藝人吳尊因為帶著Max、Neinei上《爸爸去哪兒5》，暖男形象深受歡迎，私底下的他不只寵愛2個小孩，也很疼惜妻子，但他的老婆林麗瑩始終沒有曝光過正臉，近日被拍到一家四口同回酒店，愛妻也難得公開，隨即引起網友熱議。
吳尊日前被拍到現身上海酒店，身穿棒球帽和墨鏡，作風十分低調，合身的黑T恤、搭配卡其色長褲，突顯苦練許久的健身成果，一肩背著軍綠色大背包，一手牽著女兒Neinei，而身後跟著一位身材嬌小纖瘦的老婆。
吳尊老婆留著一頭飄逸長髮，身穿一件黑色連身裙，雖然戴著口罩看不出實際長相，但從她抱著Max的身影看上去，就可以看出保養得宜，絕對不像生過兩個小孩的媽媽。
吳尊一直將老婆保護地很好，一直以來始終秀出正臉，在《爸爸5》就算吳尊和孩子打電話回家，但吳尊基於護妻的立場，從未在節目上曝光老婆。吳尊跟老婆相識是在他16歲時在姊夫牽線下，進而認識、交往，兩人在一起2個月後便到澳洲留學，卻因為過於想念愛人和家人，待不到3個禮拜就回到汶萊，笑說：「那是我人生中哭得最多的時期」。
（Sina)
林俊傑同林志穎向來十分老友，而且林俊傑仲係林志穎大仔Kimi嘅契爺添！
呢日林志穎就喺社交網站上載咗幾張Kimi幫林俊傑畫畫嘅相。
「黑米哥哥說你的頭圖像該換了，我幫你畫一個！」相中可見，Kimi拎住咗部電話，仲用手機嘅App幫林俊傑畫咗幅畫。
林俊傑見契仔咁乖，當然企定定畀佢畫啦！結果，Kimi將林俊傑畫到相當之抽象，講到最神似嘅部分莫過於對眼同眼鏡。
唔少網民都話雖然Kimi畫得抽象，不過都算畫得同林俊傑有幾分相似。
另外亦有人問林俊傑打算幾時將呢幅畫換成頭像添！
（on.cc 東網）
何鴻燊四房兒子何猷君前度嘅新加坡富商愛女林慧俐（Kimmy）喺今年7月誕下一名兒子。
Kimmy並將會喺明年搞婚禮。
日前，Kimmy為囝囝搞咗個豪華百日宴，並廣邀好友出席。
佢喺Instagram上載一段短片，片中見百日宴以遊樂園為主題，仲設有一個小型旋轉木馬畀賓客影相，布置得相當有童話格調。
其中講到最吸睛嘅一定係百日宴上有成近二十個巨型蛋糕出場，仲要款款造型精美，認真誇張！
不過，Kimmy喺片中就話啲Cakes係人哋送嘅，睇嚟佢啲人緣真係好好！
（on.cc 東網）
陳寶珠同廖碧兒今日以「香港乳癌基金會大使」身份，喺山頂出席「乳健同行2017步行籌款」，同場仲有梁漢文太太林文慧（Karen）、歐陽妙芝、李思欣、范振鋒同林盛斌。
已擔任大使3年嘅寶珠姐，透露每年都會檢查身體，每個月亦會自我檢查，問到檢查報告如何？佢話：「keep住ok！」寶珠姐表示閒時會做運動、跳舞同行步行機：「年紀有番咁上下，肌肉會流失，行步行機可以令肌肉結實啲。」2012年被診斷患上乳癌嘅Karen，以過來人身份為活動出力支持。
佢透露現時已過5年，度過危險期，不過凡事都要小心，佢話：「我成日都唔記得要檢查，係醫生打嚟提我，身邊嘅人仲緊張過我。」Karen指0依家經常做運動同跳舞，佢話：「老公捉我一齊跑步，但陪我慢跑，佢笑我好似行Landmark咁。」治療過程係咪好辛苦？佢話：「唔算太辛苦，有老公陪住就好啲，佢真係幾好，如果早起身，佢會同我食嘢，又聽我話，佢係緊張大師。」當初發現患乳癌，係咪好初期？Karen表示：「係2期中。」
(蘋果日報)
官恩娜（Ella）依家佗住第二胎六個幾月，但佢得天獨厚肥肚唔肥身。
日前仲好活躍咁帶大仔BéBé G去參加戲劇表演。
事後佢喺社交網上載兩母子合照，佢用英文留言，大概話帶囝囝參與第一個戲劇表演，演出後嘅午睡時間，BéBé G係咁同佢講：「媽媽帶我去，媽媽帶我去！」
睇相見到着住連身裙嘅Ella腹部明顯隆起，而囝囝就坐喺一條柱上面。
Ella個動作似係想抱起囝囝，不過Ella就留言話囝囝依家對佢嚟講太重。
不過Ella依然好樂意抱個仔去玩，果然係好媽媽！
（on.cc 東網）
夏韶聲即將係10月29號假旺角麥花臣場館，舉行概念大碟《Arrival 2020》專輯音樂會，日前佢喺荃灣通利琴行接受周刊訪問，講到今次音樂會嘅籌備時間係佢入行四十年嚟最急嘅一次：「只係得一個月左右時間去準備，我九月先知道有十月尾呢個期，仲要係朋友幫手。」夏爺堅持要今年舉行係咩原因？佢話：「因為今次呢個係Concert Album，我覺得喺2017年推出，就希望喺今年之內可以舉行到個音樂會。」
