日前因工作累倒，並連發高燒四日並需住在深切治療病房的台灣歌手潘瑋珀，一度被發出病危通知，並惹來各界擔心。
日前他到深圳演唱，不過他唱到一半，卻在舞台上拿起氧氣吸了幾下，嚇壞不少台下歌迷，事後他也發文要大家別擔心，直喊「我好的很」。
潘瑋柏日前到深圳復出演唱，中場時突然表示：「大家知道我前陣子稍微得了肺炎，容許我吸點氧氣。」便在台上抓起氧氣筒猛吸了兩口，讓台下粉絲既心疼又感動，不過他事後也在微博報平安，寫道：「昨晚來看深圳演出的朋友別擔心，我好的很。台上吸氧只是身體完全恢復的一個過程。我還是百分之兩百給你們。」有網民指做藝人真的不容易，分分鐘要搵命搏！
幼童需在兩個月大、四個月大及六個月大時，合共注射三劑「白喉、破傷風、無細胞型百日咳及滅活小兒麻痺混合疫苗」的基礎疫苗注射，然後在歲半、小一、小六時補種加強劑。不過，未夠兩個月大的BB未夠期打針前，有甚麼方法抗菌？美國疾病控制及預防中心及新加坡均建議婦女每次懷孕都要打一劑百日咳疫苗，預防新生嬰兒染百日咳，亦提及疫苗有副作用。香港衞生防護中心表示，暫未建議成人注射百日咳疫苗。
(資料：衛生署)
港府自一九五六年引入相關疫苗接種計劃後，百日咳個案由一九六五年逾三百宗，大幅減至每年平均數十宗。過去二十年沒有錄得因百日咳引致死亡個案。一二年至今(10月27日)錄得二百○九宗個案，大部分是本地個案，外地傳入有廿六宗，內地傳入有廿四宗。
衞生防護中心表示，根據多國的監察數據，近年部分國家如美國、加拿大、英國都出現百日咳個案上升趨勢。不過，防護中心認為有關趨勢成因暫未能完全掌握，有機會因不同國家的兒童免疫接種政策改變，亦可能與化驗室檢測方法改變，例如引入聚合酶鏈反應測試，令確診個案增加；亦有科學文獻指出，已發展地區包括香港廣泛使用的「無細胞型」百日咳疫苗，比「全細胞型」疫苗保護期短。
防護中心的疫苗專家暫未建議成人，包括孕婦及嬰幼兒家人接種百日咳疫苗。防護中心提醒，孕婦如欲接種百日咳疫苗提供個人保障，應先諮詢醫生按個別情況給予適當建議。
(東方日報)
受東北季候風影響，中國東南、華南沿岸周末起漸轉多雲及有雨，氣溫轉涼。天文台表示，香港下周二(14日)起一連三日氣溫降至最低20度，期間密雲及有幾陣雨，市民外出記得穿足夠衣服。
根據天文台九天天氣預報，明日(10日)及周六(11日)皆有陽光，日間氣溫尚算溫暖，介乎23至27、28度。至下周日(12日)起天氣會轉壞，大致多雲有幾陣雨，預料當日介乎22至24度；氣溫其後繼續轉涼，下周二至周四最低溫度為20度，預料多雲及有陣雨。天色會在下周五、周六(17至18日)好轉，預料大致多雲，日間短暫時間有陽光，氣溫回升至最高25度。
另外，美國聯合颱風警報中心最新氣象圖片顯示，一股在菲律賓中部的熱帶低氣壓，預料向西北偏西移動，下周日(12日)在香港西南偏南600公里左右掠過，移向海南島。香港天文台則指，一個低壓區在周末及下周初會橫過南海中部並加強，逐漸移向海南島一帶。
(東方日報)
現年31歲的韓國女星朴秀珍於2015年7月閃嫁現年45歲的韓流始祖裴勇俊，並於去年10月一索得男，榮升靚媽的朴秀珍在產後專注留在家中相夫湊仔，至今年8月底再度傳來喜訊，裴勇俊透過事務所確認妻子已懷有第二胎，不過就未有透露BB性別。
一向甚少出席公開活動的朴秀珍目前正專心安胎，不時透過社交網分享近況，而她上周亦有抽空出席好友申智秀的婚禮，而今日她容光煥發、心情靚爆現身首爾江南區的品牌活動，穿上藍色冷衫及杏色裙的朴秀珍腹部微隆，且邊行邊用手摸肚，流露一臉幸福的笑容，又向在場媒體微笑揮手，十分親民。
(東方日報)
蕭正楠與女友黃翠如近日在社交平台”日日新鮮”！
繼日前翠如BB在IG大晒泳照後，蕭公子不甘示弱，更與好兄弟曹永廉﹑黃浩然和黎耀祥，日前飛到泰國布吉拍攝節目《公公出埠》，4位「公公」寓工作於娛樂，又除衫騷肌享受日光浴，認真寫意，阿蕭今早在instagram上載「牀照」，並留言「左擁右抱」，那麼大膽？難道不怕女友黃翠如扭耳仔？
