【苟芸慧曾患抑鬱⋯】陸漢洋冧爆女友：佢直情係我嘅天山雪蓮

2017-12-17

藝人苟芸慧（苟姑娘）與男友陸漢洋出席歌手關心妍有份搞嘅慈善晚宴，陸漢洋話今次除咗買枱支持關心妍之外，亦有份支持關心妍老公楊長智，因為彼此係好朋友。講到關心妍話老公今次有份做咕哩，問到陸漢洋會唔會做埋？他說：「我未得閒，如果有需要我都會做嘅。」

問到陸漢洋有冇接觸過抑鬱症嘅朋友？聽完佢就望住苟姑娘（苟姑娘早年曾患有抑鬱症）話：「其實每個人都有心情好同唔好嘅時候，我自己都有試過情緒低落，最緊要係嗰刻有朋友支持。（賽車畀到好大壓力你？）都係嘅，自己又新建立車隊，比賽前都有好大壓力。（依家有女朋友係咪好好多？）好好多，之前就有抑鬱，依家就有益而冇鬱，係益處個益。（你兩個一齊咗開心好多？）佢直情係我嘅仙丹、天山雪蓮。」

另外，問到苟姑娘當時有抑鬱係咪好影響心情？她說：「係呀，嗰吓好需要人幫手同關心，先唔會令到自己咁差。（男友係咪你嘅仙藥？）佢教識我點樣去宣洩情緒，我就同佢相反，賽車反而令我可以宣洩到情緒。」當問到苟姑娘會唔會搵男友發洩？佢就好甜咁望住男友話：「我邊夠膽喎！」陸漢洋聽完又即刻話：「唔好咁講，一個人唔開心嘅話，真係要適當搵嘢去發洩，例如聽音樂、賽車、跑步同埋做運動等等。」

(on.cc東網)

【郭富城變女兒控！燦笑提愛女Chant開口叫媽媽】

2017-12-17

聖誕享受天倫樂讚囡囡好腳頭

香港天王郭富城今年4月與小他22歲的中國嫩妻方媛步入禮堂，並於9月喜獲一女「Chant」晉升為人父，相當注重隱私的郭富城，對於女兒「Chant」更是相當保護，從未讓愛女公開露面。阿城當爸3個月，已完完全全變了女兒控。

不過今日他出席活動時，天王難得公開提及家人，突然自爆「女兒會叫『媽媽』」向眾人分享內心的喜悅。

城城一講起囡囡Chant就笑不攏嘴。

城城大方笑笑口回應，大讚囡囡眼大得意，或會公開她的照片跟大家分享，更有意將來把生意交給囡囡打理，有女萬事足。

提到近日囡囡Chant的容貌曝光，就算打格仔都見到眼仔睩睩？城城笑笑口說﹕「眼睛好大，好得意，現在3個多月，開始牙牙學語叫『媽』，雖然發音不太純正，但都是好開心的事。」他表示等囡囡再長大一點，他很樂意公開照片跟大家分享

城城亦大讚囡囡雙眼好大。(資料圖片)

更指見到她就像小郭富城一樣

他說﹕「電影拍攝中，我透過太太拍視頻給我看，而聖誕節我應該可以放假，享受天倫樂。我專注事業外，希望品牌生意運作得好的話，將來就交給囡囡接管。」城城承認安排方媛的母親來港照顧兩母女，他認為是一家人，應分要做，又讚囡囡好腳頭，出世不久爸爸就做老闆。

(自由時報)

【彭于晏全英受訪片曝光！　「0停頓」標準美國腔型爆】(有片)

2017-12-17

演員彭于晏近年來發展越來越好，出了長相本身吸睛外，這幾年轉戰電影圈，出演了不少賣座電影作品，演技備受肯定，也是許多少女心中的理想型。日前有網友挖出他過去宣傳電影受訪的片段，他在裡面以全英文回答問題，0停頓超流利口語，讓粉絲都被驚呆了。

▲彭于晏全英受訪片段被翻出。（圖／翻攝彭于晏微博）

▲彭于晏全英受訪片段被翻出。（圖／翻攝彭于晏微博）

近日有網友挖出彭于晏過去宣傳電影《寒戰2》的受訪片段，該段片段也在微博上引起流傳，他在片中先是用中文回答了記者的問題，並表示自己從小非常同劇前輩演員郭富城以及周潤發，因為自己從小看兩人的作品長大。但是在影片的後半段，被問及是不是比較喜歡演反派角色時，他轉換語言以流利英文作答，認為反派角色更能帶給觀眾驚艷的感覺，他在回答期間，全程沒有任何停頓，超溜英文被網友狂讚。