夏爺強調今次係音樂會形式並非演唱會，佢話：「演唱會就會唱好多觀眾鍾意聽嘅歌，純粹係一個表演，但我今次只會演繹碟入邊嘅歌，雖然我碟內半隻字都冇提過外星人同UFO，但相信成個意思都不言而喻，話唔定到時『陳仔』都喺樓上睇緊。」
夏爺又透露想喺今年內完成整個Project，原因係佢明年年中會有另外一個重要演出要準備，係咪傳聞中嘅紅館演唱會？但佢就唔肯透露太多，淨係話暫時只專注嚟緊嘅演出。由於只演一場，夏爺強調自己今次分文不收：「搞手都已經租咗個場，仲有台燈音響同埋樂手嘅成本，如果我仲要收錢佢搞唔成㗎啦，我今次亦都唔係為錢，事實上搞得一場行內都知一定蝕錢，但我真係好想做好呢件事。」
入行已經四十年，但夏爺依然滿肚大計，有好多計劃好想實行，佢話：「好似今次呢個演出最主要我只希望拍低啲片段，因為過往都好少片段喺網上，希望今次可以拍低片段畀其他地方嘅人睇返，老實講就算想做巡迴都要有個版畀人睇㗎嘛。」咁係咪真係打算之後會開巡迴演出？夏爺話：「唔知㗎有咪做囉，我入行都40年喇有咩未試過？唯一就未試過做巡演，有時出去表演個個都淨係叫我唱《空凳》，大佬呀《空凳》廿幾年前㗎啦，人要進步㗎。所以我有好多計畫想做，或者第時唔唱歌都未定㗎。」
台灣女星伊能靜是圈中數一數二的「凍齡靚媽」，雖然已是一子一女之母，但依然駐顏有術，更加喜歡不時在微博貼出靚相，這次她更分享自己做運動的照片，不但展示小蠻腰與美臀，健美身材令人艷羨，同場更加有她的女兒小米粒亮相，勁搶媽咪鏡！
伊能靜透露，之前推了不少內地劇集及電影的合作邀請，目的是為了爭取更多時間陪伴家人，而為了保持狀態，不至於因為沒有拍攝工作而導致體形走樣，她更聽從老公秦昊建議，只要一有時間，就會進行簡單運動，保持體態，提到健身心得，她指雖然自己一個月就達到預期的瘦身效果，但她謙稱目前尚在摸索階段，希望找出比較適合自己的飲食餐單及運動量，問到的起心肝健身及養好身體，是否計劃再生小孩？她表示的確很喜歡小孩，雖然年齡已屆48歲，但之後可能還會再生小朋友。
林嘉欣今日喺鑽石山出席「親親小團圓繪本系列發佈會」，呢個繪本係將嘉欣同兩個女兒嘅生活點滴化作充滿童趣小故事，嘉欣亦應邀合唱主題曲《蝦蝦蝦》，相隔13年再次踏入錄音室錄歌，嘉欣笑住話：「好緊張，好似聽番自己嘅留言信箱咁。」有冇令佢諗番以前做歌手嘅回憶？佢話：「又冇喎，因為我完全冇歌癮，就連兩個女都唔知我唱歌，我亦唔想佢哋知，我又唔係唱得好聽，唱歌就留畀真係識唱歌嘅人。」
講到今個月係大女7歲生日，嘉欣表示BBQ同睇動畫慶祝，更指兩個女都有嚟現場，但唔知去咗邊度玩：「因為佢哋有份參與呢個繪本。」現場有播《蝦蝦蝦》，女兒咪知道媽咪係歌手？嘉欣笑笑口咁話：「我諗今晚佢哋會問我。」佢仲大讚兩個女唱歌唱得好過佢，唔知有冇演戲天份？佢話：「小朋友好鍾意角色扮演，佢哋試過扮小紅帽、狼、白雪公主，我有時做下後母賣蘋果，做到家姐幾乎喊，可能我太入戲。」
(蘋果日報)
楊洛婷（Rabee’a）、江若琳（Elanne）、蕭潤邦（Oscar）、袁偉豪、苟芸慧等今日到沙田馬場參與公開活動，今次係Rabee’a自上月中誕下愛女黃子霏（Tanya Faith）後，產後首度復出，佢着上粉紅色裙上陣。
Rabee’a話今朝餵完奶後就出嚟做嘢，佢話開工前先揼定奶儲起，問到奶量夠唔夠？Rabee’a話：「先唔好講奶量，講BB食量先，啱啱滿月大啲嘅佢已經飲3、4個月大BB食量，前晚更破紀錄喺1個多小時內飲咗375毫升，佢已經有3下巴，估計超過10磅，但醫生話可以，唔需要減磅。」
o依家Rabee’a每晚都9點幾瞓，留待老公黃天翱（Tim）負責餵凌晨12點嗰餐奶，Rabee’a自己會喺凌晨4點先起身再餵。
(蘋果日報)
E-kids成員Kasa（郁禮賢）今年7月榮升做爸爸。
太太為他誕下囡囡，日前是囡囡出世100日。
Kasa為囡囡舉行了慶祝活動，他在社交網上載囡囡戴上粉紅頭帶的靚相，見她眼仔睩睩非常可愛。
Kasa還為女兒訂了一個鴨仔蛋糕，他留言：「2017年10月21日，子萱BB今天100日，爸爸媽媽祝你一世快樂、快高長大。」
Kasa並解釋因為早前流感高峰，所以決定當天只是兩家人吃飯，所以未有邀請親朋戚友到場。蛋糕上還有囡囡的英文名Kara，跟爸爸的Kasa只差一個字，果然父女情深。
(on.cc 東網)
