「活得是否快樂幸福，取決於心態，而不是虛榮和不必要的佔有。」
以上呢句說話，係嚟自陳自瑤（YoYo）嘅正能量分享。近月YoYo同老公王浩信有唔少新聞，話題都係圍繞佢哋感情生活，直至今個月初，兩公婆孖住出席活動一次過澄清，王浩信將責任攬晒上身，承認冷落老婆，令YoYo要一腳踢湊女、搵學校等等。
生活，無時無刻都要面對好多波折，好彩YoYo樂觀正面，佢今日喺Ig就分享咗一個快樂嘅方法，開post話：「yoyo正能量分享，活得是否快樂幸福，取決於心態，而不是虛榮和不必要的佔有。花開，不是為了花落，而是為了綻放；生命，不是為了抱怨，而是為了成長。無論何時，莫忘初衷！不是為了那些風景，而是為了遇見自己！」
(蘋果日報)
#洪朝豐：人總有一死，我已經贏咗好多嘅愛。。。
57歲患有抑鬱狂躁症多年嘅前DJ洪朝豐，早前確診患上脷癌。
洪朝豐同仙樂都今日出席《情謎梵高》嘅首映，問到佢嘅病情點，佢就話：「按西醫安排呢，一個星期就要做手術，但我睇緊中醫，食咗藥就冇咁痛，聽日就去南京三個星期，接受一個中醫團隊醫病，到時會有4個中醫。」
不過今次去三個星期，洪朝豐就會錯過咗西醫建議嘅最佳做手術時間，但佢就話冇所謂：「因為任何一個醫學決定都係一個賭博，我都願賭服輸嘅，我都帶住樂觀嘅諗法。如果切除嘅話，會切三成至一半，如果舌頭下面有癌細胞，就要切開個下巴去做，手術嘅殺傷性都好大，我覺得中醫溫和啲。」洪朝豐話自己有一個唔怕死嘅性格，佢話：「人總有一死，我已經贏咗好多嘅愛，我會笑住死，都輸得起。」仲指冇乜後事，只係講咗間屋會畀個仔。講到醫藥費嘅問題，洪朝豐就話自己有積蓄，佢話：「都係有限，朋友都有同我講唔使擔心，有需要會資助我。我問過朋友，都係一千蚊人民幣一日。」
(蘋果日報)
細細個就已經係靚女。。。
藝人謝芷倫（Jan）以「粗眉」Look上陣，為無綫處境劇《愛‧回家之開心速遞》拍攝分手戲，她說：「今次為咗戲劇效果，我兩條眉都喺化妝上做咗手腳，交代我失戀後大受打擊，個樣都冇執得咁四正，我唔介意扮醜八怪，效果再誇啲，甚至要我以特技妝示人，我都OK架！只要係幫到個演出，我都唔介意被醜化！」
Jan自爆小時候已是「粗眉女子」，她說：「其實我由細到大都算係比較粗眉，細個嗰陣我仲係有啲連心眉，即係兩眉之間，印堂位置有啲稀疏嘅眉毛，
有人話有呢種眉嘅人，比較心胸狹窄，做事鍾意鑽牛角尖，所以我細個成日被人話笑我係小器鬼，我就覺得自己細個只係膽小怕事啫！試過坐校車被人恰都冇出聲，直到返到屋企，媽咪見到我個鼻紅晒，問起先知我畀人搣鼻欺凌！」
(on.cc東網)
#發嫂：加埋我又整咗個BB房，返嚟日日睇到都 (想喊) 都有眼淚。。。
1991年，發嫂陳薈蓮懷孕九個月，最後胎死腹中。曾笑言想生四個小朋友的發哥，夫婦倆至今膝下猶虛。
七年，發嫂用了七年時間，才能平撫喪女之痛。但她說，之後沒再刻意「造人」，與陰影無關，只是經歷了那件事情之後，發哥一直忙忙忙忙，她淡然謂：「周潤發嗰刻忙到咁緊要呢，忙到一部接一部接落去，諗都冇得機會去諗，講係一個陰影，冇㗎。」雖然無子嗣，但發哥和發媽從沒給發嫂壓力，只是撫平傷口的過程漫長。要七年。「但我好感謝係個過程，好多人好愛錫我啦，寫信俾我，係好感謝……但係個經歷呢，我唔知點解嗰刻我冇喊……好……」說不下去。
「早嗰日，去到一間診所，有個姑娘，大概36歲，佢問我，『你個女點呀？』」發嫂苦笑，用紙巾抹眼角，「我話，『我個女死咗喇！』」數數手指，那位診所姑娘91年大概10歲，不知者不罪；至於點解知道發嫂曾懷有女兒，不得而知，可是發嫂卻能如此坦然，令人佩服。「係，因為呢個係現實嘛，過去就過去啦。冇所謂，因為我覺得，呢個愛，我俾唔到呢個我應該有嘅女，（哽咽）但我可以散出去俾第二啲人，係咪？冇分別㗎！係咪呀？冇分別㗎……」
