【到底結定唔結】余香凝：男友送鑽戒但冇求婚…

2018-02-03

麥明詩同余香凝(Jennifer)今日擔任珠寶店活動開幕嘉賓，喺唔夠12度寒風下，Jennifer竟然表示完全唔凍，反而熱情如火，原因去年車禍後擔心會毁容，男友陳家樂送咗鑽戒畀佢，用意並非求婚，而係喻意佢要堅強，所以活動上戴咗好多鑽飾令自己好堅強。

唔夠12度寒風下，Jennifer竟然表示完全唔凍

麥明詩人生首件首飾係高中時媽咪所送耳環

日前同家樂加埋媽咪到泰國玩四日，佢話：「原本兩個人去，媽咪知道酒店好靚話又去，所以一齊，佢好鍾意家樂，兩個成日同一陣線。」

24歲嘅Jennifer同男友家樂有共識，到30歲後結婚

現時24歲嘅Jennifer同家樂有共識，到30歲後結婚，呢幾年繼續事業上拼搏，稍後同男友可能有機會合演情侶角色，佢笑指如果成事，嗰排開工以外不見男友。嚟緊情人節，佢哋依慣例拍拖食雞煲，唔想捱貴食情人節大餐。麥明詩人生首件首飾係高中時媽咪所送耳環，不過佢唔小心整唔見，最後靜靜買番，佢話：「高中後有機會接觸吓異性，開始打扮吓。」

活動完咗之後，麥明詩去咗中環食嘢。

返屋企拎嘢。

再返電視城。

當時都有男仔送手鏈，甚至織頸巾畀佢，之後佢提議男仔送耳環，因為較易配襯。另一方面，麥明詩喺活動完咗之後，佢揸車同助手去咗到歌賦街食米芝蓮級拉麵，離開時見到有警察抄牌，麥明詩即刻急急腳拎車走人，跟住同助手返咗屋企，大約過咗45分鐘左右，佢同助手先後拎住兩大袋嘢，再揸車返TVB。

(蘋果日報)

【非常震驚！】大晒恩愛突然宣佈離婚！

2018-02-03

現年34歲的日本歌姬中島美嘉，跟較她年輕3歲的排球選手丈夫清水邦廣，傳出已在昨日離婚的消息，叫不少粉絲大為震驚！

離異原因聚少離多

據指，兩人離異的原因是聚少離多，由於清水効力大阪的球隊，所以兩夫婦婚後定居當地，不過美嘉因為經常要到東京工作，每月只能見面3至4次，兩人互相考慮到對方的將來，遂作出分開的決定，並在昨日透過代理人幫忙到東京的區役所遞交離婚申請書，正式結束約3年零1個月的婚姻。

中島美嘉和丈夫清水邦廣

美嘉於2011年在朋友交紹下結識清水，由於當時她剛好因耳疾休養1年後復工，得到對方相當的支持，並發展成為情侶關係，兩人於2014年聖誕節拉埋天窗，因為身高相差32厘米而掀起話題。婚後，兩夫婦曾在電視節目公開首度碰面的過程，當時美嘉到球場睇排球比賽，並在後台跟清水見面，並化身小粉絲鼓起勇氣遞上寫有自己聯絡方法的紙，希望跟清水做朋友，而美嘉做人妻後不時到球場撐老公，又經常大晒恩愛。

佢哋嘅身高差成為一時話題。

當年佢哋不時在鏡頭前晒恩愛。

中島美嘉自爆主動遞上寫有自己聯絡方法嘅紙畀清水邦廣，希望同佢做朋友。

婚後中島美嘉甚至還會為了丈夫，料理以健康為主的食材，清水邦廣甚至多次在節目上表達對妻子的愛意，中島美嘉在婚後受訪時也常說「和老公非常恩愛」，沒想到最後仍不敵居少離多，還是結束婚姻。

雖然去年9月美嘉曾在節目大呻對丈夫看電影時的不滿，但11月的活動上則表現非常幸福，上月她在上海開騷時亦未見異樣，故有相關人士對離婚都表示驚訝。

(ON.CC)

【出賣囝囝】吳尊晒囝囝裸照同自己PK 阿囝第時會唔會…

2018-02-03

台灣男星吳尊自去年帶同囝囝（Max）﹑囡囡（Neinei）參加真人騷《爸爸去哪兒5》後人氣急升收獲不少粉絲，一舉一動都甚受網民關注。而身為爸爸的吳尊為了廣大的粉絲亦不時在社交網站分享子女的生活近況，就好似近日咁他出賣Max的裸照同自己細個樣比較，要網友揀鍾意邊一個多啲，十分搞笑。

