38歲嘅靚媽陳敏之喺去年12月誕下兒子雷子樂，囝囝未夠一歲，敏之為咗快啲回復fit爆身材，好勤力做運動。佢仲好慷慨，不時喺ig貼泳衣相，睇嚟敏之最鍾意嘅運動都係游水。
敏之今日又貼咗一張大半身嘅泳衣相，但唔知係咪因為正面、陰影，還是角度問題，見敏之個肚有少少微凸，即有網民問﹕「肚子稍微○點，是不是要恭喜漂亮媽媽吖？」、「你好像有喜了」。
敏之可能擔心大家誤會佢又有咗，立即回覆﹕「這是我的性感曱甴肚。」
其實敏之生完都未夠一年，腰型已經返晒嚟，除咗有少少「曱甴肚」，整體身型已經係好fit，難怪佢都唔介意不時派福利。
(蘋果日報)
電台節目主持梁泰來訪問五歲開始唱歌的一代玉女歌手露雲娜，她曾經在70至80年代的唱片銷量與許冠傑、鄧麗君睇齊，亦曾打入日本市場，但在80年代末，露雲娜因為愛情急流勇退，潛隱23年後，歌神陳奕迅（Eason）於2010年邀合唱《講男講女》一曲再令人氣急升，令香港年輕人再次認識這位一代歌后。近日，露雲娜與現任丈夫合作炮製的HI-FI靚聲碟《酒紅色的心》，回饋苦等多年的樂迷。
節目中，露雲娜表示在26歲時，為了感情放棄了樂壇，選擇做賢妻良母。她坦言婚姻初期非常開心，否則不會為前夫於1990年誕下兒子Bryan，當時兩夫妻曾計劃再生小孩，可惜意外流產，她發夢也想不到之後夫妻間竟發生問題：「最大打擊係我根本意識唔到發生問題，1995年離婚傷害太大！」當時露雲娜不知自己患上抑鬱症。
90磅暴肥至160磅
當時，露雲娜避見所有朋友，更不停吃甜的食物「療傷」，甚至每天喝四、五罐汽水，令體重由90磅暴肥至160磅，期間甚至想過輕生，她直認：「我真係有諗過（自殺），但當我想做嗰一刻，我（腦海）突然見到囝囝個樣，佢突然喺我腦海出現，我立即好嬲自己，即刻把所有壞嘅諗法丟掉！」
離婚後，露雲娜斷絕與朋友見面，甚至好姊妹周秀蘭亦沒有來往，遠離圈中人，原因是共同的朋友都會令她想起前夫：「離婚之後，我真係想收埋自己，唔想見任何人。」直到一天，露雲娜發現自己病情嚴重，決定主動求醫，服藥兩、三年得到痊愈，她坦言多謝facebook，令她與朋友重新聯繫，及遇上她的現任丈夫：「監製葉廣權因為facebook先搵到我同Eason合唱，亦因為facebook，令我同現任丈夫重新聯繫番，我真係要好多謝facebook！」
昨日喺藝人黃翠如36歲生日，身為廿四孝男朋友嘅蕭正楠，凌晨時分已經喺微博祝女友生日快樂，除咗上載翠如拎住朱古力班戟，個樣好開心之外，蕭正楠仲隔空冧爆女友，話翠如BB係佢天使之餘，仲話佢係「獨一無二」咁話！
而之前「踢爆」翠如BB同蕭正楠「婚事」嘅曹永廉，今次就好小心講嘢，喺微博話翠如BB想要咩都可以叫男朋友送，他留言：「翠如，生日快樂！永遠開心！要咩禮物叫男朋友送，唔使客氣！」
另外，壽星女翠如BB都有喺社交網站發長文留言，話雖然自己演出嘅劇集有好多唔好嘅聲音，不過佢更重視係自己投唔投入，她留言：「在我人生的第三十六個秋天，電視播著（着）自己有份演出的電視劇，一如既往，有批評的聲音，有鼓勵的聲音，好的壞的，我都重視，但我更重視，是自己在過程中有否盡全力和全程投入。想做一個好演員，對我來說是think big，但還是想擁抱著（着）。第三十六個秋天，還大膽的想說，翠如從來不是BB，由少到大的成長經歷，從來沒有「被BB化」的感受過，但感激憐愛我的人。第三十六個秋天，還想到什（甚）麼？想，給自己一個小空間，停停，想想。跟自己說，想用一點小時間尋找自己和尋回世界，這話很老土，但還是想要。第三十六個秋天，跟自己談了很多話，認真對自己坦白一點。」
