【快啲Check下回收批次】強生回收614盒4款混異物隱形眼鏡

2017-10-21

美國個人護理品牌強生的日本分公司前日(18日)宣布，旗下隱形眼鏡品牌ACUVUE的1-DAY ACUVUE MOIST每日即棄型隱形眼鏡、ACUVUE OASYS兩周拋棄型隱形眼鏡、ACUVUE ADVANCE兩周拋棄型隱形眼鏡，以及ACUVUE OASYS(散光用)兩星期拋棄型隱形眼鏡，出現混入異物等問題，需要在國內回收約3萬盒問題產品。

強生(香港)表示，已主動展開回收少量受影響的ACUVUE隱形眼鏡，又指在港僅有少量614盒出售，涉及6個批次，但至今未收到任何因事件而引起的健康危害事件。

強生(香港)有限公司ACUVUE隱形眼鏡產品查詢熱線職員較早前指，除了ACUVUE ADVANCE兩周拋棄型隱形眼鏡早年已停售外，香港仍有出售1-DAY ACUVUE MOIST每日即棄型隱形眼鏡、ACUVUE OASYS兩周拋棄型隱形眼鏡以及ACUVUE OASYS(散光用)兩星期拋棄型隱形眼鏡。

台灣衞生福利部食品藥物管理署今表示，經清查台灣也有兩款該品牌的產品受到影響，包括ACUVUE OASYS兩周拋棄型隱形眼鏡及ACUVUE MOIST每日即棄型隱形眼鏡，合計有565盒問題產品須立即下架回收。

香港衞生署表示，現正與本地代理商聯絡，以確認受影響批次有否流入香港。

強生(香港)回收的隱形眼鏡批次
1-DAY ACUVUE MOIST(DC 9.0，Power -3.00D)，批次2836840101及2836840102。
ACUVUE OASYS(DC 8.8，Power -4.00D)，批次L002NCS。
ACUVUE ADVANCE(DC 8.7，Power -10.00D)，批次B00DHLP。
ACUVUE OASYS for Astigmatism(DC 8.6，Power -3.50D-0.75/180)，批次B00HRMG。
ACUVUE OASYS for Astigmatism(DC 8.6，Power -6.00D-1.75/170)，批次B00GW4Z。

(on.cc東網)

【一招令仔仔唔再喊！】陳國峰「另類止喊法」：想佢唔喊，你就要…

2017-10-21

陳國峰（Penny）去年同太太黃思雅拉埋天窗，上個月佢仲榮升人父添！

雖然Penny係新手爸爸，不過佢照顧囝囝都有一套心得㗎！

呢日佢就喺社交網上載咗一段抱住「峰之子」嘅片，並留言：「想佢唔喊，你就要喊得勁過佢！不過都係餵奶最實際。」

影片一開始就見到「峰之子」起勢咁喊，Penny見囝囝喊唔停亦都相當無奈。點知「峰之子」喊多兩喊之後，Penny就同囝囝喊埋一份，實行要喊得大聲過佢！

人仔細細嘅「峰之子」見到爸爸喊之後，竟然冇再喊之餘，仲眼定定咁望住爸爸，認真搞笑！

唔少網民都話Penny呢一招另類止喊法認真使得，亦有人問Penny仲有冇其他絕招。

（on.cc 東網）

【已Ready造人】楊怡眼濕濕：馬浚偉封信勝過千言萬語

2017-10-21

藝人楊怡接受馬浚偉主持的電台節目訪問，馬浚偉踢爆對方受訪時一度眼濕濕，楊怡說：「因為提到當日喺內地橫掂拍劇時，爸爸走咗要急住返嚟見佢，之後返番去橫掂繼續拍攝，開酒店房門就收到馬浚偉寫畀我嘅信。（內容好感人？）字裏行間唔多，但勝過千言萬語，佢叫我加油，有咩事佢會喺我身邊。」

楊怡坦言正開始造人計劃，她說：「已經ready，唔會畀太大壓力自己，想輕輕鬆鬆開始。（接工作唔接咁遠？）唔敢計劃太遠，怕到時有咗會得失任何一方同有危險性，自己係一個負責任嘅人。」

身為楊枱「哥哥」的馬浚偉展示腳上的一對波鞋說：「呢對波鞋係羅仲謙送畀我嘅，因為我係楊怡哥哥，佢要送對鞋畀大舅，點知楊怡換咗我條七萬幾蚊金豬吊飾。（好肉赤？）心甘情願，覺得佢帶個豬排好襯。」

