【包括嬰兒營養產品】法國奶粉厰大量回收擴大下架銷毀

2017-12-22

法國乳製品大廠拉克塔利斯（Lactalis）生產的嬰兒奶粉遭沙門氏菌污染，上周啟動大規模回收，台灣共8款奶粉10批次疑受影響，共出貨逾10.2萬罐。

拉克塔利斯（Lactalis）昨再擴大召回問題奶粉及嬰兒營養產品，食藥署今表示，國內包括友華生技、佳格和端強實業有進口相關產品，再新增720批，11萬罐產品須預防性下架銷毀，確認有6萬8千罐已出貨，台灣兩波下架，合計有25萬罐，其中包括已出貨17萬罐的奶粉產品須防性下架銷毀。

拉克塔利斯昨再傳出擴大召回問題廠房生產的所有奶粉、嬰兒營養產品，台灣食藥署今十時召開記者會，公布新一波的擴大下架產品名單，食藥署簡任技正鄭維智表示，國內僅友華生技、佳格和端強實業有進口相關產品，其中友華生技、端強實業等，再新增7品項奶粉，共720批，11萬罐產品須預防性下架銷毀。

友華生技進口的「金愛斯佳育嬰配方食品」 OSTRICARE PREMIUM INFANT MILK OSTRICARE 900克，批號17C0012581，批號17C0013028；「愛斯康全家益健素」OSTRICARE FAMILY MILK POWDER，批號17C0012349等共3品項產品須預防性下架銷毀。

端強實業進口的「新安琪兒安哺嬰兒奶粉-酸化新配方，批號17C0012405」、「新安琪兒安哺嬰兒奶粉-酸化新配方,批號17C0012406」、「新安琪兒SUPERCARE成長奶粉，批號17C0012392」；鄭維智說，第7項疑似問題產品為佳格的「Procare優質小朋友奶粉乳鐵蛋白配方，批號17C0012503」，但此款產品並未出貨到市面上。

鄭維智表示，新增一波共11萬罐的產品目前已確認有6萬8千罐已出貨，已要求國內3家疑似進口受影響的業者，應於今日晚間12時前完成下架，如未如期下架，依《食安法》可罰3萬到300萬；下架後如未銷毀，可罰6萬到2億。

食藥署已從12月14日起暫停受理法國Lactalis集團下的CELIA LAITERIE DE CRAON及LACTALIS NUTRITION SANTE兩家製造廠的產品輸入查驗申請。

法國受到沙門氏菌奶粉擴大召回，食藥署清查，總計有3家業者進的7批產品受到影響，目前已出貨的有6批產品，已賣出6.8萬罐。圖／食品藥物管理署提供

（APPLE DAILY）

【樣貌身形都Keep得好好】46歲陳霽平：80巴仙係食…

2017-12-22

近年甚少出現幕前嘅陳霽平，08年離開大台回復自由身，之後仲曾經加入港視，雖然港視開台唔成，但因為佢口才了得，英文同普通話都流利，所以冇劇拍都唔緊要，佢就密密接司儀job，工時短，酬勞多，自由度大，陳霽平都唔介意少曝光。

陳霽平日前同一女性友人現身中環ifc，去親呢個熱點，佢哋多數係喺C!ty’Super濕平時被捕。淡妝嘅陳霽平束馬尾，中褸內着住紅裙，份外搶眼，佢仲披咗大絲巾，熟女打扮。

當時，陳霽平同女友人喺超巿內掃零食，佢哋好有效率，五分鐘就揀好貨去排隊埋單畀錢，跟住就拎收據去蓋停車場飛。陳霽平全程摩打腳速度，加上佢係着平底鞋，步伐就輕鬆，佢哋好快仲去咗停車場拎車，極速離開。

《蘋果》今日打畀陳霽平，佢話：「嗰日我去做完摩天輪開幕儀式，跟住過番去ifc度買嘢，我平時買嘢超快，好有目標，因為我要趕過九龍開會，怕會塞車，所以極速走咗。」

陳霽平話近況都係做吓司儀job，work hard，play hard咁囉。陳霽平樣貌身形都保養得好好，佢話秘密係：「我唔食煙，唔飲酒，80巴仙係食素，我又會揀食有機食物，仲會適當做吓運動，好似瑜伽同行山，當然我瞓都好好，我每晚會瞓足8個鐘。」

(蘋果日報)

