【鞋子頻發出異味？】5個小秘訣徹底消除異味又防霉！

2017-10-20

一整天把腳包在密不通風的鞋子裡，腳便開始冒汗，回到家如果沒有徹底消除濕氣，鞋子不僅會發出異味還有可能發霉，iStyle整理出5個除臭除濕小秘訣，讓你不用擔心鞋子會飄散異味。

檸檬水
日本生活情報節目「コレ考えた人、天才じゃね！？」指出，檸檬中富含的維他命C可以減少細菌數量，鞋子中的異味也會消失不見。在350毫升自來水中擠半顆檸檬汁，靜置三天後，放入噴霧罐中即可完成。當鞋子有臭味噴一噴放在通風處陰乾，臭味就消散啦！

小蘇打粉
小蘇打粉不僅可以清潔髒汙、洗去蔬果上農藥更可以吸除濕氣與異味。首先準備好一雙舊襪子，接著倒入1／2杯的小蘇打粉，把襪子開口處打結放入鞋子中，隔天起床就可以穿著乾爽無異味的鞋子出門上班。

報紙或衛生紙
異味的源頭就是濕氣，方便取得且吸水性佳的報紙與衛生紙，成了消除臭味最佳小幫手。將報紙、衛生紙揉成一團放入鞋內，就可以降低鞋子發霉、發臭的機率。

餅乾裡的乾燥劑
悶熱夏天容易流腳汗，如果沒有徹底除濕鞋子容易飄散異味。日本生活網站「心と体の健康.com」建議將海苔、餅乾、喜餅盒中的乾燥劑放入鞋子裡幫助除濕，就不用擔心有尷尬的異味。

暖暖包
活性碳具有除臭功能，因此用完的暖暖包別急著丟，只要放入鞋子裡就可以消除鞋子的異味。是不是覺得很方便呢？

(自由昤報)

【防曬好重要】五大錯誤觀念要搞清﹗

2017-10-20

唔關貪唔貪靚事﹗好多研究證明，防曬產品對減低患上皮膚癌。。。
______________________

澳洲癌病協會（Cancer Council Australia）的一項統計發現，只有 55% 澳洲人認同每天使用防曬產品屬於安全。

調查訪問了 3,614 名澳洲人，當中五份一人認為每天使用防曬產品會導致身體吸收維他命 D 不足。

此外，亦有 17% 受訪者認為防曬產品含有對身體造成壞影響的成份。

癌病協會公共健康委員會主席辛克萊（Craig Sinclair）表示，現時已有更多證據證明防曬產品對減低患上皮膚癌的效用。

他明言，對於有不少人仍然對防曬產品存有懷疑的態度，非常關注。

他表示，有三份二澳洲人一生中會被診斷患上皮膚癌，強調防曬產品是必不可少。

他說：「澳洲市面上的防曬產品受澳洲藥品管理局的嚴厲監管，確保所含成份安全且有效。」

他強調，已有大量證據證明防曬產品有助防止皮膚癌及致命率最高的黑色素瘤。

他又表示，有數項調查更顯示，日常生活中使用防曬產品對人體吸收維他命 D 影響輕微。

五個對太陽油的錯誤觀念

觀念（一）：每天使用防曬產品不安全。

擊破：防曬產品手澳洲藥品管理局嚴格監管，確保所含成份安全而且有效。每天使用太陽油不但不會影響身體健康，而在紫外線指數達到 3 或以上的日子，亦應同時配合其他防曬產品使用。

觀念（二）：太陽油會妨礙身體吸收足夠的維他命 D。

擊破：有數項調查更顯示，日常生活中使用防曬產品對人體吸收維他命 D 影響輕微。在夏天，少量的戶外活動已足夠人體吸收所需的維他命 D，例如在午飯時間步行前往商店。對於維他命 D 不足的人士而言，亦不應曬太陽或拒絕使用防曬產品。

觀念（三）：太陽油已提供足夠的防曬功效。

擊破：太陽油應與其他防曬產品或措施同時使用，包括穿著長袖衫褲、在陰涼地方休息，及佩戴太陽帽及太陽眼鏡。太陽油不應被視為防曬「盔甲」，從而故意增加在陽光下曝曬的時間。

觀念（四）：使用 SPF50+ 防水太陽油後可以長期曝曬而毋須兩度塗搽。

擊破：任何太陽油（不論強度）需要在兩小時後重新塗搽；在游泳、流汗或以毛巾抹身後亦需要重新塗上太陽油。

觀念（五）：太陽油強度越大需要的份量越少。

擊破：要獲得適當的紫外線防護，你需要塗搽適當份量的太陽油。四肢各大約需要至少一茶匙太陽油，身體前後各一茶匙，而頭亦需要一茶匙；合共七茶匙。

(資料來源：sbs.com.au)

