娛圈喜事陸續有！繼尋日胡杏兒公布已經生咗仔仔後，其實藝人麥雅緻都就快生得喇，預產期喺10月31日嘅佢今日上載幾張大肚相，見佢個肚非常巨型，而囡囡小豆就錫錫媽媽嘅肚皮，成個畫面都好有愛呀！
其中有一張相就係麥雅緻同老公張頴康肚頂肚嘅相，唔單止影相，張頴康仲發表愛的宣言話如果有得揀願意代老婆懷孕減輕痛楚，難怪麥雅緻每張相都流露住幸福嘅笑容啦！
麥雅緻喺社交網留言：「最近都睡得不好，現在的重量是前所未有的重，基本上這兩星期是一步一驚心，一步一痛，晚上睡覺連簡單的轉身都痛！
不過仍是感恩孩子帶給我的種種感覺，老公打趣地說叫我要好好記住了，（因為我已表明2個夠哂（晒）數）他說可以的話他想代我懷孕幫我減輕痛楚，有他及小豆的窩心鼓勵，心·還是很甜的！
雖然有過生產的經驗，但是，夜欄（闌）人靜時，心裏還是會擔心及害怕！小寶寶，媽媽爸爸及小豆姐姐期待你健健康康出來，我們一起建立一個一家四口，又無聊，又搞笑，溫馨的家！」
(on.cc東網)
胡杏兒與老公一直非常恩愛，杏兒於2015年承認與李乘德相戀，同年11月6日，亦是杏兒的正日生日，她於微博宣布訂婚消息，去到12月28日，兩人正式拉埋天窗。
直至今年母親節，杏兒宣布懷孕4個月的喜訊，在社交網上載一張老公跪地親吻孕肚的相片，畫面有愛，受到眾人的祝福！
杏兒宣布懷孕後，Philip對太太更為愛錫。由於是第一胎的關係，杏兒透露懷孕初期亦相當辛苦，感到發冷、作悶作嘔，就連平時喜歡的食物都不想吃，故體重下降，令老公相當擔心。
身為模範好老公的Philip，面對當時胃口轉變的杏兒，他亦都貼心照顧，杏兒指曾試過半夜時分叫老公買魚蛋粉，老公亦一一去做，絕對是「女王級」般的服侍，令她極為感動！
5月時，二人去了馬爾代夫度假，Philip更親自操刀為太太拍攝一輯孕肚水着照，記錄懷孕點滴。
7月時杏兒與「胡說八道」好姊妹飛往澳洲拍節目，期間Philip不但在網上時常晒出杏兒的照片，表達對太太和肚裏的BB的思念之情，而杏兒回港時，Philip更帶備鮮花驚喜現身機場接機，盡顯甜蜜一面。
9月時，懷有7個月身孕的杏兒到上海工作，Philip不但做「跟得人夫」飛抵當地陪太太，為了讓太太可吃不同味道的小籠包，竟在食店點了共60隻的小籠包。
(on.cc 東網)
中國跳水女王吳敏霞今年五月與男友張效誠領證結婚，正式結束八年愛情長跑。
二人本月五日於陝西富平舉行中式婚禮後，今日移師到女方出生的上海舉行第二場婚宴。
現場布置以藍色作為主色，盡顯夢幻及浪漫，二人又大晒婚戒，非常幸福。
此外，吳敏霞的前國家隊隊友高敏、郭晶晶、現任國家游泳隊隊員傅園慧及排球運動員惠若琪等多名體育界明星亦有到場祝賀。
(on.cc東網)
謝安琪（Kay）於2015年與麥浚龍（Juno）合唱《羅生門》後再度爆紅。
歌曲更橫掃多個頒獎禮，同時令兩人由好友昇華至「密友」，不時相約食飯吹水傾音樂。
直至Kay的愛女張靖今年3月出世，Juno即舉手認頭做「契爺」。
去年4月舉行暫別樂壇演唱會回復自由身的Kay，原來早被Juno𥄫實，據知，當時Juno已開聲力邀她加盟公司Silly Thing，由於Kay打算休養兼再生，為免令Juno失望，承諾對方如復出必簽約於他。
如今Kay見囡囡已戒夜奶兼開始長大，加上Juno開出以千萬簽三年死約、兩年生約的條款利誘，Kay今年中秘密與Silly Thing動筆簽約。
Kay定下2018年復出，故Kay近月頻頻孖老公張繼聰跑步收身，為復出作準備，據知她近日更已開始收歌及錄音。