最難堪不是多年後還被人問「你個女點呀？」，而是當時事發之後，如何應付外間壓力。發嫂深深吸了一口氣，「因為嗰刻呢，好多記者一路喺我哋屋企；同埋去到邊度，個個人都會問，發哥就即刻帶我走，冇坐月就即刻帶我離開香港。」「問題就係，度假返嚟，呢個唔可以去erase咗去，呢個係事實，加埋我又整咗個BB房，返嚟日日睇到都 (想喊) 都有眼淚，因為真係好渴望有呢個女。」「但呢個係個不幸嘅事，所以我要去接受。」
餘下兩條問題：
「有冇諗過去收養小朋友？」
「唔需要㗎，唔需要收養。頭先我話齋，我有呢個愛，我可以俾好多人。總言之你有呢個心，就得㗎喇。」發嫂說。「有人影過有個後生仔同你哋一齊，有傳聞話呢個係養子……」
「澄清呢單嘢先，嗰個係我個妹嘅仔嚟㗎。」發嫂說，她是很多人的「契媽」，包括crew的仔女，都會嗌佢「契媽」：「佢哋對我好close，好易當係一個family member。有啲會叫我『契媽』，冇所謂嘅，你明唔明呀？佢哋開心、點樣去稱呼你，冇所謂㗎！又如何呢？因為佢哋當咗我係一個family member！」
(蘋果日報)
龔慈恩嘅囡囡林愷鈴，近年周不時出席公開活動，成為好觸目嘅星二代，但好多人會遺忘咗林愷鈴嘅爸爸，都係從事演藝工作，林愷鈴嘅爸爸就係台灣藝人林煒。
林煒日前接受台灣《蘋果》專訪，提到佢嘅「萬能老婆」龔慈恩。54歲嘅龔慈恩係八十年代大台花旦姐仔之一，佢老公林煒，今年48歲，係台灣90年代花系列劇集嘅萬人迷小生，呢段異地戀始於1991年，佢哋合作拍攝台灣同大陸合作嘅金庸武俠劇《雪山飛狐》而定情，佢叫老婆做「龔仔」，99年佢哋喺加拿大結婚。
林煒話，無論結婚同生仔嘅日子，都係老婆決定，家事從來都唔使佢操心，因為佢有一個萬能老婆。佢話：「龔仔就連在大陸拍戲，也是用微信的視訊遙控，這個家她1年365天都沒有離開過。」專訪提到佢哋結婚18年，回望過去，林煒話：「沒有甚麼不是她安排的」，佢仲用「她的腦袋裡有雙引擎」來形容呢個睿智老婆。林煒表示，佢哋由交往至結婚，好多時間都會分隔兩地，佢留喺台灣拍戲，而龔仔就喺香港，但龔仔好識製造驚喜，佢會突如其來咁飛去台灣搵佢。
笑問有冇俾老婆捉到過啲咩？林煒話：「我蠻喜歡待在家裡，拍完戲不管怎樣，回到家才會鬆口氣。那時她經常這樣，我不會生氣啊，很開心啊她來看我，只是現在回想起來有點緊張，哈哈哈！」「其實要掌握一個人的行蹤，龔仔有很多技巧，主要就是把行程排滿，一天就被控制完了，想做壞事也沒時間，我也是被綁架的」，林煒透露這張行程表確定後，龔慈恩即使人在外地拍戲，亦能遙控。每天下午4點，佢就會打電話俾屋企嘅傭人姐姐，開視訊睇實大家有冇脫軌。林煒話：「龔仔把路都鋪好了，變成我是無所事事。」
佢仲話自己最大嘅功能就係做司機，時間一到，就接送兒女返放學同補習，但係佢就樂在其中，同埋佢亦好鍾意黏住啲小朋友，「女兒會嫁出去，兒子絕對也被女朋友綁架，最後就剩我跟龔仔兩個人，她又跟朋友去打牌，那我找誰？所以很珍惜現在」。林煒喺專訪入面唯一埋怨嘅就係連屋企傭人姐姐都會「食住」佢，成日叫佢幫手買米買薑，「她可以使喚我，還會跟龔仔告狀，說今天把拔買了甚麼東西，我一出門她會跟我老婆說，把拔出去了，我出門了，她電話就來了，又叫我經過哪幫她買個東西，我是兼職的傭人，她已經升級到管家」。
(蘋果日報)
上星期啱啱播完嘅無綫重頭劇《使徒行者2》中黃翠如憑臥底「阿梅」一角色成功搶鏡，佢嘅以「洋葱式」演法喊出多種層次，就連同劇嘅「三哥」苗僑偉都公開點名大讚佢嘅演技。
不過翠如嘅演技近日就喺網上遭到狠批，仲拎埋之前喺《賭城群英會》中嘅佘詩曼同《幕後玩家》中龔嘉欣嘅爆喊位做對比添！
劇中同翠如有不少對手戲嘅袁偉豪睇到嗰篇報道後，就喺社交網晒咗張佢同翠如嘅合照，為對方抱不平。
「致……板主或編輯：黃翠如小姐是一位很用心的演員，本人跟她一起演戲很能夠投入而且一點也不覺得辛苦！即使閣下不懂得欣賞，也請不要作這樣的評論來傷害別人，不要製造這機會來鼓吹大眾一起去攻擊她。」之後袁偉豪仲hashtag指「他朝君體也相逢」，希望大家唔好傷害別人。