【成日問細佬幾時嚟】小豆擔心爹哋唔抱佢

2017-10-20

都好叻女啊﹗

前港姐靚媽麥雅緻日前為張頴康生咗囝囝小花生，一仔一女湊夠一個好字！喺生B前夕，麥雅緻接受周刊專訪，分享陀B兼育兒心得！

雖然有唔少人覺得喺懷孕過程，陀第2胎總係比較輕鬆，不過最令爹哋媽咪頭痛嘅事，莫過於係點樣令家姐或者哥哥接受有新成員嘅加入！麥雅緻本身已經有三歲大嘅囡囡小豆，講到呢件事，佢話：「其實好早俾囡囡知道屋企會多一個成員，用故事書講啲故仔俾佢聽，最初佢都唔知發生乜嘢事，有啲妒忌，成日會問幾時嚟，擔心爹哋唔抱佢，不過慢慢睇到轉變，識得關懷別人，好有大姐姐feel，矣好pound of自己係大姐姐，始終佢仲係好細，所以預咗會有情緒，唔會完全知道同明白成件事，但係你問我，我就會好期待，唔知家姐有乜嘢反應！」

至於教育方面，麥雅緻就話：「我同老公喺教小朋友方面有一個方針，最初喺大女未出世嘅時候，老公係希望我係側重喺教育方面，佢就負責主力陪玩，不過會約法三章，當我教緊女嘅時候，佢唔可以介入，我唔想因為啲教女問題互相指責，喺小朋友面前會有一個唔好嘅影響。」有啲爹哋媽咪話要贏在起線，麥雅緻坦言：「我哋冇特別諗要點樣教，要先睇小朋友嘅性格，再諗係點樣去教一個小朋友！如果呢個方法啱用喺家姐身上，其他細佬妹都得嘅話，我就唔認同，因為個個小朋友都唔一樣，做父母要彈性處理，教育係要調節，唔會信晒一種方法，人係有長處同短處，有啲嘢係可以試，但唔係一定要咁做。」

不過麥雅緻都話：「其實好多爹哋媽咪都好想多啲時間陪啲小朋友傾偈，講梗係好聽，但係邊有咁多時間，朝早8點返工，收工已經好攰，返到屋企又有連串問題要解決，又要幫小朋友溫書，又唔想小朋友太夜瞓搞到第二朝冇精神返學，所以仲邊有心情，好彩我哋兩公婆啲可以協調，變咗有時間可以傾！」對於一對仔女嘅期望，麥雅緻話：「我哋好簡單，只要佢哋開開心心咁生活，發展佢哋嘅興趣，如果香港唔適合，我哋唔介意送佢去其他地方，俾機會佢一展所長，做人唔係剩係為讀書，反而希望佢哋做任何事要堅持，做一個有堅持嘅人！」

至於會唔會抗拒仔女入行，麥雅緻話：「真係要好難唔俾，惟有叫佢哋先讀好啲書，之後想發展咪去試，但係爸爸就話最好唔好，做藝人好辛苦，成績同付出唔係正比，偏向佢哋其他方面發展！」

(蘋果日報)

【曹永廉爆響口】黃翠如：等我問吓柏豪先

2017-10-20

黃翠如同蕭正楠拍咗拖多年，屢傳婚訊，但係兩個當事人都話會發生就會發生！噚日曹永廉喺微博度爆響口話蕭正楠與黃翠如結婚之後，講句說話都唔同過人，結果又搞到唔少人都關注呢件事！

噚晚翠如喺尖沙嘴出席《使徒行者2》慶功宴，大家梗係追問佢呢個問題，翠如話：「我知曹永廉又講咗無謂嘅說話，我會去黐住佢把口。我啲屋企人都冇驚訝，因為知道係曹永廉講，所以佢哋唔相信！」

問到佢係咪結咗婚但係又唔想公開？佢話：「完全冇，呢個係幾好嘅計劃，等我問吓柏豪先，不過o依家仲有未時間，如果呢個真係秘密，俾曹永廉踢爆咗，佢就死梗！」

跟住有唔少人即刻恭喜佢，翠如話：「我希望收到你哋嘅祝福，未有計劃係幾時，你哋幫我Chur吓喇！」之後有人話翠如似乎好恨嫁，佢笑笑口話：「你同女仔講啲咁嘅嘢嘅？」傳媒講到蕭正楠話等緊求婚喎？翠如即刻面紅紅話：「係，我諗吓先！」

之前黃翠如俾人批評話戲屎，但係近排唔少人喺社交平台留言話對佢改觀，三哥仲點名話睇好佢拎視后，搞到佢好感動！翠如話：「要一個人改觀係好困難嘅的事，呢個對我嚟講好感動，希望做好自己就足夠喇！我冇諗過獎項，我係一個好冇自信嘅人，希望慢慢去建立！」

