李克勤同太太盧淑儀育有兩子，唔經唔覺，大仔Ryan今日（22日）已經10歲喇！
克勤喺微博上載咗張蛋糕相，而呢個蛋糕就印上佢愛隊，曼聯嘅Logo，側邊就寫上「HAPPY 10TH BIRTHDAY RYAN」
克勤留言：「Love u son」
盧淑儀亦轉發微博，身為媽咪嘅佢仲特別感觸打咗篇文，感恩仔仔出現喺佢生命中，亦希望仔仔要學識珍惜一切。
盧淑儀留言：「轉眼已成為媽媽十年了！仔，你帶給我很多很多的開心快樂，也有擔心生氣的時候！但仍然覺得感恩有你在我的生命裏，愛你⋯⋯只希望你身體健康，快樂平安地成長，因為這兩樣東西都不是用錢就能得到！也希望你學懂珍惜你擁有的一切，什麼都不是垂手可得！生日快樂🎊」
（on.cc 東網）
李蘊自從下嫁金融才俊老公之後，就跟隨老公移居廣州，專心相夫教女。
不過呢日佢專程喺廣州趕返嚟香港，究竟係因為咩事呢？原來佢以前喺香港舊居養嘅16歲愛貓「毛毛」（等於人類約80歲）病重，已經進入生命倒數階段。
「由你兩個月bb就執返屋企養 我哋冬經歷十六年春夏秋 記得細個抱你比你抓到隻腳有一條10cm嘅血痕 傷口好深好拿好痛 而家都仲留疤 由以前精靈又靚仔又型 到而家瘦弱無力 行唔到 靠屋企人用針筒餵食 眼睛不停流眼水（右下）真係心痛 我哋知道而家你係靠自己嘅意志力撐住 真係好叻好叻 我哋人類都會向你學習 毛爺已經又老又得重病 上個月出院醫生已經話得一兩個星期命 但到今日已經一個月 毛爺仲好努力咁生存落去 係一個好好嘅榜樣 話比我哋知做人更加唔可以咁容易放棄自己 多謝你🐱 」
李蘊深夜喺社交網晒出毛毛嘅近照，相中見毛毛瘦到皮包骨，身體相當虛弱！
李蘊表示：「毛毛已經瘦得緊要 只有尾巴能輕微擺動 眼睛也開始渾濁了 我們知道你即將要離開我們 所以作出了一個艱難的決定 明天 跟你好好道別。」
「你最鍾意曬太陽 今次係你貓生最後一 次曬太陽啦」
唔少網友都嗌李蘊Take care，並話毛毛可以撐到咁耐已經好叻，仲有網友留言：「我半年前都掙扎好耐，究竟帶唔帶佢去獸醫打一針，最後還是選擇讓牠自然地在牠最熟悉最有安全感的家中離開，讓牠自己走完自己的一生，每個生命都有自己的命運，雖然一針讓牠走得乾脆利落，Take care！」
(on.cc 東網)
歌手林奕匡（Phil）今年8月在加拿大迎娶拍拖多年的女友李靄璣（Rikko）。
榮升老公的Phil趁太太生日大搞花臣冧對方，邀請太太一齊拍片留念，當中提到兩人邂逅的情景，兩人很快就答到是在DJ訓練班相遇。
Phil更畫了一隻老鼠形容自己，並自嘲說：「因為我好薯。」而Rikko則畫了Phil的薯樣，更解釋說：「真係好memorable，佢當時戴住眼鏡、着住恤衫，同埋一條通常係40歲嘅人先會着嗰類嘅褲，加對波鞋。」
Phil直認最愛太太煮麻婆豆腐，全因由他的爸爸親自傳授，Phil說：「喺我最低谷嘅時候，Rikko知道我好思鄉，佢記得我講過話我爸爸煮嘅麻婆豆腐係全世界最好食，然後去問我Daddy點煮，學識之後返嚟香港煮畀我食。」
兩人更在鏡頭前「咀嘴」慶祝生日，真係sweet到爆！
（on.cc 東網）
張智霖（Chilam）與老婆袁詠儀（靚靚）出席盆菜晚宴。
靚靚表示兒子張慕童（魔童）在忙於滑板事業故未有一同到場。她認為應該告發唔做足安全措施的人：「唔明白點解冇戴安全設備嘅人可以入場，嗰兩父子大家都知係邊個啦！」
問到該家長有否道歉，從旁的Chilam一直點頭沒有出聲，靚靚續說：「個家長話冇人戴㗎！政府應該立例喺公眾設施唔做足安全措施唔畀入。」
問到囝囝魔童有冇約法三章幾時先玩得，靚靚就話：「佢有應承我做完功課先玩，但依家好醒目，做得叻會搵我，做得唔理想就會搵爹哋。」
問Chilam是否甚麼都應承，他笑言自己是Sugar Daddy。靚靚立即詐型地說：「我都唔明點解阿仔打畀你，你咩都話好，佢就話媽咪成日話唔好，仲成日同老竇講I Miss You So Much。」
問Chilam會點補償，他說：「又補？我做錯咩，有得食有得住已經好好。（怕唔怕寵壞仔仔？）我錫得嚟都好有分寸。」
靚靚反駁他說：「你唔戴安全措施仲話有分寸？離晒譜，跌親條腰骨你就後悔一世。」
（on.cc 東網）
官恩娜（Ella ）囝囝Garbriel喺10月4日過咗兩歲生日，而Ella懷第二胎已有6個月，雖然已經有第一胎嘅經驗，但係Ella 原來有樣嘢做得唔合格，仲為呢樣嘢喊過幾次添！