【一啲都冇嬲】TJ洪大仁冧爆媽咪周家蔚

2017-12-22

話咁快仲有幾日就到聖誕喇！呢日周家蔚就喺社交網上傳佢孖兩個仔洪大仁（TJ）同洪竟琋（JT）準備聖誕裝飾嘅片，片中TJ好百厭咁將裝飾掛落Janet度，不過Janet一啲都冇嬲，仲嘟嘴嗌TJ同佢錫錫，TJ當然唔會拒絕喇，仲好溫柔咁同手仔托住Janet個面先錫，認真冧到暈呀！唔知天明睇到會唔會呷大仔醋呢？

TJ出手布置周家蔚？！

TJ好溫柔咁同手仔托住周家蔚個面先錫。

周家蔚變咗聖誕樹喇！

唔係布置聖誕樹嘅咩，點解變咗係周家蔚嘅？！

認真人細鬼大呀！

唔知JT係咪見媽咪咁靚要扮埋一份，定係依個又係哥哥TJ嘅傑作呢！

不過周家蔚一啲都冇嬲，仲嘟嘴要錫錫。

周家蔚搵埋身邊嘅JT入鏡呀！

(ON.CC)

【唔怪之得阿嬌咁放心】男友係識做嘅！

2017-12-22

組合Twins的蔡卓妍（阿Sa）和鍾欣潼（阿嬌）今年齊齊宣布有拖拍，阿Sa男朋友石恆聰（Anthony）坐擁百億家底富二代，阿嬌則有台灣「醫界男神」賴弘國（Michael），但兩人聖誕到上海商演，要男友慘度Lonely X’mas，阿Sa認為慶祝不一定要正日，阿嬌自爆已收到男友的聖誕禮物，並爆男友拍拖後滴酒不沾。

今個聖誕節阿嬌和阿Sa一如以往孖住出商演掘金，唯獨心情與去年截然不同，因是和男友拍拖後首個聖誕節，對未能在男友身邊度過浪漫佳節，兩位男友可有微言？阿Sa表示：「唔係嘅，有唔係正日慶祝日子嘛，大家都活咗咁多年喇，仲小學生咩。」阿嬌亦言：「同生日一樣啦，都覺得活咗咁多年，冇乜所謂嘅。」阿Sa笑言：「送吓聖誔禮物都要，都咁大個人喇，大家睇開啲！」

撇低兩個男人過寂莫聖誕可放心？阿Sa抱開放態度認為男友都有自己圈子朋友，而阿嬌稱男友已絕迹夜店派對：「自從佢同咗我一齊就好少飲酒，冇飲過添。（為你自動戒酒？）因為我都冇飲，佢又冇乜機會飲。」阿嬌男友靚仔又細心，更提早給阿嬌送上聖誕禮物，她甜到爆說：「送咗添啦！因為唔係度度都買到。（啱晒心水？）就係啱心水佢先畀錢。」

至於聖誕Party，兩人笑言攝到時間就去玩吓，會做Party搞手！阿Sa稱其實不愛當搞手，但到最後總要「出手」，因不少朋友都是藉每年一次Party中聚一聚，但每次Party完後她都嗌「咪搞」：「試過好多朋友同時『劏』（嘔），佢哋唔係嘔喺廁所，係周圍嘔，自此之後我都唔好意思再去嗰個場。」

問到阿Sa是否醉到嘔時，她坦言：「咁我梗係有試過『劏』啦，但係唔會咁張揚咁嘔法，有啲朋友係醉都不省人事，我係唔會畀自己醉到咁。」

講到最難忘的交換禮物，阿Sa笑言抽到三條廁紙，但她喜歡這種將家中廢物作來抽獎，是最好「散貨」機會，阿嬌抵死笑說：「每年先抽一次，要幾多年先清得晒。」

(on.cc東網)

【小予恩腦部受損】可能會影響四肢發展及吞咽能力

2017-12-22

患先天性膽管閉塞的一歲B女小予恩，本月8日接受手術通膽管後一度心跳停止，至今已經昏迷兩周。予恩爸爸今傍晚(21日)到瑪麗醫院見醫生，了解予恩腦部磁力共振掃描結果。他隨後引述醫生稱，掃描顯示予恩腦部受到輕微至中度損害，或影響日後四肢活動及吞咽能力，至於視覺及聽覺能力意識甚麼時候能恢復仍未清楚，而智力及語言發展影響仍是未知數，但院方承諾協助安排她將來入讀特殊幼兒園。

他又指，予恩現時對外界聲音和影像無反應，不知甚麼時候才能恢復，但有信心日後會恢復視力和聽力，肝膽指數亦有改善。醫院會安排予恩接受物理治療及教導家人，他預料予恩仍要留醫數月至半年，院方已經承諾，當予恩情況好轉至離開兒童深切治療部，會安排一個「較舒適的環境」給她，不會再轉至原先的小兒外科普通病房。