吳尊同囝囝囡囡因為參加《爸爸去哪兒5》爆紅。（網上圖片）

吳尊呢個爸爸同子女相處就好似朋友，無時無刻都喜歡作弄他們，繼上一次出賣囝囝Max小便的照片之後，最近又出賣他的肉照，竟然在Max沖涼的時候偷拍他，當然有遮住重要部位，萌萌的表情超級可愛。為了同囝囝鬥人氣，吳尊亦不惜出賣自己細個祼照同Max來一場PK戰：「忍不住要分享這張照片，我因該是遺傳我爸很愛拍這種照片，你們選誰呢？Max or Me 。」

父子二人同樣靚仔。（網上圖片）

父子二人似足餅印咁一樣靚仔，不過講到揀邊個不少網友都揀Max，因為他絕對比爸爸可愛得多，重點是他仲單身喎認真搞笑「我選max」﹑「我選目前還單身的」…恭喜max啊！

(HK01)

【血庫告急】呼籲有心人捐血伸援手！

2018-02-02

近日天氣持續寒冷，捐血的市民人數未及預期。香港紅十字會輸血服務中心各類血型的血液存量仍然極度短缺，中心緊急呼籲市民立即前往捐血，以維持正常血液供應，為病人提供適切的臨床治療。

一般而言，每天要有大約1,100人捐血，才足以滿足全港的血液需求，香港紅十字會輸血服務中心於一月份曾分別作出兩次緊急呼籲，但每天前往捐血的人數仍然不理想，捐血人次已持續多時未能達到目標，血庫存量長期徘徊於警戒水平。

2月2日至2月4日銅鑼灣、荃灣和觀塘捐血站每天服務時間將會延長至晚上九時三十分。

鑑於寒冷天氣會持續一段時間，中心預料捐血人數會繼續下降，中心呼籲有心人立即伸出援手前來捐血，並特別希望已計劃於新年長假期外遊的人士，在出發前捐血。目前血庫情況已經達至刻不容緩的階段。

為方便市民前往捐血，由二月二日至二月四日(星期日)，中心轄下的銅鑼灣、荃灣和觀塘捐血站每天服務時間將會延長至晚上九時三十分，開放時間詳情如下︰

銅鑼灣捐血站

~ 地址: 銅鑼灣羅素街2-4號2000年廣場14樓

~ 開放時間:上午十一時至晚上九時三十分

荃灣捐血站

~ 地址:荃灣大河道8號

~ 開放時間:上午十一時至晚上九時三十分

觀塘捐血站

~ 地址: 觀塘道創紀之城5期23樓2301室及2316室

~ 開放時間:上午十一時至晚上九時三十分

（醫院管理局）

【天氣太凍點起身？】試下呢七招！

2018-02-02

低溫下躲在暖暖的被窩裡真的超享受，卻也讓身為上班族的我們早起時痛苦不已，每天都在跟意志力作戰，老是這樣也不是辦法，不如試試下列7個醒腦小妙招，讓你天天都能舒舒服服地起床，再也不用痛苦地喊著不想上班啦！

1 起床後立即淋浴
起床後洗個早會讓精神更好，主要是透過水溫加強血液循環，建議可以用薄荷這種活潑香味的沐浴乳，洗澡會更有精神，或是在床邊放薄荷和檸檬香味的精油噴霧器，設定起床前10分鐘開啟，就能以輕鬆、不痛苦的方式將你喚醒。

2 前一晚記下代辦事項放在床邊
睡前一一記下隔天的代辦事項，將腦袋全部清空，身體自然就能放鬆睡覺，睡眠品質會更好，早上起床就不會慌亂，甚至還會提醒你「該起床囉！還有好多事還沒完成呢！」有了目標就會讓你更有毅力去對抗瞌睡蟲。

3 睡前先打開窗簾
人本來就是「日出而作，日落而息」的順陽體質，體內會藉由分泌褪黑激素維持晝夜規律，當身體接觸到陽光後，安眠的褪黑激素濃度就會降低，自然就會漸漸甦醒，所以在睡前打開窗簾，就像是每天請太陽叫你起床呢！

4 起床用濕毛巾擦臉
睡前先放一條濕毛巾在床櫃上，起床的時候先用它稍微擦一下臉，微涼的感覺會瞬間激活大腦，昏昏欲睡的感覺都會不見，記得到浴室還要再洗臉一次，免得把髒汙留在臉上唷！