Ella 今日喺IG話，原來自問對老公同個仔照顧得好好，但係曾經做過地獄廚神嘅佢，點都做唔到一份營養晚餐咁話，真係陰公豬。
Ella 係咁講：「我做左（咗）人老婆同呀媽都有一段時間，自問對老公同個仔照顧都算無微不至！但係有一樣嘢我無論幾努力，都好似永遠做唔好…就是為家人準備一頓豐富好味營養好嘅晚餐…我為呢（件）事都喊過幾次…大住個肚去參加家庭傭工烹飪都係想煮餐好嘅俾老公仔同個仔食！但係我就係冇辦法搞得掂！不過終於搵我嘅救星。」
原來Ella為咗學好廚藝，參加咗家庭傭工烹飪班但都係搞唔掂，而佢提到嘅救星，竟然係一個網購現成食品嘅網頁，咁咪即係叫外賣？
(蘋果日報)
當胡杏兒貼呢張相出嚟嘅時候，其實心裡面係諗住網民／fans俾咩回應呢？
先睇睇張圖…坐緊月嘅新手媽媽胡杏兒，前日貼圖話好懷念陀B嗰段母子血脈相連嘅美好日子。
昨晚佢又貼圖，係一張大頭相，相中杏兒笑得好甜，化咗淡妝，寫道：「Hubby sent me this old photo and said I have 少女feel. Can I still be a 少女 after being a mother？」
網民紛紛留言話：
在老公心裡永遠是少女
Of course！
Of course you can
How old r you? 17? Lol
You sure still a 少女！
mother feel with 少女 heart
Pretty morher
BIG Yes !
大家都好愛杏兒！講到少女feel，其實以下呢啲，係杏兒初入行嘅珍貴圖片，真係好green好可愛，唔知杏兒自己記唔記得？
(蘋果日報)
麥雅緻（Angie）早前就為老公張頴康誕下細仔「小花生」。
囡囡張雅喬「小豆」都升呢做家姐，真係夠晒幸福！
「小花生」話咁快就已經出咗世5日，而且仲返咗屋企添！
Angie今日就喺社交網站上載咗一張「小花生」瞓緊覺嘅相。
「Yeah … Day 5 , I’m going home ! U guys are the best ! @cheungwinghong」
相中可見「小花生」瞓得相當冧，而且五官亦好精緻！唔少網民都話「小花生」同家姐「小豆」好似樣，亦有人大讚「小花生」好可愛，仲話佢大個一定好靚仔添！
(on.cc 東網)
藝人黃心美自2015年與台灣老公Thomas離婚，回復單身後一直寄情工作，直至今年6月與陳安立（Brian）被拍得孖住放狗而傳撻着，但兩人齊齊開腔否認，緋聞疑幻似真。
最近到冰島旅行嘅心美，昨日突然喺社交網上載一張與男士拖手照，疑似宣布有新戀情，雖然唔知心美身旁嘅男士係邊個，但見佢哋咁親暱，心美仲以兩個心心圖案去留言，似乎有好消息喎！
唔少網民都戥心美高興，紛紛留言祝賀佢有新戀情，仲叫對方要好好照顧心美。
另外，亦有網民問心美身旁嘅男士係咪緋聞男友Brian，但翻查Brian嘅社交平台，尋日佢先上載打籃球照，背景似乎身在香港，冇理由今日就喺冰島，除非…除非佢瞬間飛去地球另一邊，又或者擺舊相啦！
(on.cc東網)
被形容為《萬千星輝頒獎典禮》前哨戰的《星和無綫電視大獎2017》，今晚在新加坡舉行。
獲TVB力捧上位的「女神」李佳芯撼贏胡定欣、田蕊妮及宣萱一眾當家花旦，憑劇集《踩過界》的角色「Never」榮登視后寶座，獲頒「我最愛TVB女主角獎」，而「我最愛TVB男主角」則由同劇的王浩信奪得，《踩過界》一劇成大贏家。
同時，張振朗就憑《踩過界》贏得「我最愛TVB男配角獎」。張振朗頒獎時在台上爆喊表示自己每日都用盡心機去想如何演好角色，還問台下觀眾為何聽到他這樣說都不會笑呢? 台下立即給予掌聲支持。
（明報）
食物環境衞生署食物安全中心公布，一個「雅培心美力較大嬰兒配方奶粉2」樣本的煙酸含量與其營養標籤上的標示值不符，中心呼籲業界立即停止出售有關批次的產品。
中心發言人指，中心透過恒常的食物監察計劃，從銅鑼灣謝斐道萬寧Plus抽取上述奶粉樣本進行檢測。化學分析結果顯示，樣本的煙酸含量為每100克含1.3毫克，與其營養標籤上的標示值每100克含3.8毫克不符。發言人續指，已知會有關商戶上述違規事項，有關商戶已按中心指令將受影響批次的產品停售及下架。中心正追查有關產品的分銷情況。
涉事產品資料如下：
產品名稱：雅培心美力較大嬰兒配方奶粉2
原產地：愛爾蘭
製造商：Abbott Ireland
入口商：美國雅培製藥有限公司
淨重：每罐400克
此日期前最佳：2018年3月11日
(on.cc東網)