予恩爸爸連日更新fb專頁「小予恩關懷禱告組」，獲逾萬人讚好。他感謝各位網民支持和打氣，更稱有在囚人士於獄中看到予恩的消息而感動落淚，特意寄聖誕卡給他。他會視乎院方就事件的調查報告，再決定日後跟進行動，料要等1至2個月。

醫院管理局行政總裁梁栢賢今出席醫管局大會後，對事件不予置評，但指事件不能定義為醫療事故，目前要待瑪麗醫院成立的跨部門小組完成調查才可向公眾公布及交代，估計仍需時數星期。予恩爸爸大為不滿：「醫管局竟然不把小予恩事件列為醫療事故！我們只想專注她治療而沒有提出任何投訴，沒想到你們竟然對一個無辜受難的BB如此不公義？！請問世上有誰能夠為小予恩伸張正義？」

小予恩本月8日於瑪麗醫院接受通膽管的肝腸吻合術，術後轉至小兒外科普通病房，半小時後心跳停止，但相隔約6分鐘才有護士發現及急救，再轉至兒童深切治療部。予恩其後呈「植物狀態」，對外界無反應。

(on.cc東網)

【控告校方違約】陳慧珊入稟促貴族學校退回192萬元債券

2017-12-22

英國貴族學校凱莉山(Mount Kelly School)早前申請改劃紅磡商廈作小學校舍，遭城市規劃委員會否決，令一群已報讀該校小學部課程的學生家長大失預算。女藝人陳慧珊入稟高院控告校方違約，要求校方退回個人提名債券款項192萬港元，或賠償損失。

陳慧珊早前接受傳媒訪問時提到，欲安排女兒入讀國際學校，她亦有與丈夫及女兒一同出席凱莉山發布會，直言這是心儀學校。

陳慧珊、趙海珠和繆美詩齊以嘉賓身份出席國際學校記者會

Flora並非怪獸家長，她和丈夫均給予女兒很大自由，讓女兒可以自由發展

Flora表示從沒有想過要離開娛樂圈，會繼續拍劇拍戲

陳慧珊以親子及教育專欄作家身份於奧海城出席《競爭有道》宣傳創作比賽頒獎禮。

《波士早晨》由黃智賢、陳慧珊主演，但傳聞因為高層鬥爭攪到冇得出街

今年2月，陳慧珊拍片力撐曾俊華做特首，當時她的樣子已經變得豐滿富泰。（網上截圖）

陳慧珊有一名女兒。（資料圖片）

陳慧珊曾跟李佳芯合作，拍攝劇集《波士早晨》。（網上圖片）

原告指校方仍欠她192萬

原告Chan Wai San Flora，校方證實為女藝人陳慧珊，被告則是Mount Kelly International Limited。

入稟狀指稱，根據陳慧珊和凱莉山雙方的合約，即陳慧珊於2016年4月14日所簽署的一份債券申請表，以及凱莉山於2016年5月17日簽發給陳慧珊的一張個人提名證書，凱莉山欠陳慧珊192萬港元，故現要求凱莉山退還該款項。

陳慧珊又指，該債券已於2017年3月31日到期，被告凱莉山因違反雙方合約，未有退款，因此要求賠償損失，以及支付利益及訟費共192萬。

凱莉山國際學校原定於今年9月在屯門開辦學校，但於去年7月突然向教育署撤回註冊申請。（資料圖片）

凱莉山學校：感覺懷疑受到威脅

香港凱莉山學校傍晚透過公關作出回應，證實案中原告為無綫前女藝人陳慧珊，並透露陳慧珊的丈夫鍾家鴻曾於去年接洽學校，建議為學校提供公關服務，以取得學校的提名權，而陳慧珊在此情況下，在未曾支付過款項下，得以持有校方的提名權。

校方指，期後陳慧珊卻「頻繁地」向校方作出不合理的追討，甚至更以電郵表示，若校方不付款，便向傳媒披露事件。校方又指，「感覺懷疑受到威脅」，並按律師建議將事件交由法庭解決。