不少粉絲也在底下大讚他說英文非常好聽，「英文超好的」、「這口音也太好聽了吧」，意外引起一陣熱議。事實上，彭于晏雖在台灣出生，但在13歲時就移民到加拿大，隨後還考上了英屬加拿大哥倫比亞大學（UBC），主修經濟學，該家大學也是加拿大前五的名牌大學之一，但是後來他在念到大二暑假外婆過世，他回台奔喪，被導演邀請參加甄選演出偶像劇《愛情白皮書》，才休學正式出道。

▲彭于晏過去受訪的片段被網友挖出。（圖／翻攝「彭于晏吧」微博）

▲彭于晏過去受訪的片段被網友挖出。（圖／翻攝「彭于晏吧」微博）

英文採訪從2分35秒開始

觀看彭于晏受訪片段請點我

【好多謝老公】關心妍感動到喊

2017-12-17

關心妍今晚喺九展舉行「重新站起來」慈善晚宴，筵開60席，身為創辦人嘅佢為求盡善盡美，所以同老公楊長智乜都親力親為。苟芸慧同男友陸漢洋、陸詩韻、許廷鏗等都有出席支持。

關心妍見到晚宴咁成功，佢接受傳媒訪問時都感動落淚，佢話：「心情好難形容，每樣嘢都好感動，幫人係要犧牲，比做演唱會更難，我未試過做一件事辛苦得嚟咁有價值，幫到抑鬱症嘅人。」

關心妍話呢次活動花咗兩、三個月時間籌備，佢話：「本住幫到幾多就幾多，我放低歌手同媽媽身份，希望亦幫到年青人，藝人嘅光應係咁散發出去。我亦好多謝鄧萃雯嚟分享，許廷鏗義演同買枱，出錢出力，碌咗好多人情，60圍賣晒，希望香港多啲愛。」

關心妍大爆老公好幫手，咕喱都肯做：「辛苦佢，屋企人、朋友都放低身份嚟支持，善款會捐畀兩間機構。」關心妍今晚就怕分身乏術，所以冇帶囡囡嚟，佢話：「我同囡囡講咗媽咪去籌錢，佢有應我，唔知佢明唔明，等佢大啲先再參加。」

(蘋果日報)

【婆媳關係一頭煙】囡囡話媽咪曳曳搞到媽媽勁尷尬！

2017-12-17

巨聲幫出身嘅細孖周志康，喺14年同拍拖5年嘅女友Emily(盧芷茵)奉子成婚，雙喜臨門。雖然周志康好少將家事掛喺嘴邊，不過私底下兩公婆真係好恩愛，仲成日喺ig放閃！

周志康經常同老婆喺ig放閃。(ig圖片)

唔單止咁，佢老婆Emily喺ViuTV主持《Girls talk 愛情開箱》，最近有一集嘅話題係講到婆媳關係。

Emma話媽咪曳曳，搞到Emily勁尷尬。(電視cap圖)

Emily話喺呢方面絕對冇問題，因為佢同奶奶相處得好好，讚奶奶基本上婚前婚後一樣咁nice，佢仲話：「試過同老公吵大鑊，嬲到要走出門口，奶奶拉住唔俾我走，跟住仲企埋一邊，話個仔點樣點樣，之後話叫我唔好走，有乜嘢坐得慢慢傾！」之後佢哋仲搵咗個證人，呢個就係囡囡Emma，成班主持人問佢個女媽咪有冇同嫲嫲嗌過交？Emma點點頭之後話：「有，媽咪曳！」結果搞到媽咪勁尷尬喺度笑！

其後周志康接受傳媒訪問，講到太太同媽咪相處融洽，佢話：「我同太太都相處咗9年，佢哋都識咗8年幾，知道佢哋一直相處好好，不過我自己覺得好好彩，婆媳關係好都唔係必然！」Emma年紀小小對住鏡頭一啲都唔怯，睇落又好鬼可愛，唔知佢又有冇計劃生多個B？周志康話：「睇緣分啦，唔係想就有嘅，不過囡囡又真係好可愛！」