(on.cc 東網)
杏兒一向同胡說八道會啲好姊妹，感情尤如家人，當中以「胡說八道會」姊妹之一嘅李施嬅最為觸目，因為李施嬅係杏兒老公李乘德嘅前度，不過杏兒大肚嗰陣，接受奇妙電視節目訪問時，講到杏兒與老公李乘德婚後甜蜜恩愛，又講到李乘德同李施嬅曾經拍拖，杏兒就落落大方咁話：「都已經係過咗去嘅事！」
昨日杏兒喺社交網宣佈生咗Baby Lee，身為「三契媽」李施嬅亦回覆傳媒：「BB!好cutie……好靚仔。今日放假回港去shopping，他們甚麼都有，又想搵一啲有心意特別啲嘅禮物，有點難買。送我自己啦。哈哈!」
至於，Baby Lee嘅「二契媽」姚子羚接受傳媒訪問就話：「係呀，好開心，見佢今日公佈咗。但我未去探，因為佢生嗰幾日我病咗，所以費事探住，嚟緊呢幾日會去探。有睇相，BB好得意好健康，覺得杏兒好叻，呢段時間佢休息緊。」
咁會送乜畀BB？姚子羚話：「Baby Shower時，我同胡蓓蔚已經送咗一份禮物，咁遲啲都會送多份，但未諗送乜，要睇媽媽想要乜嘢先。」講到BB似邊個？姚子羚只係睇咗相：「未睇清楚呀，但係一個眼大大嘅BB，好得意，係handsome BB。」
胡定欣接受傳媒訪問嘅時候，就話：「當然好開心BB終於岀世，一班契媽等左佢好耐。等杏兒休息下，再去探佢。」問到佢覺得BB似邊個多啲，佢就話：「有齊爸爸媽媽的優點。」
「細契媽」黃智雯透過短訊回覆傳媒：「知道呀!佢早幾日生咗，有send相畀我哋睇，好得意呀，但暫時忙工作未去探BB，亦知佢攰，等佢休息多幾日，返到屋企先去探杏兒啦。」之後，黃智雯話之前babyshower都送咗啲衫仔：「嚟緊送個吻啦。等佢滿月，睇吓再有乜啱Baby Lee啦!」
「大契媽」胡蓓蔚亦回應傳媒：「探咗啦！送咗好意頭嘅禮物俾BB！(BB似媽咪定爹哋？)都似！超靚仔兼得意！」
此外，好友陳山聰短訊回覆：「恭喜恭喜，希望小朋友同杏兒都身體健康、幸福快樂☺小朋友快高長大。」
(蘋果日報)
37歲嘅甘比（陳凱韻）同66歲大劉(劉鑾雄)結婚後，成為香港女首富，早前宣布懷有第三胎。昨日下午五點幾，腹大便便嘅甘比同媽媽現身銅鑼灣希慎廣場陪伴一對仔女購物。
甘比懷孕5個多月，穿上連身裙個肚已經好明顯，佢戴住草帽，仍未失少女味；而8歲大女秀樺同4歲細仔仲學都係穿上運動服，估計係返學後去行一陣街。甘比媽媽拖住秀樺行前面，而甘比就拖住仲學跟在後面，仲學一邊行一邊食雪條，眼仔碌碌，同爸爸一個餅印一樣。
而身邊就有一位保鏢貼身保護，仲幫手拎咗一大袋卡送畀小朋友嘅禮物，難怪見到仲學個開心。廣場門外，更預早有「1LOVEYOU」和「1 LOVEU2」一白一灰嘅七人車及數名保鏢守候，未見到甘比等人，其中一名保鏢已不停用手機與另一人互通短訊，似乎通報「主子」準備離開，所以開定車門畀佢哋上車，由於喺繁忙時間，氣氛頗緊張。
甘比媽媽最先「I LOVE U2」灰色七人車，並「自動波」爬入最後排位置，而大女同囝囝就同媽媽坐中間位，仲學見有人影相，仲探頭張望，非常得意。
而其餘保鏢則上了另一架白色車離去。
(蘋果日報)
恭喜恭喜！杏兒生咗喇！
BB係仔嚟嘅，已經出咗世幾日喇，重7-8磅，改名叫Brendan。老公李乘德（Philip）剛剛喺IG報喜，貼咗張佢抱B嘅相，用英文寫咗篇長文報喜，佢話太太雖然已經生咗幾日，但體力未回復，依家仲好攰，要俾啲時間佢休息，仲話多謝大家祝福。
