謝霆鋒嘅爸爸謝賢(四哥)已經81歲，但仍寶刀未老，不但保養得好好，仲有個細佢49歲嘅女友Coco。謝賢同CoCo交往已經12年，但最近再傳情變，謝賢日前被雜誌影到同前妻狄波拉一齊去睇衫，狄波拉嘅現任老公江耀城都有同行，仲好識做咁專登行遠啲，等佢哋可以傾吓心事，被猜測謝賢係同前妻傾訴同小女友感情上受到嘅挫折。
爺爺疑似失戀，不過都唔使唔開心，因為兩個孫仔遺傳晒爺爺同阿爸霆鋒嘅帥氣。今日張栢芝喺ig貼咗兩個仔聖誕節準備出街嘅全新造型。
10歲嘅謝振軒(Lucas)同7歲嘅謝振南(Quintus)着住同一款紅黑色皮褸加襯太陽眼鏡，喺聖誕樹下chok住擺甫士，Lucas同阿爸霆鋒一樣咁鍾意插袋，而Quintus另一張相仲索性張裏面件恤衫除埋，剩戴頸鏈配皮褸，真係rock到爆。
栢芝留言﹕「The best Christmas.」
(蘋果日報)
早前藝人洪天明被指疑在內地拖女入酒店，但完全冇影響佢同老婆周家蔚（Janet）感情，周家蔚仲開口話對老公百分百信任。
之前見周家蔚喺社交網上載一條佢同兩個仔仔洪大仁（TJ）同洪竟琋（JT）布置聖誕樹裝飾嘅片。嗰頭布置完聖誕樹之後，周家蔚又帶埋一對仔仔，同埋好友陳茵媺等人齊齊開聖誕派對，見到成班小朋友有禮物收好開心，真係睇見都好開心。
而周家蔚又留言同網民玩遊戲，叫大家估吓有幾多個小朋友添，她說：「Another big Christmas Party!! Guess how many children we have all together!!! （第二個聖誕派對，估吓有幾多個小朋友？）」
(on.cc東網)
內地藝人鄧超日前宣傳新片時，透露同片女星劉詩詩的老公吳奇隆經常來探班，指吳奇隆不希望影響拍攝工作，可以22小時都坐在車裏，笑指對方非常有耐心和耐力。
此外，鄧超有次為劇組拍照時，發現二人在片場牽手同坐，吳奇隆更情深地望住劉詩詩，非常恩愛。
(on.cc東網)
子女永遠都是父母的心肝寶貝， 圈中有不少星級慈母為子女盡顯心力和心思，務求他們健康開心成長，絕對是偉大的母親！
林嘉欣
女星林嘉欣自誕下兩女後，便減少幕前演出，2016年10月她在活動中表示，為了女兒升小一作準備，除了花盡心思， 還不惜停工3個月為女兒準備面試，希望她能夠入讀心儀的學校。
曾華倩
女星曾華倩2002年離婚後， 全力照顧兒子林浩賢（Martin）， 兒子測驗、考試她都陪伴溫習， 每天清晨5 時更不辭勞苦接載Martin往練水，兒子參加游泳比賽亦定必出席。Martin在泳壇獲取佳績，被譽為「喇沙飛魚」。
陳敏之
藝人陳敏之去年12月誕下兒子雷子樂，坐月不久便復工拍攝無綫劇集《溏心風暴3》，為了兒子健康，敏之堅持繼續讓囝囝飲人奶，拍劇一趁空檔，便去服裝間泵奶，更邊泵奶邊看劇本，人母不易為！
(on.cc東網)
平安夜天公造美，今日天氣都算唔錯，天文台話今日天晴乾燥，初時部分地區有煙霞；日間和暖，但係晚上會轉涼，所以大家出門口迎聖誕時記得帶多件衫呀！
上午7時天文台錄得氣溫18度，相對濕度百分之77；初時吹微風，漸轉吹和緩北風，離岸風勢清勁。今日最高紫外線指數大約是5，強度屬於中等。展望聖誕節及翌日大致天晴及乾燥，早上天氣清涼。
仲有記得留意多項公共交通服務將有特別安排！
1.港鐵：
