英國凱特王妃（Kate Middleton）9月初宣布懷了第3胎，因為孕吐嚴重在肯辛頓宮靜養1個月，上周才恢復參加公開活動。日前她就與威廉王子和哈利王子一同出席在倫敦柏靈頓車站舉辦的公益活動，更展現「舞」功，與柏靈頓熊共舞，一舉一動都成為媒體焦點所在。
35歲的凱特王妃嫁入王室6年、懷了3胎，全都因為妊娠劇吐影響作息，被迫取消公開行程，讓人擔憂她的健康。幸好她上周和昨天兩度亮麗現身，看起來氣色不錯，也讓粉絲鬆口氣，肯辛頓宮發言人表示：「凱特還是有孕吐，但已經好多了，昨天才得以參加活動」。
今次露面，她穿上來自英國設計師品牌Orla Kiely 2013秋冬系列的高腰及膝連身裙，七分袖、蝴蝶結腰帶及鉛筆裙的設計帶點60年代的復古韻味，再配上微捲的髮型及簡單的黑色高踭鞋，精緻優雅，大方得體。
(蘋果日報)
周柏豪及台灣歌手楊丞琳為全新信用卡攜手合作，擔任代言人及拍攝新一輯廣告。
講到Shopping，柏豪絕對是購物狂，買衫褲鞋襪之餘，亦會到超級市場或上網用信用卡購物。
柏豪表示：「其實買嘢可以有好多理由，有時工作有壓力，買自己喜歡嘅嘢，幫助抒發，不過當然要看情況，量力而為。」
柏豪大多數時間對購物都會比較清醒，不過偶爾也有任性的時刻：「試過想要得到一樣嘢，明知喺第二啲地方比較平，就算身邊朋友都勸我，但我都唔會理，就係想喺嗰一刻即時擁有。」
已成家的他自言消費模式亦有所改變：「以前會買自己想要好久嘅嘢，依家就會買必需品，依家係『三家之主』，結婚後身份唔同咗，要照顧好多人，自己亦很鍾意照顧人。」
柏豪更經常鼓勵正在享受退休生活的周媽媽多跟周爸爸到處旅遊和購物，笑指這是自己工作的動力。
(on.cc 東網)
藝人陳小春與仔仔Jasper拍攝內地真人騷節目《爸爸去哪兒5》，其大聲喝仔嘅嚴父表現受盡網友非議，有人覺得小春教仔太嚴苛，搞到個仔個樣好驚又好委屈，不過最後小春都有反省，向仔仔道歉，最尾都係大團圓結。
正所謂有因必有果，原來陳小春童年時過得不快樂，他早年接受一個節目訪問時的片段被網友翻炒，小春提到童年時曾被爸爸用鐵鏈鎖住，不讓他外出，因為他是家中的大哥，必須看管弟妹，父親擔心他會出去玩，弟妹在家沒人照顧，所以鐵鏈鎖住他的腳，然後連在鐵門上。節目中小春被問到有沒有覺得自己像猴子般被對待？他表示：「沒甚麼感覺，只是覺得爸爸鎖我，是好像是不太好。」
陳小春還透露自小家貧，父親是地盤工，而母親是洗碗工，但雙親都對他們的教育非常嚴格，他說：「每天晚上7點就必須上床睡覺，爸爸到家之前，大家都必須回到家，他回到家第一時間洗澡，洗完澡出來立刻吃飯，吃完飯看新聞，關燈，睡覺！」
儘管如此，長大後的小春還是非常感謝爸爸的管教，他說：「我有現在這個環境，我要謝謝我爸爸，要不是他當年，如果沒有那麼嚴格對我的話，搞不好我現在真的是『古惑仔』。」
藝人李蘊（Renee）出席好友許嘉浩生日派對，她表示女兒羅紫晞現時雖然還未戒奶，但相對比以前輕鬆，因此能夠抽時間到來撐場：「嚟一個鐘到就返去，我媽啱啱幫我帶返去先，佢瞓覺都要我喺身邊。」她直言做了媽媽之後，仍好像發夢一樣：「我年紀唔係話好大，身邊又唔係好多朋友生咗BB，每日專注喺小朋友身上覺得好充實。」她笑言開始習慣女兒曳：「可能佢屬猴，成日爬嚟爬去冇時停，把聲又大，覺得佢唔係好似我。（似爸爸？）佢又好斯文，可能屬猴比較活躍。」
