任達華與太太琦琦出席品牌開幕活動。
他們表示剛一家三口遊泰國返港。任達華又指女兒任晴佳在泰國「紅」運當頭，被蚊了叮了47口。
「我哋去咗個私人沙灘，囡囡曬太陽，我唔記得咗同佢搽防蚊，所以吸引咗好多蚊，好心痛，佢對腳又長又靚，我每晚都有幫佢按摩同搽藥膏，佢痕到瞓唔到，當日琦琦出咗去，係我冇盡爸爸責任。」
問到琦琦有否怪責老公，她坦言：「冇，佢都好內疚，仲心痛過我。」琦琦稱很久沒有一家人去旅行，任達華為女兒拍了幾百張照片，當中不乏比堅尼照。
「囡囡同老公一樣鍾意健康膚色，又鍾意潛水。佢可能喺假期食得好、瞓得好，放完假又高咗。佢依家12歲，有170cm高，有模特兒身材，比例仲好過我，佢之前同爸爸度腳長，囡囡對腳已經長過爸爸。」
（on.cc 東網）
陳慧琳(Kelly)今晚出席中環IFC舉行嘅Valentino早春系列開幕酒會，一見記者就狂呻自己懶咗又肥咗，所以要狂做運動：「嚟緊要去日本拍MV，日本好凍，又要拍街景，外景嘅時候又要着大褸，要着4重衣服，所以要令自己瘦啲。自己好耐都冇出歌啦。」
兩個囝囝會唔會跟埋一齊去？Kelly話：「兩個小朋友要返學，同埋我自己唔得，做嘢嘅時候唔可以帶埋佢兩個去，我未同佢哋講，不過我今次走4至5日啫。」問出門嗰陣，兩個仔會唔會唔捨得攬住佢喊？Kelly話：「唔會啦，佢兩兄弟有得玩就得，唔會理我咁多。」嚟緊萬聖節，佢會扮番上年木乃伊造型，又預備咗啲糖果俾小朋友，不過佢話8歲大仔講明唔會再扮，Kelly笑言：「佢覺得再扮萬聖節嗰啲就好傻，o依家唔要得意，要cool，有陣時髮型都好有要求。」
以梵高為主題嘅體驗型藝術空間Van Gogh SENSES今日喺尖沙嘴1881開幕，香港一眾名人藝人現身支持，包括鄭明明、黎燕珊、羅霖、韓君婷、郭秀雲等等。黎燕珊曾斥羅霖同前夫劉坤銘離婚後，再同大陸嫩男傳緋聞，破壞亞姐形象，兩人一直有牙齒印，兩人今日齊齊合照，但鏡頭背後話不投機背對背。
羅霖日前舉家到蘇州出席飲宴，深夜突然收到二仔從美國傳來感性短訊話：「媽咪我好愛你，我知道你有幾重要，多謝你成日支持我。」羅霖同家人被呢通短信嚇到失眠，擔心阿仔遇到啲解決唔到嘅問題，當時致電阿仔又冇人聽，直至翌日清晨先搵到佢，原來阿仔係一時有感而發，令羅霖好感動流眼淚。
羅霖將於11月開拍網絡電影飾演模特兒公司老闆娘，呢個角色要主動親吻男對手，羅霖話：「現實同做戲嘅我都冇試過主動去錫人，返去真係要研究下。」另外亞視有望年底重開，羅霖話：「佢哋都有聯絡我，聽聞話開網站，有時間都會支持。」
亞視復活，黎燕珊話：「有聽過，好多舊同事返去做，人工比以前超出一半，我都好開心佢哋有新老闆，但我自己就過咗檔，賣咗身。」珊姐兒子第一年到英國讀書，首年喺外地過生日，當晚一家人有視像通話，珊姐話：「阿仔成日都希望我搵多啲工作賺多啲錢就冇咁多牽掛，真係應驗咗，嚟緊都要出埠唱歌，搵錢交學費，我所有儲蓄都係畀晒個仔。」
珊姐又話：「阿仔好希望第日可以做警察，現時就讀犯罪學，我做媽咪立場會幫佢約啲警界朋友，等佢哋可以飲下茶了解下 ，等啲前輩畀啲意見佢。」鄭明明受到女兒影響買畫收藏，約16年前買過一幅高達百幾萬美金畫收藏，現已升值不少，但不會變賣，只作珍藏。