除羅湖站及落馬洲站外，東鐵線、西鐵線、馬鞍山線、港島線、南港島線、荃灣線、觀塘線、將軍澳線、東涌線會通宵行駛，部分輕鐵線亦會通宵行駛。
2.巴士
九巴、新巴及城巴將會延長部分路線的服務時間，並會分階段在尖沙咀、銅鑼灣、灣仔及中環一帶實施臨時改道及改站措施，以配合警方的封路安排。九巴將會暫停提供智能手機及網上到站時間預報服務。
3.電車
服務會延長至聖誕日(25日)凌晨3時。
4.封路措施
運輸署會在多區實施特別交通安排，包括在蘭桂坊分階段禁止車輛駛入，尖沙咀及紅磡一帶亦會分階段封路等。
(東方日報)
啱啱過完冬至，又將近聖誕，心情當然就非常好啦！近日工作忙碌嘅藝人黃心穎都趁住節日，抽空陪伴家人，認真孝順女。
心穎BB就喺社交網上載咗同家人嘅合照，並留言表示：「節日就是要好好跟家人一起過」，見到笑容滿面嘅心穎攬住家姐啲仔女實一實，就知道佢幾咁錫佢哋啦！
另一張相，仲見到心穎晒出全家福，場面相當溫馨，大批網友都留言問點解全家福冇馬國明嘅？唔通佢就係負責揸機嗰個？
(on.cc東網)
劉丹、單立文、呂慧儀、林淑敏、蘇韻姿及阮政峰等今日到東涌為節目宣傳，佢哋個個都戴晒聖誕頭飾同小朋友玩遊戲及交換禮物，好有聖誕節氣氛。
劉愷威同楊冪聚少離多，屢傳分手，正所謂冬大過年，唔知新抱仔楊冪有冇返香港一齊做冬呢？
劉丹話﹕「冇呀，我個女都唔係香港，愷威就喺度。（要等到2018年先見到？）今年都係得番幾日咋喎，等農曆年啦，到時會見到。」
提到3歲大嘅孫女劉梓蘭，劉丹就梗係開心啦，透露孫女已經開咗兩個聖誕party，屋企棵聖誕樹下面有好多禮物，佢話﹕「佢從來唔會扭計買禮物架，人哋送畀佢，佢會講『Thank you』（爺爺教導有方？）唔知邊個教佢，可能係我老婆啦。」
不過，丹爺聖誕節都要開工，希望可以早啲收工返去陪粒孫玩吓。另外，被傳戲假情真嘅「紅衫魚」蘇韻姿同「池子孝」阮政峰就繼續奉子談情，合照時，蘇韻姿更蹺實阮政峰，又做埋心心手勢添。
而「大小姐」林淑敏被問有冇信心攞「最佳女配角」，佢就話反而睇好姚瑩瑩，佢話﹕「佢喺《全職沒女》裏面真係好麻甩，我未見過佢真人係咁樣，咁我都同大小姐好唔似，希望雙雙得獎啦。」
(蘋果日報)
楊千嬅首個聖誕跨年演唱會假紅館揭幕，以倒數初心來構思今次個唱。千嬅接受東網專訪時，細訴現年5歲的兒子丁進諾（Torres）參加朗誦比賽的一段往事，令她頓悟到「初心」的真正意思，感性的忍不住哭起來。Torres在3、4歲大時，千嬅安排兒子以插班生報讀普通話班，3個月後有個朗誦中級比賽，老師表示可以讓Torres嘗試參加，她就代兒子報名，怎知到比賽當日，本來信心十足的Torres面對人頭湧湧的環境，驚得不肯行出去，第二次他終於企出去，但她感覺到兒子好緊張，自責為兒子報名的她眼濕濕說：「我個心好唔舒服，想叫個仔唔好去，之後我出去陪佢企，拖住攬住佢，我個仔冇咁震，但依然好緊張，佢用氣聲背晒成首出嚟。」
千嬅坦言：「我唔驚面懵唔驚樣衰，你估我行出門口人哋唔講我咩？就算啲人話楊千嬅個仔咁驚嘅，我唔會介意，因為阿仔裏面最緊要。」
所以她第一時間為Torres進行心理輔導，她說：「件事做得成唔成功唔重要，最緊要即刻幫佢清咗心裏面舊『垃圾』，否則積積埋埋就大件事，嗰時我唔知佢唔開心會擺咁耐，有次佢攞我個部手機碌相睇，突然見到朗誦班小朋友攞住獎盃，佢話問我點解佢冇。」當時她作故仔安慰兒子，又安排工人姐姐了解他內心感受，才得知兒子有少少失落feel sad。