講到Renee日前在社交網甫相似有第二胎，她笑言：「唔好咁講啦！話我肥！我生完BB冇收身，但手、腳同面都瘦番，又冇時間去做運動，但肚腩都仲有少少咪畀人誤會有第二胎。（會追多個？）咁一定會，但冇咁快。（唔驚相差大？）我同我細佬差三年都可以好好，佢依家得歲幾，我諗同下一胎會差三年左右。（有冇鼓勵好姊妹拍拖？）唔到我講，我其中一個姊妹（鄧紫棋）都有男朋友啦依家，最緊要開心。有啲人唔想咁快結婚生仔，有啲想專注喺事業上，有咗基礎諗法可能成熟啲，我都唔鼓勵身邊朋友咁急生，因為真係好辛苦。」她表示開始歲半的女兒找遊樂場學習同人相處：「同其他小朋友玩吓提升社交能力，小朋友最緊要開心。（你係咪怪獸家長？）睇我都唔係啦，開心健康快樂最緊要，叻唔叻要睇天分，我唔會跟隨社會畀壓力小朋友。佢自己想點就點，唔可以唔讀書，不過唔需要真係好叻。」
(東方日報)
臨近台慶月，又是網民及劇迷打牙骹競猜誰是視后的時間！今年更有影后級參戰！
胡定欣
入行15年、兩屆視后胡定欣在《同盟》奉旨與陳展鵬談情說愛，「肉搏」兼嬉水，又要手腳並用化身索爆打女，玩盡MMA及巴西柔術，被指有望視后三連霸！
宣萱
宣萱於《不懂撒嬌的女人》飾演辦公室女魔頭「Mall姐」，女強人本色令人望而生畏，獲讚演得入型入格，劇中又有騷事業線色誘林文龍玩「撒嬌」，令她人氣急升。
唐詩詠
《撒嬌》中的唐詩詠，與宣萱吵架的一場喊戲及喊爆掌摑黎諾懿的演出，獲激讚演技大爆發，令人另眼相看！她表示曾到馬來西亞上法國戲劇大師Philippe Gaulier的短期課程。
田蕊妮
田蕊妮在《迷》因愛女被殺而情緒崩潰，及扮精神錯亂對墮樓的吳業坤見死不救的戲份，劇迷大呼「唔睇會走寶」！而於《超時空男臣》則盡展搞笑本色，網民指她具實力為宣萱最勁對手！
李佳芯
李佳芯近年獲捧，在話題劇《踩過界》中飾演開放愛蒲法官，與張振朗和王浩信有連場床戲，同時被讚演技比之前大有進步。
鮑起靜
金像影后、68歲的鮑起靜在《同盟》與江美儀互寸的七分鐘戲份盡展神級演技，她更親身上陣拍攝多場動作戲份，表現專業，大批網民均讚鮑姐非同小可！
黃翠如
最近黃翠如憑熱播劇《使徒行者2》臥底角色「阿梅」開始搶位，其表現更亮眼到連同劇的「三哥」苗僑偉都公開點名大讚她絕對有機會問鼎視后，而頻頻被指快將與男友蕭正楠成婚的她，更犧牲婚期，接受公司安排劇接劇增加曝光率，提高贏面！算喺大熱人選…
(東方日報)
昆凌之前一直都是長髮，形象甜美。
早前產下二胎不久，昆凌就剪去長髮，及肩短髮仍然顯得少女感十足。
最近將頭髮剪得更短，變成型格短髮。
原來，昆凌最近在加拿大拍攝新片，她更為電影將自己一頭長髮剪短。
昆凌更在社交網站寫道:「Here’s the badass look！」（這就是壞小子的形象！）照片的她一改平日的長髮甜美形象，令她多了一份嫵媚和性感!