(on.cc東網)
藝人李家鼎（鼎爺）現身盆菜晚宴，他表示過往很多年因要拍劇未能出席，今次定必要跟大家打招呼。
而鼎爺四日後就於郵輪舉行個人Talk Show，元旦更會帶團到華東舉行美食之旅。問是否很有旅行運，他說：「冇話咩旅唔旅行，大家開心吓。（到時會教煮嘢食？）未知呀！到時睇吓點安排。（孫仔會一齊去？）邊度得閒，都唔啱時間，依家唔係帶團去度假。（女友呢？）係師奶！佢都唔得閒，真係去就要去得舒舒服服。」
至於鼎爺將在11月1號生日，問女友有甚麼表示，他笑言：「到時先算啦！唔理咁多住。（想收驚喜？）幾十歲仲驚咩喜，唔通話我知有咗咩！到時驚奇添呀！」
(東方日報)
自詡為周慧敏（Vivian）頭號粉絲的馬浚偉在電台節目《偶然．馬浚偉》訪問中，一連五日訪問女神周慧敏。談到當年得悉Vivian結婚時，馬浚偉直言與一班中學同學都驚呼：「唔捨得呀！」馬浚偉還笑言：「當時滿地都係玻璃碎，係心碎晒。」身邊的男生全都「葡萄」。
問八年的婚姻生活如何？Vivian回答：「好開心啊！原來結婚喺咁正，大家都覺得好開心，會好珍惜一齊相處嘅時間。假如我知道佢（老公）今晚有空，我都盡量唔會約人。」對Vivian來說，浪漫的婚姻生活無需堆砌，有很多細微、自然的關愛就已經是最感動。
Vivian說：「早排最令我感動嘅係，老公送咗一個禱告盒畀我。因為我為人係比較緊張嘅，會好容易焦慮。嗰個禱告盒一打開，就會話你知『不用擔心，可以交給天父爸爸。然後把你擔心的東西寫在紙上，放進盒子裏作禱告。』呢個唔係咩名貴嘢，但我覺得好有心思，係我真係鍾意嘅。我好感動佢知道我嘅需要，我哋有共同信仰、價值觀。」
(東方日報)
最近剛誕下兒子成為媽媽的胡杏兒早前應紙尿片品牌邀請參與拍攝網上短片，向資深陪月員學習照顧初生BB知識，包括為BB換尿片和着衫。
胡杏兒笑說：「我真係未試過換尿片，今次係我人生嘅第一次，本來以為換尿片同着BB衫仔好容易，點知原來有咁多學問！換衫仔時我竟然調轉咗件BB衫。」
胡杏兒雖然已經請了陪月，又有老公同奶奶幫我手，不過，她自言要做一個稱職好媽媽，不會依賴別人，會認真學湊BB，由最基本嘅換片餵奶開始，並由知道自己懷孕開始已精心挑選適合自己及BB的用品。
(on.cc東網)
講得好﹗
藝人林盛斌（Bob）為投資分享會任司儀，透露屆時也會於台上分享投資心得，基於股票風險大甚少投資，近年主力投資房地產，不過面對近期樓價高企，故已轉向投資商廈，他謂：「呢方面發展空間大，幾個月前都買咗一間，有冇升值唔知，但收租回報率幾好，其實租金cover到供，再賺少少已ok，我唔係炒家，即使依家有埋幾個物業，都係想退休時有穩定收入啫！」