講到湊女嘅工作，周志康話：「主持節目對我太太嚟講興趣嚟啫，佢都係久唔久先拍下，所以平時湊女嘅工作主力係我太太，我係做副手，唔使開工就一齊家庭樂！」至於o依家嘅工作，佢就話：「算係不過不失喇，不嬲都係乜都掂吓，拍劇主持唱歌，o依家得閒又會開吓Live唱歌，久唔久唱吓都好開心！」

【Brendan仔就係到⋯】敏之孖杏兒開P賀冬至1歲生日！

2017-12-17

索媽陳敏之個寶貝仔雷子樂（又名雷冬至）過幾日1歲生日，昨日敏之為囝囝搞party提早慶祝，連呢幾日成為新聞人物嘅周家蔚姨姨都特登化個靚妝出門參加。

周家蔚姨姨人影未見，不過有另一位auntie胡杏兒就率先po相，佢同敏之兩面夾攻錫錫超可愛壽星仔雷冬至，不過主角就唔知被啲咩嘢吸引咗視線，好似有啲心不在焉。

胡杏兒句祝福好簡單直接：「子樂，Happy 1st Birthday!!」至於敏之當然都有po吓啲現場實況，淨係蛋糕都最少兩個，幾層高嗰種，現場有唔少寫住CHI LOK嘅佈置，另外，敏之又請咗專門人員返嚟表演娛賓，吸引到大人細路來賓嘅視線，不過主角雷冬至小朋友呢，就喺外傭姐姐臂彎入面接近瞓着狀態，可能真係攰喇……

另外，雖然胡杏兒冇帶埋囝囝出席生日派對，但老公李乘德就喺社交網晒出囝囝啜手指嘅得意相，仲用英文留言，意指：「佢依家終於識得點樣啜手指，當我哋食緊飯嘅時候，突然聽到佢啜手指嘅聲音，真係好可愛，但唔希望成為習慣。」

(蘋果日報)

【囝囝走嚟走去超搞笑】周汶錡孖Jacques出巡

2017-12-17

現年43歲的名模周汶錡（Kathy）與法籍老公Julien育有兩個寶貝兒子Jacques和Avner，大仔Jacques不經不覺已經兩歲多，細仔Avner就約九個月大，肥嘟嘟十分可愛！

日前下午5時半，Kathy撇低老公和細仔，獨自帶住大仔Jacques到銅鑼灣一間超市買餸。向來打扮高貴的她當日一改作風，以眼鏡素顏Look現身，由名模變平民師奶。

為免囝囝走失，Kathy細心地將Jacques放在購物車上的座位全程看管，隨即推住囝囝在超市「遊車河」選購心頭好。

惟兩歲多的Jacques跳跳紮，每當Kathy將貨品放入購物車，他即好奇心發作探頭向下望，又眼仔睩睩周圍望，令Kathy只好急急腳揀選好凍肉、海鮮及蔬果等貨品，便往排隊付款。

不過，剛「解禁」的Jacques活潑好動，不時走來走去，孭住兩大袋戰利品的Kathy狼狽地四圍捉仔，之後雙雙搭𨋢離開。

(on.cc東網)

【腳頭好】郭富城3個幾月囡囡識講嘢…

2017-12-16

52歲郭富城(Aaron)推出有份投資嘅AKFS plus自家護髮品牌，今日喺金鐘舉行發佈會，城城做老闆，心情大靚，除咗做生招牌拍廣告，佢仲對產品好有研究，喺發佈會上同大家分享，城城話：「嘗試從商係人生另一階段，希望用自己嘅經驗推廣品牌，好嘅開始係成功嘅一半。我平時拍戲、演唱會時漂頭髮，都會好傷頭髮，所以護理好重要。」