其實三哥除咗點名話睇好翠如外，亦睇好袁偉豪拎視帝，袁偉豪話：「唔係啩？三哥真係好，我真係開心，搞到我聽完之後都好感觸！對我嚟講，有份參與已經好好，我係睇好王浩信！」

(蘋果日報)

【試過一年冇工開】張建聲欠債達幾十萬：爸爸患癌要借錢度日

2017-10-20

藝人張建聲近期憑熱爆網劇《反黑》招積一角，令不少觀眾喪like，廿八歲才入行的他，可謂有心唔怕遲，當年入行後，找到了人生目標，愛上了演戲，由第一部電影開始，便認定自己要走演員的路，他謂：「我覺得一個人無嘢好得過可以有Second Life，呢樣嘢演戲可以畀到我，我可以走入別人嘅人生，同埋我好喜歡留意身邊人，然後再去諗，若果演佢哋，我會點樣做，當我演到同我想像嘅係一樣嘅話，係好有滿足感，我唔係學院派出身，但我對演戲真係好有興趣，呢家我能夠做到自己喜歡嘅工作，又可以叫做養到家，真係可以話夢想成真！將來我都好希望可以去讀演戲，因為我覺得依家出嘅係盲力，想收番細緻啲。」

入行六年，張建聲絕不是一帆風順，張建聲曾經試過足足一年無工開，那段時間，可說是他的「黑暗年」，他謂：「嗰陣冇工開，要賒借度日，再加上爸爸患癌，又要擔心媽媽，個世界真係好灰。（點捱去過？）堅持信念，唔好放棄，盡力去做好自己。（最高峰欠債幾多？）都有幾十萬，醫藥費加生活，公司同朋友都好好，都有係我艱難嘅時候幫過我，將來我有能力，一定會幫番人。（嗰段日子係咪要好慳？）一定，一日用廿蚊，餐餐公仔麵，咁啱嗰陣要增肥拍劇，公司都有資助我增肥，所以都唔會餓親。」

山窮水盡的日子不易捱，還要面對至親離別，令EQ再高的張建聲都曾經一度崩潰，他謂：「記得有一日，知道爸爸已經無任何方法可以醫好個病，我真係接受唔到，曾經一腳踢落醫院張櫈度，覺得無能力去救自己親人，非常無助，之後爸爸凌晨時份走咗，我同媽媽去認屍，我都唔敢叫媽咪入去，我拉開個簾，見到爸爸變咗一個無靈魂嘅身體，嗰一刻好難受，但要忍住自己嘅情緒，先照顧好媽咪，之後一個去搞爸爸嘅身後事，當我做晒所有嘢，返屋企坐低，情緒就即刻爆晒出嚟，激動到打爆咗屋企塊鏡，好崩潰。」

日子再難過，為了家人，為了自己，也要盡力挺過去，張建聲如今總算捱過來，他直言非常感恩，因他的身邊一直有一班好朋友以及好老闆支持他：「老闆蕭定一對我一直都好好，仲有黃柏高，都畀咗好多意見我，當然仲有同我合作過嘅導演，同埋《反黑》台前幕後嘅一班團隊，佢哋個個都好錫我，好感恩。」

（on.cc東網）

【囝囝﹖】47歲鍾麗緹望為老公繼後香燈

2017-10-20

藝人鍾麗緹2016年下嫁內地男星張倫碩，雖然鍾麗緹曾經歷兩段婚姻兼育有三女，但鍾麗緹仍希望為老公繼後香燈。近日有傳今年47歲嘅鍾麗緹再度懷孕，身形發福唔少。鍾麗緹以「NO」向東網否認懷孕傳聞，不過佢亦都喺言語間透露想再做媽媽，她說：「仲未有，可能我喺美國着啲衫鬆身，啲人以為我有咗，未有呀，都想心想事成。」另外，見鍾麗緹喺社交網站上載同朋友去美國沙漠旅行嘅相，見她不時跳起，身形仲好Fit，似乎唔覺佢有咗。

(東方日報)

【郭晶晶想再生第3胎】囡囡中妍半歲大：開始嗯嗯哼哼，但…

2017-10-20

中國前跳水皇后郭晶晶今晚盛裝出席品牌FENDI舉行的《香港PEEKABOO PROJECT作品展揭幕酒會》，她為品牌設計手袋作慈善拍賣。她透露靈感是海洋主題，希望傳遞保護海洋訊息。

