必須學生參加：「真係好激氣！最激係老師話冇回鄉証唔係一個理由，要學生攞回鄉証，同埋要有特別理由先可以唔參加！」有家長直言：「咁多人去個交流團，老師睇得幾多？一陣我個仔畀人拐走咗，邊個賠個仔畀我？」
校方其後澄清指，東莞團是配合常識科中，有關毒品禍害、近代史及香港演變等課程，而制定相關行程。校方並無強制學生參加，學生可以自行決定是否參加，由於當天為正常上課日，學生若不參加需返回學校，校方會為他們安排相應的學習活動。
在通告發出同一日，東莞大朗鎮蔡邊村一名男子闖入一間士多，強行擄走一名正在收銀櫃台前執拾東西的7歲女童。整個過程只有短短45秒，被店內閉路電視拍下，並於網上流傳。當地警方事後證實事件，幸疑犯最終落網，被擄走女童亦安全獲救。
網民有話說
Kam Kwok Tung：應由家長決定是否參加一日團的活動，如課外活動一樣可自由參加。
Cindy Lee：為免同學校有太大衝突，我會錢照交，但到時請病假攞醫生病假證明書。其實學校老師帶隊上大陸，佢哋自己都好少上，如果上開大陸做嘢嘅谷友都清楚東莞係乜地方，簡直係龍蛇混雜，而且老師都未必處理到突發事，到時自己仔女有乜事，佢哋最多講句「對唔住」就以後所有責任都唔關佢哋事，但分分鐘有事就一世。
Ching Wai Mui：首先唔提政治，其實小朋友咁細個去大陸，仲要一班幾十人只有幾個老師帶隊，根本就無能力照顧。
Kent So：其實咁多人對大陸事件有爭議， 仲搞咁多乜乜大陸團考察團， 製造矛盾。
(東方日報)
【送夠兩個俾老公】林夏薇：小朋友係上天恩賜嘅禮物
藝人林夏薇（薇薇）、蕭正楠及黎燕珊現身電視城，出席無綫新劇《十二傳說》落造型暨拜神儀式，薇薇拍完這個劇，將會暫時休息，準備造人。提到這齣暫別作，她說：「又唔好講到我好似告別唔做咁，我只係休息吓，我拍劇往往會百分之二百嘅精神投入晒，所以想喺家庭生活上取番個平衡！（係咪一拍劇就同老公保持距離？）哈哈，又唔係，不過好多時拍劇，日夜顛倒，夾唔啱時間就真嘅，連見面嘅機會都少。」
薇薇被問到老公是否對此有微言？她說：「應該係話我自己慚愧就真，好多時朋友聚會，佢哋講啲媽媽話題，我都跟唔上，佢哋猛叫我快啲生啦，我見佢哋又真係好開心嘅！（要生一仔一女，送畀老公做禮物？）一仔一女最好啦，但都急唔嚟，因為小朋友係上天恩賜嘅禮物！」
(東方日報)
【每日都發生】陸永老婆放閃 惹來網民針對
陸永與太太Reina非常恩愛，不時喺社交網上放閃。
今日Reina喺社交網上載咗一張與老公陸永嘅合照，仲留言：「我今日同好多人影過相，你可唔可以同我影今日最後一張相？」
點知就有網友惡言相向兼夾雜粗口留言，但未知因由。
Reina則再開post表示得知有人作出奇怪留言，但自己不會計較，佢話：「最近每日都有奇怪嘅留言，每日都刪除嗰啲奇怪嘅留言…終於忍唔住要睇下佢到底何方神聖，oh！！！算吧啦，由佢啦！」
(on.cc 東網)
【譚小環望增肥】不幸中大幸：切咗右邊上下肺葉嘅一半
藝人譚小環出席電台活動，講到小環老公蔡強榮（Eric）早前在facebook透露患肺癌事件，令不少人擔心。
已回家休養
小環首度談到老公Eric病情，她坦言：「身體上嘅病其實已經好番晒，好彩佢有去定期檢查身體，發現嗰時係肺癌一期最初，兩個星期前已經做咗手術，唔使電療同化療，依家手術後好得七七八八，已經出咗院返咗屋企休養，咁自己都好安慰，好幸運遇上一個好醫生。（肺部要切除一部份？）喺右邊上下葉嘅一半。」小環稱老公已將唯一的壞習慣吸煙已戒掉，小環謂：「其實都想佢戒好耐，咁依家為健康更加要戒啦，佢屋企休養緊唔想佢太操勞，所有店嘅生意都有我頂住喇！」
冇計劃生小朋友
問到老公可有病徵？小環謂：「因為佢發燒、傷風同感冒，醫生朋友都叫佢不如穩陣啲去檢查吓，所以就照到出嚟，呢一個月我講得最多係五個字就係『不幸中大幸』講最多。」 當知道老公有病是否很擔心？小環謂：「係好擔心，尤其未知驗出嚟結果前，所以依家首要我都增肥，瘦咗8至10磅，大家都覺得要去多啲旅行，做野唔可以太緊張，要放鬆吓腳步，第一都係健康，第二先係搵錢。」問到之前可計劃生小朋友？小環表示：「就算老公冇呢個病之前，大家都決定唔會生小朋友，我哋已經有個三歲嘅囡囡就係隻貴婦狗仔。」小環稱老公患病後都好積極面對，將病情在fb分享，好正面對病情。
(蘋果日報)
【兩母女好似樣啊！】陳凱琳撇甩鄭嘉穎 日本享天倫樂
前港姐冠軍陳凱琳（Grace）近日趁不用開工，做孝順女與父母及胞弟到日本大阪、京都旅行。
