張頴康太太麥雅緻（Angie）日前就宣布誕下囝囝小花生，湊咗個「好」字。
呢日好友趙碩之就喺社交網上晒咗張佢同一位男性朋友齊齊去探麥雅緻同小花生嘅相。
相中可見麥雅緻好精神，仲專登除眼鏡晒V，心情勁好！
趙碩之留言：「恭喜晒張家！！超級媽媽！ 好叻叻！！」
趙碩之仲hashtag爆料話啱啱升呢做咗家姐嘅小豆呷醋唔肯入鏡影相。唔怪得張相唔見咗小豆喇，原來係咁……小豆唔好呷醋呢！
（on.cc 東網）
【小豆呷醋唔入鏡】趙碩之去探麥雅緻B仔「小花生」
【次序做錯了！】專家：幼兒學語言關鍵…
MyBB 專家信箱：沙老師，我的囡囡現在18個月大，我們希望囡囡將來能入讀本地直資或私立的小學及中學。這些學校的英語水平很好，我與先生都是香港人，我們能説英語。我們是否現在要轉為跟囡囡用英語溝通比較好 ?
First Footprint幼兒教育中心 課程總監 沙鳳翎女士：
除了選擇學校外，學習外語是家長非常關心的問題之一。香港是國際大都會，英語固然重要，但忽略母語可能會帶來意想不到的弊處。
0-3 歲是幼兒學習語言最關鍵的時候，在這個時期吸收的生字及詞語將會成為幼兒學習的重要啟蒙，學習的生字、詞語及形容詞等越多，幼兒便越能勇於表達及幫助腦部發展。不斷的表達及與成年人溝通，可以觸發他們的好奇心、聯想力及社交能力。如果香港的父母本身母語不是英語，幼兒能夠學懂的英文生字、詞語或形容詞會比同年齡其家長以英語為母語的幼兒少很多。與此同時，中文的生字及語言能力也會比同年齡的中文為母語幼兒差。
香港受中西文化影響，英語地位舉足輕重。而且香港回歸以後，中港交流頻繁，普通話在香港的重要程度提升。因此，一些家庭會希望幼兒學習英語及普通話為先。其實幼兒最重要是先掌握自己的家庭語言，才可應付日常生活中溝通交流的需要。如果幼兒學習的語言與家庭成員溝通無關，幼兒使用的機會便會大幅減少，這樣不但令幼兒無法與身邊的親友溝通，更會降低幼兒對語言的自信心及熟悉程度。所以，語言學習的先後次序應以幼兒的家庭語言為先，然後才伸展至其他語言。
0-3 歲的幼兒處於學前階段，他們最需要的是學習與父母及家庭成員溝通，通過日常生活來加強認知、學習表達不同情緒及透過不同遊戲來學習。有心理學家研究顯示（Dr. Betty Hart, Dr. Todd Risley) 父母怎樣與幼兒說話及溝通會大幅影響幼兒的智力發展。( Language Dancing)。
對於將來入學的需要，父母不用太擔心，因為除了國際幼稚園以外，本地大部份幼稚園都是要求未滿3歲的幼兒能聆聽、表達及理解粵語。一些傳統名牌本地小學，都是要求小孩邏輯分析、專注力、品德禮貌以及中文及英文的理解能力。3歲前的幼兒最重要是建立自信、專注力、品德禮貌及思維邏輯（腦部發展）。之後再伸延至英語的運用，可省略邏輯分析的時間，對於學習第二語言更有幫助。
本人修讀心理學碩士課程，致力研究幼兒發展，希望在課堂上或專欄上把知識分享給各位家長。家長如有任何問題，歡迎來信。
Facebook: First Footprint
【爸爸阻止再睇】血淋淋都唔驚！陳慧琳仔仔睇解剖片
育有二子的陳慧琳出席品牌活動。