校方指，由於事件已進入司法程序，不便透露更多詳情，但會將事件交由法庭解決。

另外就今年四月內地家長入稟追討一事，香港凱莉山學校一方指，校方早前已直接退款予該四名家長，對方亦已撤回有關申索。

案件編號：HCA 2960/2017

（HK01）

【用簽約換視帝視后獎？】陳志雲揭秘：係會講到反面、面紅耳赤

2017-12-22

陳志雲為OTT平台OpenSky.tv主持節目《大開眼界》推介節目，還披露18年來在無綫的秘聞。無綫每年的盛事《萬千星輝頒獎典禮》下月將舉行，陳志雲可謂無綫台慶頒獎禮之父，他說：「我記得係我提出，建議可唔可以做頒獎禮，當時做緊節目部總監，當然唔同部門都有意見，獎畀得呢個，驚有啲同事唔開心，最後落實製作部去做。初時大家好開心，做頒獎禮某程度可以懶啲，因為頒獎禮喺台慶裏面，咁其他嘢就唔使點度，後來方小姐（方逸華）話唔得，叫分開嚟做，一直到今日。」

今年視帝以王浩信及馬國明呼聲最高，再三要求下，「台慶頒獎禮之父」陳志雲於「不公平」下揀了馬國明，他笑說：「冇睇好邊個，因為兩套都冇睇，王浩信唔係好認識，馬國明我就認識多啲，憑對佢認識，當然希望馬國明攞，但唔代表王浩信唔好。馬國明係非常好嘅人，好謙虛，冇乜野心，有得做就開心嘅演員，係一個天真漫爛漫嘅鄰家男孩。」

台慶頒獎禮出現，令到編排劇集檔期出現爭崩頭，因為劇集愈近頒獎禮自然愈有利攞獎，陳志雲笑說：「節目部就做咗磨心，大家去角力，記得最犀利係排《天與地》喺十二月，因為唔係台慶劇，製作部唔係咁高興。有角力係好嘅，製作最大吸引力就係冇一定得嘅方程式，好以《金枝慾孽》知佢得，但估唔到得成咁，後來有啲老闆就話要一年開四套呢啲。」

劇集爭檔期爭崩頭，那麼視帝、視后豈不是更激烈，陳志雲直言他的年代沒有傳聞所說的簽約換獎這回事，他說：「你睇番以前攞過視帝、視后都唔一定係TVB經理人合約。當時制度觀眾投票佔一定比數，內部評審係佔好重要嘅元素，內部評審嘅票係會影響到結果，但係當時內部係好公開、透明咁討論，內部自己角力係會爭崩頭，係會講到反面、面紅耳赤，呢啲真係有嘅，講唔掂咪搵高層去定奪。」陳志雲又指當時沒有藝員向他埋堆爭取獎項，但他相信會向監製層面爭取，他亦覺得並不是壞事。

落餐廳揀蟀

當年無綫率先興起舉辦香港先生的概念，但卻被亞視截胡，他說：「以前搵小生好難，方小姐就叫我哋出去見多啲人推介畀公司，要同事每月要交人，但後來冇嚴厲執行。自己試過去一間餐廳，有啲服務員質素唔錯，同佢傾偈了解吓，問佢哋有有興趣嚟試鏡，結果畀餐廳趕走，陳生我哋唔歡迎你，梗係啦你撬人啲員工。」可會尷尬擔心被誤以為是hehe﹖他說：「唔會尷尬，都係做嘢，覺得佢有潛質先傾，但我就未成功過咁樣搵人入TVB。」

唔敢同陳啟泰比

見慣風浪的陳志雲對主持亞視的《百萬富翁2018》坦言有壓力，認為與陳啟泰難作比較，他笑說：「我唔會嚴肅，會輕鬆啲，喺輕鬆吓製造緊張，亦都會滲透《志雲飯局》嘅元素入去，觀眾都有好多故事。」電視圈再起風雲，陳志雲坦言看不到有人可以打低無綫，他說：「TVB根基好雄厚，唔覺得有人可以打低TVB，除非佢自己做咗啲好錯嘅嘢，自己打殘自己，因為TVB觀眾底好強，依家最多人睇都係TVB，但優勢會因為科技、新媒體興起減低。」

(on.cc東網)

【超Sweet】哈利王子與準王妃訂婚照曝光

2017-12-22

英國皇室官網今晚發布哈利王子與準王妃梅根馬可爾（Meghan Markle）的訂婚照，兩人在溫莎堡的Frogmore花園入鏡，攝影師Alexi Lubomirski刻意以素雅的黑白照詮釋兩人訂婚當天的幸福時刻，十分唯美溫馨，還帶一絲懷舊氣氛。

梅根身穿一襲黑色透明絲紗的Ralph and Russo禮服，絲紗上有華麗的花草刺繡，並加上膚色內襯做好防護措施，看似透明性感，但其實毫不裸露，比起凱特王妃的四平八穩，梅根似乎更勇於嘗試、挑戰禁忌，很有梅根的個人時尚風格。