5 不要養成每天多睡五分鐘的習慣
早上鬧鐘每隔五分鐘設一個，讓自己有賴床的空間嗎？或許你會很享受賴床，但是會養成每天用一百種理由說服自己多睡一點，起床卻仍是疲憊的狀態，訓練自己最好的方式是，聽到鬧鐘立即離開床鋪刷牙，久了身體就會養成反射動作，完全不需要靠意志力幫忙。

6 起床先喝一杯水
根據德國一項研究發現，早起喝杯水，有助於激活一天的新陳代謝，沖洗身體內部系統，幫你保持清醒，每天晚上睡前在床頭櫃放一杯水，起床後慢慢喝完，不僅能補充身體缺乏的水分，還能促使你離開床鋪去廁所小便。

7 躺著伸展一下身體
意識有點清醒，但就是冷到想賴在被單裡嗎？那就躺在床上做做伸展操吧！把手和腳緩緩伸出棉被外，輕輕伸展，就像是伸懶腰一樣，這些簡單的小動作可以刺激腦部，趕跑瞌睡蟲唷。

(自由時報)

【佗B四個幾月】葉翠翠：照食快餐同煎炸嘢

2018-02-02

元旦宣佈再度懷孕嘅葉翠翠，今日喺灣仔出席營養食品活動，雖然佢已經懷孕4個幾月，但佢依然着4吋高嘅高踭鞋、春季露膊裙，影完相後急急披番件外套。

翠翠喺台上透露懷孕頭3個月，佢照食快餐同煎炸嘢，之後開始小心飲食，食一啲長胎唔長肉嘅食物，同埋盡量走油。佢又指今胎陀得比上胎辛苦，因為始終要照顧大仔津羲，不過心情冇第一胎咁緊張。

受訪時，講到對4吋高踭鞋，怕唔怕老公周曉東唔准？翠翠話：「佢車我嚟，冇所謂，都係一陣。」佢透露6月係預產期，已經訂定醫院床位，又會擇日開刀，佢仲話：「重咗7、8磅，開頭好辛苦，成日攤喺度，近排好啲，同埋成日發惡夢，老公番工前會錫我，點知我發夢見到有蟲跌落我度，我就一搥打到我老公度。」

有冇照呢胎係仔定女？翠翠話：「唔想知住，冇所謂啦，但老公就想係仔，因為可以同佢玩，生女就危險啲，0依家啲女仔12、13歲就話拍拖，仔就話可以話佢，感覺冇咁蝕底，但如果生女，就要日日接佢放學。」老公有咩奬勵？佢笑住話：「冇呀，平時節日都冇，只係寫張卡畀我，仲要張張都一樣。」

咁即係老公太專一，佢笑指：「吓！冇計，以前追我都係送太陽花、龍鬚糖，就算送鍊我又唔鍾意。」老公咁冇情趣怕唔怕佢嬲？翠翠話：「佢都慣，佢個人冇乜所謂，我都係講事實，只要唔係屈佢就得，我啱啱懷孕，好想食粥，佢番工前買畀我食，但我以為佢冇買，同朋友篤佢背脊，雖然佢聽到，但都冇嘢。」津羲知唔知自己做哥哥？佢話：「佢應該唔識。」

（蘋果日報）

【有龍鳳胎基因】陳凱琳：我盡生！

2018-02-02

陳凱琳（Grace）昨晚出席「仁濟慈善雙周2017頒獎禮」，Grace表示一得閒，便和媽咪當義工派飯給有需要人士。她昨晚上台表演唱2首歌《我的驕傲》和《終身美麗》。

提到男友鄭嘉穎多年來，助養最少10個小朋友，被笑指是多仔公。Grace解釋男友一直喜歡小朋友，如果將來結婚，Grace笑言會「盡生」。她說：「我家有3姊弟，大家姐之後，我和弟就是龍鳳胎，所以我有生孖胎基因，如果將來我都可以一次過生龍鳳胎，一胎搞掂就好，因為人多家庭都會特別熱鬧開心。」

陳凱琳話自己有龍鳳胎基因。

陳凱琳

（明報 / ON.CC）

【郭晉安簽完】下個到陳豪！？

2018-02-02

無綫劇《誇世代》喺之前舉行嘅台慶頒獎禮奪得「最佳劇集」，噚晚一班演員歐陽震華(Bobby)、陳豪、邵美琪、江美儀、麥明詩約埋去尖沙嘴慶功，連被大台封殺嘅張繼聰都有出席。

郭晉安同無綫嘅合作方式改變咗，轉簽部頭合約，仲改簽王祖藍做經理人，與此同時，亦有指陳豪快將約滿大台，盛傳佢會離巢返大陸拍劇賺人仔，陳豪就解釋自己同大台嘅合約仲有一段時間，但佢就補充話都差不多時間要傾約，仲話續約最緊要開心。陳豪話拍咗咁多年劇，都想有唔同發展，拍吓合拍劇或者大陸劇咁，但佢重申並非想離開無綫。