(蘋果日報)
萬聖節將至，廿四孝媽咪楊思琦日前被發現帶五歲女兒楊卓穎（Krystal）現身主題公園。
一身萬聖節造型的Krystal與思琦全程拖到實。
思琦更不時為女兒整理妝容，並為她戴面具。
現場工作人員派糖果給小朋友，Krystal食糖後，思琦教她將糖紙放入垃圾桶。
二人沿路被不少巿民認出，思琦獲讚真人靚女兼保養得好，還指兩母女似足餅印！
（on.cc 東網）
前港姐冠軍張名雅半年多前誕下兒子Mario，現時她湊仔、拍劇兩邊忙。
成功收身至選港姐時的她，狀態甚Fit現時90多磅，上圍更升Cup！
日前，張名雅就為產後紮肚收身中心擔任代言人，更性感谷胸、露纖腰及玉背上陣拍攝了一輯代言照。
接受媒體訪問時，講到產後首次性感示人。她坦言：「都性感，但平時出活動都有着呢啲Tube dress，初時接呢個廣告時，都有諗使唔使着三點式，不過最後都唔駛。」
說到女人產後變化大，名雅坦言自己大肚時，只肥了十多磅，但因為產後荷爾蒙影響，以前的褲全都不合身。
名雅更表示：「原來生完荷爾蒙變化好大，因為生完啲骨係會軟咗，有啲媽咪會盤骨痛或者有媽媽手，我生完兩、三個星期就開始做紮肚療程同按摩去肚風，好快就收番個盤骨同肚腩。」
(on.cc 東網)
前港姐陳法蓉（Monica）近年減少幕前工作，多留時間陪伴家人，最近佢趁住秋季天氣較清涼兼生日，同81歲嘅爸爸到台灣旅行。
連日來Monica都有更新社交網站，邊旅遊邊同粉絲與眾同樂，適逢今日（28日）係Monica 51歲生日，前一晚已經喺微博上載多張同爸爸嘅旅行靚相，並有感而發表示好懷念細個同爸爸周圍去玩：
「廿七號～我的生日前席爸爸去哪兒？烏來、鶯歌及三峽～～～小時候爸爸帶我到處玩～～～爸爸已經81歲了～可以常常和他一起去旅行～我覺得很幸福～」
相中見到陳父雖然兩鬢斑白，但係精神狀態十分好，而Monica亦好有少女情懷，攬住爸爸合照，非常之溫馨。
(on.cc東網)
前晚城城就帶住老婆方媛(Moka)，同班波友一齊慶祝佢嘅52歲生日，真係So Sweet！
過咗一日，即係10月27日，原來都係一個大日子，佢就係熊黛林(Lynn)同郭可頌嘅結婚一周年紀念日子，Lynn就好開心咁喺ig上咗兩張相，同大家分享吓佢嘅喜悅。
其中一張相見到阿Lynn着住佢自家品牌「Devl」嘅運動服，同老公影相，見佢用一條運動跳繩牢牢咁綁住老公。
佢留言話：「就這樣把你牢牢地綁在我身邊，一周年快樂」，文尾仲貼咗個心型貼圖，另一張相就係close up佢哋拖到實一實嘅手。
真係睇住個mon都feel到佢哋有幾愛呀！
(蘋果日報)
郭富城52歲生日，他近日和大夥朋友出外食飯慶祝，而朋友圈貼相中，亦驚見絕少露面的郭富城老婆Moka。
相中Moka親密依偎住城城的膊頭，一臉幸福。
城城今年4月和少22歲Moka結婚，Moka上月初即誕下女兒，城城爆女兒出生時自己感動到喊，更為女兒改名Chant，「有希望的意思」。
Moka在生日飯期間，亦在廁所玩自拍，只見產後不足兩個月的她，穿上牛仔褸、迷你裙配短靴，大約已完全修身成功，果然年輕回復得快，不過她似乎未滿意，「猜我比之前胖了幾斤」。