楊怡隨即追問馬浚偉婚期說：「你快啲結婚啦。」

(on.cc東網)

【網友問袁偉豪講？！】張寶兒脆弱時被一句話打動

2017-10-21

張寶兒與袁偉豪（Ben）自被踢爆戀情後，二人隨即大方認愛。

Ben亦曾表示唔想錯過對方，好珍惜呢段嘅關係，總之兩個就愛得甜蜜啦！

日前寶兒就喺社交網上載咗一張個人黑白照，並深情表白。

「聽過其中一句最打動我的話，是在脆弱的時候，有人對我說：我在這裡。#沿途有路人 #沿途有朋友 #沿途有同路人 #沿途有知己 #感恩」

嘩！咁sweet嘅說話，唔少網民都留言問係咪Ben講㗎，真係sweet爆！

有網友亦大讚張相影得好有feel，好似Ben平時影開嘅風格添呀！

（on.cc 東網）

【人生有唔同階段】楊千嬅突然爆下年就退休

2017-10-21

C AllStar於紅館舉行首場演唱會，螢幕播出四子大放笑彈的訪問片段，On仔叫隊員在單飛後切忌已讀不回：「仲要畀我發現你在線上，我會煩到你哋覆我為止，煩過女朋友！」釗峰笑Jase身上的毛髮可以修飾一對手，還叫全場大叫一聲「毛毛」。King同樣以Jase為攻擊對象，笑言想看對方教煮食多過唱歌。Jase就大搞爛Gag：「如果嘢食好鹹，就擺低10分鐘，因為時間可以沖淡一切。」令全場爆笑！之後四子與香港合唱新力量唱出陳小春的《犯賤》。

嘉賓楊千嬅身穿黃色長裙出場，與四子合唱《最後的歌》，期間千嬅似乎忘了輪到自己唱，釗峰即時執生。

四子與千嬅擁抱，釗峰即笑言不要弄污千嬅的衣服和化妝，又讚她的打扮像Cinderella。千嬅問他們是否於個唱後分體？他們表示是休團，還搞笑唱「休團從來不易」。

千嬅問：「你哋唔會到我退休都未出番嚟啩？」四子說千嬅不會退休，千嬅卻表示可能下年就退，認為人生有不同階段要發掘和珍惜：「希望唔會第一次做你哋嘉賓就變成最後一次，希望你哋繼續有好嘅作品，唔好等咁耐，希望大家支持。」

C AllStar回應說：「你一日唔退休，我哋一日都繼續唱！」

(on.cc東網)

【好幸福】方媛孖城城激罕晒拖手相放閃

2017-10-21

天王郭富城太太方媛一向係社交網常客，不時都會甫吓靚相同網友分享吓近況，不過自從9月升呢做咗媽咪之後，專心湊女嘅佢可以話完全絕迹網上，好多網民都話想佢快啲「復出」，睇吓佢嘅近況係點。

繼早幾日前方媛坐完月「出關」發咗張單人相之後，凌晨時段方媛再發一張手拖手嘅相放閃滿足網友。

雖然相中嘅男士就擰轉咗面睇唔到樣，加上着住連帽嘅衞衣連頭髮都見唔到，不過從側面睇，呢位男士有胸肌同腹肌，加上拖實方媛隻手，睇怕呢位男士係郭富城都應該走唔甩。

佢哋夜麻麻拖住手等過馬路似係去搵宵夜食，唔少網民睇完都話雖然張相好簡單，不過就充滿幸福咁話。

(on.cc東網)

【周汶錡自認偏心】你估佢錫大仔定細仔多啲﹖

2017-10-20

名模周汶錡（Kathy）出席迎接聖誕節活動，她透露今年聖誕節特別有意義，可以一家四口過，大家在聖誕樹下影全家福，她坦言：「好多時影相都冇我份，我老公唔鍾意揸機影相，話我有要求，怕影得我唔靚，所以多數係我楂機，老公唔鍾意我用手機對住個仔，所以我都係用相機影佢哋。（囝囝有冇模特兒天分？）細仔好有天分，用相機對住佢，佢會追住個鏡頭，唔眨眼，大仔就要我捉住佢影相，影一兩張就走，要同佢講數。（兩個囝囝性格好唔同？）有少少，大仔好識氹人，細仔好有自己個性，唔鍾意就會尖叫。（細仔比較難湊？）知道佢個性格就得，都ok易湊。」

