【送女去泰國讀書好自私﹖】羅敏莊為樓同老公鬧大交

2017-10-19

十年前，「風之后」李麗珊話養大一個小朋友要400萬元；但o依家柴米油鹽乜都貴，樓價更加係升到癲咗！早前有周刊搵咗阿Bob粗略估算養大四個小朋友，即使唔讀國際學校，都要花費約2100萬。嘩！呢個數目，真係唔係每個家庭都可以負擔得起。

冇咁多錢，但又想俾小朋友過較優質生活，羅敏莊(MiMi)就計劃5年後移民去泰國生活。MiMi笑言﹕「我老公都50歲，要幫佢諗定退休後點hea，有呢個plan，主要係因為我孤寒同慳家，香港乜都貴，真係唔捨得拎筆錢去買間「豆腐潤」咁細嘅上車盤，寧願買一個自己鍾意嘅地方。」

MiMi早前將自己層村屋加按後，以一炮過形式買咗一間800餘呎、價值約300萬元嘅泰國樓，佢話最初同老公陳國邦為買樓都鬧大交﹕「佢直情唔啋我，因為老公係97年嘅負資產人士，層樓變銀主盤，仲要欠銀行錢。所以佢好驚買樓，所以我每次買樓都鬧大交。佢覺得既然香港層樓都差唔多供完，做乜要搞咁多嘢？但我又覺得現在有能力，錢係會貶值嘅，既然租金都可以cover番，我又真係諗住遲啲香港泰國兩邊住，最好似朱咪咪咁，有嘢唱咪返嚟囉，我都想plan一個咁嘅人生。」

因為MiMi實在太鍾意泰國，買完樓，仲諗住安排5歲大嘅囡囡陳禛去泰國讀書，問到擔唔擔心俾人覺得太自私？MiMi就話﹕「咁我會陪佢去㗎嘛。咁啲人送仔女去英國、美國讀書都一樣，咁我哋想揀嗰間國際學校，請嘅係英國教師，主要都係用英語溝通，同香港國際學校差唔多。」有冇囡囡商量過？佢話﹕「其實囡囡仲細個，同佢講佢最多只係覺得泰國呢個地方好好玩，好開心呀！如果佢真係去嗰邊讀書，我都會觀察住佢，到時有咩唔適應，就會再調整。」

不過，MiMi同老公陳國邦早前已經帶埋囡囡去過泰國，參觀哈羅曼谷國際學校，MiMi話﹕「因為有朋友都送咗仔仔過去，其實喺香港讀可能要幾百萬入場費，但泰國幾十萬就可以，雖然學費差唔多。睇過泰國間國際學校，地方真係好大，校舍有湖、6個網球場，咁多嘢玩，有時諗如果我媽媽可以俾到我一個咁嘅童年，真係好開心。」不過，泰國政局不穩，MiMi話唔擔心得咁多，佢笑言﹕「香港都唔見得好好，其實每個地方都有唔同危險，我係普通市民，唔會搞事，只想過平淡退休生活。」

(蘋果日報)

【溫馨提示】疫苗資助計劃已開始

2017-10-19

衞生署公布季節性流感疫苗注射安排，政府的疫苗資助計劃已經開始，合資格市民即日起可於約2,000間已登記參與計劃的私家診所接種流感疫苗，每劑資助額為190元。

在「疫苗資助計劃」下，6個月至未滿12歲學童、孕婦、長者、長期病患及智障人士及傷殘津貼受助人可獲資助。衞生防護中心總監黃加慶表示，今年有約2,000所私家診所參加資助計劃，扣除資助額後，約三分一的醫生沒有再額外收費。至於公營診所及院舍進行的政府防疫注射計劃將於下周三（10月25日）展開，分階段向合資格人士免費注射流感疫苗。

（資料來源：LuxMed)

世衞早前建議南半球流感疫苗配方，將H3N2病毒株由「香港型」轉為「新加坡型」，衞生防護中心公共衞生化驗服務處主任羅懿之指，「新加坡型」病毒株與「香港型」病毒株類近，亦未有出現抗原變異情況，故使用含「香港型」病毒株成分的流感疫苗，與世衞新建議的疫苗分別不大。

衞生防護中心強調，注射流感疫苗仍是最有效的預防流感方法，呼籲市民接種。

了解更多，可登入 https://goo.gl/KMNdLd

（SINA/ LuxMed）

【高調情侶裝現身】洗米華做暖男身邊個位勁風騷

2017-10-19

澳門太陽娛樂老闆周焯華（洗米華）同「小三」Mandy Lieu好識享受人生，一年去足幾次旅行嘆世界，之前足跡遍及英國、法國、泰國、日本等國家，今次就孖住北上大陸尋開心，現身上海高調睇網球公開賽，被周刊讀者鍾小姐透過「爆相爆片」分享，當日兩人捧「瑞士天王」費達拿（Roger Federer）場，洗米華仲親自執枱服侍Mandy開餐㖭。

