林憶蓮一連四場紅館演唱會《造樂者II世界巡迴演唱會》昨晚首場開騷。
憶蓮台上罕有公開答謝拍拖多年的男友恭碩良（Jun），更以「背後兩位重要的男人」來形容Jun和音樂總監倫永亮（Anthony）。
憶蓮其間熱淚盈眶，滿懷感動。憶蓮憶起當時參加節目，Anthony陪她每個星期飛，幫她編曲永無怨言，憶蓮說：「我覺得好幸福有你這位音樂夥伴。」
當提到Jun時，全場觀眾報以掌聲，憶蓮形容Jun是非常充滿才華的人。
「每次拿到新編曲時，大多數只得一晚或者半晚時間入錄音室錄製，別以為我唱很多年歌就好容易，其實不是，要花時間去思考怎去演繹，謝謝Jun每晚都陪伴我，幫我度好多和音和Ad-lip，將最好的作品呈現大家眼前。」
憶蓮當晚多次感觸，當唱到《不必在乎我是誰》時，更第三度落淚，其間泣不成聲唱不下去，令人動容。
(明報即時娛樂)
藝人陳敏之投資的曲奇店開幕，敏之帶同10個月大的囝囝「雷冬至」現身。
敏之透露這是第六間店，預計農曆新年前會再開多一間，現正找舖位：「下年會再開多幾間。（生意好好？）OK啦，因為我哋嘅曲奇餅有祝福嘅意思，而且個包裝好colourful，畀人見到會好開心。（會唔會再做其他生意？）會，想開cafe、麵包店或者蛋糕店，想開多啲唔同嘢，畀大家試吓曲奇餅以外嘅嘢。（事事親力親為好忙？）好忙，不過我有好好嘅生意拍檔同得力助手，我要拍劇同湊仔，就交間鋪畀佢哋打理，大家分工合作。
（生意咁好，會唔會有好多藝人朋友想入股？）做生意其實唔易，你睇我咁好，有好多難關要過，做過生意嘅人就會知，樣樣事都要親力親為。如果真係想做，要諗清楚先，係會冇晒自己時間。」
敏之坦言覺得曲奇店生意已上軌道，她希望可多抽時間拍劇：「我想做多啲唔同角色，個心好想做嘢，拍劇好好玩。（幾時再拍劇？）最快下年先拍，嚟緊會飛馬來西亞同台灣做嘢，今年都飛得幾多。（幾時計劃再生B？）我有好多計劃，但生仔一定唔係今年，睇吓幾時為個仔搵個伴，但自己連瞓覺時間都冇，所以真係要好好考慮。」
(on.cc東網)
同在英國為劇集《兄弟》拍外景的王浩信，早前於新加坡勇奪《星和》視帝後，即飛到當地會合大隊，展開兩星期的拍攝工作。
照顧女兒王靖喬的責任則繼續交由太太陳自瑤（Yoyo）負責。
Yoyo日前帶同女兒出席學校旅行，到大埔白鷺湖互動中心參觀。
Yoyo期間不時為愛女影靚相，又不時低頭撳電話，未知是否與浩信分享女兒的開心照。
她接受媒體訪問時承認當日帶女兒參加旅行。
問到之前與老公有否一同帶女兒去旅行時，她說：「我哋有時間都會盡量陪小朋友，今天玩得很開心！謝謝！」
（on.cc 東網）
成日都話囡囡係爸爸嘅前世情人，唔少爸爸都好錫自己嘅囡囡，而張繼聰就係一個好好嘅例子。
不過講到錫Karina，當然唔少得佢哥哥張瞻（James）啦。
阿聰喺社交網站上載咗一段James同Karina玩嘅影片，並好安慰咁留言。
「有個鍾意氹你嘅哥哥，同熱切畀反應嘅妹妹，等如爸爸嘅幸福❤」
就嚟8個月大嘅Karina話咁快就已經識得坐，而且佢笑笑口咁望住哥哥拎住個玩具起勢轉。
James一邊哼歌之餘，仲一邊扮失手整跌個玩具，氹到Karina笑到見牙唔見眼，笑到要扶哥哥住隻腳仔添！作為錫住囡囡嘅阿聰，亦有提醒James要小心妹妹向後倒，好有愛呀！
唔少網民都大讚James係暖男哥哥，話佢哋一家好幸福，亦有人話Karina係集萬千寵愛在一身嘅小公主。
(on.cc 東網)