計劃聖誕出埠過節

談到聖誕，Kathy表示很想出埠過節，已計劃農歷新年到法國滑雪：「本來想唔帶細仔，但大仔當年六個月大就出埠，所以我都要公平啲，會帶埋細仔去法國，挑戰吓自己喺雪地上照顧兩個小朋友，依家乜都要公平。（對兩個仔有冇偏心？）我對大仔偏心啲，我個細仔係20號出世，我習慣每個月20號都會上載一張細仔嘅相喺社交網站，呢方面我對大仔做得好足，但細仔有時會skip咗。」

(東方日報)

【鞋子頻發出異味？】5個小秘訣徹底消除異味又防霉！

2017-10-20

一整天把腳包在密不通風的鞋子裡，腳便開始冒汗，回到家如果沒有徹底消除濕氣，鞋子不僅會發出異味還有可能發霉，iStyle整理出5個除臭除濕小秘訣，讓你不用擔心鞋子會飄散異味。

檸檬水
日本生活情報節目「コレ考えた人、天才じゃね！？」指出，檸檬中富含的維他命C可以減少細菌數量，鞋子中的異味也會消失不見。在350毫升自來水中擠半顆檸檬汁，靜置三天後，放入噴霧罐中即可完成。當鞋子有臭味噴一噴放在通風處陰乾，臭味就消散啦！

小蘇打粉
小蘇打粉不僅可以清潔髒汙、洗去蔬果上農藥更可以吸除濕氣與異味。首先準備好一雙舊襪子，接著倒入1／2杯的小蘇打粉，把襪子開口處打結放入鞋子中，隔天起床就可以穿著乾爽無異味的鞋子出門上班。

報紙或衛生紙
異味的源頭就是濕氣，方便取得且吸水性佳的報紙與衛生紙，成了消除臭味最佳小幫手。將報紙、衛生紙揉成一團放入鞋內，就可以降低鞋子發霉、發臭的機率。

餅乾裡的乾燥劑
悶熱夏天容易流腳汗，如果沒有徹底除濕鞋子容易飄散異味。日本生活網站「心と体の健康.com」建議將海苔、餅乾、喜餅盒中的乾燥劑放入鞋子裡幫助除濕，就不用擔心有尷尬的異味。

暖暖包
活性碳具有除臭功能，因此用完的暖暖包別急著丟，只要放入鞋子裡就可以消除鞋子的異味。是不是覺得很方便呢？

(自由昤報)

【防曬好重要】五大錯誤觀念要搞清﹗

2017-10-20

唔關貪唔貪靚事﹗好多研究證明，防曬產品對減低患上皮膚癌。。。
______________________

澳洲癌病協會（Cancer Council Australia）的一項統計發現，只有 55% 澳洲人認同每天使用防曬產品屬於安全。

調查訪問了 3,614 名澳洲人，當中五份一人認為每天使用防曬產品會導致身體吸收維他命 D 不足。

此外，亦有 17% 受訪者認為防曬產品含有對身體造成壞影響的成份。

癌病協會公共健康委員會主席辛克萊（Craig Sinclair）表示，現時已有更多證據證明防曬產品對減低患上皮膚癌的效用。

他明言，對於有不少人仍然對防曬產品存有懷疑的態度，非常關注。

他表示，有三份二澳洲人一生中會被診斷患上皮膚癌，強調防曬產品是必不可少。

他說：「澳洲市面上的防曬產品受澳洲藥品管理局的嚴厲監管，確保所含成份安全且有效。」

他強調，已有大量證據證明防曬產品有助防止皮膚癌及致命率最高的黑色素瘤。

他又表示，有數項調查更顯示，日常生活中使用防曬產品對人體吸收維他命 D 影響輕微。

五個對太陽油的錯誤觀念

觀念（一）：每天使用防曬產品不安全。

擊破：防曬產品手澳洲藥品管理局嚴格監管，確保所含成份安全而且有效。每天使用太陽油不但不會影響身體健康，而在紫外線指數達到 3 或以上的日子，亦應同時配合其他防曬產品使用。