原來阿蕭與阿廉﹑祥仔和浩然合影搞笑「牀照」，有網民留言：「基情四射」﹑「大被同眠」等，十分搞鬼﹗
（明報）
47歲嘅鍾麗緹日前就俾咗一個驚喜老公張倫碩，就係化身做女僕，特登飛去長沙探班，着住女僕裝嘅鍾麗緹，敲老公酒店房度房門，開門嘅張倫碩當然萬分驚喜啦！
眾所周知，鍾麗緹去年係帶住同兩位前夫所生嘅三名女兒，嫁俾細佢12年嘅張倫碩，大女叫Yasmine Ross，次女嚴稚晴同幼女嚴稚棱，但最近鍾麗緹就將三個囡囡的姓氏全部改姓張，分別叫張敏鈞、張思捷及張凱琳。咁有大陸網民就調侃：張倫碩真的賺大了，估計張倫碩高興壞了吧。亦有網民話，鍾麗緹將三個囡囡全部改姓張，相信佢哋都已經接受咗呢個「新爸爸」。有網民就話，覺得張倫碩同鍾麗緹三個囡囡都相處得好好，佢仲曾經帶過二女同細女參加《爸爸去哪兒》，完全感受到佢好愛錫佢哋，同親生爸爸冇乜分別！無論點都好，幸福就好﹗
(蘋果日報)
現年29歲的梁洛施於2013年與坐擁340億身家的李澤楷分手，專心湊8歲大仔長治及一對7歲孖仔H&N。二人分開後，小小超已多次有新戀情，現與前港姐郭嘉文打得火熱，而Isabella就專心照顧三個仔，亦曾嘗試復出幕前，不過未算成功，感情生活亦低調神秘。
原來Isabella已有新感情，日前被雜誌影到她與一名年約40多歲的四眼男在圓方約會，當晚約9時，戴上口罩的Isabella與四眼男十指緊扣睇戲，散場後去到附近的露天西餐廳繼續二人世界撐枱腳。由於已晚上11時多，二人稍為鬆懈，Isabella更除下口罩，二人對坐全情糖黐豆，Isabella摸四眼男面頰，四眼男就右手進食，左手全程捉實Isabelle右手又錫又聞。
吃到凌晨一點，二人各自離去，臨別時，四眼男情深與戴着口罩的Isabella咀嘴goodbye kiss，顯然處於熱戀期。Isabella與小小超分開後，曾多次被影到與男士約會，亦傳過與初戀男友Adriano翻撻、與張艾嘉之子王令塵秘戀一年，但都未像今次與四眼男公然斷正拍拖。
從四眼男的外貌打扮來看，他穿恤衫西褲、戴上三十多萬的百達翡麗名表，應該都是有米之人，，似乎Isabella鍾情成熟男的口味未有改變。近月有指因超人李嘉誠旨令想三名孫仔在港定居，Isabella亦留港專心照顧囝囝，而她單身多年，小小超都不再過問她的感情事，不過Isabella與四眼男拍拖時都小心翼翼，避免人多的地方，及選擇晚上9時後才出動，公然拖手睇戲及撐枱腳，不過二人離開時，又再提高警覺性，Isabella未有司機接送，而戴得起幾十萬名表的新歡亦與她一樣，有默契地揀搭的士分開走，擺明不想被狗仔隊跟蹤。
對於新戀情斷正，Isabella昨日透過經理人回覆時未有否認：「私人嘢冇回應。」似乎是默認戀情，而小小超至截稿前未有回覆。至於Isabella的契爺黃秋生，昨日被問到可知契女拍拖、有否介紹四眼男友給他認識時，秋生透過短訊回覆：「冇喎，係咩？」對於契女被影到與新歡狂啜33次，他表示：「好吖，好正常啫，又唔係結婚。」
(蘋果日報)
電視台ViuTV熱播的真人實況娛樂節目深受觀眾追捧，全新製作的《超級奶爸》由家長及幼兒教育課程導師何基佑擔任主持，以真實個案呈現父母經常遇到的子女行為問題，拍攝各父母由面對頑皮孩子時束手無策，變成在「超級奶爸」幫助下，以不打不罵的方式，學懂運用正確管教方法的整個過程。節目中，何基佑碌盡人情卡，邀請圈中一班星級父母，包括楊思琦、蔣怡、林子聰、高皓正、歐倩怡及郭羨妮分享湊仔經。
歐倩怡怕各有一套
身為單親媽媽的楊思琦，節目中耐心地教小朋友摺飛機，談及管教問題，她說：「管教嘅關鍵好睇小朋友本身嘅性格，好似我個女咁，佢好好動，但試過因為唔識管理情緒，喺學校大吵大鬧，通常要等佢冷靜咗先，唔可以佢叫，我又一齊大叫，將個氣氛拉到好激烈，佢係唔會聽你。喺呢個時候，又唔可以責備佢，唔好用鬧嘅語氣，或者負面嘅字眼，要針對咗嗰件事先，了解咗再慢慢教。」