受訪時，她直言家中甚少開電視，小朋友只會用電腦看卡通。
「我唔會畀小朋友開電視，驚係咁睇，唔得掂，等佢哋放學睇一陣，沖涼做完功課先繼續睇。」
問到驚唔驚佢哋有冇開唔睇得嘅網，陳慧琳表示：「佢哋兩個開咗解剖片段，唔知點解開，不過係醫生解剖。（係咪想佢哋做醫生？）我都係咁諗，但我老公話血淋淋唔畀佢哋再睇。」
仔仔仲有睇媽媽節目，陳慧琳：「有，好健康。」
至於睇成人網，陳慧琳：「佢哋會覺得核突，行天橋少布嗰啲都覺得核突，佢哋未識，大啲再教，每人一部電腦，我會睇佢哋睇過啲咩網，睇卡通都會陪佢哋，聽住，有粗口都唔會畀佢睇，佢哋知道唔好，都唔會去學。」
提到兩子的校園生活，她表示兩子最開心不用上學，經常問幾時打風，但他們功課都多，而且多親子活動，她會與仔仔在晚上講故事，不用做勞作。
（on.cc 東網）
【魂飛魄散…】《愛．回家》突然少咗一角 劇情完全冇交代
講起28歲嘅陳浚霆(Andrew)，你會諗起佢媽咪顧紀筠？喺《街市遊樂團》入面畀江美儀狂抦嘅「街僮」？抑或喺處境劇《愛．回家之開心速遞》入面隻鬼「風少」？
不過，《街市遊樂團》第三輯，「街僮」冇份做，而若果你有追開《開心速遞》，你可能會發現，早喺兩個禮拜前，依附喺相機入面嘅鬼風少，無啦啦唔見咗，劇情又冇交代佢去咗邊，好似從來冇出現過咁，唔通風少去咗「投胎」，定抑或俾人打到「魂飛魄散」咗？
以上揣測都唔係，事實係陳浚霆上個禮拜，已經同大台完咗約，結束3年賓主關係。有報道話佢係因為成為余詠珊曾勵珍權鬥犧牲品，工作俾人停晒，綜藝同戲劇兩邊都冇得撈，實情係點呢？
據知，陳浚霆走得咁急，係因為大台遲遲冇同佢傾續約，到差不多完約嗰陣，公司先同佢講，如果想續約，會將底薪降到得$8,000，肯做就留低，唔制就過主，陳浚霆一氣之下，劈炮唔撈。
而另一講法就係，喺美國紐約大學以雙榮譽學士畢業嘅陳浚霆，學歷、家底都唔弱，曾經參加過《超級巨聲4》嘅佢，對唱歌依然滿腔熱誠，不過大台就一直安插佢入劇組拍劇或者做綜藝節目，冇乜機會唱歌，喺意興闌珊下，又見自己仲後生，趁完約出去闖吓。
對於冇同大台續約，陳浚霆回應周刊時直認不諱，更指係喺呢個禮拜同娘家講bye bye。
「自己唔細，一續約就續幾年，到時30幾40歲先走出嚟或者上大陸搵機會，驚冇咁嘅魄力。我之前都有同(江)美儀、麥包佢哋講，諮詢吓佢哋嘅意見，仲有噚晚就同《愛．回家》班同事講咗，佢哋都覺得我應該試吓出去，哈哈，佢哋仲好好咁，送上祝福o忝！」
有網民話處境劇忽然唔見咗風少，冇交代劇情離晒譜，有周刊都有追問陳浚霆究竟「風少」下場如何？係咪真係魂飛魄散定係戲劇性咁失蹤？但陳浚霆就避而不談，只係話相信劇組會處理，問到係咪因為人工低所以唔留低，陳浚霆就話：「錢唔係我主要concern嘅嘢，其實呢個決定都有同媽咪商量，佢都好贊成我唔留低。」
(蘋果日報)
【小米粒唔再上節目】伊能靜被批評借女兒賺錢
伊能靜在台灣出席慈善活動，伊能靜再嫁後誕下女兒「小米粒」，現時專心在家過着家庭主婦生活相夫教子。
曾帶女兒亮相內地節目《媽媽是超人》被批借女兒賺錢。
伊能靜現時希望女兒有平凡的童年生活，未來不會再讓「小米粒」上節目。
