今日係歌手楊千嬅44歲生日，其實每年千嬅生日，老公丁子高都會落足心思為佢策劃驚喜。今年亦都唔例外，丁子高昨晚就為老婆搞咗個生日Party，仲廣邀一班好友出席。眾人齊齊打扮成「Mario」，認真童心未泯！
丁子高喺社交網晒出兩公婆嘅合照，並留言：「Mr ＆ Mrs Mario 🎂🎊🎂」相中，兩公婆齊齊黐上假二撇雞扮「兄弟」，千嬅仲擺出經典嘅「方麗娟」致敬甫士，而丁子高就緊握拳頭表現興奮，簡直襯絕！唔少網友見到後都大讚佢哋Sweet，仲有人留意到「小Mario」仔仔Torres冇現身。唔通個Party開得太夜，Torres已經頂唔順返咗屋企瞓覺？
(ON.CC)
子華日前在車內玩facebook直播，塞車中的他表示好驚險，原來他要到電台出席好友鄭裕玲（Do姐）主持的節目，宣傳與佘詩曼合作的電影《棟篤特工》！由於Do姐向來守時，不喜歡遲到，子華神說：「我要去DoDo個節目，我對上一次拍《男親女愛》時遲到，他對住我黑面了一個早上，現在看來凶多吉少呢﹗」
不過後來Do姐在instagram上載跟子華和阿佘合照，相信子華最後也趕得切，亦不是遲到太多吧！
結果子華同Do姐兩人喺節目中不斷互窒。佢話：「呢啲係大家嘅化學作用，好朋友先會咁樣。」佘詩曼亦力撐子華：「從來未見過佢遲到，今次係意外。」
子華和阿佘
黃子華大塞車遲到！
佘詩曼力撐子華!
（SINA）
歌手蘇慧恩（Ophelia）日前為互動體驗平台活動擔任司儀，她把握機會找同場的麥玲玲贈兩句：「點知玲玲大師淨係答我一句『你得㗎喇！你唔使睇啦！」唔知係咪佢知道啲嘢但唔想直接同我講，搞到我好擔心狗年會流年不利呀！」不過Ophelia很開心與詹瑞文同台，大讚對方說話搞笑：「全場都笑到甩轆！我好想拍戲，但機會唔多，唔知佢肯唔肯收我做徒弟？」
Ophelia很開心與詹瑞文同台，大讚對方說話搞笑。
蘇慧恩出席活動把握機會搵同場嘅麥玲玲贈兩句。
提到另一嘉賓謝雪心，Ophelia指兩人是愛狗之人，都曾為愛護動物協會擔任大使：「我哋喺後台不斷傾狗狗嘅趣事，佢仲係我契媽嘅好朋友，所以傾得特別投契。其實我細個有學過唱粵曲，如果有機會可以向佢請教就好啦！」至於農曆新年，Ophelia將會忙於拜年，年初六才開工。
(東方日報)
一年一度嘅《國際中華小姐競選》又到喇！聽日將會正式舉行今屆競選，喺呢個星期裏面，十六位候選佳麗除咗去充滿漁港風味嘅大澳拍外景之外，仲已經先後同傳媒及觀眾見面。每次一到選美比賽，外界對佳麗們嘅外貌都相當關注，好似上年嘅港姐冠軍雷莊𠒇，雖然被網民批評似足「哨牙蘇」烏拉圭籍前鋒蘇亞雷斯，不過我行我素嘅雷莊𠒇懶理負評，仲霸氣回應：「I don’t care！」不過正代表香港區參選華姐嘅佢冇受影響，因為外界對於今屆嘅候選佳麗有更多回響！
今屆華姐質素……
今屆華姐質素……靚女究竟去晒邊！
唔少網民覺得華姐嘅外貌質素一屆差過一屆，仲問啲靚女究竟去晒邊！又攞番已經脫離「處女黨」嘅成員鍾嘉欣同岑麗香（香香）當年參選嘅片段出嚟回顧，網民話呢啲先至係「真．華姐」嘅質素。
睇番2004年參選嘅嘉欣，當時只得20歲嘅佢青春逼人，着起泳裝盡顯Fit爆身材，同依家基本上冇乜分別，就算已經升呢做人母依然Keep得非常之好，唔講都唔知佢生過添呀！而香香喺2010年以25歲參選，網民冇Focus泳裝環節，反而Focus佢個樣，唔知係咪嗰陣嘅妝容問題，香香對眼顯得有啲腫，然後網民讚香香愈大愈有女人味，難怪俘虜咗唔少宅男嘅芳心！
網民有話兒：
Sxxxy Txxx：嘉欣好美喔～同宜家一樣咁靚靚！
Mxxxxxsin：呢一年質素都好高！