她直言入行後都未試過家庭旅行，很開心可一享天倫樂，不過男友鄭嘉穎因工作未有同行。
Grace表示今次沒有跟團，到達當地仍未想好去哪處食飯，一於隨心而行。
她說：「好耐冇一家人旅行，今次係我哋自己Plan行程，好在細佬睇Google Map好叻，我哋喺心齋橋嗰邊住，晚上都未決定食咩，見到多人排隊食天婦羅就跟住排，都食得好滋味！第二日我同細佬去環球片場玩，父母就自己行街，夜晚再Join番。呢個Trip唔算好長，但好開心，好珍惜同家人一齊嘅時間，又回味番細個一齊嘅時光。」
同爸爸媽媽合照勁Warm呀！
Grace同媽咪好似樣！
(on.cc 東網)
【「小雪」就快到】真喺凍啦﹗一連5日氣溫將跌穿…
呢排都感覺到陣陣涼意，但仲未係好凍，不過周六(18日)會有一道冷鋒殺到，香港一連5日的最低氣溫將跌穿20度，適逢下周三(22日)便是廿四節氣小雪，代表天氣會愈來愈冷，北方更會開始下雪，大家記得多添衣，唔好凍親！
天文台表示，一道廣闊雲帶會在未來兩三日繼續覆蓋華南，而現時影響中國東南沿岸的東北季候風會在本周中期逐漸被一股偏東氣流取代，預料一道冷鋒會在周六抵達華南，隨後的強烈東北季候風會在周末及下周初帶來顯著較涼天氣。
據天文台最新九天天氣預報，明天(14日)及周三(15日)大致多雲，早上有一兩陣雨。周六一連5日至下周三的最低氣溫跌穿20度，其中周六晚上顯著轉涼，會由最高的25度急降8度，至周日(19日)及下周一(20日)的最低17度。至於下周三的小雪，氣溫會微升，介乎19至24度，並且部分時間有陽光，日間乾燥。
(東方日報)
【8歲咁大】墨西哥巨嬰重62磅
墨西哥10個月大男嬰岡薩雷斯（Luis Manuel Gonzales）體重達28公斤（約62磅），大幅超出同齡兒童平均體重20磅左右的範圍。岡薩雷斯現已需穿8歲小孩的衣服和使用成人尺寸的紙尿片。醫生尚未找出他變成巨嬰的確切原因，推測可能是基因問題導致，他或需終身注射荷爾蒙。
岡薩雷斯去年12月出生時重3.5公斤，體長52厘米。不過兩個月時，他的體重已急增至10公斤。岡薩雷斯24歲的媽媽潘托雅（Isabel Pantoja）說：「他開始不受控制地長大。他現在已經用中型成人紙尿片、穿8歲小孩的衣服，但他只有10個月大。」
潘托雅說，之前以為是她的奶水太有營養而導致岡薩雷斯過胖，後來經醫生檢查才得知岡薩雷斯可能患了名叫「普瑞德威利氏症候群」（Prader-Willi Syndrome）的罕見基因缺陷遺傳疾病。患有此症者容易過胖，出現血糖高和心臟方面問題，有猝死之虞。
醫生表示，岡薩雷斯可能需要注射荷爾蒙，一劑要555美元（約4330港元），這讓月薪只有200美元多一點的爸爸感到為難。岡薩雷斯的父母已於facebook上設專頁，為他籌募醫療費。
（明報）
【認愛一年】余文樂晒Sweet爆蛋糕 慶祝36歲生日
今日係余文樂36歲正日生日。
佢深夜時分喺社交網晒出3張相，相中物件分別係心形蛋糕、一盆朱古力豆同埋一碟煙肉蘑菇意粉，樂仔仲留言：「Thank you for everything 😊」
有眼利網友就發現除咗個心形蛋糕寫有「To 666 Happy Birthday」外，啲朱古力豆上仲分別寫有兩人英文名「Shawn」與「Sarah」、「Forever SS17」、「S」等字眼。
真係睇到人隔住個Mon都覺得Sweet！
唔少人都大讚王棠云Sarah賢慧，難怪樂仔會咁冧佢。
另外，又有網民發現Sarah早喺個幾禮拜前就已經喺社交網透露學整蛋糕，原來就係為男友生日！
(on.cc 東網)
【Michela越大越似媽咪】鍾麗淇為2歲囡囡開生日派對
鍾麗淇近年主力照顧兩個女兒，佢亦不時會喺社交網站同一班網友分享照顧愛女嘅點滴。
日前係細女Michela兩歲生日，作為廿四孝媽咪嘅Margaret就搵嚟一班好姐妹，好似湯盈盈、周家蔚同Ana R.幫Michela慶祝生日。
之後，佢仲喺社交網站上載生日會嘅相，並留言：「Happy Birthday Michela！Mama，Papa and Ga-Chay wish you so much love，health and happiness！！！」
相中可見，生日會現場以粉紅色做主題，並用咗字母造型嘅汽球拼湊出「Happy Birthday」字眼。
而身為壽星女嘅Michela就身穿粉紅色裙仔，嘟起嘴仔同媽咪一齊吹蠟燭，可愛指數爆燈！一班網民都話時間過得真係快，仲話Michela愈大愈似媽咪添！
（on.cc 東網）