現年43歲嘅郭羨妮（Sonija），於2011年嫁俾大陸武指朱少杰，翌年即誕下長女Kylie。
坐月期間已明言老公想追個仔、湊成好字嘅Sonija，於2014年一度再懷孕，當時仍未證實喜訊嘅佢，有傳為安胎辭演大台古裝新劇《無雙譜》，可惜BB無緣面世，Sonija過咗BB預產期先公佈呢個壞消息，佢話自己花咗啲時間去平伏心情。
雖然經歷小產傷痛，但Sonija未有氣餒，佢近年亦放聲氣表示想追多個B，雖然佢話仔女冇所謂，但就有漏口風想要個仔，湊成好字，而Sonija亦有透露，囡囡Kylie一度希望有細佬妹，及後怕對方會同自己爭凳仔，所以都係唔要，非常搞笑。
其實Sonija唔止試過為安胎推劇，其實自婚後佢都以家庭為重，尤其係喺囡囡出生後，更明顯減產，雖然佢仍有為港台等不同媒體拍劇及節目，亦有接拍廣告同商演等，但相對喺大台拍劇，工作量輕巧好多，亦冇咁困身，相信佢係一邊兼顧家庭，同步調理身子，準備迎接BB來臨。
(蘋果日報)
藝人陳豪接受電台主持梁泰來訪問，談及太太陳茵媺三年抱三，成為「生仔教主」的生活。
陳豪和陳茵媺拍拖兩年便結婚，隨即誕下兩子一女。陳豪表示不認為自己是個有情趣的男人，甚至有時候會忽略太太：「我本身自己都唔係好浪漫，只係一個好普通嘅男人，坦白說有時候都會忽略咗太太。」
為此陳豪覺得更應懂得維繫夫妻之間的感情，所以他會確保每年都能跟太太去一次只有他們二人的旅行：「夫妻嘅感情就係需要大家攞時間出嚟，攞出大家嘅精神，真係去做一啲好似拍拖（嘅事），make sure我哋每年都有一個我們自己嘅trip。」
至於續約無綫一事，講到有指他在約滿後有意離巢發展，他坦言續約這個決定，以至現在所有決定都是為了家庭着想：「其實我做咁多（決定）都係為咗屋企，希望佢哋有個更加舒服、更好嘅環境之下畀小朋友長大，畀佢哋冇壓力下成長。」留在無綫，令陳豪較為容易騰出更多時間陪伴仔女。他亦笑言喜歡黏住他們多於他們喜歡黏住自己：「我當然希望自己嘅小朋友喺身邊，盡量黐得就黐啦！成日都覺得我想黐佢哋多過佢哋想黐我！」
(on.cc東網)
大家都知道星座會透露我們的人格特質與個性，但其實也會反映我們喜愛的人事物，甚至是空間設計。根據「GRAZIA」分析出12星座個別喜愛的居家設計，可以知道獅子座的家最華麗，天秤座則是跟美脫離不了關係，那其他星座呢？
白羊座
個性比較強烈、堅定的白羊座，總是會有很多創新想法，豐富多彩的居家設計很適合他們，鮮豔用色與古怪家具符合白羊座跳躍思考的個性。
金牛座
穩重的金牛座喜歡天然材質，對於居家環境他們注重舒適性與質感，一套舒服沙發，搭配有品味抱枕，以及真實可觸摸的綠色植物，都可以滿足喜愛自然的金牛座。
雙子座
熱情奔放的雙子座，喜歡有機動性的空間設計，好讓他們盡情發揮自己的創意，至於喜愛的設計風格沒有限制，可以柔和也可以叛逆。
巨蟹座
對愛家的巨蟹座來說，家就是避風港，柔和、明亮的色調就是和愛人共享的愉悅，充滿回憶的照片牆是他最珍貴收藏，更是家裡不可缺少的布置。
獅子座
皮草地毯、百萬水晶燈等華麗、浮誇的家飾，才能符合強勢、大膽的獅子座，空間設計上需要一個很大的公共空間，好讓獅子座可以邀請朋友到家裡玩樂。
處女座
有潔癖的處女座，乾淨、簡約風格絕對是他們最喜歡的元素，白色為主色調，再用藍色、灰色等冷色調點綴的優雅風格，絕對會讓處女座覺得舒適。另外廚房是他們最喜歡的空間，所以會特別講究。
天秤座