而歐倩怡覺得成屋大人，反而更難教小朋友，雖然有公公婆婆、爺爺嫲嫲幫手，但愈多人愈難搞，因為各人管教方式經常有分歧：「個個準則都唔同，搞到囝囝、囡囡無所適從，所以大人之間商量好係好重要。」歐倩怡指兒子年約9、10歲，開始踏入另一個較難管教的階段：「點樣話畀佢聽，一啲嘢唔適合佢呢個年紀做，或者應該去做？」她坦言兒子現在較愛黐爸爸，會模仿爸爸做男人的模式，即使向他說教，他亦未必會聽：「男仔6歲以下會親媽媽多啲，6歲以上開始搵人模仿，同輩嘅影響都好大， 所以要小心教導。」
林子聰提起囝囝喊出嚟！
至於林子聰在節目中跟囝囝玩啪啪紙，場面溫馨，他認為父母要以身作則：「樣樣嘢都要提住佢，因為佢哋一定冇記性，要Keep住提啲啱嘅嘢，好似禮貌咁，一定要潛移默化。」談到囝囝時，子聰一度哽咽，坦言曾經為囝囝喊過幾次，第一次是親眼在產房睇住他出世：「嗰種震撼真係未試過。」另一次則是平日愛說話和笑的囝囝患上咽喉炎，因而聲沙失聲，令他很心噏。問到對兒子的將來有何寄望？他說：「希望佢做個平凡人，愈平凡愈好，個人愈開心！
「超級奶爸」何基佑20分鐘搞掂「慢世魔王」
「超級奶爸」何基佑在節目中傳授育兒三大貼士，先後為七個家庭解決棘手育兒問題，他感嘆：「依家嘅『魔童』層出不窮，有啲食飯食幾粒鐘，有啲中手機毒，有啲甚至情緒失控， 成日打人，同兄弟姊妹唔啱咁，搞到父母頭都大埋！」他認為教小朋友切忌體罰，因為打鬧只會帶來反效果，以「唔使鬧，唔使打」為座右銘解決所有奇難雜症！面對小朋友情緒失控， 他建議父母設立「冷靜區」，叫小朋友望着漏斗一分鐘就可以解決問題。至於小朋友食飯坐唔定，次次食飯花上成粒鐘，他竟然同小朋友玩遊戲提供獎勵，最後20分鐘就食完一餐飯！
(東方日報)
藝人林盛斌（Bob）向來係愛妻號，仲不時為太太Pearl送上驚喜，今年母親節嘅時候，Bob就同三個女夾埋拍片兼送咗對波鞋畀Pearl！
呢日Bob又再「重施故技」，同三個囡囡夾埋送生日禮物畀老婆，睇片見到Bob做指揮，指使三個女由屋企玄關位跑入大廳，當時Pearl抱住囝囝林道申（Jaye），見到三個女衝埋嚟都表現冷靜，然後三個女拆禮物，原來Bob送咗部最新型號嘅智能手機畀老婆呀！不過Pearl收到禮物嘅時候都係好冷靜，係咁意「嘩」咗幾聲，搞到連Bob都話：「好似完全冇咩反應咁樣嘅！」雖然Pearl似乎對部電話冇乜大興趣，但佢就逐一錫錫做跑腿嘅囡囡！網民都為Bob嫂講說話，話佢要照顧四個小朋友好攰，所以反應比較慢啲啫！
(東方日報 / instagram)
「牛雜妹」李美琪（Monnie）日前喺ig表示被人問價，由50萬加至100萬都不為所動，仲以「我的人生和尊嚴也不止這個價」嚟拒絕對方，今日Monnie接受周刊訪問就話呢件事已經發生喺上個星期，仲話收到呢個訊息起初以為係畀人玩：「平時都有人話想識我，但今次係第一次收到有價錢嘅飯局，一開始以為畀人玩，因為聽朋友講就聽得多，估唔到會發生喺我身上，所以都問耐啲，睇吓佢係乜人，點知佢講得出咩集團咩人，所以我都認真咁拒絕。（佢仲有冇搵你？）前一兩日仲有搵我，無話再加錢，仲話叫我考慮吓，老闆好想識我，但我真係覺得好滋擾，因為佢之前係日日咁搵我，所以我都保留採取法律行動，亦都已經同公司講咗。」
講到Monnie以「我的人生和尊嚴也不止這個價」嚟拒絕對方，問到Monnie係咪當時好嬲？佢話：「我覺得係對女性好唔尊重同好大嘅侮辱。我有同嗰個人講，你可以叫你老闆以同等嘅價錢，安排正當工作畀我。」
而其經理人亦回覆周刊表示公司會保留法律行動：「公司知道呢個消息，Monnie係一個憑住努力想得到別人認同嘅女仔。佢唔係呢一類會出席飯局嘅人，對方由50萬升到200萬，就算升到幾高佢都唔會去，公司係會保留法律行動，因為對方有講明自己係咩公司咩人，我哋都借住呢件事去保護公司旗下藝人。」
(東方日報)