另一幀訂婚照梅根穿Victoria Beckham的白色毛衣入鏡，緊倚著哈利王子胸前，顯得小鳥依人。

哈利王子和梅根訂婚照曝光，一襲Ralph and Russo透明絲紗好性感。（擷自英國皇室官網）

梅根穿Victoria Beckham的白色毛衣入鏡，緊倚著哈利王子胸前，顯得小鳥依人。(擷自英國皇室官網)

哈利王子和梅根訂婚照曝光，一襲Ralph and Russo透明絲紗好性感。（擷自英國皇室官網）

(CHINATIMES)

【畀老婆呃咗】森美會結婚係因為…

2017-12-22

早前森美獲邀與三位觀眾作facebook Live直播對話，分享他們的求婚、結婚或周年紀念的感人故事。現時已擁有幸福家庭的森美，當聽到別人談及與丈夫長距離戀愛的故事時，他亦分享自己的故事，他說：「以前我Long D（長距離戀愛）最痛苦嘅係寄一封信畀女友要兩個禮拜，她回覆又需時兩個禮拜我先收到，所以當時問一條問題要一個月後才得到答案。」

是次周大福透過「一生一愛」故事招募情侶和夫妻們分享自己的故事，森美聽完每一位參賽者分享故事後，森美亦即席為他們製造小驚喜，包括：手寫心意卡、充當「和事佬」幫參賽者哄太太、送出親筆簽名書，以及分享愛情的保鮮秘訣。

提到在適婚年齡還沒求婚的話題時，森美分享了與太太的故事：「太太當年同我講有一位相士同佢講，如果我哋唔結婚就會分手，然後佢會搵到一個比我更好嘅男人。當時男人嘅妒忌心同好勝心驅使之下，我哋就即刻結婚。婚後10年有一次喺漫天雪地嘅雪車上，我再問佢當時相士有冇話佢同嗰個更好嘅男人咩時候會結婚。我老婆聽後望一望我，再望一望遠方，話：『冇呀！我從來冇睇過相。』我就知道畀佢呃咗！」

經常在電台節目中為聽眾解答戀愛煩惱，森美坦然聽過各色各樣的愛情故事，他發現：「好多人對婚姻會有錯誤嘅期望，以為同Mr.或者Ms. Right結婚之後一切都會好完美。」而結婚14年、出名愛妻號的他對婚姻卻有另一番體會：「我覺得兩個人相處嘅時間耐咗，就會有平淡嘅時候，但只要記住相愛嘅初心，細味與另一半嘅一點一滴，回頭就會發現，原來有好多值得回味嘅時刻。」他建議大家可以用最初戀愛的心情為對方挑選一件鑽飾作為禮物，締造二人專屬的「一生一愛」故事。

(on.cc東網)

【當咗八達通】泰臣: 一日三餐食麵包唔夠膽買…

2017-12-22

藝人翟凱泰（泰臣）貴為2018年元旦「好運1月1」賽馬日的「好運之星」，對新一年充滿希望，又自覺人生最好運就是成為演員：「可以做自己想做嘅嘢已經好好運，入行之後又會諗呢行會唔會好難搵食呢？冇人關照嘅話點算？又好好彩入咗劇團，離開劇團又搵到經理人接觸電視圈。」生活上，他認為偶爾獲得一些小甜頭已足夠：「揸車泊車有錶位已經覺得好開心，我係一個好易滿足嘅人！」

師兄窮到當八達通

不過幸運背後，原來泰臣亦經歷過失意期，他說：「始終做演員唔能夠寫包單一定穩定，試過有一段時間冇嘢做，因為我哋唔係全職工作，又要Keep住人氣，突然之間冇工作就會囉囉攣。戶口跌到幾位數一定試過，因為演藝學院畢業後做劇團，能夠工作嘅崗位比較少。」他坦言試過一日三餐以麵包充飢：「慳啲慳啲咁食，晏晝都係食麵包，有個師兄當咗八達通，我就買一磅麵包排戲時食，唔係話冇錢買飯盒，係唔夠膽買，慳得就慳。我又未至於要當八達通，但心情一樣好擔心，會諗自己係咪適合呢一行呢？」

幸而他沒有放棄，更以搞笑形象成功入屋，贏得觀眾支持。擅長模仿的他坦言由舞台劇轉演電視劇，當中需要過渡期：「舞台劇係同1,000個觀眾Live，同呼同吸，電視劇就係剪好後再首演，演繹上都好唔同，好多拍劇嘅人都話『你演技可唔可以唔好咁誇？』我哋做舞台劇嗰個舞台太大，手腳移動幅度大啲，但拍劇要收窄喺個電視畫面。依家做咗幾年電視電影，開始拿捏到點樣可以寫實啲。」