事隔一年，千嬅完全意想不到，剛讀小一的Torres有一日竟主動跟她表示要報名參加朗誦比賽，她反而比兒子更大壓力，因為她不想Torres再一次不開心，當看到兒子大踏步衝出，躹躬後自我介紹，隨即高聲朗誦，她激動得哭着說：「我個人呆咗，真係好感動，講起我都想喊，我睇過一篇文，係講每一個小朋友有自己嘅開花期，幾時開花唔係一個問題，最重要係你點樣令佢灌溉陪佢開花，有啲人一世都唔會開花，因為佢係一棵樹。」
千嬅從兒子這件事領悟出為人父母要對仔女有信任，作為幕前人她清楚明白面對問題，壓力是甚麼一回事，她說：「呢件事係個仔幫我清咗啲嘢，幫助我今次開演唱會，我已經第七次開騷，但我唔記得咗我個仔呢度力，點解我個仔可以乜都唔驚，佢真係做到，如果當日佢就咁跌咗落去，我又鬧佢，傷害我個仔之餘，仲傷害緊我自己，處理阿仔呢件事話畀我知，無論出面人講咩，只要做好準備就行出去，唔使諗到咁複雜，倒數番我個童年，人嗰度力好簡單。」
(on.cc東網)
藝人李家鼎於工展會為小廚神比賽擔任評判，其女友「李師奶」帶同囡囡及孫女到場，齊齊撐李家鼎！李家鼎直言參賽的小朋友十分厲害，煮起菜來有板有眼。
至於可有教女友的孫女下廚？李家鼎說：「有教，整過西多士、蝦仁炒蛋，好危險，我驚過佢，所以打算買個細嘅Gas爐教佢！」被問仔仔李泳漢與李泳豪可有興趣跟他學煮餸？他則表示大仔比較識煮西餐，而細仔只會煮一、兩道菜，更笑謂：「我嗰啲拿手餸就唔得啦，佢哋好怕揸刀，因為我把刀又大又利！」
談到冬至如何慶祝，李家鼎笑言昨日冬至（22日）負責煮冬至飯給客人食，自己與家人已提早慶祝，更透露更遇過食客要求他製作正宗的鴨腿湯飯，他說：「做足兩日，一隻鴨淨係要兩隻髀，其他鴨身就拎去燉湯，燉足幾個鐘㗎！」
李家鼎做評判。
李家鼎
(ON.CC)
低溫來襲，許多家庭都開始進補，但新北市中醫生施丞修表示，並不是所有人都適合進補，例如女性經期、罹患腫瘤或發炎、發燒症狀都不適合，否則不僅沒有效果，還可能加重原有病情。
中醫師公會昨天捐出400份藥膳大補帖、100份四神湯藥包給市府實物銀行，將由社會局轉贈高風險家庭及受暴長者冬令進補；另外也承諾未來每周會輪流到市內34個公共托老中心提供健康諮詢。
公會發言人施丞修說，藥食同源，補藥湯其實都是補虛居多，不是針對燥熱體質或症狀，如果有燥熱情況的人進補，藥湯可分多次食用，避免燥熱加重。
所有補藥大都是根據體質、能量不足調整，主要用來補氣補血，十全大補湯則補陽氣、抗寒，隨著年齡增長多數人體質弱化，特別對溫度較無適應能力，所以用藥湯增加能量，促進血液循環，增加抗寒能力，解決四肢冰冷問題。
但因藥湯食材傾向溫燥，如果有腫瘤、發炎、外傷、紅腫、痔瘡發作、發燒、喉嚨痛等症狀都不適用，而女孩子通常飲用四物居多，碰上月經、子宮肌瘤、子宮內膜異位，最好進補前都要諮詢醫師。
理事長洪啟超表示，新北中醫師公會2003年迄今每月辦養生講座，2012年創設志願服務隊，走出診間服務弱勢。除捐贈中藥大補帖、四神湯藥包，未來每月第四周會和市府社會局合辦健康講座，到校園推動健康操。
社會局長張錦麗代表受贈弱勢長者致謝，從家庭暴力防治中心受理通報案件中發現，去年65歲以上長者有1224人次遭家暴，今年前半年就有677人次，這次獲贈愛心大補帖，將優先轉贈受暴長輩，讓他們在寒冬中感受社會溫暖。
(元氣網)