kxxxh xo：嘉欣好靚女，選個時個樣仲靚過依家，入行先有個藝人樣。
Kxxxxth Wxxx：當年個妝麻麻…
(ON.CC)
喺90年代加入商台嘅前DJ蘭茜（簡詠嫻），嗰陣佢除咗做電台節目之外，仲做埋廣播劇，受到唔少聽眾嘅歡迎，直到90年佢轉咗檔去新城，又以醜女形象做遊戲節目主持兼拍電影
當年因為楊寶玲，令到蘭茜嘅形象改變咗好多！(資料圖片)
之後蘭茜同楊寶玲主持節目教人扮靚，即刻改變咗一生，嗰棚哨牙唔見咗，成個形象都變得高貴大方。
當年蘭茜唔介意扮醜女！(資料圖片)
蘭茜喺06年淡出娛樂圈，有報道話佢同富商Johnny Cheung結咗婚，嗰陣仲有消息話佢轉行做公關唔夠一年，就去咗港大讀人類學碩士，之後又讀埋珠寶鑑定，不過除咗同楊寶玲仲keep住聯絡之外，基本上佢好少再同圈中人聯絡。直到2016年，有傳蘭茜婚姻出現問題，但依然貫徹低調作風，冇回應過件事。
年近半百嘅蘭茜，似乎keep得幾好喎！(蘋果日報相片)
食得仲好清淡。(蘋果日報相片)
(蘋果日報相片)
日前有《蘋果》讀者關小姐透過「爆相爆片」，表示喺中環一間西餐廳捕獲蘭茜，讀者關小姐話：「嗰日中午喺餐廳見到蘭茜同一個女性朋友食飯，中途見到蘭茜拎咗部iPad，佢哋兩個似乎睇得好開心，手舞足蹈，不過餐廳嗰陣唔係好多人，加上好多仲係外籍人士，所以唔係好多人留意到佢。」
讀者仲讚蘭茜keep得好好：「講真我覺得佢靚過以前好多，皮膚好白滑，我見佢食嘢都好清淡，嗰陣係佢食pasta而唔係啲heavy嘢。」又係喎，睇到蘭茜一身貴婦look嘅打扮，同當年又真係分別唔大！
(蘋果日報)
藝人羅仲謙到出席活動，宣傳主演新片《西遊記女兒國》。剛於澳洲黃金海岸旅遊返港的他心情大靚：「玩咗一星期，去咗避寒。今次係同我生命中最重要嘅女人一齊去嘅，我老婆、外母、媽媽、家姐同行，我就充當人肉提款機、司機及負責搬運行李。」
謙謙直言此行樂而忘返：「喺香港其實好少同老婆影相，今次就拍咗多條短片，遲啲上載社交平台同大家分享。（有冇太太泳裝？）冇喎，今次拍玩嘅片居多。（泳褲呢？）之前嗰條滑梯片應該見到，我赤裸上身，性感過我老婆。」
羅仲謙
近日謙謙同老婆楊怡去澳洲黃金海岸避寒
(ON.CC)
麥明詩同余香凝(Jennifer)今日擔任珠寶店活動開幕嘉賓，喺唔夠12度寒風下，Jennifer竟然表示完全唔凍，反而熱情如火，原因去年車禍後擔心會毁容，男友陳家樂送咗鑽戒畀佢，用意並非求婚，而係喻意佢要堅強，所以活動上戴咗好多鑽飾令自己好堅強。
唔夠12度寒風下，Jennifer竟然表示完全唔凍
麥明詩人生首件首飾係高中時媽咪所送耳環 
日前同家樂加埋媽咪到泰國玩四日，佢話：「原本兩個人去，媽咪知道酒店好靚話又去，所以一齊，佢好鍾意家樂，兩個成日同一陣線。」
24歲嘅Jennifer同男友家樂有共識，到30歲後結婚
現時24歲嘅Jennifer同家樂有共識，到30歲後結婚，呢幾年繼續事業上拼搏，稍後同男友可能有機會合演情侶角色，佢笑指如果成事，嗰排開工以外不見男友。嚟緊情人節，佢哋依慣例拍拖食雞煲，唔想捱貴食情人節大餐。麥明詩人生首件首飾係高中時媽咪所送耳環，不過佢唔小心整唔見，最後靜靜買番，佢話：「高中後有機會接觸吓異性，開始打扮吓。」
活動完咗之後，麥明詩去咗中環食嘢。
返屋企拎嘢。
再返電視城。
當時都有男仔送手鏈，甚至織頸巾畀佢，之後佢提議男仔送耳環，因為較易配襯。另一方面，麥明詩喺活動完咗之後，佢揸車同助手去咗到歌賦街食米芝蓮級拉麵， 離開時見到有警察抄牌，麥明詩即刻急急腳拎車走人，跟住同助手返咗屋企 ，大約過咗45分鐘左右，佢同助手先後拎住兩大袋嘢，再揸車返TVB。