問到會否把物業轉贈四個仔女？阿Bob斬釘截鐵表示不會，但願意給予折頭出租給他們，更謂：「如果佢哋想買樓，盡量都會借，我又冇得好似朱明銳咁畀200萬個仔買樓，我要收息㗎！呢啲就係我成功之道，唔會有成功靠父蔭呢樣嘢，我想啲仔女有責任感。」
胡杏兒日前宣佈平安誕下囝囝Baby Lee，並改名做Brendan，家陣就要閉關坐月兼努力餵人奶，連日嚟好多親友都有去探杏兒同Brendan仔，相信應該好忙。
今日就輪到喺社交網站晒性感曱甴肚相嘅長腿索媽陳敏之，敏之今晚喺社交網站度，貼咗張同Brendan嘅合照，佢大讚Brendan靚仔，仲話想錫佢！
話晒仔女都係父母嘅「前世情人」，敏之咁明目張膽想咀Brendan仔，唔知問過佢個「前世情人」、即係囝囝雷子樂（雷冬至）未？
而Brendan媽咪杏兒又批咗未？
(蘋果日報)
37歲的樂基兒，經歷過和黎明的失敗婚姻後，今年8月底和拍拖2年、從事有機食物生意的男友Ian Chu在加洲結婚，只有50人左右的小型婚禮，身邊都是好友、至愛，Galie穿上以色列婚紗品牌Inbal Dror出嫁，一臉幸福在草地上和老公拖到實。
新婚兩個月，她指婚後生活一切如常，「感覺都係差不多，鐘意一個人，結咗婚，都唔會感覺有咩不同。」，她和老公Ian識了十幾年，由朋友變戀人，再變夫妻，兩人熟稔到，婚後都是直呼對方Galie、Ian，和老公閒時會一齊做瑜珈、煮飯。
至於幾時生？「我係open，暫時無任何plan。」她相信就算將來做大肚婆、媽咪，都會一樣是個時尚hip mom。2008年，她和黎明在美國賭城秘婚，次年才被踢爆。問到兩個婚禮，有何不同？「都好難答，因為第一次其實係無wedding，所以呢個係我第一個婚禮，係第一次著婚紗，你唔能夠真係比較到，It’s just different，無話邊樣好啲。」
向來率真的樂基兒，坦言當日結婚和今次結婚都一樣：因為愛！「當你愛一個人，你就會，做啦，唔會真係話，呢個係婚禮，我要咁咁，咁咁咁，而係為咗兩個人去記住，所以係兩件唔同的事。」有人婚姻失敗一次就患上恐懼症，有人再接再厲誓要再結，「我沒諗過咁快遇上另一個，但是有時，你無得計劃，我同我老公做了朋友十幾年，從來無試過拍拖，或者有興趣去dating對方，但who knows?」
(蘋果日報)
郭羨妮（Sonija）、黃淑儀、曾航生、呂熙同潘杰寧今日喺堅尼地城魯班先師廟，為港台劇集《獅子山下2017》拍攝，Sonija透露首次拍《獅子山下》，雖然只係拍兩日，但每日都要拍18、19個鐘。
劇情講述Sonija喺廟內求子，佢笑住話：「我一邊拍一邊求，不過呢啲要放鬆啲，刻意真係唔得，o依家我嘅心態係，冇都唔緊要，因為我已經有個女，出年個女升小學，o依家同佢報咗7、8間小學，不過未有消息。」會唔會讀國際學校？
Sonija表示暫時未諗，佢希望囡囡入讀傳統學校。對於10月1日係Sonija同老公朱少杰嘅結婚6周年，問到點慶祝？Sonija話：「老公返咗香港5日，我哋都係食飯、行街買嘢。」老公有冇送結婚周年禮物？Sonija笑笑口咁話：「有，但係唔啱我用，所以我拎去換款，或者叫佢折現，以前佢送咗部美容機畀我，我冇用，於是我拎去換家庭用品。」雖然同老公聚少離多，但感情如舊，佢話：「我啱啱去北京見到佢，都有啲拍拖感覺。」
(蘋果日報)