她亦透露與前夫庾澄慶亦有協議，不能讓兒子出鏡，因兒子在求學階段，沒有事情比讀書重要。
伊能靜又指女兒相當旺父，老公秦昊工作接踵而來，忙過不停。
（on.cc 東網）
【記唔記得佢﹖﹗】ATV做到TVB！今晚歸位啦﹗
喺今晚（19日），佢即將成為電視史上首位。。。
藝人蔡國威從亞視轉戰無綫，在亞視多年的他因主持六合彩而得到「六合彩之子」的稱號，當年更試過與經典六合彩主持夏春秋（冬叔）同台添。但隨着六合彩改由無綫直播，他沒有再擔任六合彩主持喇！
近日有消息指「六合彩之子」即將歸位，蔡國威將主持聽晚（19日）的六合彩攪珠儀式，首次在無綫主持六合彩的他，亦成為電視史上首位曾在兩間電視台做六合彩直播的主持人！蔡國威接受東網電話訪問說：「多謝公司同馬會嘅安排，畀咁好嘅機會我。（幾耐之前叫你做？）兩、三個月前啦，當時我拍緊《特技人》同《大帥哥》，覺得應該拍晒啲劇集先，所以10月份先開始出鏡！」
【淼淼學爬啦！】吳若希覺得好矛盾：既開心又不捨
吳若希今年4月誕下愛女Giselle（淼淼）。
雖然吳若希已積極備戰重返樂壇，但佢一有時間都一定陪吓個女。
吳若希喺社交網上載咗自己同囡囡嘅相片。
見到淼淼好乖巧咁趴咗喺地下嘅軟墊上面，好似喺度學爬，而吳若希喺佢前面拍手吸引囡囡注意，同引導佢方向，真係好有愛呀！
吳若希留言：「看着妳每天都有不同的進步，既開心又不捨，不想你長大，又想你學習保護自己，矛盾到我也不知道自己想怎樣……無論怎樣，我想告訴你，家會是你永遠的後盾。」
(on.cc 東網)
【送女去泰國讀書好自私﹖】羅敏莊為樓同老公鬧大交
十年前，「風之后」李麗珊話養大一個小朋友要400萬元；但o依家柴米油鹽乜都貴，樓價更加係升到癲咗！早前有周刊搵咗阿Bob粗略估算養大四個小朋友，即使唔讀國際學校，都要花費約2100萬。嘩！呢個數目，真係唔係每個家庭都可以負擔得起。
冇咁多錢，但又想俾小朋友過較優質生活，羅敏莊(MiMi)就計劃5年後移民去泰國生活。MiMi笑言﹕「我老公都50歲，要幫佢諗定退休後點hea，有呢個plan，主要係因為我孤寒同慳家，香港乜都貴，真係唔捨得拎筆錢去買間「豆腐潤」咁細嘅上車盤，寧願買一個自己鍾意嘅地方。」
MiMi早前將自己層村屋加按後，以一炮過形式買咗一間800餘呎、價值約300萬元嘅泰國樓，佢話最初同老公陳國邦為買樓都鬧大交﹕「佢直情唔啋我，因為老公係97年嘅負資產人士，層樓變銀主盤，仲要欠銀行錢。所以佢好驚買樓，所以我每次買樓都鬧大交。佢覺得既然香港層樓都差唔多供完，做乜要搞咁多嘢？但我又覺得現在有能力，錢係會貶值嘅，既然租金都可以cover番，我又真係諗住遲啲香港泰國兩邊住，最好似朱咪咪咁，有嘢唱咪返嚟囉，我都想plan一個咁嘅人生。」
因為MiMi實在太鍾意泰國，買完樓，仲諗住安排5歲大嘅囡囡陳禛去泰國讀書，問到擔唔擔心俾人覺得太自私？MiMi就話﹕「咁我會陪佢去㗎嘛。咁啲人送仔女去英國、美國讀書都一樣，咁我哋想揀嗰間國際學校，請嘅係英國教師，主要都係用英語溝通，同香港國際學校差唔多。」有冇囡囡商量過？佢話﹕「其實囡囡仲細個，同佢講佢最多只係覺得泰國呢個地方好好玩，好開心呀！如果佢真係去嗰邊讀書，我都會觀察住佢，到時有咩唔適應，就會再調整。」