觀念（二）：太陽油會妨礙身體吸收足夠的維他命 D。

擊破：有數項調查更顯示，日常生活中使用防曬產品對人體吸收維他命 D 影響輕微。在夏天，少量的戶外活動已足夠人體吸收所需的維他命 D，例如在午飯時間步行前往商店。對於維他命 D 不足的人士而言，亦不應曬太陽或拒絕使用防曬產品。

觀念（三）：太陽油已提供足夠的防曬功效。

擊破：太陽油應與其他防曬產品或措施同時使用，包括穿著長袖衫褲、在陰涼地方休息，及佩戴太陽帽及太陽眼鏡。太陽油不應被視為防曬「盔甲」，從而故意增加在陽光下曝曬的時間。

觀念（四）：使用 SPF50+ 防水太陽油後可以長期曝曬而毋須兩度塗搽。

擊破：任何太陽油（不論強度）需要在兩小時後重新塗搽；在游泳、流汗或以毛巾抹身後亦需要重新塗上太陽油。

觀念（五）：太陽油強度越大需要的份量越少。

擊破：要獲得適當的紫外線防護，你需要塗搽適當份量的太陽油。四肢各大約需要至少一茶匙太陽油，身體前後各一茶匙，而頭亦需要一茶匙；合共七茶匙。

(資料來源：sbs.com.au)

【成日問細佬幾時嚟】小豆擔心爹哋唔抱佢

2017-10-20

都好叻女啊﹗

前港姐靚媽麥雅緻日前為張頴康生咗囝囝小花生，一仔一女湊夠一個好字！喺生B前夕，麥雅緻接受周刊專訪，分享陀B兼育兒心得！

雖然有唔少人覺得喺懷孕過程，陀第2胎總係比較輕鬆，不過最令爹哋媽咪頭痛嘅事，莫過於係點樣令家姐或者哥哥接受有新成員嘅加入！麥雅緻本身已經有三歲大嘅囡囡小豆，講到呢件事，佢話：「其實好早俾囡囡知道屋企會多一個成員，用故事書講啲故仔俾佢聽，最初佢都唔知發生乜嘢事，有啲妒忌，成日會問幾時嚟，擔心爹哋唔抱佢，不過慢慢睇到轉變，識得關懷別人，好有大姐姐feel，矣好pound of自己係大姐姐，始終佢仲係好細，所以預咗會有情緒，唔會完全知道同明白成件事，但係你問我，我就會好期待，唔知家姐有乜嘢反應！」

至於教育方面，麥雅緻就話：「我同老公喺教小朋友方面有一個方針，最初喺大女未出世嘅時候，老公係希望我係側重喺教育方面，佢就負責主力陪玩，不過會約法三章，當我教緊女嘅時候，佢唔可以介入，我唔想因為啲教女問題互相指責，喺小朋友面前會有一個唔好嘅影響。」有啲爹哋媽咪話要贏在起線，麥雅緻坦言：「我哋冇特別諗要點樣教，要先睇小朋友嘅性格，再諗係點樣去教一個小朋友！如果呢個方法啱用喺家姐身上，其他細佬妹都得嘅話，我就唔認同，因為個個小朋友都唔一樣，做父母要彈性處理，教育係要調節，唔會信晒一種方法，人係有長處同短處，有啲嘢係可以試，但唔係一定要咁做。」

不過麥雅緻都話：「其實好多爹哋媽咪都好想多啲時間陪啲小朋友傾偈，講梗係好聽，但係邊有咁多時間，朝早8點返工，收工已經好攰，返到屋企又有連串問題要解決，又要幫小朋友溫書，又唔想小朋友太夜瞓搞到第二朝冇精神返學，所以仲邊有心情，好彩我哋兩公婆啲可以協調，變咗有時間可以傾！」對於一對仔女嘅期望，麥雅緻話：「我哋好簡單，只要佢哋開開心心咁生活，發展佢哋嘅興趣，如果香港唔適合，我哋唔介意送佢去其他地方，俾機會佢一展所長，做人唔係剩係為讀書，反而希望佢哋做任何事要堅持，做一個有堅持嘅人！」

至於會唔會抗拒仔女入行，麥雅緻話：「真係要好難唔俾，惟有叫佢哋先讀好啲書，之後想發展咪去試，但係爸爸就話最好唔好，做藝人好辛苦，成績同付出唔係正比，偏向佢哋其他方面發展！」

(蘋果日報)