榮升咗做爸爸嘅城城，今次又做埋老闆，佢笑言囡囡Chant腳頭好，城城仲諗定將品牌搞得成功，日後交捧畀愛女，問到最近囡囡容貌曝光，仲被讚雙眼好大，城城好開心咁話：「係呀，好大隻眼，好得意，3個幾月，o依家識講媽，不過唔係太純正嘅，大家都覺得奇怪，係好開心嘅一件事，自己專注工作，o依家有屬於自己嘅品牌，成功咗就交畀囡囡，爸爸嘅身份要做得更好。」而城城仲話等囡囡大啲就同大家分享囡囡嘅相片，講番今次品牌，除咗家人，連朋友都有受惠，問佢有冇諗過出BB系列？城城話：「好提議，BB用嘅同大人唔同，要研究。」講到聖誕節，城城就話啱啱拍完電影，有幾日假期，可以同家人聚天倫，之後就要為喺上海嘅新年騷做排練。

城城一講起囡囡Chant就笑不攏嘴。

城城創辦護髮品牌。

今日舉行發佈會。

城城亦大讚囡囡雙眼好大。(資料圖片)

(Apple Daily)

【做番正常小朋友】胡杏兒囝囝滿口英文？

2017-12-16

藝人胡杏兒現身歌唱比賽活動，接受訪問時，透露見到小朋友唱歌都令自己歌癮起。問到有冇幫囝囝計劃定入學，杏兒直言雖然有好多朋友畀意見，但自己都需要先了解一下香港嘅教學制度，不過最緊要都係小朋友開心，笑言：「唔係淨係佢辛苦，我都會辛苦，但係佢要識中文，好驚佢滿口英文唔識中文，依家仲有好幾年時間去諗。」

杏兒指同老公想法都好相似，亦唔希望迫到囝囝嘅schedule滿晒，想囝囝可以做番個小朋友玩吓，謂：「我都想屋企有好多嘢畀我學，細個有學唱歌。（會畀囝囝學唱歌？）要睇吓佢有冇天份，如果唔好嘅我都會老實同佢講，但係都會鼓勵佢努力做好啲。」問到現時慣唔慣做媽媽嘅生活，她指自己每日瞓好少都有無窮嘅精力去照顧囝囝，而今年聖誕都會留喺香港同家人度過。

胡杏兒

(ON.CC / Apple Daily)

【最新消息天明現身】：洪天明開腔回應酒店事件

2017-12-16

洪天明日前喺上海蒲夜店後，拖女上酒店房，今日下午兩時半，太太周家蔚離開將軍澳村屋時，表不對老公100%信任，稱係因為飲醉酒，一場誤會。

天明太太周家蔚有因為今次事件唔開心。

相隔一個多小時，洪天明亦由大陸返香港，由司機接載坐七人車返抵，拎住一個大行李入屋內。洪天明同太太同徑一致，都話係「一場誤會」，一口氣講咗兩分鐘。他稱：「唔想回應，全部一場誤會，但近日見讀者及網民抨擊，仲抨擊埋太太就有啲唔開心，以後會更留意自己言行，唔想影響身邊嘅人。

多謝傳媒連日嚟嘅幫忙。」之後佢就攞住行李，由男助手陪同返咗入屋。天明戴住黑超，自動波企定定回應事件。佢話﹕「冇乜特別回應，因為呢件事唔係大家想像咁差嘅嘢，一場誤會囉。但睇到影響都幾大嘅，啲網民已經當咗件事，係嗰種諗法嚟，一定係標題嗰樣嘢啦。

(原本一直雙手插袋，舉起手郁郁兩隻手指)。但真係誤會囉(低一低頭)，我就冇對我太太做出任何背叛嘅嘢，我希望大家….er….最重要我屋企人信心先啦，同埋朋友都好支持。至於網民同讀者，我都理解大家睇新聞會諗出個咁嘅結論，但我希望大家唔好睇表面，就諗出個判斷就去咗死刑，讀者為我太太而出氣，即係喺啲網上面去鬧我嗰啲我理解嘅，因為佢哋可能會戥我太太唔抵，去發洩，但有啲係好離譜嘅說話，甚至乎係鬧埋我太太，鬧埋我屋企人，我希望大家可以三思諗清楚自己講乜先。

天明最後謂：「我再一次多謝傳大家嘅體諒，我見大家其實都辛苦啦，都唔算push得我好犀利。點解我唔想回應，因為覺件事唔係真嘅發生嗰件事，唔係咁壞嘅事情，我覺得唔需要再回應，所以我就冇回應到。今次解釋，講完後唔好再影響我屋企，我都有檢點嘅地方，有地方要去change，向所有關心我，所有朋友交待一聲，講聲『對唔住』。」

(蘋果日報)