當日兩人現身上海網球大師賽，欣賞費達拿對阿根廷球手迪樸度嘅準決賽，讀者喺電話表示：「嗰日夜晚7點半左右，見到洗米華與Mandy同幾個朋友嚟睇比賽，佢哋出現時球賽未開始，仲有半小時先開波，所以佢哋就喺會場周圍行吓，初時兩個都係刻意分開行，好似有啲避忌，但之後洗米華好照顧Mandy，帶咗Mandy去canteen買嘢食。」坐擁億萬身家嘅洗米華，呢次唔帶Mandy去VIP包廂食好西，反而喺平民canteen排隊買上海地道嘢食，之後兩人各捧住幾碗嘢食去搵位，由於canteen裏面人頭湧湧，佢哋搵唔到空位坐，就行咗去一張已有人客嘅枱度放低食物，讀者話：「因為枱面有上手食剩嘅碗碟，我聽到洗米華問：『有冇人嘅？』跟住佢就自己執走清咗張枱，叫埋Mandy過嚟一齊：『一係呢度坐住先。』兩個人share一碗嘢食。」

(蘋果日報)

【好人好事】港媽快餐店助人被PO群組網民：很好的身教！

2017-10-18

作為全球首屈一指的先進及富裕城市，本港基層市民的生活苦況一直被忽視，最近一名網民表示於快餐店遇上一名食「二手飯」的叔叔，媽媽於心不忍，於是吩咐他買一個飯給對方用膳。不少網民大讚這位媽媽的行為有愛心，是非常好的身教。

昨日有網民於 Facebook 專頁「名校 Secrets 」投稿，分享自己到快餐店同膳的所見所聞。他表示本來與妹妹和媽媽一起享用火鍋，突然媽媽給他 100 元要他買飯盒給旁邊的一位叔叔，他本來不明所以，直至後來看見這位叔叔要食「二手飯」，食用其他食客剩下的食物。

最終這名網民買了飯後將它放到叔叔面前，並叮囑對方不用再走來走去，可以慢慢食用，整件事亦令他十分有滿足感和感到喜悅。網民又希望各位身處逆境的港人要自強「頂硬上」，祝願這位叔叔可以翻身。

不少網民看完這段分享後，都大讚事件中的媽媽做了很好的身教，亦有認同香港人充滿愛心，希望大家可以把這顆善心一個傳一個，傳承下去。

網民留言：

「得人恩果千年記，唔係要佢報恩，係希望每個人都可以幫下人 ( 前提果位真係應該被幫忙 ) 」

「你媽好有愛心呀，好好嘅身教，係香港人嘅好榜樣，救得壹個得壹個，讓人哋都能有希望，其實香港人是好有愛心的，只是常常怕愛心發錯給欺騙別人的人。我都好開心看到這則好人好事，好感動呀」

「很好的身教」

「這才是真正的香港精神~互相幫助！！！」

（SINA）

【可致癌、不育、肥胖…】12款通過檢測潤唇膏榜單出爐

2017-10-18

水中銀(國際)生物科技有限公司(水中銀)昨日公佈潤唇膏「綠魚」安全購買榜單﹗當中亦都提到：

在乾燥的秋冬天，唇部的保濕滋潤很重要。健康的唇部肌膚，不僅讓雙唇看起來更水潤粉嫩，還能為妝容加分。潤唇膏是唇部乾燥的救星，秋冬人人必備。

不過，選錯產品可能會導致過敏，也有機會患上唇炎，潤唇不成反而滿嘴皮屑，讓人難堪。嘴巴又是進食部位，塗在唇部的潤唇膏隨時會被我們吃進口中。市面上林林總總的潤唇膏，到底那些產品才是好用又安全呢？

小魚親測在市面上精選了最受歡迎的31款潤唇膏，並與專業實驗室合作，應用全球領先的生物測試技術Testing 2.0進行安全性測試，為你揭開這個謎底。最終16款產品為綠魚（品質卓越），4款產品為黃魚（基本合格），11款產品為紅魚（有待改善）。

小魚親測發現，超過6成的低價格樣本通過生物檢測，性價比又高又安全；就品牌地區而言，亞洲品牌的安全性更高；而紅魚產品除了內含致敏成分外，部分帶有防曬功能的潤唇膏更含有類雌激素，禍從口入，不僅致敏，更會影響健康。

根據世界衛生組織與聯合國權威報導，選擇劣質的產品，可能導致癌症、不育、性早熟、肥胖、神經系統紊亂等疾病。通過小魚親測，消費者可以方便地得到科學客觀的產品安全信息，做出更明智的消費決策，以呵護自己和家人，保護環境！接下來，小魚將為你展現更多精彩內容。

想知更多：https://www.fishqc.com/tra/report-88

(Vitargent 水中銀)

【梁浸浸好鬼馬】成熟媽媽Yumiko：都係好事嚟嘅

2017-10-18

鄭希怡（Yumiko）早前同囡囡「梁浸浸」(梁子柔)參與拍攝大陸真人騷節目《不可思議的媽媽》，節目中見到Yumiko為照顧囡囡多次出現崩潰，其後Yumiko話因為節目組都將嗰啲鏡頭集中播出，先至有咁嘅錯覺，之後可以見到佢照顧得越嚟越好。

日前Yumiko又帶囡囡返咗上海，佢話今次係半工半私，主要帶囡囡同公公婆婆見面，佢自己就參與咗一個由雜誌舉辦嘅時裝論壇活動，Yumiko今日喺網上貼咗幾張同囡囡嘅合照，見到梁浸浸好鬼馬，又表情多多，原來佢見到攝影師同媽咪影相，強行走入鏡，一時坐地下影相，一時又要媽咪抱住，Yumiko接受周刊訪問就話，自從同囡囡一齊拍過真人騷，o依家自己照顧囡囡都唔怕，佢話：「其實同梁浸浸一齊出埠係開心㗎，因為出埠做嘢最掛住都係囡囡啫，如果喺身邊就無嘢擔心，都係好事嚟嘅！」