不過，MiMi同老公陳國邦早前已經帶埋囡囡去過泰國，參觀哈羅曼谷國際學校，MiMi話﹕「因為有朋友都送咗仔仔過去，其實喺香港讀可能要幾百萬入場費，但泰國幾十萬就可以，雖然學費差唔多。睇過泰國間國際學校，地方真係好大，校舍有湖、6個網球場，咁多嘢玩，有時諗如果我媽媽可以俾到我一個咁嘅童年，真係好開心。」不過，泰國政局不穩，MiMi話唔擔心得咁多，佢笑言﹕「香港都唔見得好好，其實每個地方都有唔同危險，我係普通市民，唔會搞事，只想過平淡退休生活。」
(蘋果日報)
【溫馨提示】疫苗資助計劃已開始
衞生署公布季節性流感疫苗注射安排，政府的疫苗資助計劃已經開始，合資格市民即日起可於約2,000間已登記參與計劃的私家診所接種流感疫苗，每劑資助額為190元。
在「疫苗資助計劃」下，6個月至未滿12歲學童、孕婦、長者、長期病患及智障人士及傷殘津貼受助人可獲資助。衞生防護中心總監黃加慶表示，今年有約2,000所私家診所參加資助計劃，扣除資助額後，約三分一的醫生沒有再額外收費。至於公營診所及院舍進行的政府防疫注射計劃將於下周三（10月25日）展開，分階段向合資格人士免費注射流感疫苗。
（資料來源：LuxMed)
世衞早前建議南半球流感疫苗配方，將H3N2病毒株由「香港型」轉為「新加坡型」，衞生防護中心公共衞生化驗服務處主任羅懿之指，「新加坡型」病毒株與「香港型」病毒株類近，亦未有出現抗原變異情況，故使用含「香港型」病毒株成分的流感疫苗，與世衞新建議的疫苗分別不大。
衞生防護中心強調，注射流感疫苗仍是最有效的預防流感方法，呼籲市民接種。
了解更多，可登入 https://goo.gl/KMNdLd
（SINA/ LuxMed）
【高調情侶裝現身】洗米華做暖男 身邊個位勁風騷
澳門太陽娛樂老闆周焯華（洗米華）同「小三」Mandy Lieu好識享受人生，一年去足幾次旅行嘆世界，之前足跡遍及英國、法國、泰國、日本等國家，今次就孖住北上大陸尋開心，現身上海高調睇網球公開賽，被周刊讀者鍾小姐透過「爆相爆片」分享，當日兩人捧「瑞士天王」費達拿（Roger Federer）場，洗米華仲親自執枱服侍Mandy開餐㖭。
當日兩人現身上海網球大師賽，欣賞費達拿對阿根廷球手迪樸度嘅準決賽，讀者喺電話表示：「嗰日夜晚7點半左右，見到洗米華與Mandy同幾個朋友嚟睇比賽，佢哋出現時球賽未開始，仲有半小時先開波，所以佢哋就喺會場周圍行吓，初時兩個都係刻意分開行，好似有啲避忌，但之後洗米華好照顧Mandy，帶咗Mandy去canteen買嘢食。」坐擁億萬身家嘅洗米華，呢次唔帶Mandy去VIP包廂食好西，反而喺平民canteen排隊買上海地道嘢食，之後兩人各捧住幾碗嘢食去搵位，由於canteen裏面人頭湧湧，佢哋搵唔到空位坐，就行咗去一張已有人客嘅枱度放低食物，讀者話：「因為枱面有上手食剩嘅碗碟，我聽到洗米華問：『有冇人嘅？』跟住佢就自己執走清咗張枱，叫埋Mandy過嚟一齊：『一係呢度坐住先。』兩個人share一碗嘢食。」
(蘋果日報)