（on.cc 東網）
藝人陳小春早前帶着仔仔上內地節目《爸爸去哪兒》第5季，父子檔上陣令可愛的Jasper瞬間爆紅成為當紅星二代，不過爆紅「代價」可能會讓小朋友受到巨大壓力甚至會因名聲而驕傲，身為好爸爸的小春就不贊成兒子加入演藝圈，更表示拍完節目後，就不會讓小小春再出現，他說：「他才4歲，懵懵懂懂的，沒有這個概念」也因為兒子沒有意識到明星光環，才能讓他放心地帶着兒子體驗這個世界。
(東方日報)
「抓豆袋」呢一款懷舊玩具，相信係唔少香港人嘅集體回憶，而育有兩個女兒嘅湯盈盈，之前仲同大女Alyssa一齊喺「big big channel」大玩抓豆袋。
湯盈盈一嚟就同囡囡講解遊戲嘅玩法，仲示範埋畀佢睇應該點樣玩。
Alyssa雖然眼定定咁望住湯盈盈拋高啲豆袋，不過當佢一聽到媽咪叫佢試吓玩嘅時候，佢一口拒絕之餘仲話自己一定接唔到。
面對囡囡拒絕自己嘅湯盈盈，反而表現得相當有耐性，仲好有耐心咁同囡囡講：「你都未試過，又點知自己唔得呢？」一班網民睇完都大讚湯盈盈面對囡囡耐性十足。
之後Alyssa亦都有嘗試去拋高個豆袋，點知一拋就跌咗落地。眼見個豆袋跌咗落地，佢即時好氣餒咁話：「I cannot do it」。
湯盈盈亦都繼續鼓勵囡囡再試，Alyssa亦都好聽話，不過佢就一改遊戲玩法，用兩隻手去接番個豆袋，之間佢仲突然大叫，相當搞怪呀！
唔少網民都讚湯盈盈教女有方，雖然面對囡囡未試就叫唔得，不過佢都依然相當有耐性。有人話Alyssa人仔細細就已經全程都用英文同媽咪溝通，相當叻女。
(on.cc 東網)
藝人毛舜筠（毛毛）以單車大使身分出席第七屆「維特健靈慈善單車馬拉松2018」記者招待會，毛毛現時身形瘦了不少，陳志雲更孭起她轉圈，她表示原因大約兩個月前肥了很多，因而開始戒糖減肥：「戒咗之後瘦咗4磅，覺得依家瘦咗精神咗。（會參加埋滾軸溜冰比賽？）唔會啦，我唔識。（平時有做運動？）屋企有間房做空中瑜伽。」
問及女兒曝光率高會否考慮入行？毛毛直言：「冇，一啲都冇，佢想做老師所以都想低調，我都要保護佢同尊重佢意思。」毛毛表示女兒現時到加拿大修讀教育，亦有請教同場的陳美齡意見：「佢好叻，好似話教育呢樣嘢點樣能夠讓小朋友得益，好感動，如果十幾年前早啲認識會更得益，佢好有心去研究，我依家多時間留香港會向佢取經。」
她又為女兒的志願為教小朋友感到開心：「佢對小朋友好有興趣，係一份人生很有意義的工作。（會返香港教書？）暫時唔會，睇吓搵唔搵到食先。（佢教邊類學生？）暫時想教啲六歲以下，但佢話依家實習見有啲六到十歲都好可愛。」
(東方日報)
近年大陸製作唔少電影，當中有啲抗日神劇，連大陸啲網民都不敢直視，而大陸喜劇橋段更耐唔耐就見到周星馳「無厘頭」演出嘅影子，咁講到拍經典之作都真係幾難挑戰，拍得唔好，劇本唔啱觀眾，隨時淪為毀經典嘅爛片。
陳浩民當年喺大台演孫悟空，為人熟悉，最近接拍大陸電影《鬥戰勝佛》，拍就拍完，不過似乎片酬未解決，搞到陳浩民要喺微博淪為苦主公開追數，留言：「賠錢可能相安無事，幫你賺了錢反而翻瞼不認人、無奈，人在做天在看，你們是逃不了的，我會用盡一切辦法，去維護我的權力，簡單的說就是收足錢為止。P.S別再打着我的名號去蹭IP圈錢了。」
據知呢套戲就唔係愛奇藝出品，應該係買嚟播放。有周刊都問過陳浩民，佢就話：「經理人公司同我處理緊，唔方便回應!」
再翻睇大陸網民嘅留言竟然封呢套係「毀經典的電影」，套聲稱係「現代魔幻喜劇電影」係由陳浩民、林子聰、藍燕主演，講述「齊天大聖」喺人間修行，陳浩民喺戲中叫「孫小凡」，做一個專注畫西遊記漫畫、冇人識欣賞嘅畫家。
睇咗嘅大陸網民就話呢套係「特效太假，劇情場景切換擺明粗製濫造」，點知劇情咁相當奇怪，講啲妖怪太強，只有孫悟空先擺平到，但下凡嘅「孫小凡」，冇能力去打敗妖怪，嗯，竟然「豬八戒」林子聰決定教孫小凡棍法，孫小凡仲要接受豬八戒提議，開始學棍法，仲要孫小凡自己自己設計一個「霸氣外型」，就係動畫《龍珠》嘅悟空look，真係old school到一個點!難怪有啲大陸網民都話笑唔出，「演員都認識，但是看起來怎麼這麼像垃圾網劇呢？竟然還上院線了，可以打負分的話我一定毫不猶豫」、「劇情就不說了，導演智商甚至低到分不清猴子和猩猩」。
(蘋果日報)