天秤座本身就是美的愛好者，他們對於居家空間每一個細節都很講究，像是牆壁、地板、窗戶、門把等都不會有醜的東西出現，另外他們的居家環境一定是優雅、美好的。
天蠍座
天蠍座在用色上會選擇較強烈的顏色，來展現自己的性感，風格上則是喜歡古典與現代混搭。
射手座
射手座喜歡混搭風格，各種旅行帶回的紀念品充斥在各個角落，展現射手座愛冒險的個性，射手座也喜歡開放式、寬敞空間，與明亮的自然光。
摩羯座
認真、踏實的魔羯座，喜歡都會風與功能性的北歐風，他們不喜歡家裡有太多顏色，唯有沉穩、冷靜的色調才能讓摩羯座安心。
水瓶座
擁有許多創意與古怪個性的水瓶座，居家風格會隨著他的心情改變，眾多家具中書櫃是水瓶座的最愛，大且顏色明亮的書櫃絕對是他們的心頭好。
雙魚座
波西米亞風格正好可以顯現出雙魚座浪漫的天性，他們喜歡陽光灑進家裡的氛圍，所以家裡一定會有一大片落地窗。雙魚座也喜歡去跳蚤市場挖古董，帶回家與新潮設計的家具混搭出美妙風格。
（自由時報）
陳浚霆於無綫處境劇《愛回家之開心速遞》中飾演的「鬼魂」龍璟風，大受觀眾歡迎，可惜因他約滿無綫，角色突然消失得無影無縱。
陳浚霆今日在公開活動上表示：「無辦法，不會有機會再出現，我跟公司已經中止合約，幾個月前已經停止工作，暫時一心上大陸接真人騷，應該年尾會開始拍。」
陳浚霆指角色突然消失是有點遺憾，原本想有個較好的退場方式，卻遭無綫拒絕。
他說：「劇情之後會交代，我曾建議過多拍一集「簽紅單」，但他們說不必，連一個騷錢都不給我。」
陳浚霆稱他在無綫已經有3、4年時間，今次提早離場也訊問過江美儀、滕麗名和麥長青的意見，「大家都贊成及慫恿我，但叫我後果自負。媽媽的態度同我入無綫的時候一樣，不太清楚，但贊成我的決定。」
（明報即時娛樂）
因為同爹哋陳小春一齊參加大陸真人騷《爸爸去哪兒5》嘅關係，小小春Jasper突然間成為焦點，不過爹哋陳小春就話希望大家當呢個完結咗之後，就忘記Jasper，仲話當初俾Jasper做節目，只係當暑期活動，冇諗過阿仔係咪加入娛樂圈！
話晒Jasper聽話又可愛，令人一見難忘，又點會咁易忘記呢？連林宥嘉都俾佢迷倒！林宥嘉噚日喺微博貼咗張Jasper嘅相兼留言話：「這位小哥哥個性好，又可愛又貼心，上網一查，哎唷…我們怎麽同一天生日啊！想交個朋友，但是太年輕了，應該還沒有email可以交換吧…」
原來林宥嘉同Jasper大家都係7月1日出世，有網民就話不如下次開騷邀陳小春做嘉賓，到時咪可以約埋Jasper見面，跟住Jasper嘅媽咪應采兒回應話：「我有Email」，林宥嘉即刻話：「謝謝媽媽！」
(蘋果日報)
楊千嬅同老公丁子高嘅5歲仔Torres就好鍾意萬聖節，連生日會都要係萬聖節主題。仔仔Torres已經急不及待換造型，扮呢扮路！
早前千嬅就透露返屋企見到Torres喺度試衫，Torres一身巫師裝束，搞笑話：「我係巫師，要將媽咪變做青娃！」
噚晚千嬅就上載另一張相，Torres就以另一造型示人，話要變阿媽做野獸添！
相中嘅Torres頭戴「黑魔后」嘅角，千嬅同仔仔嘅對話如下：
Torres：萬聖節就到！
千嬅：你扮乜嘢…
Torres：美女與野獸
千嬅：所以你係…？
Torres：我有魔法，要變媽咪做野獸！
搞到千嬅話：「點解又係變我，我明明係beauty！」有網民搞笑話：「由mom變frog再變beast，依個過程真係心酸」、「你比較好蝦」，認真搞笑！
（on.cc 東網）