(蘋果日報)
噗！你也曾在會議進行到一半或是在密閉空間裡突然放屁嗎？雖然當下很尷尬，但這是很自然的。紐約營養師Ilyse Schapiro表示，大多數的人每天平均會放屁13～21次，其中一個原因為某些易產氣食物會增加腸子中的壓力，致使氣體排出；此外，你排出的氣味還取決於你攝取的食物，像是豆類、高麗菜、雞蛋和肉類等可能使氣味變得更濃郁。
國外網站《Men’s Fitness》就列出9種容易「產氣」的食物，下次要出席重要場合前，要記得避開：
1.乳製品
像是牛奶、冰淇淋和奶酪等都含有乳糖，而本身因體內缺乏乳糖的「乳糖不耐症」患者，就沒辦法將其中的乳糖消化吸收，導致乳糖在大腸中被細菌分解而產生大量氣體，因此才會在吃完乳製品後感到肚脹狂放屁。
2.水果
像是青蘋果、葡萄、桃子、櫻桃和梅子等都「臭名昭彰」。這是因為它們含有山梨醇，攝取後會產生氣體。此外，水果含有纖維，當腸胃在消化時也可能產生氣體。但請記住，適量的攝取水果對身體還是有大大的益處喔！
3.蔬菜
像是豌豆、蘆筍、高麗菜等都含有高纖維，很有飽足感，但卻很難在消化系統中分解，導致氣體的聚積。
4.穀物
一小塊麵包、一碗義大利麵，或是用大小麥所製成的餅乾，可能是讓你產氣的元凶。這是因為當你的消化系統試圖分解這些碳水化合物時，就會產生氣體。
5.豆類
豆類的蛋白質與纖維較難消化，而食物的殘渣抵達大腸後會被腸內菌分解，進而產生大量的氣體。所以常放屁的人建議減少這類食物攝取。
6.堅果
堅果是健康脂肪與纖維的優質點心，但卻不太容易被系統消化，會將你的腸子變成一個天然氣工廠。特別要注意腰果，這是觸發你放屁的最大因素之一。
7.口香糖
當你在咀嚼口香糖或硬糖時，你會吞嚥更多的空氣，這會直接導致你腸胃脹氣。
8.醃漬加工品
任何醃漬、調味再加工的食物，像是果醬、果凍或沙拉醬等含糖量高，都是易產氣的食物。
9.碳酸飲料
另一種會讓你放屁的就是碳酸飲料，其中含有的糖漿與化學物質難以分解，且碳酸飲料本身就含有二氧化碳，這可能也是造成你容易放屁的起源。
(ETtoday)
「古惑佬」山雞陳小春，今日同浩南鄭伊健等人，喺台灣拍攝電影《黃金兄弟》。身為監製嘅曾志偉就話呢套戲係男人的浪漫，但呢場浪漫戲，就好事多磨，演員接二連三發生意外，志偉還擔心會影響小春嘅生育功能。
志偉話，之前喺匈牙利拍攝時，伊健就因為應付一場動作戲份而跌斷肩膀韌帶，至於小春就喺北京拍時，拉傷脊椎旁嘅肌肉，一度令志偉好擔心影響到小春嘅生育功能。
小春就話，意外發生時都瞞住老婆應采兒，直到要去醫院接受治療時先通知老婆，但當時老婆都只係回咗一句：「喔好！」
目前伊健同小春都已痊癒，亦沒有咩後遺症。
另外，「小春子」Jasper因拍攝大陸真人騷節目《爸爸去哪兒5》而爆紅，在場嘅台灣傳媒就問到，戲中會唔會搵佢客串一角？小春一聽到就話要問導演錢嘉樂，之後佢訧話其實當初俾小春子拍節目都只係當暑期活動，並冇詳細規劃過阿仔係咪加入娛樂圈。身旁嘅錢嘉樂就好抵死咁幫口話劇組根本請唔起小春子。
(蘋果日報)