Philip仲好自豪咁話囝囝肺量強勁！胡杏兒所屬公司發言稱杏兒已經出咗喇！Philip話，BB個名係佢發夢時「見到」，愛爾蘭人嘅意思係「王子」咁解。剛為人母嘅杏兒同步喺社交網貼圖，兩公婆用手圈成心心，包住囝囝隻手，然後寫「我們仨」。咦，同郭富城微博報喜話太太生咗一樣喎！
胡說八道成員紛紛祝賀，黃智雯狂貼心心，寫道：’Hello babe lee , welcome welcome!’恭喜晒李生李太！
(蘋果日報)
1. 不吃早餐
早餐是一天活力的來源，如果沒有吃早餐會使血糖降低，容易產生飢餓感，在血糖偏低的情況下吃午餐，身體會吸收更多糖分，反而會讓你更容易變胖。
2. 身體缺水
當身體缺水時會傳送「需要水」的訊息到大腦，進一步使人有飢餓感，下次吃過東西依舊覺得肚子有點餓想吃東西，不妨可以先喝點水，避免自己攝取過多的熱量。
3. 攝取過多碳水化合物
碳水化合物會使血糖迅速上升，讓你一下子就有飽足感，相對血糖也會容易快速降低，這種瞬間的高低差，容易讓你感覺明明才剛吃飽，才過一下子就餓了。
4. 營養不均衡
每次吃完高熱量速食，不是一下子就餓就是根本沒有飽的感覺，原因就是身體缺乏蔬菜營養向大腦傳送訊息，身體就會出現「肚子餓」的訊號。
5. 壓力
為什麼有些人在壓力大時就會暴飲暴食呢？因為當你承受極大壓力時，體內會分泌「飢餓素」讓人容易有飢餓感，導致想吃東西的慾望一直停不下來。
(自由時報)
儘管人們都會經常打掃廁所，試圖使其保持乾淨和衛生，但其使用廁所的兩個常見習慣，卻可能使平時的努力「破功」，進而讓廁所成為細菌的溫床或影響人體健康的隱憂之一。
據英國《每日鏡報》報導，以下是居家生活中，人們容易養成、不利於健康的兩個習慣：
有調查顯示，68%的男性會在馬桶座墊立著時沖水。雖然這看起來沒什麼大不了，但卻會影響身體健康。
這是因為沖水馬桶的設計是為了沖走排泄物和其中的細菌，諸如沙門氏菌、志賀氏桿菌等，所以水流的力道很強，在空中可衝至15英尺（約4.6公尺）。
而在沖水時，髒水可能四處飛濺，並將細菌帶到地板、水槽或牙刷等人們會接觸的表面。為了安全起見，最好還是先把馬桶的座墊放下，再進行沖水，這樣就不會讓細菌到處跑。
雖然馬桶沖水時，髒水也有可能飛濺到馬桶刷子上，但另一種情況可能比較糟。也就是人們在使用刷子刷洗馬桶中的糞便之後，就將其收在支架上。
在這種情況下，細菌會從糞便中移轉至刷子，再移轉至刷子的支架，而這裡也會成為細菌孳生的絕佳環境。
為了降低風險，馬桶刷子在使用後，應該先清洗與消毒，再放置陰乾，然後收納至其支架上。
儘管廁所內沒有馬桶刷子好像怪怪的，但有專家建議，人們最好完全不要使用刷子，而是使用橡皮手套和清潔劑，來進行清理馬桶的工作。
(大紀元)
Angelababy（楊穎）近年一直喺大陸發展，今年1月同黃曉明生咗囝囝小海綿之後更專注湊仔，不過仍然有拍下劇同埋上綜藝節目。
日前Angelababy喺大陸節目接受訪問時突然回到未紅前，講番自己細個嗰陣同婆婆住喺上海嘅生活，仲懷疑自己患咗強迫症直至今日添！
Baby稱當時爸爸媽媽都好忙，同外婆感情比較深厚，第一次做模特兒所賺到嗰1千蚊都全數畀晒婆婆，真係生性又孝順。
佢亦講到當時有啲食飯嘅小習慣係受婆婆影響，佢話：「我明明吃得已經很飽了，但是我就很有強迫症的，要把飯碗裡最後一粒米吃完。」
Baby話有時都唔明白自己點解要咁做，後來仔細思考之後至覺得同婆婆有關，因為婆婆從小就教佢食飯一定要食清光，因為咁做係對農民嘅尊重咁話，漸漸就好似強迫症咁。
(蘋果日報)