難怪唔少網友都留言大讚袁偉豪此舉Man爆之外，仲力撐翠如演技有好大嘅進步！
其後，身為翠如好友嘅曹永廉同林盛斌亦有轉發袁偉豪嘅PO文，仲大讚翠如唔止係用心的演員，仲係一個好好嘅女仔嚟！
(on.cc 東網)
趙薇家庭同事業都非常美滿，雖然身家豐厚但生活低調，甚少公開家庭生活！
呢日佢就喺微博上載父母舊照，網民都大讚基因強大！
相中嘅趙薇爸爸戴上黑框眼鏡，文質彬彬，勁有書卷味，又面帶笑容非常有型！
另一張就係趙薇同媽媽嘅黑白相，兩人表情一致，非常似樣。
趙薇就留言：「到現在，最幸福的事就是爸爸媽媽快樂幸福，好愛爸爸媽媽啊！」
（on.cc 東網）
一名40幾歲高齡媽媽誕下患有。。。
台大醫院婦產科主治醫師施景中周五（27日）在網上透露，他當天為一名40多歲高齡產婦接生時，該產婦誕下的女嬰雖患有先天性心臟病，但一出生時卻哭得最大聲，小小的雙手還奮力握住氧氣罩，彷彿向大家訴說：「我會好好恢復健康，請妳們不用擔心我！」令擁有20多年接生經驗的施景中，亦為之動容。
施景中透露，他完成接生，並向產婦解釋開刀狀況時，突然聽到前來幫忙的小兒科醫師發出驚呼，他趕緊上前查看，發現女嬰右手緊握著氧氣罩。施直言感到「相當震撼」，指這是他當婦產科醫師20多年來第一次見到的畫面，稱︰「這時我才知道原來新生兒不但沒有比較孱弱，她手中握的氧氣罩，連我們想搶都搶不走」。
據稱，該名女嬰及後還需接受手術，施亦希望女嬰能順利康復。網貼引起大批網民注意，不少網友留言祝福，稱：「你會很快好起來的！」、「寶寶妳好棒啊，要繼續奮鬥下去喔！」、「好勇敢的孩子。」
(東方日報)
出席婚宴要包多少人情，不時成為討論熱話，甚至有人列出人情公價表，來解決解這類尷尬問題。近日有台灣女網民表示，突然收到一位久未聯絡舊同學的訊息，表示最近要結婚並希望網民出席其婚宴。未料對方竟表示人情至少要3600元（新台幣．下同，約948港元），否則就無法回本，並且要求多多。網民直言對方竟將人生大事，變成吸金好機會，最後決定刪除好友並向其他友人廣傳此事。
爆料網民表示，早前收到一位久未聯絡的同學Facebook私訊，告訴她快要結婚，未料下一句就直接講到人情問題，「夫妻一同前往至少要包3600元，若是人不到紅包到也要包2600元（約684港元），才不會賠錢」。網民原來打算收到喜帖後，就答應去參加，未料舊同學「明碼實價」要求人情金額，令她大感詫異。
最後網民向對方表示不會參加，且不會封人情只會寄禮物代替，未料對方竟「獅子開大口」，「送禮要送到心坎裏，所以要求我送資生堂美白組」。網民聽後更為無言，感嘆「她到底是過了甚麼樣的生活，怎麼會一直提到錢錢錢呢？」
對此不少網民紛紛表示舊同學的做法極不禮貌，「兩個人3600元是還好，可是規定客人要包多少，這就不對」、「怎麼會有人這麼直接要求紅包封多少」。另有網民認為，可能是新人考慮到喜餅及攜眷出席等情況，才會提出這種要求。
(東方日報)
在新一期的《爸爸去哪兒5》中，我們的鐵血漢子陳小春哭了！
很多網友都在猜測這其中的原因，畢竟陳小春可是寧願流血也不流淚的大哥，怎麼會在一檔親子節目中落淚呢？
在這一期的節目中，導演組化身「喇叭神」，問了小小春一些問題，其中有一個問題就是：「如果爸爸以後變老怎麼辦？」 
小小春立馬難過起來，嘴裡還不停的說：「爸爸不會變老，我不想爸爸變老……」
陳小春在一旁聽著兒子的回答，被小小春毫無保留的愛感動，眼泛淚光。
小小春看到爸爸哭成了淚人，立馬撲倒爸爸懷裡，心疼的問爸爸怎麼了，還用自己的小手輕輕擦去爸爸的眼淚。正如陳小春自己說的，小小春是上天獻給陳家的天使。
看到陳小春在節目中落淚，應采兒也心疼不已。應采兒也想跟懂事的小小春說：「爹地媽咪會永遠愛你」所以小小春不要擔心父母會變老，因為人總有一天都會變老，但是父母愛你的心永遠都不會老。
(騰訊娛樂)