此外，Bobby同邵美琪都未有出席頒獎禮，Bobby就話自己頒獎禮當晚正喺大陸做舞台劇，當時知道都好開心。講到舞台劇對手萬綺雯爆佢想操馬甲線，Bobby就話因為同劇嘅Otto(陳志健)，身形勁弗，之前陳豪同張繼聰都有叫佢一齊操，但Bobby就話自己鍾意食嘢，今次見到Otto唔駛戒口，佢笑話：「我o依家有條鯨魚線，希望可以操到有人魚線，但要等到過完新年先開始。」

最近深夜大台重播邵美琪主演嘅劇集《我本善良》，邵美琪就話套劇係28年前嘅作品，令佢想番當時去英國拍外景嘅片段，仲話自己亦有微信搵溫兆倫，亦有fans去英國時專程搵佢哋嘅拍攝場景㖭！

(蘋果日報)

【終於係時候啦】袁文傑直播求婚！？

2018-02-02

袁文傑早前與女友張潔蓮出席活動時已表示希望今年內結婚，前晚他於中環大會堂拍攝無綫新節目，並於流動展覽車上獻唱，丁子朗則透過big big channel直播，期間張潔蓮到場，有工作人員要求與田蕊妮合照，請張潔蓮揸機。

此時袁文傑趁女友不為意，突然唱出歌曲《追》，之後又手持鮮花送給驚喜不已的女友，即惹來求婚疑雲，二人相擁一刻，直播結束。

事後袁文傑受訪時否認求婚，表示只是拍節目，但問到求婚進程？他認籌備中：「鋪排緊，一定有啲基本嘢。」

(on.cc東網)

【嚇親家姐莊思敏】細妹有靈異體質媽咪下令…

2018-02-02

藝人莊思敏（Jacquelin）與妹妹莊思明（Lisa）今日到電台宣傳賀歲電影。Jacquelin說電影是另類真人騷：「我哋喺戲入面做番自己，跟住李居明師傅去咗日本，好似旅行咁，但係就去啲古靈精怪嘅地方，例如一啲廟呀或者啲有傳說嘅地方，試過師傅叫我哋做啲嘢去打開靈界之門，但我哋太驚就冇做到，背叛咗師傅。」

兩人今次就去咗日本拍嘢，去咗啲古靈精怪嘅地方！

講到新年，佢哋就話會返馬來西亞！

莊思明話男友楊明唔會同行，但年三十會喺香港見面！

去閻羅王廟

Lisa又憶述道：「試過最得人驚係有次要去閻羅王廟，原來日本人係會拜閻羅王，我都嚇一跳。」Jacquelin在旁附和道：「係呀，我一聽到要去呢個地方嘅時候已經覺得有啲不安，直情同佢哋講我唔想去，結果妹妹入到去都覺得好唔舒服，成塊面青晒。」

佢話喺啲陰啲嘅地方好似醫院，就會見到！

見到有嘢行入家姐房

兩姊妹又分享原來Lisa自細已經有靈異體質：「我細個嘅時候係成日都見到，後來真係見得太密，要媽咪帶我返馬來西亞封咗隻眼！（有陰陽眼？）類似，但係又唔係話隨時出街都會見到，只係如果喺特定地方，例如醫院、搞喪事，喺啲特別陰嘅地方就會。（細個有冇試過嚇親家姐？）有一次試過見到有個行咗入家姐間房，但我冇出聲，事後先同佢講。」Jacquelin笑說：「係囉，你嗰陣又唔話我知！」Lisa應道：「我即刻話畀你知你咪仲驚，實唔使瞓覺喇！」

有次試過見到有嘢行咗入家姐莊思敏間房，但冇出聲！

家姐莊思敏

唔當樓係禮物

兩姊妹表示新年將會回馬來西亞度歲，Lisa說男友楊明不會同行：「得幾日假，佢都要陪佢自己屋企人啦！（生日冇得見面？）年三十會喺香港見面。」問家姐Jacquelin準備了禮物給妹妹？她即笑問Lisa：「係囉，你想要咩呀？」問之前Jacquelin買給妹妹的西營盤六百萬單位是否已經是禮物，Lisa卻笑住擰頭說：「層樓仲未賣出去，一日未賣到我都唔當係禮物㗎。」

楊明莊思明的圖片搜尋結果莊思明男友楊明

相關圖片

早前獲得TVB飛躍進步獎

（ON.CC）