(蘋果日報)
現年34歲的日本歌姬中島美嘉，跟較她年輕3歲的排球選手丈夫清水邦廣，傳出已在昨日離婚的消息，叫不少粉絲大為震驚！
離異原因聚少離多
據指，兩人離異的原因是聚少離多，由於清水効力大阪的球隊，所以兩夫婦婚後定居當地，不過美嘉因為經常要到東京工作，每月只能見面3至4次，兩人互相考慮到對方的將來，遂作出分開的決定，並在昨日透過代理人幫忙到東京的區役所遞交離婚申請書，正式結束約3年零1個月的婚姻。
中島美嘉和丈夫清水邦廣
美嘉於2011年在朋友交紹下結識清水，由於當時她剛好因耳疾休養1年後復工，得到對方相當的支持，並發展成為情侶關係，兩人於2014年聖誕節拉埋天窗，因為身高相差32厘米而掀起話題。婚後，兩夫婦曾在電視節目公開首度碰面的過程，當時美嘉到球場睇排球比賽，並在後台跟清水見面，並化身小粉絲鼓起勇氣遞上寫有自己聯絡方法的紙，希望跟清水做朋友，而美嘉做人妻後不時到球場撐老公，又經常大晒恩愛。
雖然去年9月美嘉曾在節目大呻對丈夫看電影時的不滿，但11月的活動上則表現非常幸福，上月她在上海開騷時亦未見異樣，故有相關人士對離婚都表示驚訝。
(ON.CC)
台灣男星吳尊自去年帶同囝囝（Max）﹑囡囡（Neinei）參加真人騷《爸爸去哪兒5》後人氣急升收獲不少粉絲，一舉一動都甚受網民關注。而身為爸爸的吳尊為了廣大的粉絲亦不時在社交網站分享子女的生活近況，就好似近日咁他出賣Max的裸照同自己細個樣比較，要網友揀鍾意邊一個多啲，十分搞笑。
吳尊呢個爸爸同子女相處就好似朋友，無時無刻都喜歡作弄他們，繼上一次出賣囝囝Max小便的照片之後，最近又出賣他的肉照，竟然在Max沖涼的時候偷拍他，當然有遮住重要部位，萌萌的表情超級可愛。為了同囝囝鬥人氣，吳尊亦不惜出賣自己細個祼照同Max來一場PK戰：「忍不住要分享這張照片，我因該是遺傳我爸很愛拍這種照片，你們選誰呢？Max or Me 。」
父子二人似足餅印咁一樣靚仔，不過講到揀邊個不少網友都揀Max，因為他絕對比爸爸可愛得多，重點是他仲單身喎認真搞笑「我選max」﹑「我選目前還單身的」…恭喜max啊！
(HK01)
近日天氣持續寒冷，捐血的市民人數未及預期。香港紅十字會輸血服務中心各類血型的血液存量仍然極度短缺，中心緊急呼籲市民立即前往捐血，以維持正常血液供應，為病人提供適切的臨床治療。
一般而言，每天要有大約1,100人捐血，才足以滿足全港的血液需求，香港紅十字會輸血服務中心於一月份曾分別作出兩次緊急呼籲，但每天前往捐血的人數仍然不理想，捐血人次已持續多時未能達到目標，血庫存量長期徘徊於警戒水平。
2月2日至2月4日銅鑼灣、荃灣和觀塘捐血站每天服務時間將會延長至晚上九時三十分。
鑑於寒冷天氣會持續一段時間，中心預料捐血人數會繼續下降，中心呼籲有心人立即伸出援手前來捐血，並特別希望已計劃於新年長假期外遊的人士，在出發前捐血。目前血庫情況已經達至刻不容緩的階段。
為方便市民前往捐血，由二月二日至二月四日(星期日)，中心轄下的銅鑼灣、荃灣和觀塘捐血站每天服務時間將會延長至晚上九時三十分，開放時間詳情如下︰
銅鑼灣捐血站
~ 地址: 銅鑼灣羅素街2-4號2000年廣場14樓
~ 開放時間:上午十一時至晚上九時三十分
荃灣捐血站
~ 地址:荃灣大河道8號
~ 開放時間:上午十一時至晚上九時三十分
觀塘捐血站
~ 地址: 觀塘道創紀之城5期23樓2301室及2316室
~ 開放時間:上午十一時至晚上九時三十分
（醫院管理局）