她剛度過36歲生日，跟老公霍啟剛二人世界食飯慶祝，囝囝就選了蛋糕及花給她。

囡囡已半歲大，她說：「開始嗯嗯哼哼，但未識叫爸爸媽媽。哥哥想妹妹快點長大，可以一齊玩。」

她覺得照顧小朋友不辛苦，很開心，還想再生，男或女都好。

(明報即時娛樂)

【休息孖陳凱琳去旅行】鄭嘉穎：旅行結婚未必冇機會

2017-10-20

藝人鄭嘉穎、曹敏莉與名媛陳細潔與胞姊劉陳小寶在灣仔出席頒獎活動。曹敏莉雖然是三個小朋友的媽媽，但身材依然弗爆，沒有走樣。

鄭嘉穎近日忙於與古天樂、張智霖等為新片拍攝，日內將煞科，之後他會放假去旅行休息，他說：「今年拍咗三部電影、做咗一個音樂劇、一個真人騷，都係時候休息。（同女友陳凱琳去旅行？）可能啦，佢下半年仲忙過我。（旅行結婚？）今次就唔會。（下次會？）唔知㗎，呢啲假設性問題好難答，未必冇機會嘅，但係今次一定唔會。（有冇結婚計劃？）有再話你聽。」

鄭嘉穎女友陳凱琳成為新一輯炸雞廣告代言人，曾是代言人的鄭嘉穎對於被「搶飯碗」，他笑說：「搶多啲呀，一個做完到第二個。（情侶檔拍廣告？）有適合嘅會考慮，不過貴精不貴多。」

(on.cc東網)

【唔會第五嫁】坦誠有拍拖：無論你幾大都要有愛情　

2017-10-20

曾經歷四段婚姻的著名時裝設計師、芭蕾舞蹈家張天愛，對愛情仍充滿期盼，揚言藝術家愛情觀特別豐富，但明言不會再婚，她說：「我自私，唔想畀婚姻綑綁自由嘅生活！」

瀟灑愛情觀

現主力從事藝術工作，在內地開設舞蹈學校的張天愛（Flora），教導小朋友跳舞，帶給她滿足感：「培育小朋友係我最開心嘅事，冇嘢可以取代，同我一齊嘅Partner要有90%接納我忠於培訓教育呢個理念，所以要做藝術呢行先可以接受到，藝術家愛情好豐富。（依家有拍拖？）有，我覺得人生有愛情係好自然，無論你幾大都要有愛情，但依家唔會再好似18歲時咁，為拍拖、結婚乜都唔理。（會否再婚？）唔會啦！除非有一個好特別嘅原因，可以話我自私，想要有自己嘅空間，結咗婚就冇空間，而且有好多責任要承擔。」

內地開舞蹈學校

Flora在舞蹈界40幾年，早前獲芭蕾舞時裝品牌Repetto邀請，設計一系列芭蕾舞裙及鞋，Flora的設計中有一展覽的舞衣更花了三個多月時間設計，靈感擷取自她鍾愛的70位著名芭蕾舞家。8年前她在內地開學校，由零開始至今學生過千，Flora說：「舞蹈學校發展得好好，但就係少咗啲男仔，今次品牌好支持，捐咗獎學金畀我嘅基金會，畀啲比較貧窮嘅男仔，贊助佢哋，始終舞蹈，特別雙人舞一定要有男仔跳。」

望孫女愛芭蕾舞

Flora希望孫女與她一樣學芭蕾舞：「佢依家先歲幾，要等大啲先，佢好活躍，希望佢會鍾意跳舞。（生意由佢接管？）太遙遠，第時睇吓佢鍾唔鍾意先啦，開學校其實係好辛苦，要好鍾意先可以做到。」

(東方日報)

【回收逾3萬盒貨】四款隱形眼鏡混入異物

2017-10-20

在日本神戶製鋼所的造假風波愈鬧愈大之際，個人護理品牌強生的日本分公司周三（18日）宣布旗下隱形眼鏡品牌ACUVUE，有4種產品出現混入異物等問題，需要回收約3萬盒問題產品。暫未有人在使用產品後受傷的報告。

4款被驗出有問題的產品，分別是1-DAY ACUVUE MOIST每日即棄型隱形眼鏡、ACUVUE OASYS兩周拋棄型隱形眼鏡、ACUVUE ADVANCE兩周拋棄型隱形眼鏡，以及ACUVUE OASYS（散光用）兩星期拋棄型隱形眼鏡。受影響產品在2013年3月至2017年6月期間出貨。

強生方面表示，收到投訴指產品混入異物，於是展開調查。結果發現，因為生產線部分零件損壞，導致產品出現混入了金屬刷毛、保存液品質有瑕疵等問題。強生就事件道歉，又指已設立回收中心，呼籲買了相關產品的人停止使用產品，並與中心方面聯絡。

(on.cc東網)